Blog

სასტუმრო ბილტმორში მიმდინარე ნაციონალური მოძრაობის ყრილობას პარტიის უკვე ყოფილი თავმჯდომარე ჩაერთო. მიხეილ სააკაშვილმა ყრილობის მონაწილეებს და სტუმრებს მიმართა.

„ჩვენი ამოცანაა, რომ ვაკეთოთ ხალხთან ერთად და ვაკეთოთ ხალხისთვის. ივანიშვილი დაჰპირდა ხალხს 100 ქარხანას და ამის ნაცვლად შეუქმნა ყანდიაშვილი-რამიშვილის ტროლების ფაბრიკა,“-განაცხადა მიხეილ სააკაშვილმა და თანაგუნდელებს მადლობა გადაუხადა საპრეზიდენო არჩევნებზე წარმატებისთვის.

„საქართველო დიდ განსაცდელშია. ყოველი დღე, როდესაც ივანიშვილი აგრძელებს საქართველოს ძარცვას, ყოველი დღე გვაახლოებს საქართველოს განადგურებას და ჩვენი ქვეყნის აღსასრულს. ეს მოჯადოებულ წრე ერთხელ და სამუდამოდ უნდა გაირღვეს. თუ მოვახერხებთ ამის გაკეთებას ერთ კვირაში უნდა გავაკეთოთ, ერთ კვირაში. თუ მოვახერხებთ ამის გაკეთებას ერთ თვეში, უნდა გავაკეთოთ ერთ თვეში. თუ მოვახერხებთ ამის გაკეთებას სამ თვეში, უნდა გავაკეთოთ სამ თვეში. ჩვენ აღარ გვაქვს დასაკარგი დრო,“-განაცხადა მიხელ სააკაშვილმა.

საქართველოს მესამე პრეზიდენტის განცხადებით, ქვეყნის მართვაში მონაწილეობა უნდა მიიღოს თითოეულმა მოქალაქემ. „საქართველოში მოვა ხელისუფლებაში დიდი პატრიოტული ფართო კოალიცია. ეს იქნება ქვეყანა, რომელიც შეძლებს სულ ახალი მეთოდები დანერგოს, მათ შორის პირდაპირი ელექტრონული დემოკრატიები. ყველა ძირითადი გადაწყვეტილება უნდა მივიღოთ თითოეული აქტივისტისგან სმარტფონის მეშვეობით. ყველა ადამიანმა უნდა მიიღოს მონაწილეობა პარტიის მართვაში და ქვეყნის მართვაში როდესაც ქვეყნის მართვა ჩამოერთმევა უწიგნურ ოლიგარქს და გადაეცემა ხალხს,“-განაცხადა მიხელ სააკაშვილმა.

სააკაშვილმა მისი ხელისუფლებაში ყოფნის პერიოდიც შეაფასა. მიხელ სააკაშვილის თქმით, ყველა, ვინც 9-წლიან სისხლიან რეჟიმზე საუბრობს, ის იმეორებს პუტინის სიტყვებს. „ეს 9 წელი იყო არა სისხლიანი 9 წელი, ეს არის რუსული კლიშე და ვინც ამას იმეორებს, ის არის პუტინის გოშია და მონა. პუტინმა ვერ გვაპატია სწორედ ის, რომ ეს იყო ყველაზე წარმატებული 9 წელი საქართველოს მთელს მრავალ საუკუნეების ისტორიაში, თავისი დიდი მიღწევებით და თავისი შეცდომებით, თასი გადამეტებებით. აბა როგორ გინდათ როცა რამე განსაკუთრებულს ქმნით?!,“-განაცხადა მიხეილ სააკაშვილმა.

