Blog

“გავითვალისწინებთ ყველა შენიშვნას ვენეციის კომისიის მხრიდან”- ამის შესახებ საქართველოს პარლამენტის თავმჯდომარემ უზენაესი სასამართლოს მოსამართლეობის კანდიდატთა შერჩევის პროცედურასა და კრიტერიუმებთან დაკავშირებულ კანონპროექტზე საუბრისას განაცხადა.

ირაკლი კობახიძის აზრით, პირველი მოსმენით მიღებული კანონპროექტი  სამართლებრივ პრინციპებს სრულად შეესაბამება.

“ჩვენ მიგვაჩნია, რომ ჩვენს მიერ მომზადებული კანონპროექტი და პირველი მოსმენით მიღებული კანონპროექტი არის სრულ შესაბამისობაში სამართლებრივ პრინციპებთან. უფრო მეტიც, ჩვენ სწორედ ვიხელმძღვანელეთ ევროსაბჭოს საკვანძო რეკომენდაციებით და კონსტიტუციის შესაბამისი პრინციპებით, როდესაც ვამუშავებდით ამ დოკუმენტს და როდესაც შევიმუშავეთ კანონპროექტი. აქედან გამომდინარე, არ ველოდებით რაიმე სერიოზულ შენიშვნებს ვენეციის კომისიის მხრიდან”, – განაცხადა პარლამენტის თავმჯდომარემ.

“ჩვენ გავიზიარებთ ყველა იმ შენიშვნას, რომელიც იქნება გამომდინარე კონსტიტუციის პრინციპებიდან და ზოგადად, ევროსაბჭოს რეკომენდაციებიდან. ამ ჩარჩოებში, რა თქმა უნდა, გავითვალისწინებთ ყველა შენიშვნას ვენეციის კომისიის მხრიდან. გაგრძელდება მუშაობა, საქართველოში ჩამოდიან ვენეციის კომისიის ექსპერტები. შედგება მათი ვიზიტი 1-2 აპრილს და ჩვენ გვექნება, ბუნებრივია, მათთან საუბარი და მათთან შეხვედრა. ამის შემდეგ მომზადდება უკვე საბოლოოდ დასკვნა და ერთად ვიმსჯელებთ ამ დასკვნასთან დაკავშირებით. რაც შეეხება, ზოგადად, დასკვნის გათვალისწინების პრაქტიკულ შესაძლებლობას, გამომდინარე იქიდან, რომ ჩვენ გადავდეთ ორი კვირით, მეორე მოსმენით მიღება, გვაქვს იმის საშუალება, რომ დასკვნა ავსახოთ სათანადოდ მეორე მოსმენით კანონპროექტის მიღებისას”, – განუცხადა ჟურნალისტებს პარლამენტის თავმჯდომარემ.

1-2 აპრილს საქართველოში ვენეციის კომისიის ექსპერტები ჩამოვლენ, რის შემდეგაც კანონპროექტთან დაკავშირებით დასკვნა მომზადდება.

კახა კალაძე ტაქსის მძღოლების  ხმაურიან აქციას გამოეხმაურა და  მძღოლებთან შეხვედრის მზადყოფნა გამოთქვა.

თბილისის მერის, კახა კალაძის განცხადებით,რეფორმის ნებისმიერი პრობლემურ საკითხს მათთან ერთად განიხილავს.

“ტაქსების რეფორმა მნიშვნელოვანია იმ თვალსაზრისით, რომ ეს მიმართულება აუცილებლად უნდა იყოს მოწესრიგებული და პირობას გაძლევთ, რომ იქნება მოწესრიგებული. ასევე მნიშვნელოვანია ის სიკეთეები, რომელიც გათვალისწინებულია ტაქსის მძღოლებისთვის. არ მინდა ეს კონკრეტული საკითხი პოლიტიკურ ჭრილში გადავიტანო, რადგან ამ აქციის ორგანიზატორი პოლიტიკური პარტიაა და თავს შევიკავებ კომენტარისგან. რაც შეეხება ტაქსის მძღოლებს, ვისაც სურვილი აქვს ჩვენთან კომუნიკაციის, არანაირი პრობლემა არც ყოფილა და არც ახლა არსებობს. იყო შეთავაზება, თუ სურვილი გაქვთ, შეგიძლიათ მობრძანდეთ და მათ დასმულ ყველა კითხვას გაეცემოდა შესაბამისი კომპეტენტური პასუხი, კიდევ ერთხელ იქნებოდა ის სიკეთეები ახსნილი, რაც ამ ადამიანება და მათმა ოჯახებმა შეიძლება მიიღონ. შესაბამისად, პოლიტიკური პარტიების მხრიდან ეს ქმედებები და დამოკიდებულება ჩემთვის არ არის მისაღები. რეფორმა მნიშვნელოვანია და საკმარისი დროა იმისთვის, რომ მათ შეძლონ ამის მოგვარება და მოწესრიგება. თუ ამაშიც არის ჩვენი დახმარება საჭირო, დედაქალაქის მერია მზად არის შეხვდეს კეთილსინდისიერ ტაქსის მძღოლებს და გავიაროთ ნებისმიერი პრობლემური საკითხი, რომელიც მათ აწუხებს”, – განაცხადა კალაძემ.

