აღვნიშნავთ ბუდესვერის [გერმანიის შეიარაღებული ძალები] დაარსების დღეს საპატიო სტუმართან, თავდაცვის ხელმძღვანელის მოადგილესთან, ბრიგადირ-გენერალ ჭიჭინაძესთან. მეამაყება გერმანია-საქართველოს სამხედრო თანამშრომლობა და საქართველოს თავდაცვის ძალების შესაძლებლობების გერმანიის მხარდაჭერა.
სამწუხაროდ, საქართველოს ამჟამინდელი პოლიტიკა შემაშფოთებელია გერმანიისთვის და საქართველოში ზოგიერთი დიდი სამხედრო პროექტის გაუქმება გამოიწვია.
წერს ამის შესახებ, X-ზე გერმანიის ელჩი პიტერ ფიშერი.
ოჯახური ღირებულებებისა და არასრულწლოვანთა დაცვის შესახებ კანონი ქვეყანაში მხოლოდ და მხოლოდ ლგბტ პროპაგანდის აკრძალვას ემსახურება და არ არის მიმართული სექსუალური უმცირესობების წარმომადგენელთა უფლებების შეზღუდვისკენ.
ნუ იჩქარებენ მსგავსი ტიპის განცხადებების გაკეთებას. ძალიან ბევრი რამ შეიცვლება. იცით, რომ ამერიკის შეერთებული შტატების საპრეზიდენტო არჩევნებში გაიმარჯვა დონალდ ტრამპმა, რომელსაც კონსერვატიული ღირებულებები აქვს. დაველოდოთ. ბევრი რაღაც შეიცვლება სხვადასხვა მიმართულებით. რაც შეეხება აღნიშნულ კანონს, ჩვენ ვეწინააღმდეგებით ქვეყანაში ლგბტ პროპაგანდას, რაც, როგორც მოზარდებში, ისე ბავშვებში კატეგორიულად მიუღებელია. ბევრჯერ მითქვამს და კიდევ ერთხელ გავიმეორებ: ამ ქვეყანაში ყველას უფლება დაცულია, განურჩევლად მათი სარწმუნოების და თუნდაც, სექსუალური ორიენტაციისა. არანაირი მნიშვნელობა არ აქვს – ყველა ვართ ჩვეულებრივი ადამიანები და ყველას უფლება დაცულია. ვინ ვისთან დადის, როგორ დადის და რა ფორმით, ეს მათი უფლებაა. როგორც უნდათ, ისე იყვნენ, ეს არ არის ჩვენი განსჯის საგანი. მთავარია, თავიანთი პირადი ჰქონდეთ თავისთვის. არ არის აუცილებელი ამ ყველაფრის პროპაგანდა.
საქართველოში “კარუსელები“ არის სკვერებში. შეუძლია, გახარიაც მივიდეს, გვარამიაც, ნიკა მელიას გაუჭირდება, შეიძლება, ჩატეხოს, მაგრამ გავაკეთებთ ისე, რომ ამ “კარუსელზე“ ნიკა მელიაც დაჯდეს.
ერთადერთი “კარუსელები“, რაც საქართველოში ტრიალებს, არის სკვერებში. ოპოზიციას შეუძლია, მივიდეს. მეტი საქმე მაინც არ ექნებათ, მით უმეტეს, თუ არ აპირებენ პარლამენტში მუშაობას და არც არასდროს მუშაობდნენ.
აგერ ახალი წელი მოვა და წერილებიც დაწერონ, განცხადებები თოვლის ბაბუას სახელზე, იქნებ, რამენაირად გონება ცოტა მაინც გაუნათდეთ. ეს არის მხოლოდ მათი შანსი. მეტი სხვა შანსი აღარ აქვთ, რადგან ყოველი მათი მორიგი განცხადება არის მათი კრახის გაგრძელება. საკუთარივე ამომრჩევლები დასცინიან.
15 ნოემბერს საქართველოში უნალექო ამინდი შენარჩუნდება, ხოლო 16-17 ნოემბერს დროგამოშვებით ნალექიანი და ქარიანი ამინდია მოსალოდნელი, 18 ნოემბერს ისევ უნალექო ამინდი იქნება. შესაბამის ინფორმაციას, გარემოს ეროვნული სააგენტო ავრცელებს.
თბილისში 15 და 18 ნოემბერს უნალექო ამინდი იქნება, ხოლო 16-17 ნოემბერს წვიმა და ქარია მოსალოდნელი. ჰაერის ტემპერატურა დღისით +13, +15 გრადუსი იქნება.
