newsreport.ge

Category: ახალი ამბები

  • ნიკოლ ქიდმანი ტენისის მატჩზე ქმართან ერთად

    Australian Open 2019 –ის ნახევარფინალი ჩეხ ტენისისტ პეტრა კვიტოვასა და ამერიკელ ტენისისტ დენიელ კოლინსს შორის მელბურნში გაიმართა და როგორც მოსალოდნელი იყო პრესისა და ცნობილი ვარსკვლავების ყურადღება მიიპყრო. სხვა გულშემატკივრებს შორის ტრიბუნაზე ჟურნალისტებმა ნიკოლ ქიდმანი შენიშნეს ქმართან, კიტ ურბანთან ერთად.

    მსახიობი თამაშის ყურებით და მშვენიერი ამინდით ტკბებოდა. ფოტოგრაფებმა დრო იხელთეს და ქიდმანს უამრავი ფოტო გადაუღეს. მას  გრძელი, ვიწრო თეთრი კაბა ეცვა და თეთრი ფართე ქუდი ეხურა მზისგან დასაცავად. 

  • დემნა გვასალიას ახალი “ფულის სანდლები”

    დემნა გვასალიამ თავისი ბრენდის VETEMENTS-ის ახალი ფეხსაცმელი წარადგინა.
    ფეხსაცმელი 2019 წლის გაზაფხული – ზაფხულის კოლექციიდანაა რომლის ქუსლის ფულის მონეტებისგანაა დამზადებული.
    ფულის სანდლებმა სოციალურ ქსელ „ინსტაგრამზე“ ისევე როგორც დემნას მიერ შექმნილმა სხვა სამოსსმა თუ ფეხსაცმელმა აზრთა სხვადასხვაობა გამოიწვია. ფეხსაცმლის ფასი საკმაოდ სოლიდურია. „ფულის სანდლების“ ფასი 1 260.27 ამერიკული დოლარია.
    დემნა გვასალია VETEMENTS-ის ბრენდით 2014 წელს გამოჩნდა. თავისი უნიკალური დიზაინით ბრენდმა მალევე გაითქვა სახელი და თანამედროვე მოდის ყველაზე გავლენიანი ბრენდის გახდა.

  • საოკუპაციო ხაზთან ახალი ხეხილის ბაღი გაშენდა

    ერთიანი აგროპროექტის“ ფარგლებში, პროექტის „დანერგე მომავალი“ ბენეფიციარმა, მამუკა მერებაშვილმა 6 ჰა-ზე ვაშლის, ქლიავის და ატმის ბაღი გააშენა. ხეხილის ბაღი საოკუპაციო ხაზთან, გორის რაიონის სოფელ მეჯვრისხევში მდებარეობს.
    გარემოს დაცვისა და სოფლის მეურნეობის მინისტრის მოადგილე გიორგი ხანიშვილი, შიდა-ქართლში სახელმწიფო რწმუნებულის მოადგილესთან ნუგზარ სამხარაძესთან ერთად, მამუკა მერებაშვილის ხეხილის ბაღს ეწვია და გაშენებული ბაღი დაათვალიერა. ბენეფიციარი პროგრამაში 2017 წელს ჩაერთო. ბაღის გაშენებისა და სარწყავი სისტემების მოწყობისთვის 45,100 ლარის ოდენობის სახელმწიფო დაფინანსება მიიღო, აქედან, 32,700 ლარი ნერგებისთვის, ხოლო 12,400 ლარი, წვეთოვანი სისტემებისთვის.

    პროექტის „დანერგე მომავალი“ ფარგლებში,საქართველოს მასშტაბით, ხეხილის ახალი ბაღები 6,347 ჰექტარზეა გაშენებული და სახელმწიფო დაფინანსების მოცულობა 34,261,096 მილიონ ლარს შეადგენს. აქედან, შიდა-ქართლის რეგიონში ხეხილის ბაღები 1,744 ჰა მიწის ფართობზე გაშენდა.

