ესპანეთში გამართულ კორიდაზე ხარმა 26 წლის მატადორი რქით დაჭრა. 26 წლის ესპანელი მატადორი რომან კოლიადოს გაღიზიანებული ხარი დაეტაკა რა დროსაც ის მიწაზე დავარდა და ხარმა რქით მას ფეხის არეში ღრმა ჭრილობა მიაყენა. ინფორმაციას ესპანური მედია ავრცელებს. რომან კოლიადოს დასახმარებლად მოედანზე რამდენიმე მატადორი შევარდა მათი ნაწილი ხარის ყურადღების გადატანას ცდილობდა რათა ყურადღება ხარს მათზე გადაეტანა და კოლიადოს აღარ გაჰკარებოდა, ნაწილმა კი დაჭრილი მატადორი მოედნიდან გაიყვანა. მას არტერია დაუზიანდა და მას 2 ოპერაცია გაუკეთეს თუმცა ექიმებმა მისი გადარჩენა შეძლეს. როგორც მედია იტყობინება მოგვიანებით ხარი მოკლეს.
Blog
-
“ივანიშვილი ამ ქვეყანაში ვერ დარჩება.ივანიშვილი ამ ქვეყნიდან უნდა იყოს იზოლირებული“–ნიკა გვარამია
„ბიძინა ივანიშვილის არჩევნებით არ წავა. ამაში ვარ ღრმად დარწმუნებული,“ – ამის შესახებ განცხადება ნიკა გვარამიამ გადაცემა “არჩევანში” გააკეთა. “რუსთავი 2-ის” გენერალური დირექტორი აცხადებს, რომ ივანიშვილი შეეცდება, 2020 წლის არჩევნებზე დახარჯოს რაც შეიძლება მეტი იმისთვის, რომ ხელისუფლება შეინარჩუნოს.„მარტივ კალკულაციას გეტყვით. ბიძინა ივანიშვილი რომ საფრანგეთში გადაბარგდეს, ცხოვრობდეს ეს 7 წელი და არჩევნების წაგების შემდეგ იმედია, არავის არ აქვს ილუზია, რომ ბიძინა ივანიშვილი ამ ქვეყანაში დარჩება, ციხეში სულ არ მინდა, რომ დარჩეს, მაგრამ ვერ დარჩება, ვერც ვერანაირ პოლიტიკურ ამბიციას ვერ გამოხატავს. ეს უნდა იყოს უპირობო მოთხოვნა არჩევნებში გამარჯვებული გუნდის მიმართ, რომ ბიძინა ივანიშვილი ამ ქვეყნიდან უნდა იყოს იზოლირებული და მას არჩევნებთან და პოლიტიკური პარტიების დაფინანსებასთან ხელი არ უნდა მიუწვდებოდეს. როგორც უნდათ, ისე უნდა დაარეგულირონ ეს კანონი. ყველა მინუს ერთ ი- ასე უნდა გავაგრძელოთ ჩვენ პოლიტიკური ცხოვრება. მორჩა. რატომ, 7 წელია, ბიძინა ივანიშვილი ცხოვრობს საქართველოში და ხელისუფლებაში, აი, წარმოვიდგინოთ, რომ ცხოვრობდეს საფრანგეთში ეს 7 წელი. მას მოუწევდა წელიწადში 150 მილიონი ევროს გადახდა გადასახადის სახით. ეს არის, დაახლოებით, 400 მილიონი ლარი. 7 წლის განმავლობაში, ეს რომ დავაჯამოთ, არის, დაახლოებით, 3 მილიარდი ლარი. ახლა თქვენ რას ფიქრობთ, რომ 3 მილიარდი ლარის ეკონომია რომ გააკეთა ბიძინა ივანიშვილმა, ის არჩევნებში, თუნდაც 300 მოიკლოს, არ დახარჯავს, რომ შემდეგი წლების განმავლობაში კიდევ 3 მილიარდის ეკონომია გააკეთოს? ბიძინა ივანიშვილი არჩევნების გზით არ წავა,“ – განაცხდაა ნიკა გვარამიამ.