სანაპირო რაიონებში (ბათუმი, ქობულეთი, ანაკლია, ფოთი): 15 და 18 ნოემბერს თბილი და უნალექო ამინდი იქნება. ჰაერის ტემპერატურა დღისით +19, +21 გრადუსია მოსალოდნელი, ხოლო 16-17 ნოემბერს შედარებით აგრილდება, გაწვიმდება და ქარიც გაძლიერდება.
დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 15 და 18 ნოემბერს თბილი და უნალექო ამინდი იქნება. ჰაერის ტემპერატურა დღისით +19, +21 გრადუსი იქნება, ხოლო 16-17 ნოემბერს დროგამოშვებით წვიმიანი და შედარებით გრილი ამინდია მოსალოდნელი.
დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 15 და 18 ნოემბერს თბილი და უნალექო ამინდი იქნება. ჰაერის ტემპერატურა დღისით +14, +19 გრადუსია მოსალოდნელი. 16-17 ნოემბერს დროგამოშვებით ნალექიანი და შედარებით ცივი ამინდი იქნება.
დასავლეთ საქართველოს მაღალმთიან რაიონებში (მესტია, ბახმარო): 15 და 18 ნოემბერს უნალექო ამინდი იქნება. ჰაერის ტემპერატურა დღისით +12, +17 გრადუსია მოსალოდნელი. 16-17 ნოემბერს აცივდება და ზოგან მოთოვს.
ქართლში (რუსთავი, ბოლნისი, მარნეული, გარდაბანი, გორი, ცხინვალი): 15 და 18 ნოემბერს უნალექო ამინდი იქნება, ხოლო 16-17 ნოემბერს ზოგან წვიმა და ქარია მოსალოდნელი. ჰაერის ტემპერატურა დღისით +12, +16 გრადუსი იქნება.
კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 15 და 18 ნოემბერს უნალექო ამინდი იქნება, ხოლო 16-17 ნოემბერს ზოგან წვიმა და ქარია მოსალოდნელი. ჰაერის ტემპერატურა დღისით +12, +16 გრადუსი.
აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 15 და 18 ნოემბერს უნალექო ამინდი იქნება. 16-17 ნოემბერს ზოგან ნალექიანი და ქარიანი ამინდია მოსალოდნელი. ჰაერის ტემპერატურა დღისით +8, +13 გრადუსი.
აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 15 და 18 ნოემბერს უნალექო ამინდი იქნება. 16-17 ნოემბერს ზოგან თოვლი და ქარია მოსალოდნელი. ჰაერის ტემპერატურა დღისით +4, +9 გრადუსი.
ქართველი გულშემატკივრებისთვის 16 ნოემბერს, რესპუბლიკის მოედანზე, დიდი ეკრანი დამონტაჟდება, სადაც საქართველო-უკრაინის საფეხბურთო მატჩის საჯარო ჩვენება გაიმართება.შესაბამის ინფორმაციას თბილისის მერია ავრცელებს. აღნიშნულ ტერიტორიაზე ტრანსპორტის გადაადგილება აიკრძალება. შეზღუდვა რუსთაველის გამზირისა და პირველი რესპუბლიკის მოედნის კვეთიდან რესპუბლიკის მოედნისა და მერაბ კოსტავას ქუჩის კვეთამდე არსებულ საგზაო მონაკვეთში, 15 ნოემბრის 15:00 საათიდან 17 ნოემბრის 14:00 საათამდე იმოქმედებს.
“რუსთაველის გამზირიდან კოსტავას ქუჩის მიმართულებით მოძრავი ავტომობილები ზეთისხილის ხესთან მოხვევის შემდეგ, გადაადგილებას შეძლებენ კვლავ რუსთაველის გამზირისკენ, ასევე, იმოძრავებენ მიხეილ ჯავახიშვილისა და მერაბ კოსტავას ქუჩების მიმართულებით. ჯავახიშვილის ქუჩიდან მოძრავი ავტომობილები თბილისის სახელმწიფო საკონცერტო დარბაზის მიმართულებით გადაადგილდებიან, კოსტავას ქუჩიდან კი მოძრაობას შეძლებენ რუსთაველის გამზირისა და თავისუფლების მოედნის მიმართულებით, ასევე, ზეთისხილის ხესთან მოხვევის შემდეგ, კვლავ კოსტავას ქუჩას დაუკავშირდებიან.რაც შეეხება საზოგადოებრივ ტრანსპორტს, N359 ავტობუსი ვაკის მიმართულებით მოძრაობისას ჯავახიშვილის ქუჩიდან კოსტავას ქუჩის საშუალებით გადაადგილდება, შემდეგ კი იმოძრავებს დადგენილი სქემით; N457 მიკროავტობუსი ბესიკის ქუჩის მიმართულებით მოძრაობისას ჯავახიშვილის ქუჩიდან რევაზ თაბუკაშვილის ქუჩისკენ გადაადგილდება, რევაზ ლაღიძის ქუჩით დაუკავშირდება რუსთაველის გამზირს და შემდეგ სვლას დადგენილი სქემით განაგრძობს”, – წერია განცხადებაში.
