Blog

ბორჯომში ორ არასრულწლოვან გოგონას ეძებენ. მოზარდების კვალს ვერც სამართალდამცველებმა და მაშველებმა მიაგნეს. განგაში დილიდან გამოცხადდა. მეგობარი გოგონები სკოლაში არ მისულან და სწორედ ამ დროიდან დაიწყო მათი ძებნის ოპერაცია.

ბოლოს ბორჯომის პირველი სკოლის მე-9-ე კლასის მოსწავლეები ოჯახის წევრებმა სკოლაში წასვლის წინ ნახეს, თუმცა სასწავლებელში არც ერთი მათაგანი არ მისულა. მოზარდების პირადი ნივთები, მაისურები და მობილური ტელეფონები მიტოვებულ შენობაში იპოვეს.

„პირველ გაკვეთილზევე როცა გადამოწმდა დამრიგებლის მიერ ინფორმაცია არ იყვნენ. დავუკავშირდით მშობლებს. სხვა ინფორმაცია არ გვაქვს. წამოსულები იყვნენ და დავიწყეთ ძებნა,“-განაცხადა ჯულიეტა ჯეჯელავამ.

იყვნენ თუ არა გოგონები ოჯახის ან სხვა პირების მხრიდან ბულინგის მსხვერპლი, ამაზე მასწავლებლებს საუბარი უჭირთ. ისინი ამბობენ, რომ ამის შესახებ ინფორმაციას არ ფლობენ.

„ჩვეულებრივზე ჩვეულებრივი მოსწავლეები. არაფერი ისეთის თქმა არ შემიძლია. მე ვასწავლი პირადად. მე ახლა ოჯახური მდგომარეობა არ ვიცი, მაგრამ არ მგონია რომ ოჯახიდან ყოფილიყო ბულინგის მსხვერპლი,“-განაცხდა სოფიკო დოლიაშვილმა.

ბორჯომში გოგონების გაუჩინარების შესახებ სხვადასხვა ვერსიებს ჰყვებიან. ნაწილი ამბობს, რომ მოზარდები გორში წავიდნენ და ისინი გაბრაზებულები იყვნენ. თუმცა ვისზე ან რაზე უცნობია.

„გორში წასულანო. ანუ გაბრაზებული წასულანო ბავშვები იქო. რატომ და ვისზე იძიესო შური, ანუ სახლიდან იყო გაბრაზებული ან სკოლაზე იყვნენ გაბრაზებულები, ვერ გეტყვით,“-განაცადა ვენერა ბიბილაშვილმა.

ბრიტანეთის ელჩმა, ჯასტინ მაკენზი სმიტმა, დედოფალ ელისაბედ მეორის დაბადების დღის აღსანიშნავ წვეულებაზე, ილია ჭავჭავაძის სიტყვები მოიშველია.  

“მოძრაობა და მარტო მოძრაობა არის, ჩემო თერგო, ქვეყნის ღონისა და სიცოცხლის მიმცემი”, —  წარმოთქვა ბრიტანეთის ელჩმა, რასაც აპლოდისმენტები მოჰყვა. ელჩის გამოსვლას საზოგადოებრივი მაუწყებელი ავრცელებს.

რამდენიმე თვის წინ  მაკენზიმ  საკთარ “TWITTER”-ზე გამოაქვეყნა პოსტი სადაც ჩანს რომ ელჩი ქართული ენის სწავლით არის დაკავებული.  

ბრიტანეთის საელჩოში მიმდინარე წვეულებას ესწრებიან საქართველოს მთავრობისა და პარლამენტის წევრები, დიპლომატიური კორპუსის, სამოქალაქო საზოგადოების, ბიზნესის, კულტურისა და მედიის წარმომადგენლები, სტუდენტები, ბრიტანული საგანმანათლებლო პროგრამების კურსდამთავრებულები.

(more…)

პოლიტიკურ ორგანიზაციას “გირჩი” ახალი ვებ გვერდი აქვს. გირჩი იწყებს ციფრულ სატელევიზიო მაუწყებლობას, სადაც დაინტერესებულ ადამიანებს შესაძლებლობა ექნებათ ყოველდღიურ რეჟიმში, ორგანიზაციასთან დაკავშირებულ სიახლეებს გაეცნონ.