მისი თქმით, ეს არ ნიშნავს იმას, რომ არჩევნებში ოპოზიციამ მონაწილეობა არ უნდა მიიღოს. ნიკა გვარამია აცხადებს, რომ მიხეილ სააკაშვილის მსგავსად, ბიძინა ივანიშვილი არ გადააბარებს ხელისუფლებას მშვიდი და დემოკრატიული გზით. მისივე თქმით, ბიძინა ივანიშვილს უნდა ეშინოდეს გარე და შიდა ფაქტორების თუ ამას არ გააკეთებს.„ბიძინა ივანიშვილს უნდა ეშინოდეს, რომ ეს გააკეთოს, ქვეყნის გარეთ მას უნდა ეშინოდეს ამერიკელების და დღეს პომპეომ პირდაპირ ეთერში ცემა ბახტაძე. ისედაც ხომ რა სანახავია და ახლა იყო მთლად მდუღარე გადასხმული ქუჩის ძაღლივით. და რათ მინდა მკითხაობა, რა თქვეს. პირდაპირ კაცი გამოვიდა და თქვა, დემოკრატია არ გაქვთ, გაქვთ ოლიგარქიის ქვეშ სასამართლო და მეორე, პირველად ამერიკელებმა გვითხრეს, რომ თქვენ საგარეო ორიენტაცია არ გაქვთ სწორი. ანაკლიის პორტს თუ არ ააშენებთ, ეს ნიშნავს, რომ ჩინეთი და რუსეთი გინდათ და ხომ ვიცით, რომ არ ვაშენებთ,“ – განაცხადა ნიკა გვარამიამ.ნიკა გვარამია აცხადებს, რომ ოპოზიცია და „რუსთავი 2“ არ დაუშვებს არჩევნების გაყალბებას. მისივე თქმით, ბიძინა ივანიშვილს უნდა ეშინოდეს.„მას უნდა ეშინოდეს ქვეყნის შიგნით. მათ შორის ჩემიც. კბილებს ჩაგიმტვრევთ. არჩევნების დღეს და მეორე დღეს კი არა შენ, რომ 9-ის 5 წუთზე გამოაცხადებ და, რა თქმა უნდა, აუცილებლად გამოაცხადებ და, რა თქმა უნდა, “რუსთავი 2” იქ იქნება, სადაც ახლა არის და იმას იზავს და ათჯერ მეტს, რასაც ახლა აკეთებს ბიძინა ივანიშვილის წინააღმდეგ. არა, მანამდე იმიტომ, რომ ამ ქვეყანაში ყველა არჩევნები გაყალბდა არჩევნებამდე რამდენიმე თვით ადრე. გაყალბდა მოსყიდვით, გაყალბდა დაშინებით. გაყალბდა თამარ ჟვანიას მთავარ მთვლელად გამოცხადებით,“ – განაცხადა ნიკა გვარამიამ. -
“9 ბალიანი მიწისძვრა მოვუწყოთ საკაცობრიო მარაზმს სოლოლაკში რომ ზის” – ნათელაშვილი
“ლეიბორისტული პარტიის” ლიდერი ოპოზიციას მოუწოდებს, გააერთიანონ ფინანსური რესურსი და ხალხი ქუჩაში გამოვიდეს. ნათელაშვილის თქმით, აუცილებელია, ივანიშვილის ხელისუფლებაზე შეტევა არჩევნებამდე დაიწყოს და ეროვნული მოძრაობის მაგალითი გაიმეოროს. მისი განცხადებით, ქვეყანაში არ არსებობს ისეთი პოლიტიკური რეალობა, რომელიც ხელისუფლებას არჩევნების გზით შეცვლას გამოიწვევს.
