მიიღეთ მონაწილეობა გამოკითხვაში. გამოკითხვა გაგრძელდება 27 თებერვლის ჩათვლით. {{ARTICLEIMAGE}}
Category: ახალი ამბები
-
მწეველები ფერების აღქმას სწრაფად კარგავენ
ადამიანები, ვინც დღეში ერთ კოლოფ სიგარეტზე მეტს ეწევიან თანდათანობით ფერების აღქმას კარგავენ. ასაკთან ერთად კი ბევრად სწრაფად კარგავენ მხედველობას, ვიდრე არამწეველები. აშშ–ს რატგერსის უნივერსიტეტის მკვლევარის, სტივენ სილვერშტაინის თქმით, მოწევა პრაქტიკულად ორჯერ ზრდის თვალის ბადურის დეგენერაციის რისკს, ასევე ხელს უწყობს თვალის ანთების განვითარებას და თვალის ბროლის გაყვითლებას.კვლევებმა აჩვენა, რომ დიდი რაოდენობით სიგარეტის მოხმარება და თუნდაც კვამლთან მუდმივი კონტაქტი უარყოფითად მოქმედებს თვალის მიერ ფერების და გეომეტრის აღქმაზე. ასეთ დასკვნამდ მეცნიერები ხუთწლიანი დაკვირვების შედეგად მივდნენ. ისინი 5 წლის მანძილზე აკვირდებოდნენ ადამიანებს, რომლებსაც სიგარეტი არასოდეს მოუწევიათ და ამავე ზომის მწეველთა ჯგუფს, რომლის წევრები ბოლო ათი წლის მანძლზე დღეში 20 ღერს ეწეოდნენ.ამ ექსპერიმენტის მონაწილეებს მხედველობა შემდეგი მეთოდით შეუმოწმეს: ეკრანზე ხაზებით დაფარული, ან ფერით შეფერილი მართკუთხედები გამოჰყავდათ, ასევე გეომეტრიული ფიგურები, რომლებიც სხვადასხვა ფერის წრეებისგან იყო შედგენილი.შედეგად გაირკვა, რომ არამწეველებს თითქმის ორჯერ მეტი კონტრასტული მხედველობა ქონდათ და ორ–სამჯერ უკეთ არჩევდნენ გეომეტრიულ ფიგურებს მწეველებთან შედარებით.მკვლევარები ვარაუდობენ, რომ ნიკოტინი და თამბაქოს წვის პროდუქტები არა მხოლოდ აუარესებენ მხედველობის ცენტრების მუშაობას მწეველის ტვინში, არამედ პირდაპირ ზემოქმედებას ახდენენ თვალებზე. ამავე დროს მეცნიერები აღნიშნავენ, რომ მხედველობის კონტრასტულობის გაუარესების მიზეზი შესაძლოა ბადურაში სისხლძარღვების შევიწროება და მის უჯრედებში ოქსიდანტების კონცენტრაციის მომატებაც გახდა. -
“მწვანე ხაზები” – უმრავლესობის წევრების ახალი საკანონმდებლო ინიციატივა
კანონმდემლობაში ახალი ტერმინი „მწვანე ხაზები“ შემოვა. კანონი რეკრეაციულ ზონებში სამშენებლო აქტივობებს დაარეგულირებს.
პარლამენტში ამ საკითხზე ბრიფინგი გაიმართა, აღნიშნული ინიციატივა კანონპროექტის ავტორებმა გარემოს დაცვისა და ბუნებრივი რესურსების კომიტეტის თავჯდომარემ, კახა კუჭავამ და ფრაქცია „ქართული ოცნების“ თავჯდომარემ , მამუკა მდინარაძემ გააცნეს საზოგადოებას.
„ამ პროცესს ახალი ინიციატივით, ერთხელ და სამუდამოდ, წერტილი დაესმევა. ტერმინი “მწვანე ხაზები“ დაიცავს პარკებს, ბაღებს, სკვერებს ნებისმიერი სახის კაპიტალური მშენებლობისგან. ეს იქნება ისტორიული გადაწყვეტილება და მხარდაჭერის შემთხვევაში, იქნება მე-9 მოწვევის პარლამენტის საამაყო ნაბიჯი“, – აღნიშნა მამუკა მდინარაძემ.