  • მეცნიერებმა ინფარქტის და ინსულტის წინააღმდეგ საუკეთესო საშუალება დაასახელეს

    გულსისხლძარღვთა დაავადებებისაგან, მათ შორის ინფარქტისგან და ინსულტისგან გარდაცვალების რისკს თევზის ქონისგან დამზადებული პრეპარატები ამცირებს. ასეთ დასკვნამდე მივიდნენ ამერიკელი მეცნიერები ორი მაშტაბური კვლევის შემდეგ. პირველ ექსპერიმენტში 8 ათასზე მეტი ადამიანი მონაწილეობდა, რომლებიც ომეგა 3–ის პრეპარატებს იღებდნენ, რომელიც იმავე ცხიმოვან მჟავას შეიცავს, როასაც თევზის ქონი. კვლევის შედეგებმა აჩვენა, რომ ადამიანები რომლებიც ამ მჟავას იღებენ იშვიათად კვდებიან გულის შეტევისა და ინსულტებისგან.


    მეორე კვლევაში 26 ათასი ადამიანი მონაწილეობდა, რომელთა ნაწილი ყოველდღიურად იღებდა თევზის ქონზე დამზადებული პრეპარატის ერთ გრამს. გაირკვა, რომ ამ პრეპარატების მიღებამ გულის შეტევების რისკი 28%–ით შეამცირა.

  • ჯიჯი ჰადიდის საკუთარი ფოტოს გამოქვეყნების გამო უჩივიან

    მოდელ ჯიჯი ჰადიდის უკვე მეორედ უჩივლეს სოციალურ ქსელში საკუთარ ანგარიშზე საკუთარი ფოტოს გამოქვეყნების გამო.
    ფოტოსააგენტო Xclusive-Lee Inc მა პოდიუმების ვარსკვლავს იმის გამო უჩივლა, რომ მან პაპარაცის მიერ გადაღებული ფოტო ინსტაგრამზე უფლებების მფლობელის ნებართვის გარეშე გამოაქვეყნა. ანუ ჯიჯის საკუთარი ფოტოები სააგენტოსგან უნდა გამოესყიდა და მხოლოდ ამის შემდეგ ექნებოდა სოციალურ ქსელში მათი გამოქვეყნების უფლება. .
    ეს პირველი შემთხვევა არ არის, როცა მოდელს მისივე ფოტოების გამოყენების გამო ედავებიან. გასული წლის ოქტომბერში ასეთი რამ ერთხელ უკვე მოხდა. მაშინ გოგონამ ინსტაგრამზე დიდი წერილი გამოაქვეყნა, რომელშიც სიტუაციის აბსურდულობაზე საუბრობდა. ჯიჯის აღშფოთებული იყო იმის გამო, რომ ფოტოგრაფები მოსვენებას არ აძლევენ, ხანდახან კადრის გადასაღებად მის სიცოცხლესაც კი უქმნიან საფრთხეს და ფოტოებს ისე უღებენ, მას არც ეკითხებიან უნდა თუ არა ეს, და ამის შემდეგ ფული უნდა გადაუხადოს ფული იმ სააგენტოს, ვისაც ეს ფოტოები ეკუთვნის.
    “მესმის რომ პაპარაცები ამით შოულობენ საარსებო ფულს. პატივს ვცემ მათ საქმიანობას. ეს მოცემულობა უნდა მივიღო როგორც მოდელმა და შევეგუო. მაგრამ არსებობს ზღვარი – წერდა მაშინ მოდელი.“

  • ბრიჯიტ მაკრონმა ჩაცმულობით ეგვიპტელები გააოცა

    საფრანგეთის პრეზიდენტის, ემანუელ მაკრონის მეუღლის ჩაცმულობამ ეგვიპტეში ვიზიტისას პუბლიკის ყურადღება მიიპყრო. ამის შესახებ Daily Mail წერს.