“ბატონმა გიგიმ დოთრაკიელებთან კონტექსტში მახსენა და, ალბათ, კარგად მოეხსენება ბატონ გიგის, რომ თუ ცხენის ტარებას ვერ ისწავლიდა კაცი, ის ვერ მოხვდებოდა ზეცაში.
თუ დღევანდელმა ოპოზიციურმა ძალებმა, ვისაც ამაზე აქვს პრეტენზია, არ დავამთავრეთ ივანიშვილის რეჟიმი, მჩაგვრელი, ბოროტული, ცრუ, გამაღატაკებელი, ჩვენ ვერცერთი ვერ მოვხვდებით სამოთხეში და სად მოვხვდებით, ეშმაკმა იცის და მე მგონი, ჯოჯოხეთი აქ გვექნება და გვაქვს უკვე. უნდა ვთქვათ, რომ ივანიშვილმა სახელმწიფო იყიდა, თავის ამომრჩევლებიანად, ინსტიტუტებიანად. 3% მოსახლეობისა ითვისებს ხალხის ქონებას და ლუკმას.
“არჩევნებამდე უნდა მოხდეს ისეთი მიწისძვრა ივანიშვილის ფეხქვეშ, რომ მისგან არაფერი დარჩეს, პირველ რიგში, გამოსვლა ქუჩაში, საპროტესტო აქციები. 10 ათასი კაცი ივანიშვილის რეჟიმს დაასრულებს 10 დღეში” – განაცხადა “არჩევანში” საუბრისას ნათელაშვილმა.
მისი თქმით, ოპოზიცია შეცდომებს უშვებს და ვერ ახერხებს ხმების დაცვას. რაც შეეხება კითხვას, გაერთიანდება თუ არა ის ოპოზიციასთან, თუკი ისინი არ შეიცვლიან აზრს და ხელისუფლების შეცვლის ერთადერთ გზად კვლავ არჩევნებს ჩათვლიან, ნათელაშვილი პირდაპირ არ პასუხობს და ამბობს, რომ არსებული საარჩევნო კოდექსით, მხოლოდ ისეთი ხელისუფლება შეიძლება მოვიდეს, როგორიც ახლა ჰყავს ქვეყანას.
“ჩვენ უნდა გავიდეთ ქუჩაში არჩევნებამდე რაც შეიძლება ადრე, შევაზანზაროთ, 9 ბალიანი მიწისძვრა მოვუწყოთ ამ საკაცობრიო მარაზმს სოლოლაკში რომ ზის, დაგვცინის, გვიყიდის სამშობლოს და გვართმევს ლუკმა-პურს,” – ამბობს ნათელაშვილი.
-
“ივანიშვილი არის წყვდიადის მეფე.ქართული ოცნება-ზომბი.ან იქნები ზომბების მხარეს ან ადამიანების“-უგულავა
ბიძინა ივანიშვილი არის Night King, ღამის წყვდიადის მეფე, “ქართული ოცნება” თავისი უმრავლესობით არაინ ზომბები. ან ვიქნებით ზომბების მხარეს ან ადამიანების, – ამის შესახებ განცხადება გიგი უგულავამ გადაცემა “არჩევანში” გააკეთა. მან 2020 წლის საპარლამენტო არჩევნებზე ისაუბრა და პოლიტიკოსები ცნობილი სერიალის “სამეფო კარის თამაშების” პერსონაჟებს შეადარა.მისი თქმით, ივანიშვილის ხელისუფლება უნდა დასრულდეს და ეს მოხდება 2020-ში. „ევროპული საქართველოს“ ერთ-ერთი ლიდერი აცხადებს, რომ არჩევნები ხელისუფლების ცვლილების ერთადერთი საშუალებაა და რაც არ უნდა სკეპტიკურად იყოს საზოგადოება განწყობილი, 2020 წლის არჩევნებზე შედეგი სულ სხვანაირი იქნება ბოლო პერიოდში ჩატარებული არჩევნებისგან. მისივე განცხადებით, პრაქტიკა აჩვენებს, რომ ხელისუფლებები საქართველოში მხოლოდ ორი ვადით ძლებენ, შემდეგ მათ საზოგადოება უარს ეუბნება და შანსს აღარ აძლევს.
