Blog

„არანაირი მუხრუჭი აღარ არსებობს. სამკვდრო-სასიცოცხლო ბრძოლაზე გადავიდნენ,“- უგულავა ზუგდიდში განვითარებულ მოვლენებზე

“ევროპული საქართველოს” წევრი გიგი უგულავა “რუსთავი 2” – ის ეთერში, ზუგდიდში განვითარებულ მოვლენებს ეხმაურება. „არანაირი მუხრუჭი აღარ არსებობს. სამკვდრო-სასიცოცხლო ბრძოლაზე გადავიდნენ,“-განაცხადა გიგი უგულავამ გადაცემა “არჩევანში”

„ხელისუფლება ემზადება იმისთვის, რომ არჩევნები არ ჩაატაროს. ის, რაც მეორე ტურში “ქართულმა ოცნებამ” გააკეთა და იკადრა ჩვენ შეიძლება გადაუჭარბებლად ვთქვათ, რომ ვარდების რევოლუციის შემდეგ მეორე ტური იყო ყველაზე ცუდი არჩევნები. ეს უკვე იყო იმის ნიშანი, რომ ხელისუფლება ყოველ მომდევნო არჩევნებს ჩაატარებდა კიდევ უფრო ცუდად და დღეს ამას უკვე ჩვენ ვხედავთ.”- აცხადებს გიგი უგულავა.

როგორც “ევროპული საქართველოს” ლიდერი აცხადებს ხელისუბლეამ საკითხი თვითონ დააყენა ისე რომ თუ “ოცნება” ზუგდიდში წააგებს ის წააგებს ყველგან და ყველაფერს დაკარგავს. ის ასევე ეხმაურება ზუგდიდში ღამით განვითარებულ მოვლენებს როდესაც საოლქო კომისიიდან ამომრჩეველთა სიები გაიტანეს თუმცა მალევე ოპოზიციის ჩარევის შემდეგ უკან დააბრუნეს. უგულავს განცხადების ეს ქმედება მიანიშნებდა იმაზე რომ მათ ძალიან კარგად იციან რომ მათი დრო იწურება და საათები დათვლილია.

May 14, 2019
“ზუგდიდი არის გადამწყვეტი,კადრულობენ იმას რაც არ შეიძლება” – კორძაია ზუგდიდში განვითარებულ მოვლენებზე

რესპუბლიკური პარტიის პოლიტიკური მდივანი თამარ კორძაია ზუგდიდში განვითარებულ მოვლენებს გამოეხმაურა.

“ქართული ოცნების” უკუსვლა დაიწყო პრეზიდენტის არჩევნებიდან და ეს შუალედური არჩევნები არის ამის გაგრძელება და დასასრული იქნება აუცილებლად საპარლამენტო არჩევნები.ზუგდიდი არის გადამწყვეტი. ზუგდიდი იყო ყოველთვის გარდამტეხი ჩვენს ქვეყანაში მოველენების და მათ შორის ზუგდიდის კანდიდატი აწუხებთ. კადრულობენ იმას, რაც არ შეიძლება. ურტყამენ იქ სადაც ეს კანდიდატი იყო ძლიერი. მე მივმართავ ქალებს, რომ შეგიძლიათ მიხვიდეთ და საკუთარი ჯანმრთელობა შეიმოწმოთ და ეს მოხდეს უფასოდ, ეს არის სანდრა რულოვსის დატოვებული პროგრამები, დღესაც მუშაობს ეს. ოპოზიციას ებრძვიან ყველა მეთოდით. ხელისუფლება არის აგონიაში,“-განაცხადა თამარ კორძაიამ.

May 14, 2019
ოთო ნემსაძე ევროვიზიის ფინალში ვერ გადავიდა

თელ–ავივში დღეს ევროვიზიის სიმღერის კონკურსის პირველი ნახევარფინალური შოუ გაიმართა. ოთო ნემსაძე ევროვიზიის მაყურებლის წინაშე მეთერთმეტე ნომრად გამოვიდა და სიმღერა – „სულ წინ იარე“ შეასრულა. თუმცა მან მაყურებლის და ჟიურის მხარდაჭერა ვერ მოიპოვა და ფინალში ვერ გადავიდა.

