რუსეთის მთავრობამ აკრძალვა შემოიღო უკრაინაში რუსული ნავთობის და ნავთობპროდუქტების ექსპორტზე, ასევე რუსეთში უკრაინული მანქანათმშენებლობის პროდუქციის შეტანაზე.
პრემიერ მინისტრ დიმიტრი მედვედევის განცხადებით 1 ივნისიდან რუსული ნავთობის, ნახშირის და ნავთობპროდუქტების უკრაინაში გატანა მხოლოდ სპეციალური ნებართველის საფუძველზე იქნება შესაძლებელი.მედვედევის თქმით ეს არის საპასუხო ნაბიჯი სანქციებზე, რომელიც უკრაინის მინისტრთა კაბინეტმა შემოიღო.
“ასეთ პირობებში იძულებულნი ვართ საკუთარი ინტერესები დავიცვათ და საპასუხო ზომები მივიღოთ. ჩვენ ვაფართოებთ იმ უკრაინული პროდუქციის ჩამონათვალს, რომელიც რუსეთში ვეღარ შემოვა. ეს არის მანქანათმეშენებლობის, მსუბუქი მრეწველობის, ლითონდამუშავების პროდუქტები, რომელთა ღირებულებამ გასულ წელს 250 მილიონი დოლარი შეადგინა“ – განაცხადა მედვედევმა.
გამოქვეყნებულ მთავრობის დადგენილებაში ჩამოთვლილია აკრძალული პროდუქტები, რომელთა სიაში მოხვდა ტანსაცმლის და ფეხსაცმლის ზოგიერთი სახეობა, ემალირებული ჭურჭელი და ბულდოზერები.
გასულ კვირას უკრაინულმა ხელისუფლებამ რუსეთის მიმართ სავაჭრო სანქციები გააფართოვა. შავ სიაში სხვა პროდუქტებთან ერთად მოხვდა მაგალითად: ზამბარები სატვირთო ვაგონებისთვის, ელექტრონული აპარატურა სარკინიგზო ავტომატიკისა და კავშირისთვის.
მიუხედავად რეგულარული ურთიერთსანქციებისა რუსეთსა და უკრაინას შორის ტვირთბრუნვა იზრდება.