Blog

უკრაინაში კიდევ ერთი ქართველი მებრძოლი, მამუკა კეკელია  დაიღუპა. ინფორმაციას  საგარეო საქმეთა სამინისტრომ ადასტურებს.

კეკელია აფხაზეთისა (1992) და 2008 წლის ომების ვეტერანია.

მთავრობის ადმინისტრაციის ცნობით, უნგრეთის პრემიერმინისტრი ვიქტორ ორბანი 28-29 ოქტომბერს საქართველოში ჩამოდის, რომელსაც პრემიერი ირაკლი კობახიძე უმასპინძლებს.

საქართველოს 28 – 29 ოქტომბერს ოფიციალური ვიზიტით ევროკავშირის საბჭოს თავმჯდომარე ქვეყნის, უნგრეთის პრემიერმინისტრი ვიქტორ ორბანი ეწვევა. ინფორმაციას მთავრობის ადმინისტრაცია ავრცელებს.

“29 ოქტომბერს საქართველოს მთავრობის ადმინისტრაციაში პრემიერ მინისტრ ორბანის დახვედრის ოფიციალური ცერემონია გაიმართება. უნგრელ კოლეგას საქართველოს პრემიერ-მინისტრი ირაკლი კობახიძე უმასპინძლებს.

გაიმართება შეხვედრები პირისპირ და გაფართოებულ ფორმატში, რის შემდეგაც ირაკლი კობახიძე და ვიქტორ ორბანიმედიისთვის ერთობლივ განცხადებებს გააკეთებენ.

უნგრეთის პრემიერ მინისტრი საქართველოს სამთავრობო დელეგაციასთან ერთად ეწვევა, რომლის შემადგენლობაშიარიან უნგრეთის საგარეო საქმეთა და ვაჭრობის მინისტრი პიტერ სიიარტო, უნგრეთის ეკონომიკური განვითარებისმინისტრი მარტონ ნადი, უნგრეთის ფინანსთა მინისტრი მიხაი ვარგა, სახელმწიფო მდივანი იანოშ მატე და სხვაოფიციალური პირები” – ნათქვამია ინფორმაციაში.

ევროპის საბჭოს საპარლამენტო ასამბლეის (PACE) სადამკვირვებლო მისია 26 ოქტომბერს საქართველოში ჩატარებულ არჩევნებს აფასებს და ხაზგასმით აღნიშნავს, რომ საარჩევნო ხარვეზები არჩევნების შედეგებისა და სამართლიანობისადმი ნდობას ძირს უთხრის.დელეგაციის ხელმძღვანელმა, იულიან ბულაიმ  განაცხადა, რომ ”საარჩევნო უბნებში მმართველი პარტიის კამერები იყო და საარჩევნო უბნების გარეთ იყო ხალხი, რომელიც აღრიცხავდა და, შესაძლოა, აკონტროლებდა ამომრჩევლებს, შექმნა ფართოდ გავრცელებული ზეწოლის ატმოსფერო, მმართველის პარტიის მიერ ორგანიზებული დაშინება და განცდა, რომ “დიდი ძმა გიყურებს”,

მან ასევე განაცხადა, რომ ერთ-ერთ სოფელში საარჩევნო უბნის დამკვირვებლობისას PACE-ის ჯგუფის ერთ-ერთ მანქანას ვანდალურად დაესხნენ თავს.

”ერთი თვის წინ მე საქართველოში მრავალპარტიულ წინასაარჩევნო დელეგაციას ვხელმძღვანელობდი. იმ დროს დავასკვენით, რომ პოლიტიკურმა ლანდშაფტმა უპრეცედენტო დონეს მიაღწია და მომავალი არჩევნები საქართველოს დემოკრატიული ტრაექტორიისა და საგარეო კურსზე ფაქტობრივ რეფერენდუმად გადააქცია. ეს შთაბეჭდილება ჩვენი საარჩევნო მისიის განმავლობაში დადასტურდა. მომეცით საშუალება, საკვანძო საკითხები და საარჩევნო პირობების შესახებ შეშფოთებები აღვნიშნო, რომლებსაც ჩვენმა დამკვირვებლებმა ხაზი გაუსვეს:

არჩევნების ხარისხი იმ ტენდენციებს ასახავს, რომლებიც ჩვენ წინასაარჩევნო პერიოდში აღვნიშნეთ, მათ შორის, ეჭვებს სახელმწიფო ინსტიტუტების მიუკერძოებლობის შესახებ. შეშფოთებულები ვიყავით სამოქალაქო საზოგადოებისა და უცხოური გავლენის გამჭვირვალობის შესახებ კონტროვერსიული კანონით გამოწვეული საპირისპირო აზრების წინააღმდეგ სიძულვილის ენის გამოყენებით.

დაკვირვების განმავლობაში ჩვენ აღვრიცხეთ არჩევნებამდე და არჩევნების შემდეგ ხმების მოსყიდვისა და ორჯერ ხმის მიცემის შემთხვევები, განსაკუთრებით კი სოფლებში.