„რაც არ უნდა სკეპტიკურად შევხედოთ, არჩევნები არის ერთადერთი ბრძოლა ხელისუფლების შეცვლის. მათ შორის თუ იქნება ხელისუფლების მხრიდან არჩევნების გაყალბება ისეთი მასშტაბის ისეთი ფორმის, როგორიც იყო 2003 წელს, ის ცვლილებები ქართველმა ხალხმა არჩვენების გაყალბებით მოიტანა, შევარდნაძეს ჩვენ 40 წელი ვუყურებდით და მისი წასვლას, პრაქტიკულად, შეუძლებლად წარმოედგინა ყველას. ანალოგიური იყო 2012 წელს, რაც არ უნდა გველაპარაკა ჩვენ და რაც არ უნდა მძლავრი ყოფილიყო ივანიშვილის მიერ გაერთიანებული ოპოზიცია თავის უამრავი ფულით. მყარი მოლოდინი მაინც იყო ის, რომ ხელისუფლება არ შეიცვლებოდა. ამიტომ ორი მომენტია. პირველი და მთავარია, რომ ყველაფერს აქვს თავისი დრო. ჯერჯერობით ხელისუფლებები ძლებენ მხოლოდ ორი ვადით. 2020 წლის განცდა არის ის, რომ ორი ვადით უკვე ვნახეთ ეს კაცი ვინ არის,“ – განაცხადა გიგი უგულავამ.
-
2012 წლის შემდეგ, 400 000 ადამიანი სიღარიბიდან ამოვიდა, ზღვარს მიღმა 750 000 რჩება-კობახიძე
პარლამენტის თავჯდომარე ირაკლი კობახიძემ TV პირველის ეთერში ქვეყანაში არსებულ სიღარიბეზე ისაუბრა.
მისი თქმით, 2012 წლის შემდეგ 400 ათასი ადამიანი ამოვიდა სიღარიბიდან და რჩება 750 ათასი ადამიანი სიღარიბის ზღვარს მიღმა.
” სიღარიბეს განა ვერ ვხედავთ, აქვე კიდევ ერთხელ გავიმეორებ, რომ დღეს 750 ათასი ადამიანი საქართველოში ცხოვრობს სიღარიბის ზღვარს მიღმა. ეს არის დღევანდელი მოცემულობა. შესაბამისად, რომ გახვალთ ქუჩაში, არა ერთი, ორი, ათი და ასი ადამიანი, შეგიძლიათ 750 ათასი ადამიანი იპოვოთ, რომელიც სიღარიბის ზღვარს მიღმა ცხოვრობს საქართველოში. ეს არის დღევანდელი რეალობა. აქ მთავარია ტენდენცია ვნახოთ როგორია. 400 ათასი ადამიანი ამოვიდა სიღარიბიდან, რჩება 750 ათასი ადამიანი სიღარიბის ზღვარს მიღმა. ეს იმას კი არ ნიშნავს, რომ ჩვენ ვართ გენიოსები და სასწაული პოლიტიკა გვქონდა, ეს არის მარტივი მათემატიკა და არითმეტიკა. როდესაც ეკონომიკა იზრდება და ეკონომიკა არის გაზრდილი მნიშვნელოვნად 2012 წლის შემდეგ, ეს თავისთავად იწვევს, პირდაპირ რომ დახედოთ ქვეყნების მონაცემებს, ნახავთ ერთი ქვეყანა სადაც მთლიანი შიდა პროდუქტი ერთ სულ მოსახლეზე არის 5 ათასი დოლარი, მეორე ქვეყანაში 10 ათასი დოლარი, მესამეში 2 ათასი დოლარი, პირდაპირ შეგვიძლია ვთქვათ, რა არის სიღარიბე”-განაცხადა კობახიძემ.