მიხეილ სააკაშვილმა ყრილობის მონაწილეებს გრიგოლ ვაშაძის მხარდაჭერისკენ მოუწოდა. “მე არ მიშვებენ ჩვენს ქვეყანაში ჩვენი სხვა ლიდერები ციხეშია, დანარჩენები რეპრესიების ქვეშ. ამ პირობებში ჩვენ უნდა ვიყოთ მაქსიმალურად მოქნილები, დიდი მადლობა იმისთვის, რომ საპატიო თავმჯდომარედ ხელახლა მირჩევთ მაგრამ პარტიას სჭირდება თავმჯდომარე და პარტიას სჭირდება გრიგოლ ვაშაძე, რომელიც წესიერების პატრიოტიზმის გამაერთიანებლების სიმბოლო. სამარცხვინოა ეს საქართველოს ხელისუფლებისთვის რომ მიხდება თქვენთვის მომართვა აშშ-დან მაგრამ აქაც არ ვზივართ უქმად და ხელებ ჩამოშვებული. აქაც მუდმივად ვიბრძვი და იმ მომენტში როცა გაჩნდება შესაძლებლობა შემოგიერთდეთ ბრძოლის ველზე საქართველოში, ჩემი გული ძგერს თქვენთან ერთად საქართველოსთვის. შევხვდებით სულ მალე თბილისში,“-განაცხადა მიხელ სააკაშვილმა.

„ევროპულმა საქართველომ“  მარნეულის მერის შუალედურ არჩევნებში პარტიის კანდიდატად აჰმედ იმამყულიევი წარადგინა. იმამყულიევი კანდიდატად პარტიის ლიდერებმა – დავით ბაქრაძემ და გიგი უგულავამ წარადგინეს .ბრიფინგს ევროპული საქართველოს ლიდერი, შალვა შავგულიძეც ესწრებოდა, რომელიც ევროპულისაქართველოს და თავისუფალი  დემოკრატების საერთო კანდიდატია თბილისში, მთაწმინდის შუალედურ არჩევნებში. ბაქრაძემ მოსახლეობას ნოვრუზ ბაირამის დღესასწაული მიულოცა და მშვიდობა და წარმატებები უსურვა. მან ქვეყანაში გაზრდილ სიღარიბეზე, უმუშევრობასა და კრიმინალზე ისაუბრა და განაცხადა, რომ თითოეული არჩევნები ხელისუფლების წინააღმდეგ ბრძოლისთვის უნდა გამოიყენონ. მისი თქმით, ხელისუფლებას არ ესმის ხალხის პრობლემები და გაჭირვება და ის მხოლოდ საკუთარ თავზე ზრუნავს.

აჰმედ იმამყულიევი ამბობს, რომ მარნეულში „ქართული ოცნების“ მმართველობის პერიოდში, არაფერი გაკეთებულა.

“ქართული ოცნება აუცილებლად უნდა დამარცხდეს არა მარტო მარნეულში, არამედ მთელ საქართველოში, სადაც იქნება შუალედური არჩევნები და მარნეულელები ვიქნებით პირველები, ვინც დაამარცხებს დღევანდელ ოლიგარქიულ მმართველობას საქართველოში,“ – განაცხადა იმამყულიევმა.

მარნეულის ყოფილი მერი, თემურ აბაზოვი 13 თებერვალს გადადგა. ის ივნისში მოქალაქის მიმართ დამამცირებელი და არაადამიანური მოპყრობის ბრალდებით დააკავეს. მოგვიანებით გირაოს საფუძველზე გაათავისუფლეს. მისი საქმის განხილვა სასამართლოს ჯერ არ დაუსრულებია. 

შუალედური არჩევნები 19 მაისს გაიმართება.

“ჩვენ ძალიან უსამართლოდ და უკანონოდ ვიქენით გამოძევებული იმ ორგანიზაციიდან, რომელიც შევქმენით ჩვენი ხელით,”- ამ განცხადებას ბიზნესმენი მამუკა ხაზარაძე გადაცემა “ფორბსის კვირაში” აკეთებს და ამბობს, რომ თიბისი ბანკის საკითხი ამოწურულია, თუმცა არ ამოწურულა თემა მის დამფუძნებლებთან, მასთან და ბადრი ჯაფარიძესთან.

ხაზარაძის თქმით, ის ყველა ადგილობრივ და საერთაშორისო სამართლებრივ ბერკეტს გამოიყენებს სიმართლის დასადგენად. ხაზარაძე აცხადებს, რომ ამ საქმესთან მიმართებაში შერჩევითი სამართალია. ხაზარაძე იხსენებს, რომ იანვარში, როდესაც ის დაკითხეს 11 წლის წინანდელ საქმეზე, მან მოსამართლეს სთხოვა, რომ მისი დაკითხვა ყოფილიყო კონფიდენციალური, რისი პირობაც ხაზარაძემ სასმართლოში მიიღო.

