Blog

აშშ–ს ყოფილი ვიცე-პრემიერი, ჯო ბაიდენი, დემოკრატ საპრეზიდენტო კანდიდატებს შორის დიდი უპირატესობით დაწინაურდა.

2020 წლის საპრეზიდენტო არჩვენებისთვის დემოკრატიული პარტიის 20 კანდიდატი ემზადება. თუმცა, ბოლო მონაცემებით ბაიდენი ყველაზე პოპულარულია. „როიტერის“/ Ipsos ბოლო გამოკითხვების მიხედვით, ბაიდენს დემოკრატი და დამოუკიდებელი ამომრჩევლების ხმათა 29% აქვს, კიდევ ერთ დემოკრატს კანდიდატს, სანდერსს 13%, ხოლო დანარჩენი დემოკრატი კანდიდატები ხმათა 6% ან უფრო ნაკლებს ფლობენ.

ბაიდენის რეიტინგი გასულ თვეში 24% პროცენტი იყო, ახლა კი მას 29% აქვს. ბაიდენის პოპულარობის ზრდა იმასთანაა დაკავშირებული, რომ მას ბევრი დემოკრატი ტრამპის ძლიერ მოწინააღმდეგედ თვლის.

ბაიდენი თავისი წინასაარჩევნო კამპანიის ფარგლებში ნიუ ჰემფშირში გამოვიდა სიტყვით ამომრჩეველთა წინაშე და თქვა: „ მოდით, გავიხსენოთ ვინ ვართ. ეს არის ამერიკის შეერთებული შტატები და ყველაფერი რასაც ჩავიფიქრებთ, ყოველთვის გამოგვდის. მე უარს ვამბობ გადავდო სამომავლოდ ამ ქვეყნის შესაძლებლობები, ჩვენ უნდა დავასრულოთ ეს ადმინისტრაცია“.

მიუხედავად ბაიდენის პოპულარობის ზრდისა, გამოკითხვები აჩვენებს, რომ მისთვის ჯერ კიდევ არსებობს საფრთხეები. მაგალითად, „როიტერის“/Ipsos ბოლო გამოკითხვამ აჩვენა, რომ ყოფილი ვიცე პრეზიდენტი ყველა დემოგრაფიულ ჯგუფში ლიდერობს, გარდა მილენიალებისა (18-37 წლამდე მოსახლეობა). ისინის მცირედ უპირატესობას ანიჭებენ დემოკრატების კიდევ ერთ კანდიდატს, სანდერსს. „პოლიტიკოს“ გამოკითხვის მიხედვით კი, 18-29 წლამდე მოსახლეობის 42%, სავარაუდოდ, მხარს არ დაუჭერს ბაიდენს. ამის მიზეზი ისაა, რომ 2002 წელს ბაიდენი ერაყის ომის მომხრე იყო.

ბაიდენს მთავრობაში ყოფნის 44 წლიანი გამოცდილება აქვს. მან დელავერის სენატორობიდან დაიწყო და ბოლოს პრეზიდენტ ობამას ადმინისტრაციის დროს ვიცე-პრეზიდენტის თანამდებობა ჰქონდა.

როგორც ჩანს, დემოკრატების კანდიდატებს შორის ბრძოლას თვალს ადევნებს პრეზიდენტი ტრამპიც, რომელმაც ამ თემაზე კომენტარი პანამა-სითიში, ფლორიდაში გააკეთა: „ უნდა აირჩიოთ „მძინარე ჯოსა“ და „გიჟ ბერნის“ შორის, მე ნებისმიერ მათგანზე თანახმა ვარ. მოდით, უბრალოდ აირჩიეთ ვინმე, გთხოვთ და დავიწყოთ. უბრალოდ დავიწყოთ. აირჩიეთ ვინმე!“.

დემოკრატები პირველ შიდა პარტიულ დებატებს შემდეგ თვეში გამართავენ, თუმცა ზუსტი თარიღი ჯერ უცნობია.

ამ ეტაპისთვის, დემოკრატებს შორის ბაიდენი წამყვანი კანდიდატია და პარტიის შიგნით მას ბევრი აღიქვამს, როგორც მოწინავე ფიგურას.

არჩევნებამდე 2 დღით ადრე ხელისფლება ზუგდიდში სამართალდამცავების სრულ მობილიზაციას ახდენს. „ოდიშინიუსმა“ გადაიღო ექსკორტის კადრები, სადაც კარგად ჩანს როგორ შემოდიან სპეცდანიშნულების რაზმები ქალაქში. ასევე მობილიზაციაა სამხარეო პოლიციის შენობაში, სადაც საგანგებო თათბირი იმართება ამ წუთებში და სავარაუდოდ საარჩევნო დავალებებს გასცემენ პოლიციელებზე.

