Cuando se concierne a obtener efectivo, hay muchas opciones disponibles para clientes. Una elección popular es préstamos de afiliados, que son préstamos que son obtenidos con una asociación entre un proveedor de préstamos y un asociado tercero. En este post, exploraremos qué son los préstamos de afiliados, exactamente cómo funcionan, y los ventajas (more…)
Blog
-
ტრამპს სურს პუტინმა და ზელენსკიმ, მისი პირდაპირი ჩართულობის გარეშე დააორგანიზონ შეხვედრა – The Guardian
შეერტებული შტატების პრეზიდენტს, დონალდ ტრამპს სურს, რომ პუტინმა და ზელენსკიმ შეხვედრა მისი მონაწილეობის გარეშე დააორგანიზონ. შესაბამის ინფორმაციას გამოცემა The Guardian აშშ-ის პრეზიდენტის ადმინისტრაციის მაღალჩინოსანზე დაყრდნობით ავრცელებს.
როგორც გამოცემა წყაროზე დაყრდნობით იუწყება, დონალდ ტრამპი უკრაინაში რუსეთის შეჭრის დასრულებაზე მოლაპარაკებებიდან უკან დგამს ნაბიჯს და სურს, რომ რუსეთისა და უკრაინის ლიდერებმა მისი პირდაპირი ჩართულობის გარეშე დააორგანიზონ შეხვედრა.
ასევე წყაროს ცნობით, ბოლო დღეებში ტრამპმა თავის მრჩევლებს უთხრა, რომ ის ზელენსკისთან და პუტინთან სამმხრივ შეხვედრას მხოლოდ მას შემდეგ უმასპინძლებს, რაც ისინი ჯერ ერთმანეთს შეხვდებიან.
-
”ბაიდენი უკრაინას უკან შებრძოლების უფლებას არ აძლევდა. მხოლოდ – თავდაცვის..”-ტრამპი
„ძალიან რთულია, თუ შეუძლებელი არა, ომის მოგება დამპყრობელ ქვეყანაზე შეტევის გარეშე. ეს იგივეა, სპორტში გყავდეს შესანიშნავი გუნდი, რომელსაც ფანტასტიკური დაცვა ჰყავს, მაგრამ თავდასხმაში თამაშის უფლება არა აქვს. გამარჯვების შანსი არ არსებობს! ასეა უკრაინასა და რუსეთის შემთხვევაში. უნამუსო და უკიდურესად არაკომპეტენტური ჯო ბაიდენი უკრაინას წინააღმდეგობის გაწევის საშუალებას არ აძლევდა, მხოლოდ თავდაცვის. როგორ გამოვიდა ეს? ეს ომი არასდროს იქნებოდა, მე რომ პრეზიდენტი ვყოფილიყავი“,
-
უკრაინელებმა იერიში მიიტანეს რუსულ მატარებელზე რომელსაც ფრონტზე საწვავი გადაჰქონდა
უკრაინელებმა იერიში მიიტანეს, ოკუპირებულ ყირიმში, ჯანკოის სადგურის მახლობლად არსებულ რუსულ მატარებელზე რომელსაც ფრონტზე საწვავი გადაჰქონდა – იერიშის შედეგად, მნიშვნელოვნად გართულდა რუსეთის სამხრეთ სამხედრო დაჯგუფებისთვის მომარაგების უზრუნველყოფა.
უკრაინის შეიარაღებული ძალების სპეციალური ოპერაციების ძალების ინფორმაციით, ოპერაცია 21 აგვისტოს ღამით ჩატარდა და მისი შედეგად დაზიანდა მოწინააღმდეგის მოძრავი შემადგენლობა.
-
“ექსპერტიზაში წერია რომ ნინო დათაშვილი ფსიქიკურად სრულად ჯანმრთელია! ” – ადვოკატი
“ექსპერტიზაში წერია რომ ნინო დათაშვილი ფსიქიკურად სრულად ჯანმრთელია! და მიუხედავად ამ შედეგისა, პროცედურა იყო დარღვევით ჩატარებული და ამიტომ არ უნდა დაერთოს საქმეს” – განაცხადა ნინო დათაშვილის ადვოკტმა, ელისო რუხაძემ.
პროკურატურამ საქმეში ლევან სამხარაულის სახელობის ექსპერტიზის ბიუროს მიერ გაცემული ფსიქიატრიული ექსპერტიზის დასკვნის დართვა და დასაკითხთა სიაში 2 ექსპერტის, თამარ ნიკოლოზიშვილის და დავით მაღრაძის დამატება მოითხოვა.
პროკურატურამ ნინო დათაშვილის მიმართ ფსიქიატრიული ექსპერტიზის ჩატარება მოითხოვა, სასამართლომ კი აღნიშნული შუამდგომლობა დააკმაყოფილა.