ბიზნესმენი განმარტავს, რომ კონფიდენციალურობის დაცვა პოტენციურ ინვესტორებთან ურთიერთობის დაცვის გამო უნდოდა, რადგან 19 იანვარს ისინი 2 დიდ ბანკთან აქციონეროობაზე აწერდნენ ხელს.

“ცოტა ცინიკურია, როცა მაღალი თანამდებობის პირი მე მეუბნება რომ “ანაკლია და ბანკი ვერ დაიცავს მოქალაქეებს და კითხვებს ვერ აარიდებინებს თავს” ძალიან გთხოვთ, ესე ნუ გველაპარაკებით, ჩვენ ვიყავით პირველები, რომლებმაც 10 და 11 წლის წინანდელი დოკუმენტაცია გადავეცით სრულად, როცა კანონით შეგვეძლო 6 წლის შემდგომი დოკუმენტაცია საერთოდ განადგურებული ყოფილიყო, ეს გავაკეთეთ იმიტომ რომ საერთოდ დასამალი არაფერი არ გვაქვს. ყველა იმ ადამიანს, რომელმაც უპასუხისმგებლო განცხადება გააკეთა და ზიანი მოგვაყენა, პოლიტიკოსებზე ვლაპარაკობ და არ დაიცვა არც პრეზუმფცია უდანაშაულობის და ილაპარაკა ზოგ შემთხვევაში ჩვენი დაკითხვის ოქმებიდან ამონარიდებით, კითხვა მაქვს – საიდან იციან მათ პროკურატურის დაკითხვების ოქმები, როცა მე არ მაქვს ამაზე წვდომა. მე ვთხოვე, მათ მითხრეს რომ რა თქმა უდნა ეს კონფიდენციალურია, სწორედ ამ საუბრის მერე 8-9 იანვარს მათ გააკეთეს პრესკონფერენცია. რა იყო მნიშვნელოვანი, რა ითქვა რომ მამუკა ხაზარაძე, ბადრი ჯაფარიძე დაიკითხნენ, მერე რა რომ დავიკითხეთ. იმ განცხადებით, მივიღეთ პირველი დარტყმა 50 მილიონი დოლარის ზარალი ჩვენი ინვესტორების,”-აცხადებს მამუკა ხაზარაძე.

ბიზნესმენი ინტერვიუში სკანდალურ წერილზეც საუბრობს, რომელიც მისი თქმით შინაგან საქმეთა მინისტრისგან მიიღო და სადაც პირდაპირ იყო მითითებული რა უნდა გაეკეთებინა მამუკა ხაზარაძეს. “ჩემი პრინციპი მოყოლის არის ის, რომ ვთქვა ის რაც გადამხდა და ვთქვა სიმართლე რომელიც მე გადამხდა. არანაირი ინტერესი არ მაქვს, რომ ვიღაცას ცილი დავწამო. არც პოლიტიკოსი ვარ, არც დაინტერესებული მხარე რომ თანამდებობა მინდოდეს ვიღაცის და ინტრიგებში ვიყო ჩართული, გამორიცხულია. ვიღაცამ მიიღო ეს შეურაცხყოფად. მე ღირსების შელახვად ჩავთვალე ის, რაც ჩემს თავს ხდებოდა, ამ წერილიანად და ამიტომ ეს ვთქვი…. თუ მას უნდა რომ ეს საქმე ბოლომდე მივიდეს, სასამართლო წესით დაამტკიცოს, რომ არ გამოუგზავნია ეს წერილი. მე სატელევიზიო კინკლაობას აღარ ვაპირებ,”-აცხადებს მამუკა ხაზარაძე.

ქართული ოცნების ყოფილ და მოქმედ წევრებს შორის პოლიტიკური ბრძოლა ახალ, კომპრომატებით ომის ეტაპზე გადავიდა.უმრავლესობიდან წასული ეკა ბესელია ოცნებაში დარჩენილ მდინარაძე–ზარდიაშვილს ბრალდებებს უყენებს და იმ სქემებზე საურობს, რომლითაც ეს ორი ფულს აკეთებდა. შაბათის კურიერთან ინტერვიუში ბესელია მდინარაძე–ზარდიაშვილს ბრალს სდებს კორუფციულ სქემებში მონაწილეობის გამო და ამბობს, რომ რამდენიმე ადამიანის ქმედება კრიმინალურ დაჯგუფებას ემსგავსება და ამას უნდა მიხედოს პარტიის ხელმძღვანელობმ და ბიძინა ივანიშვილმა.

