Blog

ოზურგეთის რაიონულმა სასამართლომ თექვსმეტი წლის ასაკს მიუღწეველ პირთან  გარყვნილ ქმედებასა და თვითმკვლელობამდე მიყვანისთვის მამაკაცი დამნაშავედ ცნო და  7 წლით თავისუფლების აღკვეთა მიუსაჯა. განცხადება ამის შესახებ პროკურატურამ გაავრცელა.

“სასამართლო პროცესზე გამოკვლეული მტკიცებულებებით დადასტურდა, რომ მ.თ.-მ 2018 წლის მარტში სოციალური ქსელით არასრულწლოვანი გოგონა გაიცნო, რომელსაც სოციალურ ქსელ ,,FACEBOOK“-ის პირად პროფილზე შიშველი ფოტოები გადააგზავნინა, შემდეგ კი არასრულწლოვანთან გარყვნილი ქმედება განახორციელა. ასევე მ.თ.-ს მოთხოვნით გოგონამ ინტიმური ფოტო-ვიდეო ფაილები გადაიღო და მ.თ-ს გადაუგზავნა.

2018 წლის აგვისტოში მ.თ. სოციალური ქსელით ისევ დაუკავშირდა არასრულწლოვანს და მუქარით და იძულებით ინტიმური ხასიათის ვიდეოს გადაღება მოსთხოვა. მ.თ.-ს მხრიდან განხორციელებული მუქარის, სასტიკი მოპყრობის, მისი პატივის და ღირსების სისტემატური დამცირების გამო არასრულწლოვანმა გოგონამ 2018 წლის 15 აგვისტოს საცხოვრებელი სახლის აივანზე თავი ჩამოიხრჩო. სამართალდამცველებმა მ.თ. 2018 წლის 17 აგვისტოს ქ.ოზურგეთში დააკავეს. მას ბრალდება საქართველოს სისხლის სამართლის კოდექსის 141-ე მუხლის პირველი ნაწილით (თექვსმეტი წლის ასაკს მიუღწეველთან გარყვნილი ქმედება) და 115-ე მუხლით (თვითმკვლელობამდე მიყვანა) წარედგინა და აღკვეთის ღონისძიების სახით პატიმრობა შეეფარდა.
ოზურგეთის რაიონულმა სასამართლომ მ.თ. დამნაშავედ ცნო წარდგენილ ბრალდებებში და სასჯელის სახედ და ზომად 7 წლით თავისუფლების აღკვეთა განუსაზღვრა,”-ნათქვამია საქართველოს პროკურატურის მიერ გავრცელებულ განცხადებაში. 

“შეიძლება ითქვას, რომ “ნაციონალური მოძრაობა“ დაშლილია, – ეს განცხადება  თბილისის მერმა კახა კალაძემ ჟურნალისტებთან გააკეთა.

“გამიჭირდება დაპირისპირებაზე რაიმე კომენტარი გავაკეთო. შეიძლება ითქვას, რომ “ნაციონალური მოძრაობა“ დაშლილია. ერთადერთი რაზეც დგას დღეს “ნაციონალური მოძრაობა“, ეს არის ტელეკომპანია „რუსთავი 2“ და ნიკა გვარამია“, – განაცხადა კახა კალაძემ.

შეგახსენებთ რომ გუშინ ხუთ მუნიციპალიტეტში მერების რიგგარეშე არჩევნები გაიმართა.ასევე მიმდინარეობდა საკრებულოს შუალედური არჩევნები რვა მუნიციპალიტეტში. თვითმმართველობის წარმომადგენლობით ორგანოში მაჟორიტარ დეპუტატს ირჩევდნენ საგარეჯოში, ადიგენში, ახმეტაში, ზესტაფონში, ჭიათურაში, ტყიბულში, წყალტუბოსა და ოზურგეთში.  მთაწმინდის ნომერ პირველ საარჩევნო ოლქში კი პარლამენტის შუალედური არჩევნები გაიმართა.

ცესკოს პირველადი შედეგებით, მერის რიგგარეშე არჩევნებში, ყველა  მუნიციპალიტეტში„ქართული ოცნების“ კანდიდატებმა გაიმარჯვეს.

