Blog

საქართველოში ამერიკის შეერთებული შტატების კონსული ჯენეთ რებერი სმიტების ოჯახის 3 წევრი მკვლელობის საქმეზე მალხაზ კობაურისთვის სამუდამო პატიმრობის შეფარდებას „სამართლიან გადაწყვეტილებად“ აფასებს.

როგორც რებერმა  ჟურნალისტებთან საუბრისას განაცხადა, სმიტების ოჯახის წარმომადგენელი დაკავებულისთვის სწორედ სამუდამო პატიმრობის შეფარდებას ითხოვდა.

„გვსურს მადლობა გადავუხადოთ ნაფიც მსაჯულებს, მოსამართლეს, სასამართლოს, ყველა იმ ხალხს, ვინც ამ საქმეზე მუშაობდა. ძალიან მჭიდროდ ვაკვირდებოდით ამ საქმეს, გვქონდა კომუნიკაცია მსხვერპლთა ოჯახთან. მტკიცებულებები არ ტოვებს სივრცეს რაიმე ეჭვისთვის. სმიტების ოჯახის წევრები სამუდამო სასჯელის გამოტანას უჭერდნენ მხარს. ეს იყო სამართლიანი სასამართლო და სასჯელიც სამართლიანია“, – განაცხადა ამერიკის შეერთებული შტატების კონსულმა.

ხადას ხეობაში სმიტების ოჯახის სამი წევრის მკვლელობასა და ლორა სმიტის გაუპატირების საქმეზე მსჯავრდებულ მალხაზ კობაურს მოსამართლემ უვადო თავისუფლების აღკვეთა მიუსაჯა. მოსამართლის მიერ გამოცხადებულ გადაწყვეტილებას სასამართლო დარბაზში კობაურის ოჯახის მხრიდან  ხმაური მოჰყვა.

მალხაზ კობაურს ნაფიცმა მსაჯულებმა 25 მარტს, 4-საათიანი თათბირის შემდეგ, გამამტყუნებელი ვერდიქტი გამოუტანეს.

გერმანიიდან საქართველოს 78 მოქალაქის დეპორტაცია მოხდა. ისინი სპეციალური რეისით დიუსელდორფიდან საქართველოში  გამოამგზავრეს.ისინი უკვე საქართველოს ტერიტორიაზე იმყოფებიან.  ქვეყანა იმ მოქალაქეებს დაატოვებინეს , რომლებსაც ევროკავშირის ტერიტორიაზე უვიზო რეჟიმის პირობები ჰქონდათ დარღვეული. გერმანიიდან გამოძევებულთა შორის ძირითადად ოჯახები არიან.

სახალხო დამცველის ნინო ლომჯარიას შეფასებით, მთავარმა პროკურორმა პარლამენტში პასუხი უნდა გასცეს პირადი ცხოვრების საქმეებზე არსებულ ყველა შეკითხვას და დადგინდეს  ვინ დგას პირადი ცხოვრების კადრებით შანტაჟის უკან.

ლომჯარიამ დღეს საზოგადოებას მიმართა, რომ პირადი ცხოვრების ჩანაწერების გავრცელება არის დანაშაული და მკაცრად ისჯება, ამიტომ ასეთ ვითარებაში საზოგადოებამ მეტი პასუხისმგებლობა  გამოიჩინოს და ხელი არ შეუწყოს კადრების გავრცელებას.
“მსგავსი ტიპის კადრების გავრცელება არის დანაშაული და საკმაოდ მკაცრ სასჯელს ითვალისწინებს, ამიტომ მოვუწოდებ საზოგადოებას თავი, შეიკავონ მათ შორის სოციალურ ქსელებში ამ ტიპის ინფორმაციის გავრცელებისგან რათა ხელი არ შეუწყონ იმ ჯგუფებს ინტერესებს, ვინც  ამ კადრების გავრცელების უკან დგანან”