მეორე ნახევარფინალური შოუ 16 მაისს გაიმართება. ფინალური კონკურსი კი 18 მაისს.

ოთო ნემსაძის გამოსვლის სასცენო დადგმაზე საქართველოს პირველი არხის რეჟისორმა, ირაკლი გოქაძემ და გრაფიკოსმა, ლევან ლორთქიფანიძემ იმუშავეს.

ოთო ნემსაძე ევროვიზიაზე პირველი არხის პროექტ “საქართველოს ვარსკვლავში“ გამარჯვების შედეგად მოხვდა. პროექტი ევროვიზიაზე საქართველოს წარმომადგენლის გამოსავლენად ჩატარდა.

May 14, 2019
“ვარსკვლავური ომების” ტრილოგიას “სამეფო კარის თამაშების” შემქმნელები გადაიღებენ

“ვარსკვლავური ომების” მომდევნო ტრილოგიას “სამეფო კარის თამაშების” შემქმნელები დევიდ ბენიოფი და დენიელ ბრეტ უაისი გადაიღებენ. ამის შესახებ ინფორმაციას “The Verge” ავრცელებს. ისინი ასევე ფილმების პროდიუსერებიც იქნებიან.

რამდენიმე დღის წინ ცნობილი გახდა დისნეის პროექტების გამოსვლის თარიღები, მათ შორის მოხვდა სწორედ ის ტრილოგია რომელსაც “სამეფო კარის თამაშების” შემქმნელები გადაიღებენ. ტრილოგიის პირველი ნაწილი 2022 წლის 16 დეკემბერს გამოვა, მეორე 2024 წლის 20 დეკემბერს ხოლო მესამე ეპიზოდი 2026 წლის 18 დეკემბერს.

ვარსკვლავური ომების დასკვნითი ფილმი, “Star Wars: The Rise of Skywalker” წელს 20 დეკემბერს გამოვა.

May 14, 2019
„ესენი საჩვენებლად უნდა დავამარცხოთ და დავსაჯოთ„ – გვარამია ზუგდიდელებს მიმართავს

ზუგდიდში არჩევნებთან დაკავშირებით განვითარებულ მოვლენებს რუსთავი2–ის დირექტორმა, ნიკა გვარამიამ ფეისბუქ ვიდეო მიუძღვნა. მან მეგრელებს მიმართა და ამ არჩევნებში ქართული ოცნების დამარცხებისკენ მოუწოდა.

“ახლა რაც ხდება სამეგრელოში არის ძალიან დიდი სირცხვილი. ძალიან დიდი დანაშაული ხელისუფლების მხრიდან და უნდა გასამართლდნენ. ის ადამიანები, ვინც გასცემს ბრძანებას ის ადამიანები გადარჩებიან, იმიტომ რომ პოლიტიკური შეთანხმების საგანი იქნება ის. მაგრამ ის ადამიანები, ვინც ასრულებენ ამ ბრძანებას დაისჯებიან სახელმწიფოს სახელით ბანდიტიზმისთვის.

დღეს არჩევნები სანდრასა და ვიღაც უსახელაურ კაცს შორის კი არ მიმდინარეობს, მართლა არავინ რო არ იცის ვინ არის. ჯერ ერთი სირცხვილია, აბსოლუტურად უსახელო კაცი როგორ შეიძლება ზუგდიდის მერი იყოს. რა ჭირთ საერთოდ ზუგდიდელებს ამ მაჟორიტარების არჩევნებში და თუნდაც ადგილობრივ თვითმმართველობაზე. რა ხალხს ირჩევენ. რა ხალხის არჩევაზე მიდის ლაპარაკი.

არ არის დღეს სანდრა რულოვსის არჩევაზე ლაპარაკი სინამდვილეში, მიუხედავად იმისა, რომ როგორც კანდიდატი პატივი უნდა იყოს. მაშტაბური პოლიტიკური ფიგურაა და მაშტაბური განაცხადი გაკეთდა ნაციონალური მოძრაობის, გაერთიანებული ოპოზიციის მხრიდან. სირცხვილია იმაზე ლაპარაკი რომ ქალია, ჰოლანდიელია, სირცხვილია, იმიტომ რომ ჯერ ერთი, ქალი – ეგეთი დიფერენციაცია სამეგრელოში არასოდეს შემიმჩნევია. საქართველოს მოქალაქეა, რომელიც მეგრულად საუბრობს, ისწავლა სპეციალურად მეგრული. ჩემთვის ეს ძალიან მნიშვნელოვანია. ჩემს მეგრულ გულს მალამოდ ეფინება.