    საფრანგეთის პირველი ლედი ქმართან ერთად ნილოსის დასავლეთ სანაპიროზე, აბუ–სიმბელში კლდეში გამოკვეთილ ძველეგვიპტურ ტაძრებს ეწვია. ექსკურსიაზე 65 წლის ბრიჯიტ მაკრონს ფრანგული ბრენდის, Louis Vuitton –ის ბოტასები ეცვა კლსიკურ ნაცრისფერ პიჯაკთან და შარვალთან ერთად.

    ბრენდის ოფიციალურ საიტზე ასეთი ბოტასი ხელმიუწვდომელია, თუმცა მსგავსი ბოტასი 650 ევროდ იყიდება.

  • ემა სტოუნი ჩაცმულობის გამო გააკრიტიკეს

    ამერიკელმა მსახიობმა, ემა სტოუნმა ამერიკის კინომსახიობთა გილდიის პრემიების გადაცემის ცერემონიალზე დრესკოდი დაარღვია. ამაზე ყურადღება ჟურნალმა Vogue –მ გაამახვილა. სტოუნი წითელ ხალიჩაზე ოქროსფერი ასიმეტრიული, ყელზე გაბანტული ტოპით, შავი, თავისუფალი შარვლით და შიშველი ფეხსაცმლით მივიდა. გამოცემა აღნიშნავს, რომ ასეთ ღონისძიებებზე ქალები როგორც წესი კაბებში ან შარვალსა და პიჯაში მიდიან.
    ცერემონიალის დროს მსახიობს თან ახლდა ბოიფრენდი – სცენარისტი დეივ მაკარი.
    2017 წლის აგვისტოში ემა სტოუნი ჰოლივუდის ყველაზე მაღალანაზღაურებადი მსახიობი გახდა ჟურნალ Forbes -ის მიხედვით. ერთი წლის მანძილზე მან ფილმ „ლა–ლა ლენდში“ მონაწილეობით 26 მილიონი დოლარი გამოიმუშავა. ორი თვის შემდეგ მსახიობი ფრანგული მოდის სახლის Louis Vuitton –ის ელჩად აირჩიეს.

  • როგორ ემზადებიან პრინცი ჰარი და მეგან მარკლი ბავშვის დაბადებისთვის

     

    (more…)

  • როგორ შევაჩეროთ სიბერე. 3 ფაქტორი, რომლებიც უნდა გამორიცხოთ

    მეცნიერები სულ უფრო მეტ მკიცებულებებს პოულობენ იმის დასადასტურებლად, რომ ტვინის დაბერება მთელი ორგანიზმის დაბერების პროცესს განაპირობებს: ნეირონების აქტივობის შემცირება თანდათანაობით ჰორმონალურ პროცესებს ამუხრუჭებს, ეს უკანასკნელი კი თავის მხრივ მოქმედებს ნივთიერებათა ცვლაზე და უჯრედების განახლების სიჩქარეზე. ამიტომაც მექანიზმი, რომელიც ანელებს, ან სულაც აჩერებს ტვინის უჯრედების “გაფუჭებას“, შეიძლება “მარადიული ახალგაზრდობის“ წყარო გახდეს. სანამ მეცნიერები მისი მოძებნისთვის თავს არ ზოგავენ, შეგვიძლია დრო მოვიგოთ და გამოვრიცხოთ, ან მინიმუმამდე შევამციროთ ის ცნობილი ფაქტორები, რომლებიც ტვინის დაბერებას იწვევს.