გამოძიების ფარგლებში, პროკურატურამ ხმის მიცემის აღჭურვილობა დააყადაღა – აცხადებს ამის შესახებ, პარტია გახარია საქართველოსთვის ლიდერი გიორგი გახარია ბრიფინგზე.
“დღეს საქართველოში ჩატარებული არჩევნები არავინ არ ცნო, როგორც დემოკრატიული, თავისუფალი. არჩევნების ლეგიტიმაციის საკითხი ჩამოკიდებულია ჰაერში. ჩვენი საერთაშორისო სადამკვირვებლო მისიები და უცხოური პარტნიორები ამბობენ, რომ აუცილებელია შესაბამისი გამოძიების ჩატარება, რომ შემდგომ გადაწყდეს ამ არჩევნების ლეგიტიმაციის საკითხი, ამიტომ ჩვენ სწორედ ამ პრობლემის მოსაგვარებლად მივმართეთ თხოვნით ცესკოს, რომ გაესაჯაროებინა იმ ამომრჩეველთა სიები, ვინც მიიღო მონაწილეობა არჩევნებში, იმის მითითებით თუ რომელ უბანზე მიიღეს მონაწილეობა, ამაზე ცესკოს, რა თქმა უნდა, არანაირი რეაგირება არ მოახდინა. ამის შემდეგ მივმართეთ სასამართლოს იმისთვის, რომ სასამართლოს დაეცვა ის აღჭურვილობა, რომელზეც ეს ინფორმაცია ინახებოდა და მივმართეთ სასამართლოს თხოვნით, რომ გადაუდებლად მოეხდინა ამ აღჭურვილობის დაცვა.
სამწუხაროდ, სასამართლოზე გამოცხადდა ცესკოს წარმომადგენლები, რომლებმაც თქვეს, რომ პროკურატურამ დაიწყო გამოძიება და ამ გამოძიების ფარგლებში დააყადაღა ეს აღჭურვილობა.
ფაქტობრივად, ახლა გვაქვს გარემოება, როდესაც მთავარი მტკიცებულება, რომელმაც არა მხოლოდ ჩვენთვის, საქართველოს მოქალაქეებისთვის და პირველ რიგში, ოცნებისთვის, შეიძლება დაამტკიცოს, რომ ეს არჩევნები იყო სამართლიანი და არაფერი არ გაყალბებულა, ამისთვის საჭიროა, ამ აღჭურვილობაზე არსებული სიების ინფორმაციის გასაჯაროება, რომ თითოეულმა ჩვენგანმა ნახოს სად და როდის მივეცით ხმა.
იმის მაგივრად, რომ ოცნებას ეს გაეკეთებინა, ოცნებამ პროკურატურის საშუალებით ეს აღჭურვილობა უბრალოდ ტყვეობაში აიყვანა, დააყადაღა. და ფაქტობრივად, დღეს ცესკო ღიად ამბობს, რომ რაღაც ფეიკ სისხლის სამართლის საქმის ფარგლებში, ცესკოსაც აღარ აქვს წვდომა ამ აღჭურვილობაზე და მთელი პასუხისმგებლობა ასე გადავიდა პროკურატურაზე.
შესაბამისად, ყველა ის გამოძიება, რასაც მოუწოდებს საქართველოს მოქალაქეები, ისევე როგორც საერთაშორისო საზოგადოება მოუწოდებს ოცნებას, რომ დავრწმუნდეთ იყო თუ არა ეს არჩევნები სამართლიანი, ოცნებასაც ხომ უნდა, რომ ამაში დავრწმუნდეთ, ამისთვის საჭიროა, ამ სიების გასაჯაროება. ზუსტად ეს აღჭურვილობა რამდენიმე დღის წინ ოცნებას აუყვანია ტყვეობაში, პროკურატურის საშუალებით, რაღაც სისხლის სამართლის საქმის ფარგლებში”. – თქვა ბრიფინგზე.