„მიმდინარე თვის ხელფასი უკვე გადაერიცხათ გაფიცულ სოციალურ მუშაკებს, თუმცა მომავალი თვიდან, ალბათ, კითხვის ნიშნის ქვეშ დადგება ხელფასის ანაზღაურება“, -განაცხადა ჯანდაცვის მინისტრის მოადგილემ, თამარ ბარკალაიამ.

“თუ გაფიცვა გაგრძელდება, ავიყვანთ შტატგარეშე კადრებს, რაც ასევე პრობლემების დროებითი გადაწყვეტა იქნება. სწორედ ამიტომ ვიმედოვნებთ, რომ სოციალური მუშაკები სამუშაო რეჟიმში გააგრძელებენ ჩვენთან თანამშრომლობას“, – განაცხადა ბარკალაიამ.

„თუ არ გაჩუმდებიან, მოპასუხის როლიდან ბრალმდებლის როლში გადავალ და ეს ძალიან მძიმე იქნება მათთვის“ – ბესელია ყოფილ თანაპარტიელებს ემუქრება.
.
ქართული ოცნებიდან“ სკანადალურად წასული ეკა ბესელია, ამჯერად უკვე ბიძინა ივანიშვილის მიმართავს და მოუწოდებს, საკუთარ გუნდში  „პატარა, სუსტ კაცებს“ მიხედოს. დეპუტატის განცხადებით, სახიფათოა იმ ჯგუფის ხელისუფლების სათავეში ყოფნა, რომელიც ვერც ფერებს და ვერც ადრესატს არჩევს.

„ესენი იმდენჯერ არიან უკვე პოლიტიკურად ნაცემები, აღარ ვაპირებ ამის გაგრძელებას. პატრონმა მიხედოს“ – აცხადებს ბესელია.

რაც შეეხება პირადი ცხოვრების ამსახველი კადრების კიდევ ერთხელ გავრცელებას, ბესელია შსს-ს და პროკურატურას ერთთვიან ვადას აძლევს და ამ კადრების გავრცელების დამკვეთის და ორგანიზატორის გამოვლენას ითხოვს. „ჩემი თვითმიზანი არ არის პატარა გოგო-ბიჭების ტერორი და ციხეში ჩასმა, ველოდები დამკვეთს და ორგანიზატორს, თუ ერთი თვის ვადაში ამაზე პასუხს ვერ მივიღებ, მე თვითონ დავარქმევ სახელს ამ ყველაფერს, პასუხისმგებლობა გადავა მთლიანად ხელისუფლებაზე“- აცხადებს ეკა ბესელია.

“ისღა დაგვრჩენია, რომ თითოეულმა ჩვენგანმა სხვა ადამიანის პირადი ცხოვრება დავიცვათ” – თეა წულუკიანი პირადი ცხოვრების ამსახველი კადრების გავრცელების თემას ეხმაურება, 

იუსტიციის  მინისტრი ამბობს, რომ არ უნდა იწვევდეს საზოგადოების უკმაყოფილებას ის ფაქტი, რომ გამავრცელებლების დაკავება ხდება და ყველამ უნდა დავიცვათ სხვისი პირადი ცხოვრება.

“პირი ვისზეც ეჭვი არსებობს, რომ ღამით მან გაავრცელა ეს კადრები დაკავებულია. ეს არის დანაშაული და საზოგადოებამაც გაკიცხოს ეს საქციელი იმიტომ, რომ პირადი ცხოვრება არის დაცული ღირებულება, ამას იცავს კონსტიტუცია, ამას იცავს ჩვენი კანონი. ისღა დაგვრჩენია, რომ თითოეულმა ჩვენგანმა სხვა ადამიანის პირადი ცხოვრება დავიცვათ. როდესაც არ ხდება ამის დაცვა ინდივიდების მიერ იქ უკვე ერევა საგამოძიებო ორგანო ხდება დაკავება, ხდება სისხლის სამართლებრივი დევნა და ეს არ უნდა იწვევდეს რაიმე სახის უკმაყოფილებას,”-განაცხადა თეა წულუკიანმა.

პირი ,რომელიც სამართლდამცველებმა გუშინ გვიან ღამით აიყვანეს, სამართალდამცველი უწყების ინფორმაციით, კადრების გავრცელების პირველწყარო იყო. 19 წლის მირიან მჟავანაძე ბათუმთან ახლოს სოფელში აიყვანეს.