“მინდა მოგაწოდოთ ინფორმაცია ახალი ინიციატივის შესახებ, რომელიც მალე ცნობილი გახდება “მწვანე ხაზების” სახელით. ეს ტერმინი თქვენთვის უცხო არის, თუმცა დარწმუნებული ვარ, მისი დადებითი როლიდან გამომდინარე, ძალიან მალე გახდება პოპულარული და დაიმკვიდრებს სახელს საკანონმდებლო სივრცეში კოორდინატები იქნება პირდაპირ მითითებული კანონში, დაახლოებით დაცული ტერიტორიების შესახებ კანონის მსგავსი, სადაც ნებისმიერი სახის ცვლილება საზღვრებზე დაკავშირებული იქნება საკანონმდებლო ცვლილებასთან. ეს ალბათ არის ერთ-ერთი ყველაზე მაღალი ხარისხი ასეთი ტერიტორიების დაცვის მხრივ” – განაცხადა კახა კუჭავამ.
-
პუტინი და დეპარდიე ნიცის კარნავალზე
ყოველწლიურად ფრანგულ რივიერაზე, ნიცაში რამდენიმე დღიანი კარნავალი იმართება. ის მსოფლიოში ერთ–ერთი უძველესი და ბრაზილიისა და ვენეციის კარნავალების მსგავსად მსოფლიოში ყველაზე დიდია. ნიცის 135–ე კარნავალის ფარგლებში ექვსი აღლუმი ჩატარდება. ამ სანახაობამ მთელი მსოფლიოდან ათასობით მოცეკვავე და მუსიკოსი მიიზიდა. კარნავალი 2 მარტამდე გაგრძელდება.კარნავალის ფარგლებში გამართულ ერთ–ერთ აღლუმში წელს სხვადასხვა ცნობილი ადამიანების უზარმაზარი თოჯინები მონაწილეობდნენ. რუსეთის პრეზიდენტის, ვლადიმერ პუტინის თოჯინა მსახიობ ჟერარ დეპარდიეს თოჯინასთან ერთად გამოჩნდა, რომელმაც 2013 წელს რუსეთის მოქალაქეობა მიიღო და განაცხადა, რომ მზად არის რუსეთისთვის მოკვდეს.
რა თქმა უნდა, აღლუმზე საფრანგეთის პრეზიდენტის თოჯინაც გამოვიდა, მისი მეუღლის, ბრიჯიტ მაკრონის თოჯინასთან ერთად.
აშშ–ს პრეზიდენტის , დონალდ ტრამპის თოჯინა კი უზარმაზარი ბოროტი კლოუნი იყო, რომელსაც ხელში საფრანგეთის პრეზიდენტის მომცრო თოჯინა ეჭირა.
კარნავალის კიდევ ერთი პერსონაჟი წელს სექსუალურ ძალადობასა და შევიწროებაში დადანაშაულებული ამერიკელი რეჟისორი ჰარვი ვაინშტეინი იყო.
“კინოს მეფის“ თემატიკით კარნავალზე ჩარლი ჩაპლინის თოჯინაც გამოჩნდა. ნიცაში წელს კინოსტუდია Victorine Studios –ს 100 წლის იუბილეს აღნიშნავენ. ეს არის მსოფლიო კინემატოგრაფის მექა ლაჟვარდოვან სანაპიროზე, სადაც თავის ფილმებს იღებდნენ ჟან კოკტო, ალფრედ ჰიჩკოკი, ვუდი ალენი, მარსელ კარნე და ბევრი სხვა ცნობილი რეჟისორი .
