Blog

კლასიკური ასტროლოგიის მიხედვით სექსუალურ ურთიერთობებზე პასუხისმგებელი პლანეტები მარსი და ვენერა არიან, რომლებიც ქალური და კაცური საწყისის სიმბოლოები არიან. ითვლება, რომ სწორედ ეს ორი პლანეტა და ზოდიაქოს ნიშანთან მათი ურთიერთობა განსაზღვრავს, როგორი უნდა იყოს იდეალური სექსუალური პარტნიორი. ვნახოთ, რომელი ზოდიაქოს ნიშნები ეწყობიან სექსუალრი თვალსაზრისით ერთმანეთს ყველაზე კარგად და რატომ.

ვერძი

შთამბეჭდავი და თვითკმარი ვერძები პლანეტა მარსის მეურვეობის ქვეშ არიან. ეს პლანეტა მათ ემოციურობით, გამარჯვების ჟინით და ძლიერი მგრძნობელობით აჯილდოებს. ამ ადადმიანებს იდეალურად შეეფერება თხის რქა. ამ ორის კავშირში ვერძებს შეუძლიათ საკუთარი სურვილების რეალიზება და სრული სექსუალური ჰარმონიის შეგრძნება. ვნებიანი ვერძები თავს კარგად გრძნობენ ქალწულის ნიშნის წარმომადგენლებთანაც. მათი სიცივე და უკარება ნატურა ვერძების ინტერესს უფრო აღვივებს და შეგრძნებების სხვა დონეზე გადაჰყავს.

კურო

ამ ნიშნის წარმომადგენლები პლატონურ ურთიერთობებს ვერ იტანენ და იშვიათად შეუძლიათ საწინააღმდეგო სქესთან მეგობრული ურთიერთობა. კუროების მგორძნობიარე ნატურა მუდმივ ფიზიკურ კონტაქტს ითხოვს და პარტნიორთან მათ სექსუალურ ინტერესს ინტელექტუალური და სულიერი სიახლოვით გამყარებაც სჭირდება. ვენერა, რომელიც კუროების მფარველია , ღრმა ფსიქოლოგიურ კომფორტს ითხოვს. ამ კომფორტის მოპოვებაში, საკუთარი სურვილების გააზრებაში და სიამოვნების მწვერვალების დაპყრობაში კი კუროებს ყველაზე კარგად კირჩხიბები ეხმარებიან.

ტყუპები

არაერთგვაროვანი, აქტიური და ინტელექტუალური ტყუპები ექსპერიმენტებს აღმერთებენ. ყოველთვის მზად არიან სიახლეებისთვის და საკუთარ სექსუალური პოტენციალის სრულად გახნისთვის. ამ პროცესში კი მისთვის ყველაზე კომფორტული პარტნიორი მშვილდოსანია. ხშირად ჰოროსკოპის ეს ნიშანი სიბრძნით, სიმშვიდით და ერთობლივი ექსპერიმენტებისთვის მზადყოფნით გამოირჩევა. სექსუალურ დონეზე ტყუპები და მშვილდოსანი ჰარმონიას გრძნობენ და ინტუიტიურად ხვდებიან, რა ესიამოვნება პარტნიორს.

კირჩხიბი

სექსუალურ ურთიერთობებში ჰარმონიისთვის კირჩხიბებისთვის ყველაზე მნიშვნელოვანია ნდობა და პარტნიორთან მაქსიმალურად ღრმა ურთიერთობები. ამიტომაც ხშირად ამ ზოდიაქოს ნიშნის წარმომადგენლები იდეალის პოვნას ესწრაფვიან. ადამიანი, რომელიც კირჩხიბის წარმოდგენას შეესაბამება სრულყოფილი მეორე ნახევრის შესახებ მისთვის საუკეთესო სექსუალურ პარტნიორად იქცევა. ასტროლოგიურად მაქსიმალური თავსებადობა კირჩხიბებს წყლის სტიქიის ნიშნებთან – მორიელებთან და თევზებთან აქვთ. ეს ნიშნები ერთმანეთს უჯრედულ დონეზე გრძნობენ და იდენტური წარმოდგენა აქვთ ინტიმურ სიამოვნებაზე.