ზუგდიდში – ქართული ოცნების” კანდიდატმა გიორგი შენგელიამ ხმათა 54,18%, ხოლო “გაერთიანებული ოპოზიციის” კანდიდატმა სანდრა რულოვსმა 42,84% მიიღო, მარნეულში – “ქართული ოცნების“ მერობის კანდიდატმა ზაურ დარგალმა ამომრჩეველთა ხმების 79,6% , “გაერთიანებული ოპოზიციის“ კანდიდატი აგილ მუსტაფაევმა 11,49%-ით ხოლო “ევროპული საქართველოს“ კანდიდატმა აკმამედ იმამკულიევმა 7,54% მიიღო, ზესტაფონში -ყველა უბნის მონაცემის დათვლის შემდეგ, მმართველი გუნდის კანდიდატმა გიორგი გოგლიჩიძემ ხმათა 50,75% მიიღო,მეორე ადგილს “გაერთიანებული ოპოზიციის“ კანდიდატი ბაქარ ხიჯაკაძე 34,26% – ით იკავებს,ხოლო “თავისუფალი საქართველო” – გიორგი წულაია 5,81% მოიპოვა , ჭიათურა – პირველ ადგილს ასევე „ქართული ოცნების“ კანდიდატი გივი მოდებაძე 64,58%- ით იკავებს, ხმათა 1%-ზე მეტი კიდევ მხოლოდ ორმა კანდიდატმა მიიღო. ესენი არიან: ზურაბ კუპატაძე 17,99% და დავით ჭუმბურიძე 15,26% , ხულო – “ქართული ოცნების“ მერობის კანდიდატმა ვახტანგ ბერიძემ არჩევნებში მონაწილეთა ხმების 70 %, ხოლო “ერთიანი ნაციონალური მოძრაობის” კანდიდატმა ირაკლი ჯორბენაძემ 23, 7 % მიიღო.

მეორე ტური მხოლოდ  მთაწმინდის ოლქში გაიმართება.ცესკოს მონაცემებით,  მთაწმინდაზე “ქართული ოცნების” მაჟორიტარი დეპუტატობის კანდიდატმა ლადო კახაძემ ხმების 41 % მიიღო, „ევროპული საქართველო – თავისუფალი დემოკრატების” კანდიდატმა შალვა შავგულიძემ კი  ხმების 36,83% მიიღო.

უკრაინის ახლადარჩეული პრეზიდენტის ინაუგურაცია დღეს იმართება.

გადაწყვეტილებას მხარი 315-მა დეპუტატმა დაუჭირა.ცერემონია ადგილობრივი დროით 10:00 საათზე უმაღლესი რადას შენობაში, საზეიმო სხდომათა დარბაზში დაიწყება.

10 მაისს ვლადიმერ ზელენსკიმ უმაღლეს რადას მიმართა მოთხოვნით, პრეზიდენტის ინაუგურაცია 19 მაისს გამართულიყო, ამ მოთხოვნას პარლამენტმა მხარი არ დაუჭირა, რადგან ქვეყანაში 19 მაისს პოლიტიკურ რეპრესიათა მსხვერპლის ხსოვნის დღეს აღნიშნავენ.

“ვურჩევდი მიხედოს თავის მეუღლეს”-ქართული ოცნების პოლიტიკურმა მდივანმა ირაკლი ღარიბაშვილმა სანდრა რულოვსს დასვენებისა და ოჯახის მიხედვისკენ მოუწოდა. 

ღარიბაშვილი გუშინდელ დღესაც გამოეხმაურა და  განმარტა, რომ  არჩევნების დღეს პოლიციის განსაკუთრებული მობილიზაცია მოსალოდნელი დაძაბულობის თავიდან ასარიდებლად მოხდა.