-
დუნაის ფსკერიდან ჩაძირული კატერი ამოიყვანეს.ნაპოვნია 4 ახალი ცხედარი
ბუდაპეშტში მაშველებმა მდინარე დუნაის ფსკერიდან ამოიყვანეს მაისის ბოლოს ჩაძირული კატერი, რომელი დიდ ლაინერთან შეჯახების შედეგად ჩაიძირა. დუნაიზე ბოლო 65 წლის მანძილზე ყველაზე დიდი კატასტროფისას 28 ადამიანი დაიღუპა.მყვინთავებმა კატერის ნარჩენებიდან ოთხი დაღუპულის ცხედარი ამოიყვანეს. კიდევ ოთხი ადამიანის ცხედარი კი დღემდე ვერ იპოვეს.შეჯახება 29 მაისის საღამოს ბუდაპეშტის ცენტრში, მარგარეტის ხიდის ქვეშ მოხდა.როგორც მოგვიანებით გაირკვა მსხვილი შვეიცარული საკრუიზო ლაინერი Viking Sigyn კატერ Hableany–ს შეეჯახა და საშინლად დააზიანა. კატერის ბორტზე 35 ადამიანი იმყოფებოდა – ტურისტული ჯგუფი სამხრეთ კორეიდან და ეკიპაჟის ორი წევრი, კაპიტანი და თანაშემწე. მხოლოდ 7 ადამიანის გადარჩენა მოხერხდა.თვითმხილველების თქმით კატერი წამებში ჩაიძირა. რამდენიმე გარდაცვლილის ცხედარი მოგვიანებით ავარიის ადგილიდან 100 კილომეტრის დაშორებით იპოვეს. ისინი დინებამ წაიღო. კაპტანი დღემდე უგზო უკვლოდ დაკარგულად ითვლება. დაკარგულად ითვლებოდა ის ოთხი ადამიანიც, რომელთა ცხედრები კატერის ნარჩენებში იპოვეს.
შეჯახების შედეგად შვეიცარიული ლაინერის, Viking Sigyn–ის არცერთი მგზავრი არ დაზარალებულა. კაპიტანი კი 64 წლის უკრაინის მოქალაქეა, რომელიც დაუდევრობის ბრალდებით დააკავეს, რამაც მასობრივი მსხვერპლი გამოიწვია. გამოძიების ინფორმაციით კატასტროფა მსხვილი ლაინერის კაპიტნის არასწორმა მოქმედებებმა გამოიწვია.
-
თბილისის ქუჩები, რომელსაც 12 ივნისს ელექტრომომარაგება შეუწყდება
ხვალ, 12 ივნისს, თბილისის ზოგიერთ უბანს ელექტრომომარაგება დროებით შეუწყდება. თელასი მიზეზად გეგმურ-პროფილაქტიკურ სამუშაოებს ასახელებს.
გლდანის რაიონი
10 საათიდან 18 საათამდე შეზღუდვა შეეხება: გლდანის მასივის VII მიკრორაიონის, თემქის დასახლების IV მიკრორაიონის (ნაწილობრივ), გურამიშვილის გამზირის, დავით სარაჯიშვილის გამზირის, შეშელიძის, ხიზანიშვილის, თემქის და ხევძმარის ქუჩების მაცხოვრებლებს.
სამგორის რაიონი
10 საათიდან 18 საათამდე შეზღუდვა შეეხება: ლილოს დასახლების IV კვარტლის, ვარკეთილი-3 II მიკრორაიონის, საქსოფმანქანის დასახლების (ნაწილობრივ), გახოკიძის, მაისურაძის, დამპალოს, საქართველოს ერთიანობისთვის მებრძოლთა და ელენე გოკიელის ქუჩების მაცხოვრებლებს.
