Blog

შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-საგამოძიებო ღონისძიებების შედეგად განზრახ მკვლელობის მცდელობის ბრალდებით 1999 წელს დაბადებული მ.შ. დააკავეს.

შსს-ს ინფორმაციით, გამოძიებით დადგინდა, რომ ბრალდებულმა მიმდინარე წლის 30 მაისს, ჩხოროწყუს რაიონში, 2000 წელს დაბადებული ვ.გ. ცივი იარაღით დაჭრა და შემთხვევის ადგილიდან მიიმალა.

სასწრაფო დახმარების თანამშრომლებმა დაჭრილი ახალგაზრდა საავადმყოფოში გადაიყვანეს. სამართალდამცველებმა მ.შ. დანაშაულის ჩადენიდან უმოკლეს დროში დააკავეს.

გამოძიება განზრახ მკვლელობის მცდელობის ფაქტზე, საქართველოს სისხლის სამართლის კოდექსის 19-108-ე მუხლით მიმდინარეობს.

დანაშაული თავისუფლების 7-დან 15 წლამდე ვადით აღკვეთას ითვალისწინებს.

თბილისში, ჟვანიას მოედანზე, მგალობლიშვილის ქუჩა დაიტბორა. მიზეზი, ცენტრალური წყლის მილის დაზიანება გახდა, რასაც გზის საფარის ჩავარდნა მოჰყვა. წყლის ნაკადი მოსახლეობას სარდაფებში ჩაუვიდა. დაზიანებულია სამი ავტომობილი, ორი მათგანი გზის საფარის ჩანგრევის გამო ორმოში აღმოჩნდა. კიდევ ერთი კი წყლის ნაკადმა საკმაოდ დიდ მანძილზე გადაიტანა.

შემთხვევა გამთენიისას მოხდა. ადგილზე მაშველების მობილიზება გახდა საჭირო. შემთხვევის შედეგად არავინ დაშავებულა.

წინასწარი პროგნოზები, როდის მოხერხდება პრობლემის მოგვარდება ჯერჯერობით უცნობია. საბურთალოს რაიონის გამგებლის თქმით პრობლემის მოსაგვარებლად ყველა სამსახური მობილიზებულია, მიმდინარეობს წყლის ამოტუმბვა სარდაფებიდან და შლამისგან სუფთავდება მიმდებარე ქუჩები. 

ცენტრალური წყლის მილის დაზიანების გამო მიყენებულ ზარალს მოსახლეობას კომპანია “GWP“ აუნაზღაურებს. კომპანიის გენერალური დირექტორი გამგებელთან ერთად მგალობლიშვილის ქუჩაზე მივიდა. ზარალის დათვლა უკვე დაწყებულია.

”ჯორჯიან ვოთერ ენდ ფაუერის” გენერალური დირექტორის განცხადებით, დაზიანდა თუჯის მილსადენი. ირაკლი ბაბუხადია ამბობს, რომ მოსახლეობის ნაწილს წყალმომარაგება აღუდგა, დანარჩენს კი 24 საათის მანძილზე მიეწოდება სასმელი წყალი.

“ემოციებს ვერ ვმალავ ისეთი ლამაზი გამოვიდა”-კახა კალაძემ ორბელიანის მოედნის გახსნა დააანონსა.

განახლებული ორბელიანის მოედანი ხვალ საღამოს 8 საათზე საზეიმოდ გაიხსნება, ამის შესახებ თბილისის მერმა ფეისბუქის საკუთარ გვერდზე პირდაპირი ჩართვის დროს განაცხადა.

“მიმდინარეობდა სარეაბილიტაციო სამუშაოები, ერთ წელზე ცოტა მეტია ჩვენ დავიწყეთ ორბელიანის მოედნის და მისი მიმდებარე ქუჩების სრული რეაბილიტაცია, როგორც მიწისქევშა კომუნიკაციები ისე ფასადებით აღდგენით, გალამაზებით, სკვერების მოწყობით და სამუშაოები დასრულებულია. ხვალ გვინდა ერთი ლამაზი საღამო ვაჩუქოთ თბილისს თბილისელებს”-განაცხადა კალაძემ.