„ჩვენი დესტრუქციული ოპონენტების განსაკუთრებული აქცენტი ზუგდიდზე იყო გადატანილი. მე დღეს მოვისმინე შენიშვნები იმასთან დაკავშირებით, რომ რამდენიმე სხვა რეგიონის პოლიციის უფროსი იყო ჩასული ზუგდიდში და ამაზე გამოთქვამდნენ პრეტენზიას. მინდა მათ შევახსენო, ამ ადამიანებს, რომ 5 ათასი ადამიანი, მათი აქტივისტი იყო მობილიზებული და ჩაყვანილი ზუგდიდში, არა ზუგდიდელი, არა მეგრელი, ანუ ადგილობრივი მოსახლეობა არ იყო. ამ შემთხვევაში, მათ არავითარი მორალური უფლება არ აქვთ სახელმწიფოს წაუყენონ პრეტენზია, თუ რატომ იყო მობილიზებული პოლიცია, დამატებითი ძალები ზუგდიდში, ვინაიდან სახელმწიფო ხედავდა გარკვეულ თეორიულ რისკებს, რომ ჩვენს ოპონენტებს გამომდინარე მათი ხასიათიდან გარკვეული დესტრუქცია და დაძაბულობა შეეტანათ. სწორედ აქედან გამომდინარე იქნა ეს გადაწყვეტილება მიღებული.

რაც შეეხება სააკაშვილის პოლიტიკას და მის რიტორიკას, რომელიც უკიდურესად შეურაცხმყოფელი და დამამცირებელია არამარტო ჩვენი მოსახლეობისთვის, არამედ სწორედ მისი ამომრჩევლებისთვის. ჩემთვის, ის ფაქტი, რომ ამ ადამიანმა თავისი ცოლი გამოუშვა ამ ბრძოლაში, ამით ყველაფერია ნათქვამი. ყველა ნორმალურად მოაზროვნე ადამიანი გამოიტანს შემდეგ დასკვნას, რომ ეს ადამიანი, ისე როგორც იქცეოდა ომში 2008 წელს, როცა მან ქვეყნის სირცხვილი აჩვენა მთელ მსოფლიოს, როგორც მხდალმა პოლიტიკოსმა, იგივე გაიმეორა ახლაც. მინდა, ერთი რჩევა მივცე ქალბატონ სანდრას, რომელიც იყო ჩვენი კანდიდატის ოპონენტი, დაისვენეთ. მე მას ვურჩევდი მიხედოს თავის მეუღლეს და ჩვენ მივხედავთ ჩვენს ქვეყანას“,-განაცხადა ღარიბაშვილმა.

ცესკომ  წინასწარი მონაცემები გამოაქვეყნა,რომლის მიხედვითაც საკრებულოს შუალედურ არჩევნებში, რვავე ოლქში,   არჩევნებში „ქართული ოცნების“ კანდიდატებმა მოიგეს.

საკრებულოს შუალედური არჩევნები საგარეჯოში, ახმეტაში, ადიგენში, ზესტაფონში, ჭიათურაში, ტყიბულში, წყალტუბოსა და ოზურგეთში ჩატარდა, სადაც ცესკოს ამ დროისთვის უკვე  ყველა უბნის მონაცემები აქვს დაჯამებული.

საგარეჯოს მუნიციპალიტეტში, გამარჯვება „ქართული ოცნების“ კანდიდატმა ზურაბ შინდელაშვილმა 72,4%-ით მოიპოვა. ეს რაოდენობრივად 244 ხმაა. მეორე ადგილს 26,71%-ით იკავებს „ერთიანი ნაციონალური“ მოძრაობის კანდიდატი ირაკლი ჯინჭარაძე. მან 90 ხმა მიიღო.

ახმეტის საარჩევნო ოლქში 2 უბნიდან 2-ვე უბნის მონაცემების მიხედვით, „ქართული ოცნება – დემოკრატიული საქართველოს“ კანდიდატმა როსტომ ალხანაშვილმა ხმების 96,49 % მიიღო (577 ხმა).

ადიგენში მხოლოდ 1 უბანი იყო გახსნილი, რომლის მონაცემების დათვლის შედეგად, „ქართული ოცნების“ კანდიდატ გენადი ბოლქვაძეს 93,89 %-იანი მხარდაჭერა აქვს.

ზესტაფონში, საკრებულოს შუალედურ არჩევნებში 2 უბანი იყო გახსნილი და ორივეს შედეგებით, „ქართული ოცნების“ კანდიდატ ნუგზარ ფერაძეს ამომრჩეველთა 69,71 %-მა დაუჭირა მხარი, „ნაციონალური მოძრაობის“ კანდიდატ გაგა ლაბაძეს კი – 29,84 %-მა.