ლომი

ცეცხლოვანი ლომები მზის შვილები არიან, რომლის სექსუალური მიმართულება პირველ რიგში იმით განისაზღვრება, რასაც ეს პლანეტა განასახიერებს. ასტროლოგიაში ითვლება, რომ მთავარი მანათობელი შემოქმედებითობაზე, სიხარულზე და სულიერებაზეა პასუხისმგებელი, ამიტომაც პარტნიორის შერჩევისას ლომებისთვის მნიშვნელოვანია ისინი ერთ ტალღაზე იყვნენ. სწორედ ურთიერთ ინტერესის საფუძველზე წარმოიქმნება ცეცხლოვანი ვნებები, რომლებიც მღელვარე და ხანგრძლივი რომანის საფუძველი ხდება. ლომისთვის საუკეთესო ინტიმური პარტნიორი მგრძნობიარე და რომანტიული სასწორია, რომელიც მზად არის ლომს დაემორჩილოს და მაქსიმალური სიამოვნება მიანიჭოს. ასევე საინტერესო ემოციური და სექსუალური გამოცდილება იქნება ლომისთვის მშვილდოსანთან და მორიელთან ურთიერთობა.

ქალწული

ცივი და გარეგნულად უკარება ქალწულები ქვეცნობიერად ისეთი პარტნიორის ძებნაში არიან, რომელიც მზად არის ვნებების ცეცხლი დაანთოს და მათ გრძნობების მთელი სპექტრი აჩვენოს. ამიტომაც სექსუალური პარტნიორის შერჩევისას ამ ნიშნის წარმომადგენლებს მაგნიტივით იზიდავს ცეცხლის და ჰაერის ნიშნები. ყველაზე კომფორტული ინტიმური კავშირი მათ სასწორის ნიშნებთან აქვთ. მათთან არანაირ შებოჭილობას არ გრძნობენ და მაქსიმალურ სიამოვნებას იღებენ. სექსუალური პოტენციალის ბოლომდე გამოსავლენად კი ქალწულებს ლომთან ურთიერთობა არ აწყენს. ლომების ემოციური შეტევა ინტიმურ უითიერთობებს განსაკუთრებულ ვნებებს შემატებს.

სასწორი

ამ ზოდიაქოს წარმომადგენლებს ყველაზე მეტად სჭირდებათ გამგებიანი, ლამაზი და დიპლომატიური პარტნიორი, რომელიც მათ ინტერესს მისი პოეტური ნატურით და დანარჩენი სამყაროსგან გამორჩეულობით დაიმსახურებს. ასეთ ადამიანთან სასწორები ყველაფერს ივიწყებენ და სხვა სამყაროში გადადიან, რაც მათ დროდადრო მართლაც სჭირდებათ. სექსუალური თვალსაზრისით სასწორებს ყველაზე მეტად მერწყული და ვერძი შეეფერება. პირველ შემთხვევაში ენერგეტიკული და მგრძნობელობითი თავსებადობის გამო, მეორე შემთხვევაში კი სექსუალური ექსპერიმენტების მიმართ ორმხრივი ინტერესის გამო.

მორიელი

მორიელი ასტროლოგიაში ყველაზე სექსუალურ ნიშნად ითვლება, რადგან ტრადიციულად ცხოვრების ინტიმურ სფეროს განაგებს. ამის წყალობით მორიელები ბევრ ნიშანთან პოულობენ თავსებადობას. მათ ხომ ნებისმიერი ადამიანის სექსუალური პოტენციალის გახსნა და ინტიმური კუთხით მისი ცხოვრების შეცვლა შეუძლიათ. ამ ნიშნის წარმომადგენელთა უმეტესობამ იცის, რომ სწორედ სექსში პოულობენ ადამიანები თავის ნამდვილ “მეს“. ვნებიანი ინტიმური ურთიერთობები მორიელებს ყველაზე კარგად მაინც ცეცხლოვან მშვილდოსნებთან და ლომებთან გამოსდით, სექსუალური აღმოჩენებისა და ღრმა გრძნობების თუ ემოციებისთვის კი კირჩხიბები და ვერძები შეეფერებათ.