დიდუბის რაიონი
10 საათიდან 18 საათამდე შეზღუდვა შეეხება: აკაკი წერეთლის გმზირის, აგლაძის და სამტრედიის ქუჩების მაცხოვრებლებს.
საბურთალოს რაიონი
10 საათიდან 15 საათამდე შეზღუდვა შეეხება: ყაზბეგის გამზირის, ჩხეიძის, მაღალაშვილის, ლორთქიფანიძის, გეგეჭკორის და უნივერსიტეტის ქუჩების მაცხოვრებლებს.
11 საათიდან 16 საათამდე შეზღუდვა შეეხება: დიდი დიღმის (ნაწილობრივ), სოფელი დიღომის (ნაწილობრივ), კანდელაკის, ლევანდოვსკის, ვაზისუბნის, ცხინვალის, ონიაშვილის, ლვოვის და ლომონოსოვის ქუჩების მაცხოვრებელებს.
11 საათიდან 14 საათამდე შეზღუდვა შეეხება: ნუცუბიძის პლატოს IV მიკრორაიონის (ნაწილობრივ) მაცხოვრებელებს.
13 საათიდან 18 საათამდე შეზღუდვა შეეხება: დიდი დიღმის III მიკრორაიონის და ბაგრატ III ქუჩის მაცხოვრებლებს.
ჩუღურეთის რაიონი
10 საათიდან 18 საათამდე შეზღუდვა შეეხება: ივანე ჯავახიშვილის, კანკავას, აჯამეთის, ჩიქობავას, გოცირიძის და ქვლივიძის ქუჩების მაცხოვრებლებს.
მთაწმინდის და კრწანისის რაიონები
10 საათიდან 14 საათამდე შეზღუდვა შეეხება: მთაწმინდის, ლეონიძის, პაოლო იაშვილის, ლერმონტოვის, ქიქოძის, ლორთქიფანიძის, დოდო აბაშიძის, მაჩაბელის, გორგასლის და გულიას ქუჩების მაცხოვრებლებს.
10 საათიდან 12 საათამდე შეზღუდვა შეეხება: ლეონიძის, პაოლო იაშვილის და ინგოროყვას ქუჩების მაცხოვრებლებს.
ნაძალადევის რაიონი
11 საათიდან 15 საათამდე შეზღუდვა შეეხება: ზღვისუბნის დასახლების III მიკრორაიონის IV კვარტლის, თემქის დასახლების III მიკრორაიონის IV კვარტლის, ლევან რჩეულიშვილის, ცოტნე დადიანის, მახალდიანის, ხუდადოვის, ქურდიანის, თოფურიძის, ზაქარაიას, ზაქრაძის, ლალიონის, მანჯგალაძის და რკინიგზის ქუჩების მაცხოვრებლებს.
“კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება”-ნათქვამია კომპანიის განცხადებაში.