გასულ ღამეს ეკა ბესელიას პირადი ცხოვრების ამსახველი კადრების ინტერნეტში გავრცელებაზე დაკავებული პირი სრულწლოვანი აღმოჩნდა, ამის შესახებ ინფორმაციას კურიერი ავრცელებს.

დაკავებული პირი მირიან მჟავანაძეა. ის  ბათუმში აიყვანეს. უცნობია, რა მოტივით გაავრცელა მან ფარული კადრები. დაკავებულის მამა ამბობს, რომ არ იცის, როგორ მოხვდა მის შვილთან დეპუტატის პირადი ცხოვრების ამსახველი ვიდეომასალა და  არც იმის შესახებ აქვს ინფორმაცია, როგორ, ან რა მიზნით გავრცელდა მისი შვილის IP მისამართიდან ფარული ვიდეოკადრები.

დაკავებულის მამა ამბობს, რომ მათ საცხოვრებელ სახლში ჩხრეკა მთელი ღამის განმავლობაში მიმდინარეობდა. მისი თქმით, დაკავებული სრულწლოვანია.

„ჩხრეკა მიმდინარეობდა ჩემს სახლში, მაგრამ ბავშვი იყო ბათუმის ახლომდებარე სოფელში და იქიდან აიყვანეს. ჩვენთან მოვიდნენ, მაგრამ იქ გადავამისამართეთ. რატომ გაავრცელა არ ვიცი, ან საიდან შევიდა მასთან, არ ვიცი. 19 წლისაა ჩემი შვილი, “-ამბობს დაკავებული მჟავანაძის მამა.

როგორც ცნობილია, პირადი ცხოვრების ამსახველი ვიდეო კადრები სოციალურ ქსელში ორი კვირის წინ მირიან მჟავანაძის სახელით აიტვირთა, თუმცა შინაგან საქმეთა სამინისტრომ ინფორმაცია მას შემდეგ მიიღო, რაც ამის შესახებ ჟურნალისტმა ელისო კილაძემ პოლიციას მიმართა. დღეს, შინაგან საქმეთა მინისტრის მოადგილე ნათია მეზვრიშვილმა  განაცხადა, რომ კადრების გავრცელების  საქმეზე დაკავებული მოზარდი იყო.

კომპანია „ყაზბეგი“ რომელიც საქართველოს უძველესი  ლუდის სავაჭრო ნიშანია  “Georgia Capital“-მა  3.65 მილიონ დოლარად იყიდა.  ინფორმაცია  “Global Beer Georgia”-ს გენერალურმა დირექტორმა თორნიკე ნიკოლაიშვილმა დაუდასტურა.

კომპანია “ყაზბეგი 1881 წლიდან არსებობს და საქართველოს ლუდისა და ლიმონათის ბაზარზე 4-5% -იან წილს იკავებს.

“Georgia Capital” -მა ოფიციალური განცხადებაც გაავრცელა:„”Georgia Capital” აცხადებს, რომ საქართველოში, ლუდის მწარმოებელი ყველზე ძველი ქართული კომპანიის „ყაზბეგის“სავაჭრო ნიშანი და კომერციული აქტივები შეიძინა. გარიგების საერთო ღირებულება $3,65 მილიონია. „ყაზბეგი” ბიზნესზე ორიენტირებული სიდიდით მეხუთე მოთამაშეა და ლუდისა და ლიმონათის ბაზრის 4% – 5%-ს ფლობს“, – ნათქვამია “Georgia Capital”-ის განცხადებაში.

ეკა ბესელია პირადი კადრების გავრცელებასთან დაკავშირებით კომენტარს ტვ პირველის ეთერში აკეთებს. ის თვლის, რომ მთავარია კონტექსტი, როცა ამ კადრების გავრცელება ხდებახოლმე. 

“თუ შევხჩედავთ კონტექსტს, კონტექსტი არის ის, რომ ორივე შემთხვევაში ბრძლის ეს აკრძალული მეთოდი გამოყენებული იყო ჩემი გააქტიურების ფონზე.

ვხედავ პერსონალურ შეტევებს უკვე საკუთარი თანაპარტიელების მხრიდან და ეს შემზარავი სურათია. ამ ორ კადრს ახლა რომ ვუყურებ, რა მეთდებით მებრძოდა წინა ხელისუფლება, რომელიც დავასრულეთ 2012 წლის 1 ოქტომბერს და ახლა უკვე ეს პარტია, რომელიც უნდა ყოფილიყო ამ ყველაფრის აღმკვეთი და ყველა დარღვეული უფლების რეაბილიტაციის საფუძველი, ახლა ვხედავ რომ ადამიანები გამოდიან და ასეთ კომენტარებს აკეთებენ და არავინ არის ამის მთქმელი, რომ ეს ადამიანები გააჩუმონ მაინც. “ – ამბობს ბესელია.

(more…)