სასამართლომ ნინო დათაშვილის ფსიქიატრიულ დაწესებულებაში არანებაყოფლობით გადაყვანის ნებართვა გასცა, ანუ სასამართლოს დადგენილება სტაციონარში გადაყვანას ეხებოდა.7 აგვისტოს სასამართლო პროცესზე ადვოკატმა თამარ გაბოძემ თქვა, რომ ეროვნული ბიუროს ფსიქიატრიული ექსპერტიზის დეპარტამენტის უფროსი, დავით მაღრაძე „ჩუმად შეაპარეს ნინო დათაშვილის საკანში”, სადაც მან ამბულატორიული ექსპერტიზა ჩაატარა. -
რუსეთმა, ჩვენი ტერიტორიების მხოლოდ 1%-ის დაკავება შეძლო. ულტიმატუმებს არ ვიღებთ, უკრაინა მტკიცედ დგას და არ მარცხდება! – ერმაკი
„პუტინის სიტყვებს ფასი არ აქვს, თუ ამას რეალური ნაბიჯები არ მოჰყვება. მოკავშირეებთან ერთად რუსეთს მოლაპარაკებების მაგიდასთან დაჯდომა უნდა ვაიძულოთ. ჩვენ ულტიმატუმებს არ ვიღებთ. ვითარება რთულია, მაგრამ უკვე 1000 დღეზე მეტია ვიბრძვით და ამას გავუძელით. უკრაინა მტკიცედ დგას და ის არ მარცხდება.[…] ბუდაპეშტის მემორანდუმის შეცდომას აღარ გავიმეორებთ. მხოლოდ ჩვენს მოკავშირეებს – აშშ-ს, ევროპასა და „მსურველთა კოალიციას“ ვენდობით. უკრაინაში ჯარების განთავსების მზადყოფნა უკვე რამდენიმე ქვეყანამ დაადასტურა“,
ამის შესახებ უკრაინის პრეზიდენტის ადმინისტრაციის ხელმძღვანელი, ანდრეი ერმაკი Corriere della Sera-სთან ინტერვიუში აცხადებს.
-
რას იტყვით იმ ბავშვებზე რომლებიც იმიტომ სხედან ციხეში, რომ ოპოზიცია არ ერთიანდება საერთო მტრის წინააღმდეგ? გრძნობთ პასუხისმგებლობას ამ ადამიანებზე? – ზვიად ცეცხლაძე ოპოზიციას
პროდასავლურ აქციებზე დაკავებული დემონსტრანტის ზვიად ცეცხლაძის წერილი ოპოზიციას, რომელსაც „დაფიონი” ავრცელებს.
„სამწუხაროდ, ოპოზიცია ერთობის ეტალონი არასდროს ყოფილა, მაგრამ ის, რაც დღეს ხდება, ძალიან მძიმეა… ვხედავთ ოპოზიციის შიგნითვე განსხვავებული აზრი როგორ იდევნება. […]
როგორც მოქალაქეს, მე მიჩნდება მნიშვნელოვანი შეკითხვა – შესწევს ძალა ოპოზიციას, რომ შექმნას სიცოცხლისუნარიანი კოალიციური მთავრობა?
ქუჩაში გამოსული, როდესაც ვითხოვდი მთავრობის ცვლილებას, არსებული ხელისუფლების ალტერნატივად წარმომედგინა კოალიციური მთავრობა, მწამდა, რომ არსებულ ხელისუფლებას ნებისმიერი სხვა მთავრობა აჯობებდა და მწამდა, რომ ქვეყანაში არსებული უკიდურესად მძიმე სიტუაცია აიძულებდა ოპოზიციას, გაერთიანებულიყო. (ამ უკანასკნელში კი მძიმედ შევცდი). მაშინ, როდესაც მთლიანი ოპოზიციის არსებობა კითხვის ნიშნის ქვეშ დგას, საქართველოს სუვერენიტეტს კი საფრთხე ემუქრება, ოპოზიცია ახერხებს, რომ მტერი საკუთარ რიგებში ეძიოს – ოთხი ოპოზიციური ცენტრი ორ ნაწილად იყოფა და ჯანსაღი დისკუსიის ნაცვლად ერთმანეთს ლანძღავს, თუმცაღა არც ერთ მათგანს სრულფასოვანი სამოქმედო გეგმა არ წარმოუდგენია.
ამ ორად გაყოფილი ცენტრებიდან ერთ-ერთმა საკუთარი თავი მარტივ მამრავლებადაც კი დაშალა, რომ უფრო მეტნი გამოჩენილიყვნენ, მაგრამ თავად ეს მარტივი მამრავლებიც ვერ თანხმდებიან ერთმანეთში და კონკრეტული თარიღის თაობაზე ჩხუბობენ – ჩემთვის, როგორც ოპოზიციურად განწყობილი მოქალაქისთვის, ეს უკიდურესად შეურაცხმყოფელია. ერთობის არარსებობაშიც თითოეული თქვენგანი სხვას ნებისმიერს დაადანაშაულებს, მაგრამ არა საკუთარ თავს. პასუხისმგებლობა კი ყველას ერთნაირად გეკისრებათ.