პარტიის ლიდერის თქმით, უახლოეს თვეებში სატელევიზიო არხი განთავსდება სხვა საკაბელო მაუწყებლების პაკეტებშიც. როგორც სატელევიზიო არხი, ისე ვებგვერდი, ამჟამად სატესტო რეჟიმშია გაშვებული.

”მომდევნო 2 თვის განმავლობაში გაიშლება სხვადასხვა ბლოკები და საბოლოო ჯამში დაახლოებით 2 თვის შემდეგ იქნება უკვე სრულად ფუნქციონირებადი პარტიული ვებ გვერდი, როგორც გითხარით ამ შემთხვევაში მხოლოდ და მხოლოდ საინფორმაციო პორტალი გავა. მეორე სიახლე რაც გვაქვს არის ის, რომ გავუშვით „გირჩის“ სატელევიზიო მაუწყებლობა. იდეა გვაქვს, რომ მოვიცვათ რაც შეიძლება ბევრი მაყურებელი მთელი ქვეყნის მასშტაბით. საბოლოო ჯამში ამ ორი ინსტრუმენტის გამოყენებით იმედი გვაქვს, რომ გაცილებით მეტ ადამიანამდე მივალთ და გავაგებინებთ იმას, თუ რისი გაკეთება გვინდა ჩვენ და რა არის მნიშვნელოვანი იმისათვის, რომ ამოვიდეთ ამ წუმპედან რა წუმპეშიც ვართ,“ – განაცხადა ზურაბ ჯაფარიძემ.

სოციალურ ქსელში გავრცელდა ვიდეო, სადაც  პოლიციის ფორმაში გამოწყობილი ადამიანები ავტომობილის მძღოლის დაკავებას ცდილობენ და მანქანიდან ძალის გამოყენებით გადმოყავთ.  ინციდენტი ახალქალაქში მოხდა.

თვითმხილველების თქმით, პოლიციას მოტოციკლეტისტის დაჯარიმება უნდოდა, ავტომობილის მძღოლმა კი ჰკითხა, რატომ აჯარიმებდნენ მას, რის შემდეგაც მანქანიდან გადმოათრიეს.

ტაქსის მძღოლების პროტესტი გრძელდება. მათი მთავარი მოთხოვნა უცვლელია – 2 წლით გადაიდოს რეგულაციები ტექინსპექტირების გავლასთან და ავტომობილების თეთრად გადაღებვასთან დაკავშირებით.

ტაქსის მძღოლები ამბობენ, რომ ისინი დანებებას არ აპირებენ და თუ მათი მოთხოვნები არ შესრულდება, თბილისის მერიის წინ მასშტაბურ აქციას აანონსებენ.

მძღოლებს დღეს “ლეიბორისტული” პარტიის ლიდერი, გიორგი გუგავა შეხვდა. გიორგი გუგავა აცხადებს, რომ კონკრეტული აქციით ისინი თბილისის მერს ხალხის ძალას აჩვენებენ.

„ეს რეგულაციები არის უსამართლო, უკანონო, ამას არ შეეგუება ტაქსისტები. ჩვენ შემოვიარეთ აბსოლუტურად ყველა უბანი და უკვე გადავწყვიტეთ საორგანიზაციო ჯგუფმა, რომ მთავარი ფართომასშტაბიანი აქცია გავმართოთ კალაძის სამუშაოს წინ, მერიის წინ და იქ ვაჩვენებთ ხალხის ძალას, ხალხის მუჭს და ხალხის პანღურს, რომელიც მოხვდება მას,“ – განაცხადა გიორგი გუგავამ.

რომის პაპისა და რუსეთის პრეზიდენტის, ვლადიმერ პუტინის შეხვედრა ვატიკანში 4 ივლისს შედგება. ინფორმაცია ამის შესახებ ვატიკანმა ოფიციალურად დაადასტურა. საუბრის ერთ-ერთი თემა რუსულ და უკრაინულ ეკლესიებს შორის არსებული უთანხმოება იქნება.

