Blog

“ყოველდღიურად წითელას 15-25 შემთხვევა ფიქსირდება, თუ აცრილთა რაოდენობა 350 ათასს არ მიაღწევს, ინფექცია უკან არ დაიხევს”- ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ პირველი არხის ეთერში ისაუბრა.

ოფიციალური მონაცემებით, წელს ამ ეტაპზე წითელას 3 172 შემთხვევა დადასტურდა.

გამყრელიძის თქმით, ქვეყნის მასშტაბით შემთხვევების ყველაზე მაღალი მაჩვენებელი თბილისში ფიქსირდება, შემდეგ მოდის რეგიონები – იმერეთი, სამეგრელო-ზემო სვანეთი,კახეთი.

„იანვრიდან, ამ წლის განმავლობაში გვაქვს წითელას 3 172 შემთხვევა, რაც მეტია, ვიდრე შარშან მთელი წლის განმავლობაში ანუ წითელას ეპიდაფეთქება ჯერ კიდევ გრძელდება და აცრების გარდა ვერაფერი შეაჩერებს. დღევანდელი მდგომარეობით, გეგმური აცრების გარდა, დამატებით ვაქცინაცია დაახლოებით 118 ათასმა ადამიანმა ჩაიტარა, თუმცა ეს არ არის საკმარისი. ვიდრე აცრილთა რაოდენობა 350 ათასს არ მიაღწევს, ინფექცია უკან არ დაიხევს“, – განაცხადა გამყრელიძემ.

წითელა გადამდები ინფექციაა და 20-დან 40-წლის ასაკობრივ ჯგუფში ვრცელდება.

„წითელას საწინააღმდეგო იმუნიტეტი ბავშვს დედიდან გადაეცემა. თუ დედა აცრილია ან გადატანილი აქვს წითელა, ბავშვი დაბადებიდან პირველი რვა თვის განმავლობაში დაცულია“, – განაცხადა ამირან გამყრელიძემ.

სოციალურ ქსელში ვრცელდება ვიდეოკადრები, განმარტებით, რომ კადრებზე ასახული ვირთხა მაღაზიათა ქსელ “ორი ნაბიჯის“ ფილიალშია გადაღებული. ფეისბუქ გვერდი  “არა მონობას” მუდმივად აქვეყნებს საკუთარი შრომითი პირობებით უკმაყოფილო დასაქმებულების, ძირითადად სხვადასხვა ქსელების კონსულტანტების ანონიმურ სტატუსებს, რომელშიც ისინი დასაქმების ადგილებზე მძიმე პირობებზე და მათი უფლებების დარღვევაზე წერენ. ამჯერად გვერდმა გამოაქვეყნა ვიდეო, რომელიც მათი განცხადებით ვიდეო მომხმარებელმა გაუგზავნა, რომელიც მომხმარებლის ინფორმაციით ვარკეთილში 39 ნომრის გაჩერებასთან არსებულ “ორი ნაბიჯის “ ფილიალშია გადაღებული. “იმის მიუხედავად რომ ვიდეო მძიმე სანახავია მართებულად ვთვლით გამოვაქვეყნოთ და მოვუწოდოთ სურსათის ეროვნული სააგენტო შეამოწმოს აღნიშნული ობიექტი!“ –წერს გვერდი “არა მონობას!“

ტელეკომპანია „რუსთავი 2-თან“ საპროტესტო აქცია იმართება.

აქციას ორგანიზებას უწევს „ზნეობის“ წარმომადგენელი გურამ ფალავანდიშვილი,  „ქართული იდეის“ თავმჯდომარე ლევან ჩაჩუა და  ისტორიკოსი გურამ ქართველიშვილი.

აქცია გუშინ დაანონსდა, ორგანიზატორებმა მხარდამჭერებს სოციალური ქსელით მიმართეს და “რუსთავი 2”-ის ოფისთან მისვლისკენ მოუწოდეს.

„ჩვენ არასდროს არ შევეგუებით ღვთის გმობას და იმ სიბილწეს რაც გადმოიცემა დღევანდელი ტელევიზიებიდან. ღირეული რომ იყოს ხელისუფლება, როგორ უნდა გაბედოს ვინმემ, რომ შენი ეკლესია და სასულიერო დასი შეურაცხყოს, მაგრამ როდესაც თქვენ ვერ იცავთ ერის ღირსებას, მაშინ თითოეული ჩვენგანი არის ვალდებული დავიცვათ ჩვენი ეკლესიის და ერის ღირსება და აუცილებლად უნდა შევიკრიბოთ „რუსთავი 2-ის“ შენობის წინ“,- აცხადებენ აქციის პროგანიზატორები.