ბესელია კონკრეტულ სქემებსაც ასახელებს, თუმცა ამბოს, რომ ყველაფერს ჯერჯერობით არ მოყვება.

ერთ–ერთი ბრალდება ის არის, რომ რომ წინა ხელისუფლების დროს მდინარაძე–ზარდიაშვილი გამოძიების ეტაპზე მყოფ საქმეებს ერთობლივად აგვარებდნენ. მდინარაძე პროკურატურასთან საპროცესო გარიგებების გაფორმებას უზუნველყოფდა, სასამართლოში კი საქმეებს მისი ოჯახის წევრი, ვანო ზარდიაშვილი ალაგებდა.

ამ ხელისუფლების პირობებში კი ბესელიას თქმით ზარდიაშვილი და მდინარაძე ე.წ. საპარლამენტო ბუღალტერიით იყვნენ დაკავებული. ეკა ბესელია ამბობს, რომ ყველაფერს ჯერჯერობით არ მოყვება, თუმცა ტენდერებსაც ახსენებს,  რომლებიც მისი თქმით კორუფციული სქემის ნაწილი იყო.

“ერთ–ერთი პირველი შოკი მქონდა როცა გავიგე რომ ზარდიაშვილი მდინარაძჯეთან ერთად ე.წ. საპარლამენტო ბუღალტერიით უნად დაკავებულიყო რაც იმას ნიშნავდა, რომ პარლამენტსა და სასამართლოს შორის შუამავლის როლი უნდა შეესრულებინა, თურმე ბევრი ადამიანი მიმართავდა თხოვნით, რომ სასამართლოებში საქმეები მოეგვარებინა, იქ მერიაში, ტენდერებში დააპირეს ხელის ფათური.მე მაშინ ეს საკითხი დავსვი. ივანიშვილსაც ვესაუბრე ამის თაობაზე.“– ამბობს ბესელია და დეტალებში არ ყვება ივანიშვილის რეაქციას, თუმცა როგორც ამბობს, ივანიშვილმა უთხრა, რომ ზარდიაშვილს კობახიძე მფარველობდა.

ბესელიას თქმით ზარდიაშვილი აქამდე თუ სასამართლოდან აგვარებდა საქმეებს ახლა პარლამენტიდან და პოლიტიკური ბერკეტებით მოინდომა მდინარაძესთან ერთად ფულის კეთება.

ბესელიას ბრალდებებს მამუკა მდინარაძე “პოლიტიკური ბრძოლის ბინძურ მეთოდს” უწოდებს.

ქართული ოცნების ფრაქციის ლიდერი ამბობს, რომ ეკა ბესელია კონტრშეტევაზე საკუთარი მოქმედებების დაფარვის მიზნით გადავიდა და ყოფილ თანაგუნდელს მის წინაამღდეგ შეკვეთილი შავი პიარის აგორებაში ადანაშაულებს.

„ეს ადამიანები ცდილობენ, რომ შეკვეთილი სტატიებით და ასეთი ინტერვიუებით რამენაირად გაგვსვარონ. ახლა უკვე ზუსტად ვიცი და ვხვდები, ვინ იყო იმ სტატიების შემკვეთი, 300- ლარიანი და 200-ლარიანი სტატიების შემკვეთი, რომელიც ორი წლის განმავლობაში არ გაჩერებულა ზოგიერთ გამოცემაში. ბესელიას ვორდინგი და ის ვორდინგი ერთმანეთს ერთი ერთში ემთხვევა, როგროც მინიმუმ, საფუძვლიანი ეჭვი ჩნდება. ის, რაც მან ამ დღეების განმავლობაში იკადრა, სამწუხაროდ, ეს არ უკადრებია ნაციონალური მოძრაობის არც ერთ წარმომადგენელს,” – განაცხადა მამუკა მდინარაძემ.