ჭიათურის საკრებულოს შუალედური არჩევნების შედეგები ასეთია: „ქართული ოცნების“ კანდიდატი – თეიმურაზ ჭუმბურიძე – 46,82 %, „ნაციონალური მოძრაობის“ კანდიდატი ილიკო ჩიკვილაძე – 27 %. აღნიშნულ ოლქში 7 უბანი იყო გახსნილი და დათვლილია ყველა მათგანის შედეგები.

ტყიბულში, 4 უბნიდან 4-ვეს მონაცემების მიხედვით, „ქართული ოცნების“ კანდიდატ რომან მაწკეპლაძეს 63,23 %-იანი მხარდაჭერა აქვს, „ნაციონალური მოძრაობის“ კანდიდატ დავით ლომიძეს კი – 28,68 %.

წყალტუბოში საკრებულოს შუალედური არჩევნების შედეგები, 4-დან 4 უბნის მონაცემების დათვლის შედეგად ასეთია: „ქართული ოცნების“ კანდიდატი ომარ სინაურიძე – 78,41 %, „ევროპული საქართველოს“ კანდიდატი ზაურ ქაშიბაძე – 19,72 %.

ოზურგეთში 5 უბნიდან 5-ვეს მონაცემების დათვლის შედეგად კი, „ქართული ოცნების“ კანდიდატ დავით მდინარაძეს ამომრჩეველთა 71,75 %-მა დაუჭირა მხარი, მეორე ადგილზე კი 15,85 %-იანი მხარდაჭერით “ევროპული საქართველოს“ კანდიდატი იაკობ ზაქარეიშვილია.

Google-მა Huawei-სთან კონტრაქტი შეწყვიტა და Android-ის გამოყენების ლიცენზია ჩამოართვა. ამის შესახებ ინფორმაციას როიტერი ავრცელებს.

ბოლო პერიოდში ჩინური კომპანიის მიმართ არაერთი სანქცია დაწესდა. ამის მიზეზი დონალდ ტრამპისა და ამერიკის მთავრობის პოლიტიკაა. ისინი Huawei-ს ბრალს დებდნენ, რომ ჩინური კომპანია ინტერნეტს ამერიკელი მოქალაქეების პირადი ინფორმაციის მისაღებად იყენებდა.

Google ან Huawe ჯერ-ჯერობით ოფიციალური განცხადებას არ აკეთებენ, თუმცა როიტერი ამტკიცებს, რომ სანდო ანონიმური წყაროსგან დაზუსტებით შეუძლიათ იმის თქმა, რომ ამერიკული ტექნოგიგანტი Huawei-ს ძალიან მკაცრ სანქციას დაუწესებს. თუ რამდენად დიდი იქნება ეს სანქცია, ამაზე ჯერ-ჯერობით ფიქრობენ Google-ის მმართველები. თუმცა იმის თქმა დაზუსტებით შეიძლება, რომ Huawei-ს სმარტფონების მეპატრონეებს სისტემურ განახლებებზე წვდომა აღარ ექნებათ და მომავალი სმარტფონები ვეღარც Google Play Store-სა და Gmail-ის გამოყენებას შეძლებენ. ეს კი სმარტფონის გაყიდვებს საგრძნობლად შეამცირებს.

ზუგდიდში გეგა შენგელიამ 54.08% მიიღო,- ამის შესახებ პარლამენტის თავმჯდომარემ ირაკლი კობახიძემ  ბრიფინგზე განაცხადა.

„ოქმების მონაცემებით 54.08% ეკუთვნის გეგა შენგელიას. შესაბამისად, შეიძლება უკვე  კიდევ ერთხელ თამამად ითქვას, რომ დიდი უპირატესობით პირველივე ტურში გაიმარჯვა ბატონმა გეგა შენგელიამ, მეორე არის მარნეულ,სადაც  დათვლილია 86 უბანი. 78.75% ზაურ დარგალის მაჩვენებელია“,- განაცხადა კობახიძემ.