ეს რომის პაპ ფრანცისკესა და პუტინის მესამე შეხვედრა იქნება.

რამდენიმე წუთის წინ ბავშვთა უფლებების დაცვის საკითხებში უკრაინის პრეზიდენტის სპეციალურმა წარმომადგენელმა მიკოლა კულებამ განცხადება გააკეთა. მისი თქმით, ამჟამად ბავშვები საგარეჯოში არიან  ხოლო მათ წასაყვანად უკრაინის პრეზიდენტმა ვოლოდიმირ ზელენსკიმ საკუთარი ბორტი გამოგზავნა. 

„ჩვენ გუშინ შევხვდით პროკურატურას და შსს-ს. უკრაინულმა მხარემ მოამზადა ძალიან ბევრი დოკუმენტი ბავშვების მეურვეობასთან დაკავშირებით. მადლობა მინდა გადავუხადო ქართულ მხარეს, რადგან არსებობს ეჭვი, რომ ქალბატონი სუსლიაკი ტრეფიკინგშია ბრალდებული. ამის საფუძველი არსებობს, რადგან არის მასალები, სადაც დედა ბავშვებს კარგად არ უვლიდა, 1 ბავშვი დაეღუპათ რუსეთში, 6 არის სუროგაციის გზით გაჩენილი, 1 არის ამერიკის მოქალაქე. იულია სუსლიაკი საქართველოს მიერ არაკონტროლირებად ტერიტორიაზე მათ გადაყვანას აპირებდა. გამოძიება უკრაინაშიც ტარდება და ყველა გარემოებას შეისწავლის. გამოძიებამ უნდა გაარკვიოს, ვინ გადაიხადა სუროგაციის თანხა და ვინ იყო შუამავალი. როდესაც გაირკვევა, ეს ინფორმაცია გასაჯაროვდება. მთავარი ამოცანაა, რომ ბავშვები დაბრუნდნენ უკრაინაში და იცხოვრონ ერთ ოჯახში, ასევე მოხდეს მათი რეაბილიტაცია. ჩატარდება კონსულტაციები საქართველოს გენერალურ პროკურატურასთან. თუ იულია სუსლიაკი დამნაშავეა, სასჯელი უნდა მოიხადოს, თუ არა – უნდა გათავისუფლდეს. ბავშვების გადაყვანა უკრაინაში დღესვე იგეგმება“, – განაცხადა კულებამ.

იულია სუსლიაკი ზუგდიდში დააკავეს. ის საქართველოს ტერიტორიაზე უკრაინიდან ათ არასრულწლოვან ბავშვთან ერთად ჩამოვიდა. გამოძიების ინფორმაციით, ქალი ბავშვებს, რომელსაც საკუთარ შვილებად ასაღებდა ოკუპირებულ აფხაზეთში გადაყვანას და სავარაუდოდ, გაყიდვას უპირებდა.

გენერალური პროკურატურის გადაწყვეტილებით, ტრეფიკინგის ბრალდებით დაკავებული იულია სუსლიაკის თანმხლებ ათ ბავშვს უკრაინულ მხარეს გადასცემენ. ამის შესახებ ინფორმაციას პროკურატურა ავრცელებს. გადაწყვეტილება საგამოძიებო უწყებამ, უკრაინულ დელეგაციასთან შეხვედრის შემდეგ მიიღო.

ბორჯომში ორ მეცხრეკლასელ გოგონას  დილიდან ეძებენ. მოსწავლეები დილით, სახლიდან გავიდნენ, თუმცა დღეს სკოლაში არ მისულან. მოზარდების დაკარგვის შესახებ „ბორჯომიTV“ ავრცელებს.

ფიროსმანის ქუჩაზე მიტოვებულ შენობაში მათი მობილური ტელეფონები და მაისური იპოვეს. ადგილზე არიან საპატრულო პოლიციის წარმომადგენლები,  მშობლები და სკოლის დირექტორი.