“დღესაც პროკურატურის მიმართ გვაქვს კითხვები იმ საქმეებზე, რომელიც წლების წინ გავრცელებულ კადრებს ეხება, დღემდე დაუდგენელია, თუ ვინ იყო ამ კადრების გავრცელების ინიციატორი, ჩვენ მთავარ პროკურორს უნდა მოვთხოვოთ, რომ როცა ის პარლამენტის წინაშე მოხსენებით წარსდგება, დეტალური ინფორმაცია მოგვაწოდოს რა ეტაპზეა საქმის გამოძიება და რა უშლის ხელს იმას, რომ დაადგინონ საიდან და ვისი ინიციატივით ხდება სოციალურ ქსელში ფარული ჩანაწერების ატვირთვა”, – აღნიშნა  ლომჯარიამ.

გორის რაიონულმა სასამართლომ ცოტა ხნის წინ ხადას ხეობაში სმიტების ოჯახის სამი წევრის მკვლელობაში ბრალდებულ მალხაზ კობაურს უვადო თავისუფლების აღკვეთა შეუფარდა.

კობაურს ბრალი სისხლის სამართლის კოდექსის 109-ე მუხლის პირველი ნაწილის „გ“, მე-2 ნაწილის „ბ“, მე-3 ნაწილის „ა“ და „ბ“ ქვეპუნქტებით და 137-ე მუხლის პირველი ნაწილით ჰქონდა წარდგენილი, რაც განზრახ მკვლელობას სხვა დანაშაულის გაადვილებისა და დაფარვის მიზნით, სამი პირის განსაკუთრებული სისასტიკით მკვლელობას, წინასწარი შეცნობით არასრულწლოვნის მიმართ მკვლელობასა და გაუპატიურებას გულისხმობს.

25 მარტს ნაფიცმა მსაჯულებმა ერთსულოვანი გადაწყვეტილება მიიღეს და  მალხაზ კობაური დამნაშავედ  ყველა წარდგენილ ბრალდებაში ცნეს.

ეკა ბესელიას პირადი ცხოვრების ამსახველი კადრების გასაჯაროების ფაქტზე ერთი პირია დაკავებული. ამის შესახებ შინაგან საქმეთა მინისტრის მოადგილემ ნათია მეზვრიშვილმა  განაცხადა. მეზვრიშვილის განმარტებით, დაკავებული პირი არასრულწლოვანია. სამინისტროს ცნობით, ამ ეტაპზე პირადი ცხოვრების ამსახველი კადრების ინტერნეტსივრცეში კიდევ ერთხელ გავრცელების შემკვეთი არ იკვეთება,თუმცა გამოძიება გრძელდება.

„ამ ეტაპზე მოვახერხეთ, დავაკავეთ უკვე, მოზარდია დაკავებული. სამწუხაროა, რომ მოზარდია დაკავებული. დეტალებს ბევრს ვერ გეტყვით ახლა იმიტომ, რომ მიმდინარე პროცესია. სხვა საგამოძიებო მოქმედებებსაც ვატარებთ და ალბათ, რომ დასრულდება შეხვედრა უფრო მეტი დეტალის თქმის შესაძლებლობა მომეცემა. მოზარდია დაკავებული, მის მიერ არის ეს ვიდეო ატვირთული. როგორც ჩემთვის ამ ეტაპზე ცნობილია აღიარებს ამ ქმედებს. ინტერესი არანაირი პირადი თემა არ ყოფილა. ჩვეულებრივი რიგითი მოქალაქეა, რომელმაც ეს ვიდეო ატვირთა. ატვირთა იუთუბზე, ამ ეტაპზე ამ ნაწილში შემკვეთი არ იკვეთება,“- განაცხადა მეზვრიშვილმა.

დეპუტატის პირადი ცხოვრების ამსახველი კადრები  ინტერნეტსივრცეში კვლავ  გავრცელდა. გაზეთ „ქრონიკა პლუსის“ მთავარმა რედაქტორმა ფარული კადრების შესახებ ინფორმაცია Facebook-ზე მიიღო და მალევე შინაგან საქმეთა სამინისტროს მიმართა.ამ საკითხთან დაკავშირებით იგი დაკითხვაზე იმყოფება.
პირადი ცხოვრების ამსახველი კადრები ასევე აღმოაჩინა “გირჩის” ლიდერმა ზურაბ ჯაფარიძემ.