“ოცნებამ წინასაარჩევნო კამპანიის დროს სამართლებრივი და მორალური ბაზისი შეუქმნა იმ ქმედებებს, რასაც რუსეთი ახორციელებს აფხაზეთში. ეს იყო, ბოდიში, რომელიც რუსეთის საგარეოს განცხადებაში გამოყენებულია იმის დასადასტურებლად რომ ომი დაიწყო საქართველომ. შემდგომ პრემიერის მიერ დაბრალება, რომ ომი დაიწყო საქართველომ და გაასამართლებენ ომის დამნაშავეებს. ამის შემდგომ კამპანია, რომ დასავლელი პარტნიორები გვთხოვენ ახალი, მეორე ფრონტის გახსნას რუსეთის წინააღმდეგ, აფხაზეთის და სამაჩაბლოს გავლით.
ამ ყველაფერს რუსეთის ფედერაცია მიჰყავს შემდეგ დასკვნებამდე: თქვენ არ გაქვთ საკონსტიტუციო უმრავლესობა; გაქვთ 72-ე პუნქტი კონსტიტუციაში; თქვენ თვითონ აღიარებთ, რომ ომი დაიწყეთ თქვენ; თქვენმა ხელისუფლებამ უნდა მოიხადოს ბოდიში; გაძალებენ მეორე ფრონტის გახსნას; ქვეყანაში არსებობენ პოლიტიკური ძალები, რომლებიც იღვწიან ომის დასაწყებად. – ამ ყველაფრის შედეგად რუსეთი საქართველოსგან ოფიციალურად ითხოვს აფხაზეთთან და სამაჩაბლოსთან საზღვრების დელიმიტაციას, ოფიციალურად ითხოვს ცეცხლის არ განახლების ხელშეკრულებაზე ხელის მოწერას. ყველას უნდა გვესმოდეს, რომ ეს არის ფაქტობრივად აღიარების პროცესის დაწყება, თავი რომ დავანებოთ ანექსიური პროცესების უმძიმეს სახეს, რომელიც აფხაზეთში ხდება.
უნდა გვესმოდეს, რომ “ოცნება”, რომელიც ტერიტორიული მთლიანობის აღდგენას გვპირდებოდა, მხოლოდ და მხოლოდ იმიტომ რომ ძალაუფლება შეენარჩუნებინა, უზარმაზარი რისკის ქვეშ დააყენა ქვეყნის მთლიანობა და სუვერენიტეტი.
ივანიშვილს არანაირი რესურსი არ აქვს რომ ეროვნულ ინტერესებზე დაფუძნებით რაიმე შეთანხმებას და პროგრესს მიაღწიოს ქვეყნის მთლიანობის აღსადგენად. ერთადერთი რაც “ოცნებას” და ივანიშვილს გააჩნია ესაა, რომ რაც შეიძლება მეტი რუსული შავი ფული იშოვონ. რუსეთის ფედერაციისთვის კორუმპირებული, სუსტი და არალეგიტიმური ხელისუფლება არის საჩუქარი და ყველას უნდა გვესმოდეს, რომ რუსეთი უკმაყოფილოა იმით, რომ ოცნებამ არჩევნებში საკონსტიტუციო უმრავლესობა ვერ აიღო და ფაქტობრივი ანექსია დაიწყო. “
აცხადებს, პარტია “გახარია საქართველოსთვის” ლიდერი გიორგი გახარია.
ისტორია გვასწავლის, რომ დიქტატორები ძალაუფლების მოპოვებას დემოკრატიული არჩევნების გზით ცდილობენ, თუმცა თუ მათ ძალაუფლების დათმობა არ სურთ, ისინი საფრთხედ იქცევიან არამხოლოდ მათი ქვეყნისთვის, არამედ საერთაშორისო თანამეგობრობისთვისაც.
2012 წელს პრეზიდენტმა სააკაშვილმა გადაწყვიტა, მშვიდობიანად გადაებარებინა ძალაუფლება, რომელიც მის ხელში აღარ იყო. თუმცა 2016 წელს და განსაკუთრებით 2020 წლის არჩევნების შემდეგ, საქართველო ავტორიტარული რეჟიმისკენ მიმავალ გზას დაადგა.