მთავარი არც სანდრაა და არც არჩევნებია და არცზუგდიდის მერი. აბსოლუტურად სხვა რამე ხდება სამეგრელოში ეხლა. სამეგრელოშიც, მთაწმინდაზეც, სხვაგანაც.

ეხლა მიმდინარეობს იმის დამტკიცება ამ ყოვლად გათახსირებული მთავრობისთვის, რომ არ ბნელა, რომ ჩალით არ არის ქვეყანა დახურული, რომ არ გვეშინია ეს უნდა დავუმტკიცოთ ამათ და უნდა დავამარცხოთ, საჩვენებლად უნდა დავამარცხოთ და დავსაჯოთ, უნდა დავუმტკიცოთ, რომ მორჩა, თქვენი დრო წავიდა 2020ში ეს მხოლოდ გაფორმდება. “ – ამბობს გვარამია. ვიდეოს ბოლოს მან ზუგდიდელებს მეგრულად მიმართა და ივანიშვილის დამარცხებისკენ მეგრულადაც მოუწოდა.

May 14, 2019
კანის ფესტივალი გაიხსნა.ვინ როგორ გამოიყურებოდა წითელ ხალიჩაზე

კანში უკვე დაიწყო კინოფესტივალი, რომელზეც კინოვარსკვლავებმა, მოდელებმა, მუსიკოსებმა მოიყარეს თავი. ტრადიციულად საფესტივალო პროგრამის გარდა მედიის განხილვის თემა ხდება ვარსკვლავების გარეგნობა და ჩაცმულობა. ვინ როგორ გამოიყურებოდა წელს წითელ ხალიჩაზე:

ერთ–ერთი პირველი წითელ ხალიჩაზე ჯულიანა მური გამოჩნდა დიორის მწვანე კაბაში, რომელიც მის წითურ თმას ძალიან უხდებოდა.

კონგრესების სასახლეში ალბერტა ფერეტის პროვოკაციულ კაბაში მივიდა ევა ლონგორია. კაბა მის ქალურ ფორმებს უსვამდა ხაზს. ატლასი და ღრმა დეკოლტე დახვეწილად და სექსუალურად გამოიყურებოდა. მაკიაჟის ავტორებმა კი გადაწყვიტეს მისი თვალებისთვის გაესვათ ხაზი.

Victoria’s Secret–ის ყოფილი ანგელოზი, მოდელი ალექსანდრა ამბროსიო რალფ & რუსოს ფრიალა კაბაში გამოჩნდა. თეთრი ნახევრად გამჭვირვალე კაბა ბუმბულებით და ბუდუარული სტილით როგორც ჩანს, ახლა ტრენდულია. მაკიაჟის ავტორებმა კი აქცენტი მოდელის ლამაზ და მკაფიო ნაკვეთბზე გააკეთეს. მისი სახე სკულპტურას უფრო გავდა.

სელენა გომესისთვის კანის წლევანდელი ფესტივალი პირველია მის კარიერაში, და პირველი საჯარო გამოჩენაა ოფიციალურ ღონისძიებაზე დეპრესიასთან მძიმე ბრძოლის შემდეგ. სელენა ფესტივალზე წარდგენილ ფილმში “მკვდრები არ კვდებიან“ თამაშობს. წითელი ხალიჩისთვის მან ლუის ვიტონის თეთრი კაბა შეარჩია. მაკიაჟში კი აქცენტი ტუჩებზე გაკეთდა წითელი საცხის გამოყენებით.

ერთ–ერთი პირველი წითელ ხალიჩაზე ფრანგი მოდელი, ფოტოგრაფი და პარიზული სტილის არაოფიციალური სიმბოლო, კაროლინ დე მერგე გამოჩნდა. ღონისძიებისთვის მან შანელის შავ–ოქროსფერი კაბა შეარჩია.

