Blog

ცოტა ხნის წინ იუთუბზე აიტვირთა აუდიოჩანაწერები, რომელზეც მითითებულია, რომ ერთმანეთში საუბრობენ მიხეილ სააკაშვილის ბიძა, თემურ ალასანია და მიხეილ სააკაშვილი, თემურ ალასანია და მისი მეულე, თემურ ალასანია და გიული ალასანია. საუბრები უშუალოდ ოჯახურ საქმეებს და ოჯახის წევრების ურთიერთობებს ეხება. ჩანაწერები Юрiй Зварич –ის იუთუბ არხმა ატვირთა, რომელიც აშკარად ახალი შექმნილია და ერთადერთი ვიდეო აქვს ატვირთული.

სამეგრელოში წინასაარჩევნო კამპანია ხმაურით მიმდინარეობს. ზუგდიდის მუნიციპალიტეტის სოფელ ტყაიაში  დაპირისპირება გაერთიანებული ოპოზიციის კამპანიის მსვლელობისას მოხდა.

ოპოზიციის წევრები აცხადებენ, რომ მოსახლეობასთან შეხვედრების დროს მათთან სამი აქტივისტი მივიდა და პროვოკაცია მოაწყო.

„ნაციონალური მოძრაობის“ ერთ-ერთი ლიდერი ხატია დეკანოიძე აცხადებს, რომ პროვოკაციაში სუსის ზონდერები მონაწილეობდნენ და კონკრეტულ გვარებს ასახელებს, რომლებიც პროვოკაციას გეგმავდნენ.

„ეს ადამიანები ყველაფერზე მხად იყვნენ, რომ პროვოკაციაზე წამოეგოთ ჩემი მეგობრები და ჩვენი გუნდი. ყველა მათგანს აქვს ძალიან მძიმე წარსული, ნასამართლეობა და წარმოადგნენ სუს-ის მიერ ორგანიზებულ დანაშაულებრივ ჯგუფს, რომლებსაც აკოორდინირებს მთლიანად სუს-ი, ირკალი შელია, ზაზა შელია, ვალერი ტიბუა, საბა ფირცხალავა, რობერტ ბენდელიანი. ამ ყველაფერს იქვე ადგილზე აკვირდებოდა და კოორდინაციას უწევდა ბატონი ვახანია, რომელიც არის მერიის თანამშრომელი,“ – განაცხადა ხატია დეკანოიძემ.

პარტია “ქართული ოცნების” გენერალურმა მდივანმა, კახა კალაძემ 6 მაისს პარტიას 50 ათასი ლარი შესწირა. ინფორმაცია მსხვილი შემოწირულობის შესახებ სახელმწიფო აუდიტის სამსახურის ვებ-გვერდზეა განთავსებული.

2012 წლიდან კალაძემ  ქართულ ოცნებას ჯამში 220 ათას ლარზე მეტი გადაურიცხა.

პარიზული მედიის ცნობით, ნეიმარს უკვე გადაწყვეტილი აქვს ზაფხულში გუნდის დატოვება და ის ყველა შემოთავაზებას განიხილავს. ბრაზილიელ სუპერვარსკვლავს პარიზულ გრანდში გადასვლას თავიდანვე უწუნებდნენ და როგორც ჩანს მისი პარიზული მოღვაწეობა დასასრულს მიუახლოვდა.

სიახლე არ არის ისიც, რომ მადრიდის რეალის თავკაცს ზინედინ ზიდანს სწორედ ბრაზილიელი ფორვარდის ხილვა სურს საკუთარ გუნდში და დიდი ალბათობით მადრიდელები ზაფხულში ნეიმარისთვის სერიოზულად იბრძოლებენ.

უთანხმოება ნეიმარსა და კლუბს შორის ჩემპიონთა ლიგიდან გამოვარდნის შემდეგ დაიწყო. ამის შემდეგ უკვე პრესაში აქტიურად დაიწყეს მის შესაძლო წასვლაზე საუბარი. ამას დაემატა საფრანგეთის თასის ფინალში რენთან წაგება და შემდეგში თანაგუნდელთან კონფლიქტიც. სცენარი თითქმის ისეთივეა, როგორიც ბარსელონაში ყოფნისას ბოლო სეზონი იყო. გახსენდებათ ალბათ მაშინაც გუნდის წარუმატებელ სვლას ჩემპიონთა ლიგაზე გუნდელთან უთანხმოება მოჰყვა და საბოლოო ჯამში ბრაზილიელმა კატალონიური კლუბი დატოვა.