-
ირინა შეიკი და ბრედლი კუპერი ბოლოს და ბოლოს ნამდვილად დაშორდნენ
33 წლის მოდელი ირინა შეიკი და 44 წლის მსახიობი ბრედლი კუპერი ოთხწლიანი ურთიერთობების შემდეგ დაშორდნენ. ამის შესახებ ინფორმაცია გამოცემა People –მა გაავრცელა. წყვილი, რომელიც უკვე ცალ–ცალკე ცხოვრობს ფიქრობს, როგორ გაიყონ ორი წლის ქალიშვილზე მეურვეობა.შეგახსენებთ, რომ ირინა შეიკის და ბრედლი კუპერის რომანი 2015 წელს დაიწყო. ორი წლის შემდეგ მათ გოგონა ლეა შეეძინათ. როგორც ინსაიდერები ამბობენ, განხეთქილება წყვილს რამდენიმე თვის წინ ჰქონდა და დაშორების შესახებ განცხადების გაკეთებას ჯერ კიდევ ფილმ “ვარსკვლავის დაბადების“ გამოსვლამდე აპირებდნენ, რომელიც კუპერის სარეჟისორო დებიუტია.მათ გადაწყვიტეს დაშორება გადაედოთ, რადგან მაშინ ბრედლის კარიერაში დიდი აღმასვლის პერიოდი დაწყო და ნებისმიერ მსგავს მოვლენას შესაძლოა ყურადღება სხვა თემაზე გადაეტანა– ამბობს ინფორმირებული წყარო.კარგა ხნის მანძილზე ისინი თავს ყველას ისე აჩვენებდნენ, თითქოს ყველაფერი კარგად იყო. თუმცა მათი დაშორების შესახებ ჭორები მუდმივად ვრცელდებოდა.ჭორის ახალი ტალღა ოსკარის ცერემონიალის შემდეგ გავრცელდა, როცა ბრედლი კუპერმა ლედი გაგასთან ერთად სცენაზე სიმღერა Shallow შეასრულა. მაშინ ბევრს მოეჩვენა, რომ მსახიობს და მომღერალს ერთმანეთის მიმართ გრძნობები ჰქონდათ. თუმცა ლედი გაგა კუპერთან რომანის შესახებ ჭორებს უარყოფდა.შეიკის და კუპერის წარმომადგენლები ჯერჯერობით წყვილის დაშორების შესახებ ოფიციალურ განცხადებას არ აკეთებენ.
-
ლეონარდო დიკაპრიო შეყვარებულთან ერთად ლოს ანჯელესში. პაპარაცები ფოტოები
44 წლის ლეონარდო დი კაპრიო და მისი 21 წლის შეყვარებული კამილა მორონე პაპარაცების ობიექტივში ლოს ანჯელესში გასეირნების დროს მოხვდნენ. 10 ივნისის საღამოს წყვილმა, რომელიც 2017 წლიდან ერთად არის კალიფორნიის ერთ–ერთ საუკეთესო რესტორანში, Messhall–ში ივახშმა და ქალაქში ფეხით გაისეირნა.ცოტა ხნის წინ ლეო და კამილა ერთად გამოჩნდნენ კანში ფილმ “ერთხელ ჰოლივუდში“ პრემიერაზე.მართალია წითელ ხალიჩაზე ისინი ცალ–ცალკე პოზირებდნენ, სამაგიეროდ ოფიციალური ნაწილის დასრულების შემდეგ მთელ დროს ერთად ატარებდნენ. ისვენებდნენ იახტაზე, ვახშმობდნენ რესტორნებში და სეირნობდნენ სანაპიროზე.პირველად დი კაპრიოს და მორონეს ურთიერთობებზე 2017 წლის ბოლოს ალაპარაკდნენ. შემდეგი წლის გაზაფხულზე კი ისინი ლოს ანჯელესის ქუჩებში ერთად გამოჩნდნენ. აგვისტოში ჰოლივუდის ვარსკვლავმა შეყვარებულთან და მის ოჯახთან ერთად იტალიაში დაისვენა. მაშინ ინტერნეტში გამოჩნდა კადრები, რომლებზეც სელებრითები ზღვაში ერთად ბანაობენ და პლაჟზე ჩახუტებულები სეირნობენ.
წყვილი დღემდე საკუთარი ურთიერთობების აფიშირებას ერიდება. არანაირი ერთობლივი ფოტოები სოციალურ ქსელებში ან ინტერვიუ პირად ცხოვრებაზე. თუმცა ისინი პაპარაცების ობიექტივში ხანდახან მაინც ხვდებიან. გასული წლის ნოემბერში Us Weekly–ს ინფორმირებულმა წყარომ აცნობა, რომ ლეოს და კამილას ძალიან სერიოზული ურთიერთობა აქვთ. წყვილის ახლობლები კი ამბობენ, რომ მალე ისინი დაქორწინებას აპირებენ.