ოპოზიციას ამ არჩევნებზე 5000 დამკვირვებელი ყავს. ადგილობრივები 19 მაისს ახალ მერს აირჩევენ, შუალედური არჩევნები წინა მერის კორუფციულ გარიგებებში ბრალდებისა და დაკავების გამო იმართება. არჩევნებში მონაწილე კანდიდატებს შორის ერთ-ერთი გაერთიანებული ოპოზიციის მერობის კანდიდატი სანდრა რულოვსია. 

ირანის ნახევრად ოფიციალურ საინფორმაციო სააგენტო „ფარსზე“ დაყრდნობით, ირანის „ირანის რევოლუციის გუშაგთა კორპუსის” მაღალი რანგის წევრმა დღეს განაცხადა, რომ ირანული მოკლე რადიუსის რაკეტებს შეუძლია მიწვდეს სპარსეთის ყურეში ჩაყენებულ საბრძოლო გემებს. მოჰამად სალე ჯოხარმა ეს კომენტარები დღეს გააჟღერა მაშინ, როცა აშშ-სთან სიტუაცია იძაბება.

ამ ფონზე, აშშ გაზარდა სამხედრო კონტიგენტი რეგიონში, განალაგა დამატებითი გემები და ისლამური რესპუბლიკიდან მომდინარე საფრთხეების ასაცილებლად, გაამკაცრა სანქციები ირანის წინააღმდეგ. აღსანიშნავია, რომ სპარსეთის ყურე ერთერთი ყველაზე მეტად სტრატეგიული ადგილია იმდენად, რამდენადაც ყურეში მსოფლიოს ნავთობის მესამედი გადაიქაჩება.

გასულ კვირას, ირანმა გააკეთა გაფრთხილება, რომ ახალი ბირთვული შეთანხმების მიუღწევლობის შემთხვევაში 7 ივლისამდე, ურანის გამდიდრებას გააგრძელებს. აშშ-ის პრეზიდენტმა დონალდ ტრამპმა საჯაროდ უკვე განაცხადა, რომ უპირატესობას მოლაპარაკებებს ანიჭებს. გენერალი რასულ სანაეირადი ამბობს, რომ დიპლომატია და სანქციები ერთდროულად, იგივეა, რაც „ვინმეს იარაღი მიუშვირო და თან, მეგობრობა სთხოვო“. გენერლის განცხადება ირანის ნახევრად ოფიციალურმა სააგენტო „მერმა“ დაიმოწმა. წყარო: ამერიკის ხმა

ოპონენტი ქალების მიმართ სოციალურ ქსელში გამოქვეყნებული სექსისტური და დამამცირებელი შეფასებების გამო, ზუგდიდის საკრებულოს თავმჯდომარის მოადგილეს, თამაზ ფაცაციას სამოქალაქო სექტორი დაუპირისპირდა.

აქტივისტების აზრით, ზუგდიდის საკრებულოს თავმჯდომარის მოადგილე უნდა გადადგეს, პარტიამ კი ის უნდა გარიცხოს. ფაცაციამ Facebook-ში დეპუტატ თინა ბოკუჩავაზე სექსისტური და დამამცირებელი პოსტი ხუთშაბათს გამოაქვეყნა, რასაცმწვავე რეაქცია მოჰყვა, პროტესტის შემდეგ ზუგდიდი საკრებულოს დეპუტატი იძულებული გახდა ბოდიში მოეხადა.

ჩინოვნიკის თავდასხმის ხშირი ობიექტები არიან ზუგდიდის საკრებულოს წევრი გაერთიანებული ოპოზიციიდან ანი წითლიძე და მერობის კანდიდატ სანდრა რულოვსი.

თამაზ ფაცაციას სექსისტური და დამამცირებელი პოსტების გარდა, მის ფეისბუქ გვერდზე არაერთი ქსენოფობიური, ჰომოფობიური და დისკრიმინაციული განცხადებაა. 

თუ „ქართული ოცნება“ თამაზ ფაცაციას განცხადებებზე პასუხს არ აგებინებს, სამოქალაქო სექტორში თვლიან, რომ ქალთა მიმართ სიძულვილის ენის გამოყენება და გენდერული ნიშნით დისკრიმინაცია წახალისდება.

ზუგდიდის საკრებულოს თავმჯდომარეს შესაძლოა, საკუთარ გამონათქვამებზე პასუხისგება სასამართლოშიც მოუწიოს. შეურაცხმყოფელი განცხადებების გამო საჩივარს ანი წითლიძე ამზადებს.