Blog

ყველამ ერთად ბევრი ვიბრძოლეთ, ყველამ ერთად – განურჩევლად პოლიტიკური გემოვნებისა, ათასობით ამომრჩეველი დღეს საარჩევნო ურნებთან მივიდა და ხმა მისცა არამხოლოდ კონკრეტულ ჯგუფებს, არამედ, პირველ რიგში, ხმა მისცა ცვლილებას. დღევანდელმა დღემ დაადასტურა, დაარწმუნა ყველა, რომ ჩვენ, ანუ, ქართველ ხალხს, ამომრჩეველს აქვს ის, რაც არ აქვს და ვეღარასოდეს ვეღარ ექნება ოლიგარქს, ეს არის სიმართლე, რწმენა, ნება, ღირსება, ეს არის სიმრავლე და აი, ამ სიმრავლითაც, მათ შორის, დღეს ქართველმა ხალხმა დაამარცხა ივანიშვილი.

არ ელოდებოდა [ივანიშვილი]; კი ბატონო, შეიძლება უშვებდა ამის ალბათობას, ივანიშვილს იმედი ჰქონდა, რომ ძალიან ბევრი არ გამოცხადდებოდა საარჩევნო ურნებთან. ხელისუფლებამ შეიძლება გაგიყალბოთ ხმა თქვენ, მე, ბადრის, ელენეს, კოტეს, პავლეს – პროცენტები, მხარდაჭერა გამოხატული გაგიყალბოთ, აიღოს და დაგიწეროთ 4 პროცენტი, მაგრამ როდესაც 2 მილიონზე მეტი ამომრჩეველი ცხადდება საარჩევნო უბნებზე, ამ მონაცემებს ის ვერ აყალბებს და ვერც გააყალბა. [წლევანდელი აქტიურობა] გაუტოლდა 2012 წლის აქტიურობას.

გვიხარია, რომ ოპოზიციურ პოლიტიკურ ჯგუფებს შორის საუკეთესო შედეგი ვაჩვენეთ, ესე იგი, რაღაც სწორად გაგვიკეთებია და მადლობა ამომრჩეველს ამისთვის, მაგრამ არანაკლებ მიხარია, რომ ოთხივე პოლიტიკურმა ჯგუფმა გადალახა ბარიერი. თავად ქართული ოცნების კვლევითი ორგანიზაცია “გორბიც” კი ვერ გაურბის ამ მონაცემებს.

რა უნდა გაკეთდეს – ხალხის ნება უნდა აღსრულდეს. ივანიშვილმა უნდა გადააბაროს ხელისუფლება ხალხს და ქვეყანამ უნდა დაიწყოს კოალიციური მმართველობით ცხოვრება. გარდაუვალია.

მინდა, ყველა ჩვენს მოქალაქეს მივმართო და ვუთხრა, დღევანდელი არჩევნები რამდენად მნიშვნელოვანია. აღვნიშნავ, რომ აქტივობა ძალიან მაღალია და ეს კარგის ნიშანია. საჭიროა, რომ ეს დღის მეორე ნახევარშიც ასევე გაგრძელდეს. საზღვარგარეთაც არაჩვეულებრივი აქტიურობაა […]

ასევე, მინდა აღვნიშნო ძალიან ცუდი, ძალადობის ფაქტები, რაც სხვადასხვა უბანზე ხდება. ხან მედიის წარმომადგენლებს აპარატურა დაუმტვრიეს, ხან პირდაპირი ძალადობაა. ჯგუფები არიან შეკრებილი. ერთადერთი მიზანია, რომ იქ დაძაბულობა და კონფრონტაცია მოხდეს […] ეს სისუსტის მაჩვენებელია, ასე რომ, ამით არავინ შეშინდეს.

მინდა, შინაგან საქმეთა მინისტრს მივმართო, რომელსაც, სამწუხაროდ, ვერ ვუკავშირდები. ჩემი ადმინისტრაცია მის მოადგილეს ვერ უკავშირდება. ოფიციალური სამთავრობო ხაზიც არ მუშაობს. მინდა, მას ვთხოვო და მოვუწოდო, რომ პოლიციის რეაგირება უფრო სწრაფი და ეფექტური იყოს, რადგან არ შეიძლება, საარჩევნო უბნებზე ამ ტიპის დაძაბულობა დავუშვათ. ეს ჩვენ არ გვეკადრება.

ეს დღეებია, ბევრი ადამიანი საქართველოზეა ფოკუსირებული. ჩვეულებრივი არჩევნების ნაცვლად, ისინი ამ არჩევნებს “ცივილიზაციურ არჩევანს” უწოდებენ, თუმცა, როგორც მე მესახება, ქვეყანამ არჩევანი რამდენიმე წლის წინ უკვე გააკეთა.

ჩემ ხალხს მათი ანტიკური ისტორია, ტრადიციები და კულტურა ახსოვს. ეგრეთ წოდებული “ევროპული გზა” ჩვეულებრივი კოლონიზაციაა და უარყოფაა ყველაფრისა, რასაც ისინი ფლობენ. რა აზრი ჰქონდა 1991 წელს დამოუკიდებლობის გამოცხადებას, თუ ორივე, ვაშინგტონიც და ბრიუსელიც აბსოლუტურ მორჩილებას მოითხოვენ?

თქვენ იცით, რომ მე მდიდარ და კარგად დაპურებულ საბჭოთა საქართველოში დავიბადე. მახსოვს 90-იანების რთული დრო და სიღარიბე, მახსოვს უსაფუძვლო იმედები სააკაშვილზე, რომ “უცხო ქვეყნები დაგვეხმარებოდნენ”. არ ვიცი, რამდენად გულუბრყვილო უნდა ყოფილიყო ადამიანი, რომ 2024-ისთვის კეთილი ამერიკელი და ევროპელი ბიძის ჩამოსვლას დალოდებოდა, რომელიც მას ფულით სავსე ჩემოდანს ჰპირდებოდა.

ერთადერთი რამ, რაც მათ შეუძლიათ მოგიტანონ, არის იარაღი რუსეთთან საომრად და ამისთვის თქვენ თქვენი ფულით, სისხლით და შუა საუკუნეებში დაბრუნებით გადაიხდით. თანამედროვე უკრაინა ამის ნათელი მაგალითია.

ქართველებო, მე დარწმუნებული ვარ, რომ დღეს თქვენ სწორ არჩევანს გააკეთებთ. თქვენ დამოუკიდებლობას, ტრადიციებს, მშვიდობასა და მეზობლებთან მეგობრობას აირჩევთ. და თქვენთვის ეს 21-ე საუკუნის უდიდესი გამარჯვება იქნება.