რეგულარულად მეტისმეტად ცხელი ჩაის ან სხვა ცხელი სასმელების სმა საშიშია და შესაძლოა საყლაპავი მილის სიმსივნე გამოიწვიოს. ასეთია მაშტაბური კვლევის შედეგები, რომელშიც 50 000ზე მეტი ადამიანი მონაწილეობდა.

კვლევა ირანის ჩრდილო აღმოსავლეთში ჩატარდა. მეცნიერები 10 წლის მანძილზე აკვირდებოდნენ 45–დან 70 წლის ასაკამდე ქალებს და მამაკაცებს, რომლებიც ცხელ ჩაის სვამდნენ. კვლევის დროს სასმელის ტემპერატურას და მისი მოხმარების რაოდენობას აკონტრლებლნენ, ასევე დროის პერიოდს ადუღებული წყლის ჭიქაში დასხმიდან მის დალევამდე.

მეცნიერები მივიდნენ დასკვნამდე, რომ კვლევის ის მონაწილეები, რომლებიც დღეში მინიმუმ ორ ჭიქა ჩაის სვამდნენ მინიმუმ 60 გრადუსი ტემპერატურით, ორჯერ უფრო მეტად ექვემდებარებოდნენ საყლაპავი მილის კიბოს რისკს, ვიდრე ისინი, ვინც ჩაის გაგრილების შემდეგ მიირთმევდნენ.

მსფოლიოში 50 მილიონზე მეტი ადამიანი იტანჯება ქრონიკული დაავადებებით. ამასთან, ქალები უფრო ხშირად ავადდებიან ისეთი ქრონიკული დაავადებებით, როგორიც არის ართრიტი, ფიბრომიალგია და შაკიკი.

დღეისათვის ტკივილგამაყუჩებელი და ანთებისსაწინააღმდეგო პრეპარატების უმრავლესობა, რომლებსაც ექიმები იყენებენ, ოპიუმს ან სალიცილის მჟავას შეიცავს. ისინი კარგად უმკლავდებიან ტკივილის შეტევებს, თუმცა რთულად ერევიან ქრონიკულ ტკივილებს, რომლებიც თვეობით და ხანდახან წლობით გრძელდება.

მეცნიერების ახალი მონაცემების მიხედვით, მამაკაცებს და ქალებს ტკივილის სინდრომის განსხვავებული ბიოლოგიური მექანიზმები აქვთ , ეს კი იმას ნიშნავს, რომ ისინი სხვადასხვა პრეპარატებზე სხვადასხვაგვარად რეაგირებენ და შესაძლოა ისეთი ანესთეტიკების შექმნა, რომლებიც უშუალოდ პაციენტის სქესის გათვალისწინებით იმოქმედებს.

ბოლო დრომდე ლაბორატორიული კვლევები ახალი ტკივილგამაყუჩებელი პრეპარატების შესაქმნელად ძირითადად მამრობითი სქესის ვირთხებზე და თაგვებზე ტარდებოდა. შესაბამისად, შედეგი დამახინჯებული გამოდიოდა და ბაზარზე ისეთი პრეპარატები ჩნდებოდა, რომლებიც ქალებზე ნაკლებად მოქმედებდა.

ცოტა ხნის წინ ჟურნალ Brain–ში გამოქვეყნდა ტეხასის უნივერსიტეტის მკვლევართა ჯგუფის მიერ დაწერილი სტატია, რომელშიც საუბარია იმაზე, რომ სიგნალები, რომლებიც ქრონიკული ტკივილებისას ქალის და მამაკაცის ზურგის ტვინს მიეწოდება, ერთმანეთისგან განსხვავდება.

გაირკვა, რომ ნევროპათიული ტკივლების სინდრომის მქონე მამაკაცებში უფრო აქტიური უჯრედები მაკროფაგებია, რომლებიც იმუნური სისტემის ნაწილს წარმოადგენენ. ქალებში კი უფრო აქტიური ნეიროპეპტიდებია, ანუ ცილოვანისმაგვარი ნივთიერებები, რომლებსაც ნეირონები გამოყოფს.

მეცნიერების აზრით ეს პირველი მტკიცებულებაა იმისა, რომ ადამიანის ტკივილის თავისებურება მის სქესზეა დამოკიდებული.