ევროპული საქართველოს წევრის, ნინო იმედაშვილის მეუღლეს, ლაშა ბრეგვაძეს, სასტუმრო რედისონში, საცურაო აუზზე თავს დაესხნენ. ინფორმაციას “ტაბულა” ავრცელებს. მათი ინფორმაციით, კამათი რელიგიურ და პოლიტიკურ ნიადაგზე დაიწყო,რის  შემდეგ სამი მამაკაცი ლაშა ბრეგვაძესგასახდელში თავს დაესხა.

“ჩემმა მეუღლემ გამოთქვა კრიტიკული აზრი, რომ რელიგია არ უნდა იყო აფარებული პოლიტიკას. რაზეც აგრესიით უპასუხეს. საუბარი გაგრძელდა, ჩავიდნენ ასლან აბაშიძემდე. ჩემმა მეუღლემ აბაშიძეს შეაგინა, რაზეც მამაკაცები გაღიზიანდნენ. ინციდენტი ადგილზე განიმუხტა. თუმცა, შემდეგ გასახდელში დახვდნენ სამივე. ერთმა მოუქნია დანა, ჩემმა მეუღლემ აიცილა. მეორემ უკნიდან მოუქნია სავარაუდოდ დანა და მოხვდა თავის არეში”, – განაცხადა ნინო იმედაშვილმა “ტაბულასთან”.

ამ წუთებში ლაშა ბრეგვაძე დაკითხვაზე იმყოფება.

ბათუმში ზღვამ 35 წლამდე მამაკაცის გვამი გამორიყა. მაშველებმა ცხედარი სასტუმრო „კოლიზეუმის“ მიმდებარე ტერიტორიის  წყლიდან ამოიყვანეს. 

გარდაცვლილი სავარაუდოდ, ირანის მოქალაქეა. ფაქტზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

ვენეციაში საკრუიზო ლაინერი ტურისტების კატარღას შეეჯახა. ინციდენტი სან ბაზილიოს ნავმისადგომთან, ხალხმრავალ ადგილას მოხდა.ინფორმაცია და ფაქტის ამსახველი ვიდეო იტალიურმა მედიამ გაავრცელა. 

არსებული ინფორმაციით, შჯახების შედეგად ხუთი ადამიანი დაშავდა. სულ კატარღაში 130 მგზავრი იმყოფებოდა. 

არგონავტების გემმა რიონზე მოგზაურობა დაასრულა. ხომალდი ჭყვიშში გაჩერდა. მოგზაურობის ინიციატორი მერვე მოწვევის პარლამენტის წევრი “ქართული ოცნებიდან,” ომარ ნიშნიანიძე იყო.

დეპუტატების თქმით, მას იმის დადასტურება სურდა, რომ არგონავტების მოგზაურობა არა მითი, არამედ ისტორიის ნაწილია.ნიშნიანიძის განცხადებით,  ხომალდი მან სტუდენტებთან ერთად ააგო და არგონავტების გემის  ზუსტი ანალოგია.

აშშ-ის ვიზის მისაღებად სოციალური ქსელების ანგარიშების წარდგენა იქნება საჭირო. სიახლე უკვე ამოქმედდა.

აშშ-ში შესვლის მსურველი ვალდებულია  ვიზის მისაღებად საელჩოში  სოციალური ქსელის საკუთარი ანგარიშები წარადგინოს. 

დამატებითი პუნქტი დონალდ ტრამპის ადმინისტრაციის გადაწყვეტილებით შემოიღეს.მიზეზად კი სახელმწიფო დეპარტამენტში განაცხადეს, რომ ბოლო წლებში სოციალური ქსელები ტერორისტული აქტივობის მნიშვნელოვან მოედნად გადაიქცა. 

მათი განცხადებით, დამატებითი ცნობების მიღება გააუმჯობესებს აპლიკანტის ვინაობის შემოწმებისა და დადასტურების პროცესს. ახალი რეგულაცია ტურისტული, სტუდენტური და სამუშაო ტიპის ვიზებს შეეხება. გამონაკლისი იქნება დიპლომატიური და ოფიციალური დელეგაციების ვიზები.