ბრაზილიელ მოდელს, იზაბელ გულარს ეტროს ულამაზეს ზურგმოშიშვლებული კაბა ეცვა, რომელიც მის იდეალურ ფიგურას უსვამდა ხაზს.

წელს კანის ფესტივალზე 21 ფილმია წარდგენილი 13 ქვეყნიდან. თუმცა ამაზე სხვა სტატიებში.

May 14, 2019
ვერ გავიგეთ რას აკეთებს ბრიტანეთი ბრექსიტზე, მათ დატოვებულ ადგილს სიამოვნებით დავიკავებდით-სალომე ზურაბიშვილი ევრონიუსზე

საქართველოს პრეზიდენტმა სალომე ზურაბიშვილმა ევრონიუსთან ინტერვიუში განაცხადა, რომ ევროკავშირში დიდი ბრიტანეთის ადგილს სიამოვნებით დაიკავებს საქართველო.

“ერთი რამ, რაც ჩვენ არ გვესმის, არის ის თუ რას აკეთებს დიდი ბრიტანეთი (ბრექსიტზე). ჩვენ ბედნიერები ვიქნებოდით თუ მათ მიერ დატოვებულ ადგილს დავიკავებდით”, — განაცხადა სალომე ზურაბიშვილმა.

ყოფილი დიპლომატის ეს განცხადება სავარაუდოდ, მალე გახდება განხილვის მიზეზი. მითუმეტეს, ეს პირველი შემთხვევაა არაა, როდესაც პრეზიდენტი ევროკავშირში დიდი ბარიტანეთის მიერ დატოვებული “ვაკანსიის” დაკავების სურვილს გამოთქვამს. მსგავსი შინაარსის განცხადება საქართველოს პრეზიდენტმა Bloomberg-თან ინტერვიუშიც გააკეთა.

May 14, 2019
კომპანია Bayer–მა 2 მილიარდი უნდა გადაუხადოს წყვილს, რომელიც მისი შესაწამლი პრეპარატის გამო კიბოთი დაავადდა

აშშ–ს სასამართლომ გერმანულ ფარმაცევტულ კომპანია Bayer–ს 2 მილიარდი დოლარის გადახდა დააკისრა ცოლ–ქმრისთვის, რომელიც ამტკიცებდა, რომ კიბოთი დაავადდა სარეველების საწინააღმდეგო საშუალების გამოყენების შედეგად.

კალიფორნიაში ნაფიც მსაჯულთა სასამართლომ დაადგინა, რომ Bayer –მა დაუდევრობა გამოავლინა და მომხმარებლები არ გააფრთხილა, რომ სარეველას საწინააღმდეგო ჰერბიციდი გლიფოსატს შეიცავდა და შესაძლოა ჯანმრთელობისთვის საშიში ყოფილიყო.

გერმანული კომპანია ბრალდებებს უარყოფს და ამტკიცებს, რომ შესაწამლი საშუალება Roundup, რომელსაც სარჩელი ეხებოდა, მოხმარებისას უსაფრთხოა.

ცოლ–ქმარმა, ელვა და ალბერტა პილიოდებმა სარჩელი ჰერბიციდის მწარმოებელი კომპანია Monsanto–ს წინააღმდეგ შეიტანეს და აცხადებდნენ, რომ მასთან კონტაქტის შედეგად არაჰოჯკინის ლიმფომა განუვითარდათ. გერმანულმა Bayer–მა Monsanto გასულ წელს იყიდა 63 მილიარდ დოლარად.

ეს უკვე მესამე სასამართლო გადაწყვეტილებაა სარეველების საწინააღმდეგო საშუალება Roundup-ის წინააღმდეგ, რომელიც გლიფოსატს შეიცავს. სულ აშშ–ში ასობით ანალგიური სარჩელია შეტანილი სასამართლოში.

მარტში სან ფრანცისკოს სასამრათლომ 80 მილიონის გადახდა დააკისრა კომპანიას ამერიკელი ედვინ ჰარდემანისთვის, გასული წლის აგვისტოში კი სასამართლომ კალიფორნიელი მებაღე დეუეინ ჯონსონისთვის 289 მილიონი დოლარის გადახდა დააკისრა ამავე კომპანიას იმის გამო, რომ ორივე მოსარჩელე კიბოთი დაავადდა.