ფოტოს ავტორი: ნიკო ნერგაძე, რადიო თავისუფლება

საქართველოს იუსტიციის უმაღლესი საბჭოს მდივანი გიორგი მიქაუტაძე  არ იზიარებს პარლამენტის თავმჯდომარის მოსაზრებას, რომ მოსამართლეთა საკვალიფიკაციო გამოცდები უნდა გაუქმდეს.

მიქაუტაძის თქმით, უზენაესი სასამართლოს მოსამართლეობის მსურველ პირს, გამოცდები ჩაბარებული უნდა ჰქონდეს.

„მე არ დავეთანხმები ამ შემთხვევაში, არც პარლამენტის თავმჯდომარეს, რომელმაც გააჟღერა, რომ მოსამართლეთა საკვალიფიკაციო გამოცდა იქნება ამოღებული და ეს შეთავაზება საქართველოს პარლამენტს, ვინაიდან, იუსტიციის უმაღლეს საბჭოს, აქვს ძალიან ცოტა რესურსი და ინსტრუმენტები იმისთვის, რომ შეაფასოს განსაკუთრებით იმ კანდიდატების კვალიფიკაცია, რომლებიც არ არიან მოსამართლეები. მეორე რეკომენდაციაც არის ვენეციის კომისიის ინტერესთა კონფლიქტზე და ეს ძალიან ახლო ბმაშია ერთმანეთთან და მინდა რომ ყურადღება გაამახვილოთ. რომ ვენეციის კომისია არა ძირითად რეკომენდაციად გვეუბნება, რომ 2/3 კვორუმი შეიძლება იყოს ძალიან მაღალი და ამან ჩიხში შეიყვანოს პროცესი და საქართველოს პარლამენტმა უნდა იფიქროს იმაზე, რომ ეს პროცესი ჩიხში არ შევიდეს და კვორუმის 2/3-მა ის არ გამოიწვიოს, რომ საბოლოო ჯამში ვერ დაინიშნოს მოსამართლეები“ – განაცხადა გიორგი მიქაუტაძემ.

“მგონია, რომ უნდა გავაუქმოთ გამოცდები, სალაპარაკო რომ არ გახდეს”, – განაცხადა პარლამენტის თავმჯდომარემ, ირაკლი კობახიძემ უმრავლესობის სხდომის დასრულების შემდეგ.

„გამოცდის საკითხზე არის რეკომენდაცია, თუმცა აპრიორი არ მოითხოვს ვენეციის კომისია გამოცდის ამოღებას. იქ არის გარკვეული ტექნიკური საკითხი. წერია ერთი მხრივ, რომ უნდა იყოს შერჩეული გამორჩეული კვალიფიკაციის მქონე იურისტი და იქვე წერია გამოცდა. არის რეკომენდაცია, რომ ან ერთი უნდა ეწეროს ან მეორე. აპრიორი არ მოითხოვს გამოცდების ამოღებას. ამაზე გვექნება ხვალ მსჯელობა. მიუხედავად იმის, რომ ვენეციის კომისია არ მოითხოვს გამოცდების გაუქმებას, მაინც მგონია, რომ უნდა ამოვიღოთ, რათა არ გახდეს სალაპარაკო ეს ყველაფერი“ – განაცხადა პარლემენტის თავმჯდომარემ.

„საერთო სასამართლოების შესახებ“ კანონპროექტთან დაკავშირებით ევროსაბჭოს ვენეციის კომისიამ დასკვნა 16 აპრილს გამოაქვეყნა. 

მასში წარმოდგენილ რეკომენდაციებს შორის, ერთ-ერთი სწორედ გამოცდების გაუქმებას ეხება.

გაერთიანებული ოპოზიციის წევრი ბაჩუკი ქარდავა, ზუგდიდში არჩევნების  მოსალოდნელ გაყალბებაზე საუბრობს.  ქარდავამ ბრიფინგი დღეს ყოფილი მე-12 სკოლის ტერიტორიაზე გამართა.

გაერთიანებული ოპოზიციის წევრის განცხადებით, აღნიშნულ ტერიტორიაზე საარჩევნო კომისიის მონაცემებით 100 ამომრჩეველი ცხოვრობს, რეალურად კი სკოლა უკვე 4 წელია აღარ არსებობს, მის ადგილზე კი ამჟამად  ეკლესიის მშენებლობა მიმდინარეობს.

ოპოზიციონერი პოლიტიკოსი ამბობს, რომ ზუგდიდში ხელისუფლება ე.წ. კარუსელებისთვის ემზადება.