მშვილდოსანი

ყოველი მშვილდოსნისთვის მთავარი აღმგზნები ფაქტორი არა პარტნიორის სილამაზე, არამედ მისი ინტელექტია. ამ ნიშნის წარმომადგენლები ძლიერ მიზიდულობას გრძნობენ მათ მიმართ, ვისთანაც სულიერად ბევრი აქვთ საერთო. თუ პარტნიორი ახალი სექსუალური გამოცდილებისთვის მზად არის და არ ცდილობს საკუთარი ინსტიქტების დამალვას, მშვილდოსანი მზად არის პირველი ნაბიჯი გადადგას და ხანგრძლივი ინტიმური ურთიერთობების ინიციატორი იყოს. ყველაზე ხშირად ძლიერი ემოციური კავშირი მათ ლომებთან და ვერძებთან აქვთ. სექსუალური გამოცდილების გასაღრმავებლად და ექსპერიმენტებისთვის კი მორიელი და მერწყული შეეფერებათ.

თხის რქა

დისციპლინირებული და პასუხისმგებლობის გრძნობით აღსავსე თხის რქები სექსუალური ურთიერთობების თვალსაზრისით მომთხოვნები და წუნიები არიან. ამ ნიშნის წარმომადგენლებისთვის მნიშვნელოვანია პარტნიორის მიმართ არა მხოლოდ სექსუალურ ლტოლვას განიცდიდეს, არამედ პატივისცემას, ადამიანურ ინტერესს და ფსიქლოგიურ სიახლოვეს. სექსი ექსპერიმენტების გამო თხის რქას არ აინტერესებს. ისინი ხომ საკუთარ თავს და შინაგან სამყაროს ძალიან აფასებენ. იმის გაგება და შეგრძნება, რა უნდათ ამ ნიშნის წარმომადგენლებს ყველაზე კარგად კუროებს შეუძლიათ, რომლებიც ასევე მიწის სტიქიას განეკუთვნებიან და ინტუიციურად გრძნობენ, რომ თხის რქა უნდა მოინადირო. ემოციური და ინტიმური კავშირი კი ყველაზე კარგად თხის რქას კირჩხიბებთან და თევზებთან ეწყობათ.

მერწყული

ამ ნიშნის წარმომადგენლები ყველაზე მეტად ეძებენ იდეალურ და განსაკუთრებულ პარტნიორს. მერწყულებისთვის მნიშვნელოვანია იმის შეგრძნება, რომ უთიერთობებისას ისინი ადამიანს ბოლომდე ხსნიან დაფარული საიდუმლოსავით. სწორედ ამ პროცესის შედეგად გრძნობს მერწყული ძლიერ სექსუალურ მიზიდულობას. მერწყულებს მაგნიტივით იზიდავს ემოციური ვერძი, რომელსაც ასევე ცვალებადი ხასიათი აქვს და მზად არის ჩხუბი შერიგებით და ვნებიანი სექსით დააგვირგვინოს. მერწყულების განსაკუთრებულ ინტერესს იწვევენ სასწორები და ტყუპებიც, თითქოს აჯადოვებენო, რაც შედეგად ღრმა ინტიმურ კავშირს იწვევს.

თევზები

თევზების სექსუალური პრიორიტეტები მიღებულ სტანდარტებს და წესებს არ შეესაბამება. ამ ნიშნის წარმომადგენლები სწორედ ინტიმურ სფეროში ახერხებენ მათი ქვეცნობიერი სურვილების გახსნას. რომანტიკულ და მსუბუქ თევზებს ყოველთვის იზიდავს ძალაუფლების მოყვარული მორიელი, რომელსაც სიამოვნებით ნებდებიან ფიზიკური სიამოვნების მისაღებად. თევზებს ღრმა ინტიმური თავსებადობა აქვთ მრეწყულებთანაც. სწორედ მერწყულებს შეუძლიათ მათი შინაგანი სამყაროს გახსნა და იმ ყველაფრის გაკეთება, რაზეც თევზები ჩუმად ოცნებობენ.