    მავნე ჩვევები
    ალკოჰოლი, მოწევა, მარილის გადამეტებული მოხმარება და სხვა მავნე ჩვევები თუ პროდუქტები, რომლებსაც ჯანსაღი ცხოვრების წესის მიმდევრები და დიეტოლოგები სასტიკად ებრძვიან სულაც არ არის მათი ახირება და მართლაც აახლოებს სიბერეს .ისინი ნეგატიურ გავლენას ახდენს სისხლძარღვებზე და შესაბამისად ტვინის სისხლით მომარაგებაზე. ნეირონებისთვის კიდევ ერთი დიდი დარტყმა მარიხუანაა. ამერიკელმა მეცნიერებმა ჯონ ჰოპკინსის და კალიფორნიის უნივერსიტეტებიდან გამოაქვეყნეს კვლევის შედეგები, რომლებიც 9 დან 105 წლის ასაკამდე 30 000 ადამიანზე დაკვირვებას ეფუძნება და დაბერების მთავარი ფაქტორები გამოკვეთეს. როგორც გაირკვა, კანაბიოიდები ტვინზე თითქმის ისევე დამანგრევლად მოქმედებს, როგორც შიზოფრენია და მეოთხე ადგილს იკავებენ “საღი გონების და კარგი მეხსიერების მტრებს“ შორის.
    სტრესი
    ალბათ ბევრჯერ გსმენიათ, რომ “ყველა დაავადება ნერვებიდან მოდის“. თანამედროვე მეცნიერები ამ გამოთქმას ადასტურებენ. როგორც ირკვევა, სტრესის ჰორმონს, კორტიზოლს შეუძლია ფიზიკურად შეამციროს ტვინის მოცულობა და მისი დაბერება დააჩქაროს. კორტიზოლის მაღალი დონე ცუდად მოქმედებს ჰიპოკამპზე, რომელიც სივრცულ მეხსიერებაზე, ასევე ინფორმაციის დამახსოვრებაზეა პასუხისმგებელი. ჰიპოკამპის დაზიანება ასუსტებს ტვინის უნარს წინააღმდეგობა გაუწიოს კორტიზოლის მოქმედებას და დროთა განმავლობაში სტრესის გამო მისი სხვა უბნებიც ზიანდება. ეს კი ნიშნავს, რომ თავის “მთავარი კომპიუტერის“ დაბერება ჩქარდება.

    სიზარმაცე
    რა თქმა უნდა, შაბათ–კვირას მხართეძოზე წამოწოლა, სერიალების ყურება, ტკბილეულის ჭამა და უსაქმურობა არ ითვლება, მაგრამ თუ ასეთი ცხოვრების წესი სხვა დღეებშიც გააგრძელეთ ეს არა მხოლოდ ზედმეტი წონით, არამედ ნაადრევი ნაოჭებითაც გემუქრებათ. საქმე იმაშია, რომ ფიზიკური და ინტელექტუალური დატვირთვის არარსებობა ტვინის დაბერების, შესაბამისად კი მთელი ორგანიზმის დაბერების პროცესს აჩქარებს. ამის თავიდან ასაცილებლად კარგია თუ მსუბუქად მაინც ივარჯიშებთ ან მაგალითად უცხო ენის შესწავლას დაიწყებთ. სწავლა, უფრო სწორად კი ახალი უნარების შეძენა ტვინის ნეირონულ კავშირებს აძლიერებს. სპორტი და ფიზიკური დატვირთვა კი მას სისხლით და “დადებითი“ ჰორმონებით ამარაგებს.

  • მილიარდერები უმაღლესი განათლების გარეშე

    არის თუ არა უმაღლესი განათლება წარმატების საწინდარი? პირდაპირი კავშირი ფინანსურ კეთილდღეობასა და განათლების ხარისხს შორის რომ არ არსებობს, ამას ბევრი ფაქტი ადასტურებს. გავიხსენოთ ბიზნესმენები, რომლებისთვისაც უმაღლესი განათლების არქონას მილიარდების დაგროვებაში ხელი არ შეუშლია