ნეიმარი 2017 წლის ზაფხულში გადავიდა პარიზულ კლუბში, მან 57 მატჩში მიიღო მონაწილეობა და 50 გოლი გაიტანა.

საქართველოს მე-3 პრეზიდენტმა მიხეილ სააკაშვილმა აშშ-ში მეგრული ხაჭაპური გამოაცხო.  კადრები სოციალურ ქსელში სააკაშვილის ოფიციალურ გვერდზე გავრცელდა.

“ჩემი პირველი მეგრული ხაჭაპური სხვათაშორის უგემრიელესი გამოვიდა უმაგრეს გოგასთან და მარიამთან ერთად,”-წერს სააკაშვილი სოციალურ ქსელში.

მანამდე კი სააკაშვილმა პენსილვანიაში, ქალაქ მორისვილში  David’s Distillery-ის არყის ქარხანა სახელად “ლაზიკას ჭაჭა” გახსნა.

UFC-ის ქართველმა მებრძოლმა მერაბ დვალიშვილმა რამდენიმე საათის წინ ფეისბუქის საშუალებით მიმართვა გაავრცელა. მერაბი საკუთარ მდგომარეობაზე და მომავალ ოპერაციაზე საუბრობს.

როგორც მოგეხსენებათ, 5 მაისს მან დაუმარცხებელი კანადელი ბრედ კატონა 3 რაუნდიან ორთაბრძოლაში დაამარცხა. აღსანიშნავია ის ფაქტიც, რომ კანადელ მებრძოლს კონორ მაკგრეგორის მწვრთნელი ამზადებდა ამ ორთაბრძოლისთვის.

მერაბ დვალიშვილის თქმით, ეს ოპერაცია უკანასკნელ ბრძოლას არ ეხება და მან ეს დაზიანება რამდენიმე თვის წინ მიიღო.

მთავრობა ცივი იარაღის შესახებ არსებული რეგულაციების გამკაცრების ინიციატივით გამოდის, ამის შესახებ განცხადება პრემიერ-მინისტრმა მამუკა ბახტაძემ გააკეთა.

„ყველა ვთანხმდებით, რომ საზოგადოებრივი უსაფრთხოება და მართლწესრიგის დაცვა თითოეული ჩვენგანის პრიორიტეტია და ბუნებრივია, ჩვენ ამისთვის ყველაფერს ვაკეთებთ. დაგეგმილი გვაქვს რიგი ღონისძიებები და ამას ვაკეთებთ ისე, რომ დაცული იყოს დემოკრატიული სახელმწიფოს მთავარი პრინციპები – ადამიანის უფლებები და თავისუფლება. ჩვენ ვამკაცრებთ ცივ იარაღთან დაკავშირებულ რეგულაციას, რაც ძალიან მნიშვნელოვანი ნაბიჯია. ინიციატივა შინაგან საქმეთა სამინისტრომ მოამზადა.

ბუნებრივია, საუბარია არა მხოლოდ დანაშაულზე რეაქციის გამკაცრებაზე, არამედ პრევენციაზე, ცივი იარაღის უკონტროლო ბრუნვის აღკვეთაზე. ჩვენ მაქსიმალურად დავეყრდენით ევროპული ქვეყნების გამოცდილებას.

საქართველოში დღეს არსებული რეგულაციით, ცივი იარაღით ვაჭრობა შეუძლია ნებისმიერ პირს, ნებისმიერ ადგილას, მათ შორის სკოლების მიმდებარე ტერიტორიაზე და ეს ხდება ფაქტობრივად ყოველგვარი სტანდარტის დაცვის გარეშე. ეს მიუღებელია. ჩვენი რეგულაცია ითვალისწინებს ახალი პრაქტიკის, ახალი რეგულაციების დანერგვას, რომელიც, დარწმუნებული ვარ, საშუალებას მოგვცემს, დავაზღვიოთ ძალიან ბევრი რისკი, რომელიც ზოგადად ცივი იარაღის უკანონო ბრუნვას უკავშირდება“, – განაცხადა მამუკა ბახტაძემ.