ორი განსხვავებული სამყარო ვნახეთ: ერთი საარჩევნო უბნებში, სადაც ხმის მიცემის პროცესი ზოგადად კარგად იყო ადმინისტრირებული და მეორე საარჩევნო უბნების გარეთ.

იმ ფაქტმა, რომ საარჩევნო უბნებში მმართველი პარტიის კამერები იყო და საარჩევნო უბნების გარეთ იყო ხალხი, რომელიც აღრიცხავდა და, შესაძლოა, აკონტროლებდა ამომრჩევლებს, შექმნა ფართოდ გავრცელებული ზეწოლის ატმოსფერო, მმართველის პარტიის მიერ ორგანიზებული დაშინება და განცდა, რომ “დიდი ძმა გიყურებს”, როგორც ჩვენმა ერთ-ერთმა დამკვირვებელმა აღწერა.

არათანაბარი საასპარეზო სივრცე და ხარვეზები, რომლებიც საარჩევნო პროცესში იყო შენიშნული, ძირს უთხრის მისი სამართლიანობისა და შედეგის მიმართ ნდობას. ხაზს ვუსვამ, მის სამართლიანობასა და შედეგს.

ეს ხსნის რეაცქიებს არჩევნების შედეგებზე.

ასევე უნდა აღვნიშნო, რომ ერთ-ერთ სოფელში საარჩევნო უბნის დამკვირვებლობისას PACE-ის ჯგუფის ერთ-ერთ მანქანას ვანდალურად დაესხნენ თავს.

ახლა, საჭიროა, რომ ეს პრობლემები ხელისუფლებამ ევროპის საბჭოს საპარლამენტო ასამბლეის მონიტორინგის პროცედურის ჩარჩოს ფარგლებში მოაგვაროს” – განაცხადა იულიან ბულაიმ.

“საქართველოდან წარმოქმნილი სურათი ნათელია – გუშინდელი არჩევნები თბილისში პუტინის მარიონეტულმა ხელისუფლებამ მოიპარა. მე მხარს ვუჭერ ქართველ ხალხს, რომელიც იცავს საკუთარ თავისუფლებას, უფლებებს და მომავალს”,

წერს ამის შესახებ,  X-ზე დიდი ბრიტანეთის ყოფილი პრემიერმინისტრი, ბორის ჯონსონი.

“ჩვენ რეგიონებში ვიყავით, სადაც ვნახეთ საეჭვო მოძრაობები და ქმედებები, მათ შორის მარკირების არგამოყენება, რაც საშუალებას აძლევს ადამიანს, პოტენციურად, ხმა მისცეს რამდენჯერმე. ჩემმა კოლეგებმა ასევე იხილეს ბიულეტენების ჩაყრა ან ამის გაკეთების მცდელობა. ეს ხალხი საარჩევნო უბნებიდან გააძევეს, მაგრამ როდესაც ჩემი კოლეგები გარეთ გავიდნენ, ისინი იქ იდგნენ; ალბათ კიდევ ერთ შანსს ელოდნენ. ეს ფაქტები ზედმეტად სერიოზულია საიმისოდ, რომ ვთქვათ, რომ ეს არჩევნები უპრობლემოდ ჩატარდა. რა თქმა უნდა, დავაკვირდებით მთავრობის მომდევნო ნაბიჯებსაც, განსაკუთრებით საკონსტიტუციო სასამართლოში და ოპოზიციური პარტიების პოტენციურ აკრძალვასთან დაკავშირებით.

რაც შეეხება კანდიდატის სტატუსს, ვფიქრობ ევროპარლამენტის შეხედულებას გაიზიარებენ და ივნისში მიღებული გადაწყვეტილება გაწევრიანების მოლაპარაკებების შეჩერების შესახებ არ გადაიხედება. კვლავ რჩება დიდი კითხვა იმის შესახებ, თუ რა მოხდება მოგვიანებით, მაგრამ არ მგონია, რომ ეს ამჟამად შეიცვლება.”

აცხადებს ამის შესახებ,  ევროპარლამენტარი მარკეტა გრეგოროვა, რომელიც საპარლამენტო არჩევნებს ეუთო/ოდირის სადამკვირვებლო მისიის ფარგლებში აკვირდებოდა. 

“მაწუხებს საქართველოს საპარლამენტო არჩევნებში დარღვევების სარწმუნო ბრალდებები. მე ასევე შეშფოთებული ვარ რუსეთის მცდელობებით, ხელი შეეშალა არჩევნებისთვის. მოვუწოდებ აშშ-ის სახელმწიფო დეპარტამენტს, ყურადღებით შეისწავლოს თაღლითობის ბრალდებები და თუ დადგინდება, რომ ეს რეალურია, ამის შესახებ მკაფიო განცხადება გააკეთოს. ქჰელსინკის კომისიის თავმჯდომარეართველი ხალხი იმსახურებს მთავრობას, რომელიც მოუსმენს და პატივს სცემს მათ ხმას”,

განაცხადა ამის შესახებ, ჰელსინკის კომისიის თავმჯდომარემ, რესპუბლიკელმა კონგრესმენმა, ჯო უილსონმა, რომელიც MEGOBARI აქტის ერთ-ერთი ავტორია.