-
ბრიტანელმა გოგომ ისე იმშობიარა,საკუთარი ფეხმძიმობის შესახებ არ იცოდა
დაუჯერებელია, მაგრამ ფატია, რომ 18 წლის გოგონამ საკუთარი ფეხმძიმობის შესახებ მხოლოდ ბავშვის გაჩენის შემდეგ გაიგო.ბრიტანეთის ქალაქ ოლდემის თვრამეტი წლის მცხოვრები გოგონა, ებონი სტივენსონი დასაძინებლად დაწოლისას თავს ცოტა შეუძლოდ გრძნობდა, ოთხი დღის შემდეგ კი გაიღვიძა და აღმოაჩინა რომ დედა იყო. გოგონას ეჭვიც კი არ ქონია რომ ფეხმძიმედ იყო.როგორც გაირკვა, ებონი სტივენსონს ორი საშვილოსნო აქვს. ერთი მათგანი ჩვეულებრივად აგრძელებდა მენსტრუალურ ციკლს, ამიტომაც სტივენსონს ფეხმიძიმობაზე ეჭვიც არ გასჩენია. გარდა ამისა, გოგონას არც მუცელი ეტყობოდა განსაკუთრებით, იმიტომ რომ მეორე საშვილოსნო, რომელშიც ბავშვი ჩაისახა უკან, ანუ ზურგის მხარეს მდებარეობს. გოგონა დაძინებისას თავს ცოტა შეუძლოდ გრძნობდა და თავი ტკიოდა. ძილში შეტევა დაიწყო, როგორც მოგვიანებით გაირკვა, მიზეზი პრედეკლამპსია იყო, რომელიც ფეხმძიმობის დროს პოტენციურად მომაკვდინებელი გართულებაა. როგორც გოგონა ამბობს, არ ახსოვს ამის შემდეგ როგორ ადგა და აბაზანაში როგორ წავიდა, სადაც შეტევა დაემართა.ებონის დედა ყვება, რომ გოგონას უცებ მუცელი გაეზარდა. დედამ სასწრაფო დახმარება გამოიძახა. სასწრაფომ ის საავადმყოფოში გადაიყვანა, სადაც სასწრაფო წესით საკეისრო კვეთა გაუკეთეს.ებონი გონს ოთხი დღის შემდეგ მოვიდა და გაიგო, რომ გოგონა გააჩინა, წონით 3.45 კგ. ექიმების აზრით პატარა ზუსტად ვადაში დაიბადა – ებონი მას ცხრა თვე მუცლით ატარებდა. პატარა გოგონას ელოდი დაარქვეს.“პირველად ბავშვის დანახვა სრულიად არარეალური შეგრძნება იყო. თითქოს ცნობიერებამ სხეული დატოვაო. ექიმებს ვთხოვე ბავშვი წაეყვანათ, დავიბენი, დარწმუნებული ვიყავი რაღაც შეცდომა იყო– ამბობს გოგო – მერე მეშინოდა, რომ ვერ შევძლებდი იმის გააზრებას, რომ ის დაიბადა. მაგრამ ახლა მეჩვენება, რომ ის შესანიშნავია.“– ამბოს ებონი სტივენსონი. -
Chanel-ის ახალი კრეატიული დირექტორის ვინაობა ცნობილია
Chanel-ის კრეატიული დირექტორის, კარლ ლაგერფილდის გარდაცვალების შესახებ ინფორმაციის გავრცელებიდან მალევე ფრანგულმა მოდის სახლმა ლეგენდარული დიზაინერის მემკვიდრე დაასახელა. ლაგერფილდის პოსტს მისი თანაშემწე, ვირჯინი ვიარი დაიკავებს.ჭორები იმის შესახებ, რომ ვირჯინი ლაგერფილდის ადგილს დაიკავებდა, ჯერ კიდევ ნახევარი წლის წინ გაჩნდა. ფრანგი ქალბატონი უკვე 30 წელზე მეტია დიდი დიზაინერის ასისტენტია. ლაგერფილდი მას “თავის მარჯვენა ხელად“ თვლიდა. მოდის სამყაროში კი მას ბრენდის რუხ კარდინალს უწოდებდნენ. ადრე ვირჯინის ბრენდის სტუდიური დირექტორის თანამდებობა ეკავა და პროცესის ტექნიკურ მხარეს აკონტროლებდა. ბოლო დროს კი Chanel-ის ყველა ხაზის კონტროლი დაიწყო.ბოლო დროს ვიარი ხშირად გამოდიოდა ჩვენებების ბოლოს ლაგერფილდთან ერთად. 22 იანვარს კი როცა მაესტრო პარიზში ჩვენებას ვერ დაესწრო, ქალი აუდიტორიასთან მისასალმებლად მარტო გამოვიდა.
ვირჯინი საფრანგეთში, დიჟონში დაიბადა. ბავშვობიდან იტაცებდა ჭრა–კერვა. 20 წლის ასაკში საკუთარი ბრენდისთვის – Nirvana ქმნიდა სამოსს. ლაგერფილდის მომავალი მემკვიდრე Chanel-ში სტაჟიორად 1987 წელს მივიდა. ლაგერფილდი გოგონას ნიჭით მალევე მოიხიბლა და ვიარი მისი თანაშემწე გახდა. წლების შემდეგ კი ლაგერფილდი ამბობდა, რომ მისმა თანაშემწემ “სრულყოფილების ზღვარი გადალახა“.