ქობულია საკუთარი საცხოვრებელი სახლის გაქურდვის ფაქტზე კომენტარს არ აკეთებს.

როგორც მან ჟურნალისტებთან საუბრისას განაცხადა, ეს მისი პირადი ცხოვრებაა და ამ საკითხზე კომენტარის გაკეთება არ სურს.

“თქვენს კითხვაზე ვერ გიპასუხებთ იმიტომ, რომ ეს ჩემს პირად ცხოვრებას ეხება, ჩემი პირადი საკითხია და ამიტომ ვიტოვებ მოქალაქეობრივ უფლებას, რომ ჩემს პირად საკითხზე არ გიპასუხოთ.”- განაცხადა ქობულიამ.

გავრცელებული ინფორმაციით, წყნეთში, ეკონომიკის მინისტრის სახლი გაქურდეს.

ქალაქში ტაქსების ორი კატეგორია იმოძრავებს – A და B ლიცენზიის მქონე ტაქსები. დედაქალაქის მერმა ტაქსების ახალი რეფორმის შესახებ  დღეს გამართულ მთავრობის სხდომაზე  ისაუბრა.

„B კატეგორიის ლიცენზიანტებს არ აქვთ არანაირი ვალდებულება, არც ტაქსის გადაღებვის და არც ტაქსის მანიშნებლების დაყენების. მათ აქვთ საშუალება Taxify და Uber-ის სისტემაში გაერთიანდნენ და ამ სერვისით მოემსახურონ დედაქალაქის მოსახლეობას. რაც შეეხება A კატეგორიის მძღოლებს, მათ აქვთ ვალდებულება ჰყავდეთ თეთრი ავტომობილები, რომელთა გადაღებვის ხარჯებს ჩვენ გავიღებთ და მათ არც ერთი თეთღის გადახდა არ მოუწევთ. მათ უნდა ჰქონდეთ გავლილი ტექდათვალიერება“, – განაცხადა კახა კალაძემ.

ახალი რეფორმის თანახმად, A კატეგორიის ტაქის მძღოლებისთვის ქალაქში გამოყოფილი იქნება უფასო საპარკინგე ადგილები, ხოლო მძღოლებს შესაძლებლობა ექნებათ მანქანაზე განათავსონ რეკლამები.  რეკლამებიდან შემოსული სრული თანხა  მძღოლს დარჩება.

„ჩვენ ვთქვით, რომ ვაგაკეთებდით, დავამზადებდით სპეციალურ მანათობლებს, რომელიც ასევე უფასოდ გადაეცემა A კატეგორიის მძღოლებს მუნიციპალიტეტისგან. როდესაც მგზავრი იქნება მანქანაში, მანათობელი წითელი ფერის იქნება, როცა მძღოლი თავისუფალია, თეთრი ფერის მანათობელი იქნება. ტენდერში გამარჯვებულია კომპანია „აითიჯი ჯორჯია“, რომელიც ყველასთვის უფასოდ დაამზადებს მანათობლებს“,- განაცხადა კალაძემ.

ელისო კილაძე ამ წუთებში  შინაგან საქმეთა სამინისტროში დაკითხვაზე იმყოფება.
დაკითხვის თემა ეკა ბესელიას პირადი ცხოვრების მასალების ინტერნეტში ხელახალი გავრცელებაა.

”ქრონიკა+”-ის მთავარ რედაქტორს ელისო კილაძეს “ფეისბუქის” ერთ-ერთმა მომხმარებელმაამ კადრების არსებობის შესახებგუშინ ღამე აცნობა, რის შემდეგაც კილაძემ შინაგან საქმეთა სამინისტროს მიმართა და 112 მეშვეობით საპატრულო ეკიპაჟი ქრონიკა +-ის ოფისში გამოიძახა.