ცოლ–ქმრის ადვოკატები, რომლებმაც რეკორდული თანხა მოიგეს, სასამართლოს გადაწყვეტილებას “ისტორიულს“ უწოდებენ

“ნაფიცი მსაჯულები თავად დარწმუნდნენ, რომ კომპანიის დოკუმენტების მიხედვით Monsato-“ს არასოდეს უცდია გაერკვია, არის თუ არა უსაფრთხო მისი პრეპარატი“ – ამბობს ადვოკატი ბრენტ უიზნერი.

Bayer–ი აცხადებს, რომ სასამართლოს გადაწყვეტილებას არ ეთანხმება და მის გასაჩივრებას გეგმავს. გერმანული კომპანიის განცხადებით ბოლო წლების კვლევებმა აჩვენა, რომ გლიფოსატი ხმარებისას უსაფრთხოა. აშშ–ში 13 400 ზე მეტი ანალოგიური საჩივარია შეტანილი ჰერბიციდის გამოყენებასა და კიბოს განვითარების სავარაუდო კავშირთან დაკავშირებით.

გლიფოსატი კომპანიამ 1970 წელს შექმნა და მას შემდეგ აშშ–სა და მსოფლიოში დიდი პოპულარობით სარგებლობს. 2015 წელს კიბოს კვლევის საერთაშორისო სააგენტო და კიბოსთან ბრძოლის მსოფლიო ორგანიზაცია მივიდნენ დასკვნამდე, რომ ის სავარაუდოდ ადამიანებისთვის კანცეროგენულია. თუმცა, ამავე დროს ამერიკის გარემოს დაცვის სააგენტო კვლავ ამტკიცებს, რომ ფრთხილად გამოყენებისას პრეპარატი უსაფრთხოა.

May 14, 2019
“რატომ ვარ ვალდებული ეკლესიის პოლიტიკას გავყვე ბრმად.“–თამრიკო ჭოხონელიძე 17 მაისზე და მის წინააღმდეგ აგრესიაზე

მომღერალი თამრიკო ჭოხონელიძე განმარტავს, რატომ თქვა უარი 17 მაისის საპატრიარქოს კონცერტში მონაწილეობაზე. ის ამბობს, რომ იქ, სადაც დაპირისპირებაა და როცა ადამიანებს საფრთხე ექნებათ, ის არ იქნება. თამრიკო ჭოხონელიძემ ამის შესახებ ინგა გრიგოლიას გადაცემაში ისაუბრა:

“მე არც ერთხელ უკან არ დამიხევია როცა საქმე საქართველოსთან და ჩემი ქვეყნის მომავალთან იყო დაკავშირებული. ომამდე ტანკისტი ვიყავი და არაფრის არ შემშინებია.

17 მაისი ძალიან კარგად ვიცით რომ უფრო ადრე გაჟღერდა იმ ხალხის მხრიდან, ვინც ჰომოფობიასთან ბრძოლის დღედ გამოაცხადა ეს დღე. მე ვთვლი, რომ სექსუალური ნიშნით ადამიანის დისკრიმინაცია არ უნდა იყოს მართებული და არ არის ლამაზი. უფალმა სხვადასხვანაირი ადამიანები გააჩინა დედამიწაზე და არ უთქვამს, რომ ვინც არ მოგწონს ჩაქოლე. დისკრიმინაციაა, როცა სამსახურიდან აგდებენ, მაღაზიაში არ ემსახურებიან, ცემენ, ასეთ ადამიანებს. გეიაღლუმი– ეს სიტყვა ძალიან ხშირად დატრიალდა, მაგრამ გინახავთ ვინმეს გეიაღლუმი? თუ სახლში შემომივარდა და შვილი გამირყვნა, თავსაც შევაკლავ, მაგრამ მე ეს ვერ დავინახე.