„აქ არის 893 ამომრჩეველი რეგისტრირებული და აქედან სადღაც 100-ის ფარგლებში, 50-ზე მეტი ადამიანი ფაქტობრივად არის ყალბად მიწერილი და ეს ადამიანები აქ რეალურ მისამართზე არც ცხოვრობენ და არც ალბათ წლებია უკვე არ გამოჩენილან სიახლოვეს, თუმცა არჩევნების დღეს საოცრად „ქართული ოცნების“ ლიდერების ორგანიზებით ეს ადამიანები ორგანიზებულად მოდიან ხოლმე არჩევნებზე. მე დარწმუნებით შემიძლია გითხრათ, თუმცა ეს ჩემი სუბიექტური მოსაზრებაა, რომ ეს ის ადამიანებია, რომელსაც “კარუსელის” მექანიზმით იყენებს „ქართული ოცნება“ ასეთ მიწერებს,“ – განაცხადა ბაჩუკი ქარდავამ.

გაერთიანებულ ოპოზიციას საოლქო კომისიაში უკვე  უპასუხეს. #67 ზუგდიდის საოლქო საარჩევნო კომისიის თავმჯდომარის განცხადებით,  საარჩევნო სიები 5 მაისამდე გასწორდება.

„მე-12 სკოლა ყოფილი, ეკლესიის ტერიტორია ახლა, არასაცხოვრებელი ფართია და აქ ვინ სად არის მიწერილი ეგ ჩემი კომპეტენცია არ არის. კომპაქტურად დევნილების ჩასახლება მანდ არ არის და ახლა თუ ვინმე კერძო პირის ოჯახში არის და ფიქსირდება და რეგისტრაცია აქვს. ვიცი, რომ სკოლა არ არსებობს და ამისთვის არის ამომრჩეველთა ერთიანი სიები. 5 მაისამდე თუ სადმე რამე ხარვეზი დაფიქსირდება, საუბნო საარჩევნო კომისია ეტაპობრივად აწვდის ოლქს, საოლქო საარჩევნო კომისია იხილავს, ვინმე ამოსაღებია – ამოვიღებთ, ვინმე ჩასასმელია – ჩავსვამთ,“ – განაცხადა მირანდა მესხმა.

ნატო 70 წლის გახდა. როდესაც ალიანსის ისტორიას ვაანალიზებთ და მის მომავალს, შეგვიძლია ვთქვათ, რომ ნატომ საკუთარი მისია შეასრულა. რა მისია აქვს ალიანსს დღეს?

90-იანების შემდეგ რუსეთთან ურთიერთობა შეიცვალა. დასაწყისში ალიანსი ცდილობდა რუსეთთან საერთო ენის გამონახვას, შეიქმნა რუსეთის და ნატოს საბჭო. იმაზეც კი საუბრობდნენ, რომ მოსკოვი ერთ დღეს ალიანსის წევრი შეიძლება გამხდარიყო. დღეს ალიანსს უკეთ ესმის განახლებული რუსული საფრთხე. როგორ შეიცვალა ალიანსის პოლიტიკა რუსეთის პირისპირ და რა არის ნატოს რუსეთის პოლიტიკა დღეს?

რუსეთის საგარეო პოლიტიკაზე როცა ვსაუბრობთ, ბევრი თანმხდება რომ მთავარი მიზანი ნატოს დაყოფა და შერყევაა. როდესაც ვსაუბრობთ რუსეთის საფრთხის აღქმაზე ალიანსის მიერ, ისეთ ქვეყნებს, როგორიც თურქეთი და უნგრეთია, განსხვავებული შეხედულება აქვთ. რამდენად ახერხებს რუსეთი ალიანსის წევრების დაპირისპირების გაღვივებას შიგნიდან?

წყარო: ამერიკის ხმა

თბილისის საკრებულოს „ნაციონალური მოძრაობა“ თბილისის მერს ბიუჯეტის არამიზნობრივ ხარჯვაში ადანაშაულებს. ლევან ხაბეიშვილის ინფორმაციით მერიამ „სითი პარკთან“ პოტენციური საარბიტრაჟო დავის სამართლებრივი რისკების შეფასებისა და შემცირებისთვის იურიდიული კომპანია დაიქირავა, რომელსაც ერთჯერად მომსახურებაში 80 ათას ლარს უხდის. ხაბეიშვილის თქმით, ამ გადაწყვეტილებით დედაქალაქის მერმა ბიუჯეტს კიდევ ერთხელ მიაყენა ზიანი და აღიარა, რომ მერიას კომპეტენტური იურისტები არ ჰყავს.