საქართველოს მოქალაქეები  საფრანგეთის ქალაქ  მონპელიეში გაუსაძლის პირობებში ცხოვრობენ და  ღამეს ღია ცის ქვეშ ათევენ. კადრებს საფრანგეთიდან ტელეკომპანია “რუსთავი 2 ” ავრცელებს.

კადრებში ჩანს რომ ადამიანები პატარა კარვებში ცხოვრობენ მათ  არ აქვთ საპირფარეშო და ჰიგიენური პირობები.

„იმის გამო წამოვედით, რომ ჩემი ძმა სამკურნალოა, საავადმყოფოში წევს. ოპერაცია გაუკეთეს. არ გვაქვს საცხოვრებელი, არ გვეხმარება არავინ. ვართ გარეთ,“- განუცხადა საქართველოს მოქალაქემ „კურიერს“.

ქართველი ემიგრანტების თქმით, მონპელიეში მათ აღარ იღებენ, ამის მიზეზად კი ისინი სალომე ზურაბიშვილის განცხადებებს ასახელებენ და  საქართველოს უსაფრთხო ქვეყნად აღიარებას უკავშირებენ.

მათი თქმით, საქართველოს პრეზიდენტმა აღნიშნა, რომ საქართველოს მოქალაქეებს საზღვარგარეთ პოლიტიკური თავშესაფარის მოთხოვნის საფუძველი არ აქვთ.

„20 დღეა, კარავში ვწევარ, არავინ ყურადღებას არ გვაქცევს. საქართველოში მკურნალობა არ იყო. თუ გაქვს ფული, გადარჩები, თუ არადა მოკვდებიო, აი, ასეთი სიტყვა მომცეს საქართველოში ექიმებმა,“ – განაცხადა ერთ-ერთმა მოქალაქემ.

დისნეიმ პარიზის ღვთისმშობლის ტაძრის აღსადგენად 5 მილიონი დოლარი გაიღო – ამის შესახებ კომპანიამ განცხადება გუშინ გააკეთა.

“პარიზის ღვთისმშობლის ტაძარი იმედისა და მშვენიერების სიმბოლოა, რომელიც საუკუნეების განმავლობაში  პარიზის გულსა და საფრანგეთის სულს განსაზღვრავს,ის  შთამაგონებელი  მაგალითია თავისი ხელოვნებითა და არქიტექტურით ისტორიაში. ჩვენ ვწირავთ  5 მილიონს ამ შედევრის აღდგენაში”, – თქვა დისნეის აღმასრულებელმა დირექტორმა რობერტ იგერმა.

დისნეი ამ გადაწყვეტილებით სხვა კომპანიებს შეურთდა, რომლებმაც ასევე გადარიცხეს ფული ტაძრის აღსადგენად. 

პარიზის ღვთისმშობლის ტაძარი ხანძრის ძლიერი  შედეგად 15 აპრილს დაზიანდა. ხანძრის გაჩენი მიზეზი ჯერჯერობით უცნობია, თუმცა პროკურორის თქმით, ცეცხლის გაჩენა  შემთხვევითობას უკავშირდება.  მეხანძრეებმა  გოთიკური კათედრალის ქვის მთავარი სტრუქტურის, მათ შორის ორი კოშკის გადარჩენა მოახერხეს. 

ამ დროისთვის პარიზის ღვთისმშობლის ტაძრის აღსადგენად დაახლოებით 900 მილიონი დოლარი არის შეწირული.

დისნეის სახელი მჭიდროდ არის დაკავშირებული პარიზის ღვთისმშობლის ტაძართან. დისნეიმ ვიქტორ ჰიუგოს რომანის პარიზის ღვთისმშრობლის ტაძრის მიხედვით 1996 წელს ანიმაციური ფილმი “კვაზიმოდო” გადაიღო.