    მარკ ცუკერბერგი

    მარკი ბავშვობიდანვე პროგრამირებით იყო გატაცებული და საკმაოდ წარმატებულადაც. ჯერ კიდევ უფროს კლასებში სწავლისას ისეთი კომპიუტერული გინატები სთავაზობდნენ საკუთარ კომპანიებში მუშაობის დაწყებას, როგორებიცაა AOL და Microsoft, თანაც საკმაოდ კარგი პირობებით. მაგრამ ცუკერბერგმა გადაწყვიტა სწავლა გაეგრძელებინა და ჰარვარდში ფსიქოლოგიის ფაკულტეტზე ჩააბარა. თუმცა 2 წლის შემდეგ სოციალური ქსელი Facebook შექმნა და სწავლა მიატოვა. ამას მისი წარმატებული კარიერისთვის ხელი არ შეუშლია 2010 წელს ჟურნალმა Times–მა ის წლის ადამიანად დაასახელა.


    სტივ ჯობსი


    კომპიუტერული ინდუსტრიის კიდევ ერთი გენიოსი, რომელსაც უმაღლესი განათლების დიპლომი არ ჰქოშნია სტივ ჯობსია. Apple–ს მომავალმა დამფუძნებულმა პორტლენდის რიდ კოლეჯში ჩააბარა, რომელიც 1972 წელს ამერიკის ერთ–ერთი ყველაზე ძვირადღირებული უმაღლესი სასწავლებელი იყო, თუმცა ლექციებზე დასწრების ნაცვლად დროის დიდ ნაწილს აღმოსავლურ სულიერ პრაქტიკებს უთმობდა და საკუთარ კომპიუტერულ კომპანიაზე ოცნებობდა, რაც 4 წლის შემდეგ რეალობად აქცია.


    რომან აბრამოვიჩი

    ერთ–ერთი ყველაზე წარმატებული რუსი ბიზნესმენი, რომან აბრამოვიჩი ცოტა ხანს უხტის ინდუსტრიალური ინსტიტუტის სატყეო მეურნეობის ფაკულტეტზე სწავლობდა, თუმცა სწავლს პირდაპირ ფულის კეთება ამჯობინა. სწავლა მიატოვა და მთლიანად ბიზნესის კეთებაზე გადაერთო.

    ბილ გეითსი

    კომპანია Microsoft –ის დამფუძნებელი წლების მანძილზე პლანეტის ყველაზე მდიდარი ადამიანი იყო. არადა 1975 წელს ის ჰარვარდის უნივერსიტეტის იურიდიული ფაკულტეტიდან ცუდი სწავლის გამო გარიცხეს. ბილის შემთხვევაში ამან მხოლოდ დადებითი როლი შეასრულა: ბოლოს და ბოლოს შეძლო მთელი დრო და ენერგია საყვარელი საქმიანობისთვის – პროგრამირებსთვის დაეთმო და შედეგად მრავალმილიარდიანი ქონებაც დააგროვა.


    ჰენრი ფორდი

    თავისი პირველი კომპანია ჰენრი ფორდმა 36 წლის ასაკში დააფუძნა. არ იფიქროთ, რომ მანამდე ბეჯითად სწავლობდა მეწარმეობის საფუძვლებს. ჰენრიმ სოფლის სკოლა დაამთავრა და 16 წლიდან ჩვეულებრივ ქარხანაში მექანიკოსად მუშაობდა. უმაღლეს სასწავლებელში ჩაბარებაზე არც უფიქრია.


    ინგვარ კამპრადი



    შესაძლოა ეს სახელი და გვარი ბევრს არაფერს გეუბნებათ, მაგრამ მის კომპანია IKEA –ს წარდგენა ნამდვილად არ ჭირდება. მომავალმა მილიარდერმა სამეწარმეო საქმიანობას ჯერ კიდევ სკოლაში მიჰყო ხელი, როცა თანაკლასელებზე ფანქრების, რვეულების და სხვა საკანცელარიო ნივთების გაყიდვა დაიწყო. ზრდასრულ ასაკში კი იაფფასიანი ავეჯის გაყიდვაზე გადაერთო. შემდეგ საკუთარი საწარმო გახსნა. ამ ისტორიის დასასრული კი ყველამ კარგად იცის.