დაპირისპირებას რაც შეეხება, ჩემი აზრით ეს არ არის რელიგიური მხრიდან გაკეთებული. ეს მაინც პოლიტიკაა. ეს არის საპატრიარქოს პოლიტიკა. ეს ყველაფერი დამტკიცდა 2013 წელს. როდესაც რუსთაველზე ხალხი შეიკრიბა ჰომოფობიასთან ბრძოლისთვის და ისინი ამბობდნენ რომ ეს ყველაფერი ცუდია და არ შეიძლება ადამიანების ჩაქოლვა, იმიტომ რომ ძალიან ბევრს შეექმნა საფრთხე, მე მახსოვს რომ მაშინ საპატრიარქო განზე არ იდგა.

მახსოვს მეუფე იაკობი, რომელმაც არაერთი პოლიტიკური მესიჯი გაუგზავნა ხელისუფლებას და პირდაპირ ხელისუფლების მიმართ გაგზავნა მესიჯი, რომ თუ ასე იქნება და თქვენ ამას მხარს დაუჭერთ, ჩვენ გამოვიყვანთ ბევრ ხალხს და გამოიყვანეს კიდეც.

და მოხდა ძალიან ცუდი რამ. სახელმწიფოს ქონების განადგურებაც და ადამიანის სიცოცხლის საფრთხეში ჩაგდებაც. ეს ძალადობა იყო თუ არ იყო? მე ვარ ქალი, მე ვარ დედა. ეს შეიძლება რომ მოვიწონო?რატომ არ მინდა მონაწილეობის მიღება ამასაც გეტყვით.ქრისტიანობას საერთოდ არ განსაზღვრავს რამდენად არის ადამიანი ჩართული ეკლესიის პოლიტიკაში. ეკლესიას თავისი პოლიტიკა გააჩნია. ეკლესიას აქვს თავისი გადაწყვეტილებები, მოკლედ, არსებობს ეკლესიის პოლიტიკა.

მე, ჩვეულებრივი მოქალაქე რატომ ვარ ვალდებული რომ ეკლესიის პოლიტიკას გავყვე ბრმად.მე პოლიტიკას ვერ ვეთანხმები. მე ბრმად ვერ გავყვები იმ ყველაფერს. პოლიტიკა შეუცდომელი არ არის, არც საპატრიარქოსი.

პატრიარქს ძალიან კარგად ვიცნობ და ძალიან ვუყვარვარ და მე ის ძალიან მიყვარს. საზოგადოებას ძალიან კარგად ახსოვს, მე ყოველთვის პატრიარქის გვერდში ვიყავი და ვიქნები ყოველთვის, მაგრამ თავად პატრიარქს არ უყვარს ბრმად გამყოლი ხალხი, სიბრმავე და სიბნელე. იმ ხალხმა, რომელიც ტალახს ისვრის თავის დროზე პატრიარქის არ დაინდო.

ეს მხოლოდ ერთხელ, 2013 წელს ხომ არ მოხდა.ეს ხომ მოხდა შემდეგ წელსაც. იმ შეკრებაზე მხოლოდ სექსუალური უმცირესობა ხომ არ იყო. იყვნენ ადამიანები, ვინც მათ იცავდნენ და თვლიან, რომ არ შეიძლება მათი ჩაქოლვა.

მე ჩავთვალე რომ იქ, სადაც დაპირისპირების მარცვალი არსებობს მე არ მინდა.

ნებისმიერ დღეს საპატრიარქოსთან ვარ, ოღონდ ეს არ იყოს 17 მაისი, რაც გამოიწვევს და იწვევს კიდევაც დაპირისპირებას.“ – განაცხადა თამრიკო ჭოხონელიძემ ინგა გრიგოლიას გადაცემაში.

17 მაისი ჰომოფობიასთან, ტრანსფობიასა და ბიფობიასთან ბრძოლის საერთაშორისო დღეა. ამ დღეს საერთაშორის მაშტაბით იმართება ღონისძიებები, რომლებიც ლგბტ უფლებების შესახებ ცნობიერების ამაღლებას ემსახურება და გმობს ძალადობას.