სამწუხაროდ, ადამიანებმა, რომლებიც ამჟამად სადავეებთან არიან, ფული რუსული ინვესტიციებისგან იშოვეს. დღეს ის ადამიანები არიან სადავეებთან საქართველოში, რომლებსაც გარკვეულ წრეებში კრიმინალურ დაჯგუფებებთან აქვთ კავშირები.
დროა, გამოვიტანოთ დასკვნა, ამიტომ მოგიწოდებთ, ევროკომისარო, რომ მოახდინოთ საქართველოს მოქმედი მთავრობის იზოლაცია მათთვის ევროპული ფონდების შეჩერებით, სავიზო რეჟიმის დაწესებითა და მსოფლიოს მასშტაბით ამ სისტემის წარმომადგენლებისთვის სანიტარული კორდონის შექმნით.
დებატების დროს მე წარმოვადგენ ევროპის სახალხო პარტიის პოზიციას. ასევე იმედი მაქვს, რომ შემდეგ სხდომაზე 2 კვირაში რეზოლუციაც იქნება მიღებული.
ჩვენი აზრით, საქართველოში დემოკრატიული არჩევნები არ ჩატარებულა და ჩვენ არ ვცნობთ ამ არჩევნებს.
ქართულ ოცნებას არჩევნები არ მოუგია.
ჩვენ ვაპირებთ წარვუდგინოთ მოსაზრება სხვა ქვეყნებს, რომ საჭიროა ამ არჩევნების დამოუკიდებელი საერთაშორისო გამოძიება.
შესაძლებელია ვისაუბროთ მომავალში ისეთი არჩევნების ჩატარებაზე, რომელსაც საერთაშორისო დემოკრატიული ინსტიტუტები გააკონტროლებენ და არა ქართული ოცნება.
ამ ყველაფერს ექნება გავლენა ევროკავშირსა და საქართველოს შორის ურთიერთობებზე. ამ ეტაპზე გაწევრიანების პროცესი გაჩერებულია და ეს ასე დარჩება. ევროკავშირში არავინ აპირებს ერთი და იგივე შეცდომა გაიმეოროს.
აქამდე ქართულ ოცნებასთან რბილად ვსაუბრობდით, ვამბობდით, რომ ისინი არ იყვნენ იდეალურები, მაგრამ ხალხი იმსახურებდა კანდიდატის სტატუსს.
რა თქმა უნდა, ქართველი ხალხი იმსახურებს ევროპულ მომავალს, მაგრამ მეორე მხრივ, ჩვენთვის ძალიან ცხადია, რომ ევროკავშირის წევრობა შეუთავსებელია ოლიგარქიულ სისტემასთან.
სათქმელი ბევრია და ვფიქრობ, ეს იქნება სხვადასხვა პოლიტიკური პარტიების სათქმელიც დებატების დროს.
ევროპარლამენტში უკვე რამდენჯერმე ვახსენეთ სანქციები, განსაკუთრებით ბიძინა ივანიშვილის კონტექსტში, რომელმაც დაიმსახურა დასანქცირება.
აშშ-მაც დააწესა გარკვეული სანქციები – დარწმუნებული ვარ, ახალი ევროკომისია, რომელიც დამტკიცდება, იქნება ბევრად ქმედითი და მხარს დაუჭერენ, რომ სანქციები დაწესდეს.
ბოლო რეზოლუციაში, რომელიც ჩვენ არჩევნებამდე შევიმუშავეთ სტრასბურგში, ვახსენეთ ვიზალიბერალიზაციის სტატუსიც, რადგან მიუღებელია, რომ იქცეოდე ანტიევროპულად და ამავდროულად სარგებლობდე ევროკავშირის სიკეთეებით.
“მე და ჩემი 6 კოლეგა საქართველოში არჩევნების სადამკვირვებლო მისიაში ვიყავით ჩართულნი და თაღლითობა, დაშინება დავინახეთ. ამიტომ, მსურს, ამაზე დებატები აქ, პარლამენტში გავმართოთ. რაც ახლა საქართველოში ხდება, ვგულისხმობ პროტესტებს, ქუჩაში ქართული და ევროპული დროშებით გამოსულ ხალხს, ისინი ბევრს ელიან ევროკავშირისგან. სამწუხაროდ, ევროპულმა საბჭომ ბოლო შეხვედრაზე ამაზე სალაპარაკოდ დრო ვერ გამონახა”,
ამის შესახებ, ევროპარლამენტარმა, ნატალი ლუაზომ ევროპარლამენტის პლენარულ სხდომაზე განაცხადა.