მიპასუხეთ ერთ კითხვაზე – ცალ-ცალკე ქოცებზე მეტი ხმა არც ერთს არ აგიღიათ. უმრავლესობა მხოლოდ მაშინ ხართ, როცა ოთხივე ერთიანდებით. ერთის გამოკლებაც კი ნიშნავს, რომ საერთო მთავრობას ვეღარ ქმნით და მაშინ, რომელი ახალი მთავრობის მოსაყვანად მოგვიწოდებთ, რომ ქუჩაში გამოვიდეთ და თავი გავწიროთ? იმ მთავრობის, რომელსაც თქვენვე ვერ აყალიბებთ?
ჩემი ციხეში ყოფნა მხოლოდ და მხოლოდ ჩემს პასუხისმგებლობად მიმაჩნია, მაგრამ რას იტყვით იმ 19-20 წლის ბავშვებზე, რომლებიც მხოლოდ იმიტომ სხედან ციხეში, რომ ოპოზიციური პარტიები არ ერთიანდებიან საერთო მტრის წინააღმდეგ. გრძნობთ პასუხისმგებლობას ამ ადამიანების ბედზე?”,
-
“ნაომარი ქალაქი რუსული მმართველობის წინააღმდეგ” – დღეს, 18:00 საათზე გორის საკრებულოსთან აქცია გაიმართება
“ნაომარი ქალაქი რუსული მმართველობის წინააღმდეგ” – ამ ლოზუნგით, დღეს, 18:00 საათზე გორის საკრებულოს შენობასთან აქცია დაანონსდა.
„მოგიწოდებთ ყველა პოლიტიკური პარტიის წარმომადგენლებს, როგორც ადგილობრივს, ისე ცენტრალურს, სამოქალაქო საზოგადოებას, არასამთავრობო სექტორს, აქტივისტებს, დღეს ყველას გელოდებით გორში! ეს არ არის მხოლოდ გორის სირცხვილი, ეს ყველაფერი საქართველის ღირსებაზე გადის!“ – წერს აქციის ორგანიზატორი.
გორის საკრებულოს თავმჯდომარემ, დავით რაზმაძემ The New York Times-თან ინტერვიუში2008 წლის ომზე ისაუბრა და თქვა: „რუსები აქ მოვიდნენ, როგორც შვიდობისმყოფელები და მადლობა ღმერთს, რომ შემოვიდნენ, რადგან მიშას ხულიგნები მთელ ქალაქს ძარცვავდნენ. მათ მღვდლის მანქანაც კი მოიპარეს, გჯერათ?! რუსები რომ არ მოსულიყვნენ, ვინ იცის, კიდევ რამდენ ზიანს მოგვაყენებდნენ“.
-
კანონის წინაშე ყველა თანასწორია,მინდა ვისარგებლო ამ უფლებით – დათაშვილი სასამართლოზე
“ყველა არგუმენტი არის უსაფუძვლო. ბევრი რამ არის არალოგიკური და არგუმენტირებული. ეს შუამდგომლობა დაკავებაზე გამოუშვა ერთმა მოსამართლემ, მეორემ წინასწარ პატიმრობაში გამიშვა, მესამემ პატიმრობაში დამტოვა, იძულებით ფსიქიატრიული ექსპერტიზა დამინიშნეს და ა.შ. მეც ვეთანხმები ადვოკატს. ჩემთვის არ არის ადვილი ამ მანდატურების ყურება – კანონის წინაშე ყველა თანასწორია და მეც მინდა ვისარგებლო ამ უფლებით”.
დღეს, თბილისის საქალაქო სასამართლოში მასწავლებლის და აქტივისტის, ნინო დათაშვილის საქმის არსებითი განხილვა დაიწყო.დათაშვილმა დღევანდელ სხდომაზე მისი საქმის დეტალების შესახებ ისაუბრა.
-
ზელენსკი აცხადებს, რომ უკრაინა ზამთარში რაკეტა “ფლამინგოს” მასობრივ წარმოებას დაიწყებს
უკრაინის მეთაურის, ვოლოდიმირ ზელენსკის განცხადებით, რომ უკრაინა ზამთარში რაკეტა “ფლამინგოს” მასობრივ წარმოებას დაიწყებს.
РБК-Україна ციტირებს ზელენსკის სიტყვებს, რომელთა მიხედვითაც რაკეტა უკვე გამოცადეს. უკრაინის პრეზიდენტის თქმით, ეს მისი ქვეყნის მფლობელობაში ყველაზე ეფექტური რაკეტაა.
“ჯერჯერობით ეს არის ყველაზე წარმატებული რაკეტა, რაც გაგვაჩნია. ის 3 000 კილომეტრს ფარავს, ეს მნიშვნელოვანია.” – თქვა ზელენსკიმ.
უკრაინის პრეზიდენტმა აღნიშნა, რომ ფლამინგოზე დამატებითი დეტალების გასაჯაროება ნაადრევი იქნება მანამ, სანამ მათი დიდი რაოდენობით გამოყენება არ შეეძლებათ.
“დეკემბერში ჩვენ მეტი გვექნება. დეკემბრის ბოლოს ან იანვარ-თებერვალში კი დაწყებული უნდა იყოს მასობრივი წარმოება. უნდა დავაკვირდეთ წარმატებებს გამოცდის დროს, უნდა დავაკვირდეთ ამ პროგრამის დაფინანსებას.” – თქვა ზელენსკიმ.