2014 წელს კი საქართველოს საპატრიარქომ 17 მაისი ოჯახის სიწმინდის დაცვის დღედ გამოაცხადა. მანამდე, 2013 წელს ლგბტ თემის უფლებების დაცვისადმი მიძღვნილი აქცია სასულიერო პირებმა და მათმა მრევლმა დაარბიეს და აქციის მონაწილეებს ფიზიკურად გაუსწორდნენ.

მას შემდეგ ყოველი წლის 17 მაისს თბილისში ოჯახის სიწმინდის დღესთან დაკავშირებული ღონისძიებები იმართება, რაც ლგბტ თემის მხრიდან რაიმე აქციის გამართვას გამორიცხავს.წელსაც ოჯახის სიწმინდის დღესთან დაკავშირებით არაერთი ღონისძიებაა დაანონსებული. 17 მაისს სამების ტერიტორიაზე გალა-კონცერტი გაიმართება, რომელშიც აფიშის მიხედვით ქართული ნაციონალური ბალეტი – სუხიშვილებიც მონაწილეობს. . ღონისძიების ორგანიზატორი საპატრიარქოსთან არსებული ახალგაზრდული მოძრაობა დავითიანია.

17 მაისს სამების საკათედრო ტაძრის ტერიტორიაზე მთელი დღის განმავლობაში ჩატარდება სხვადასხვა ღონისძიებები. მათ შორის არის გალა კონცერტიც ქართველი მომღერლების და ქორეოგრაფიული ჯგუფების მონაწილეობით. თამრიკო ჭოხონელიძემ ამ კონცერტში მონაწილეობაზე უარი თქვა, რასაც საზოგადოების ნაწილის მხრიდან მის მიმართ აგრესია მოჰყვა.

ამ გრესიაზე თამრიკო ჭოხონელიძემ დღევანდელ გადაცემაში ისაუბრა:

“დამაბრალეს ისეთი უნამუსობა და ქართველმა ხალხმა გამოავლინა საშინელი სიბნელე რომელსაც კი ველოდებოდი მაგრამ ასეც არ ველოდი. ასე გვეზიზღებოდეს ერთმანეთი, ხალხო რა დაგვემართა.ასეთი ზიზღით როგორ დადიხართ ქვეყანაზე. მე ვარ გაოგნებული.ასე როგორ გაგვიმეტეთ ან მე, ან ნატო, ან ნინო ქათამაძე.ჩვენ არაფერი გაგვიკეთებია საქართველოსთვის?არ გრცხვენიათ ამხელა ზიზღის გამოვლენა?არანაირი საწინააღმდეგო იმ ადამიანების მიმართ არ მაქვს, ვინც თანხმობა განაცხადა. მე რა უფლება მაქვს. მე არ ვარღვევ კანონს. მაქვს ჩემი აზრი. მაქვს ჩემი აზრის გამოხატვის საშუალება. მაქვს თუ არა? ეს კითხვა უნდა დავსვა. გაოგნებული ვარ.მე მადანაშაულებდნენ პატრიარქის განდგომაში. შემეჯიბროს ნებისმიერი პატრიარქის სიყვარულში.“ – განაცხადა თამრიკო ჭოხონელიძემ.

May 14, 2019
აფხაზეთის ე.წ. თავდაცვის მინისტრმა ოსეთის ე.წ. თავდაცვის მინისტრი დააჯილდოვა

ე.წ. აფხაზეთის თავდაცვის მინისტრმა, მერაბ ქიშმარიამ “საბრძოლო თანამეგობრობისთვის“ ე.წ. სამხრეთ ოსეთის თავდაცვის მინისტრი, დიმიტრი მედოევი დააჯილდოვა.

ბრძანებას სეპარატისტი კოლეგის დაჯილდოების შესახებ ქიშმარიამ 14 მაისს მოაწერე ხელი. ბრძანებაში ნათქვამია, რომ მედოევი “აფხაზეთსა და სამხრეთ ოსეთს შორის მეგორული კავშირების გამყარებითვის დააჯილდოვეს.“

მედოევი ამ თანამდებობაზე 2017 წლიდან მუშაობს. მანამდე 2002 დან 2015 წლამდე მოსკოვში ე.წ. სამხრეთ ოსეთის რესპუბლიკის წარმომადგენელი, შემდეგ კი “ელჩი“ იყო

May 14, 2019