ლაგერფილდი 19 თებერვალს მძიმე ავადმყოფობის შემდეგ გარდაიცვალა. დაუდასტურებელი ინფორმაციით მას კუჭქვეშა ჯირკვლის კიბო ჰქონდა. მთელი მსოფლიოს გარშემო ცნობილი ვარსკვლავები მთელი დღეა მისი გარდაცვალების გამო დიდ მწუხარებას გამოთქვამენ. -
ვარსკვლავების მძიმე წარსული. ვინ რას აკეთებდა, სანამ მდიდარი და ცნობილი გახდებოდა
წარმატებისკენ მიმავალი გზა ხშირად სულაც არ არის ადვილი. ზოგი ცნობილი ვარსკვლავი, რომელიც დღეს მილიონებს გამოიმუშავებს, ახალგაზრდობაში თავს მძიმე ფიზიკური შრომით ირჩენდა. ჭურჭლის მრეცხავი, სტრიპტიზორი, კლოუნი, მოლარე – რა სამუშაოს ასრულებდნენ ვარსკვლავები, სანამ ცნობილები და წარმატებულები გახდებოდნენ. კარიერის გარიჟრაჟზე მაგალითად ბრედ პიტი წიწილას ფორმაში გამვლელებს ფლაერებს ურიგებდა, უმა თურმანი პიცერიაში ჭურჭელს რეცხავდა, ნიკოლას ქეიჯი პოპკორნს ყიდდა, ჯულია რობერტსი კი ნაყინს. ვნახოთ რა სამუშაოს ასრულებდნენ მილიონობით ადამიანის კუმირები წარსულში.
სანამ მსახიობი გახდებოდა ტიბეტში ერთერთ მონასტერში ინგლისურის მასწავლებლად მუშაობაც მოასწრო და ლონდონის ერთ–ერთ მაღაზიაში პარფიუმერადაც. ეს არა იმდენად ფულის გამომუშავების გზა იყო, რამდენადაც საკუთარი ჭეშმარიტი სურვილების გარკვევის სურვილი. ის ცდილობდა მოვლენები არ დაეჩქარებინა და მსახიობის პროფესია მისი გაცნობიერებული არჩევანი იყო.
ბენედიქტ ქამბერბაჩმაბიონსე კი ექვსიდან ცხრა წლის ასაკამდე დედას მის სილამაზის სალონში ეხმარებოდა. იატაკს წმენდდა და სალონის სტუმრების სიმღერით ართობდა.
ბრედ პიტი სკოლის დამთავრებისას ჟურნალისტიკას სწავლობდა და ვინ იცის როგორი ჟურნალისტი დადგებოდა, ჰოლივუდზე ოცნებას რომ არ გაჰყოლოდა. უნივერსიტეტის ბოლო კურსზე გადაწყვიტა გაერისკა. ჟურნალისტის დიპლომი ვეღარ მიიღო და ლოს ანჟელესში გადავიდა, სადაც დიდებისკენ გრძელი გზის გავლა მოუხდა. ის მუშაობდა კურიერად, ლიმუზინის მძღოლად და ქუჩის პრომოუტერად – წიწილის ფორმაში ფლაერებს არიგებდა.
გვენ სეფანიმ თავისი პირველი ფული სასაუზმე Dairy Queen–ში მუშაობით იშოვნა.ევა ლონგორია Wendy’s –ს სასადილოში ჩიზბურგერებს ამზადებდა. მას დღემდე ახსოვს იდეალური ბურგერის საიდუმლო – მაიონეზით ფუნთუშა კარგად უნდა გაიჟღინთოს, მდოგვი კი კატლეტზ უნდა დადოთ.ევა მენდესი სავაჭრო ცენტრში მდებარე პატარა რესტორანში მუშაობდა და ჰოთდოგებს ყიდდა.
ვუპი გოლდბერგის დედა მედდა იყო, მამა მღვდელი. ღარიბი ოჯახი შვილის სწავლის ფულს ძლივს შოულობდა, ბოლოს კი გოგონამ სკოლა საერთოდ მიატოვა. წიგნები ვუპიმ ჰიპების კომუნის მექაში – სან ფრანცისკოში გაცვალა და ყველა აკრძალულ სიამოვნებას გაუსინჯა გემო. ფეხზე დადგომას დიდხანს ცდილობდა, ნარკოტიკებისგან განკურნებასაც. მუშაობდა დარაჯად, მშენებლობაზე აგურებსაც აწყობდა, მორგში მკვდრებს გრიმს უკეთებდა, სანამ თეატრალურ სააგენტოში არ მოხვდა და მსახიობად არ დაწყო მუშაობა.კანიე უესტი თინეიჯერობისას Gap –ის მაღაზიაში კონსულტანტად მუშაობდა.მოზარდი მეგან ფოქსი ხილის კოქტეილების და ნაყინის გამყიდველად მუშაობდა. ძირითად დროს დახლთან ატარებდა, კვირაში ერთხელ კი, როცა რიგი უწევდა, რომელიმე ხილის ფორმას იცვამდა და მყიდველს ქუჩიდან იზიდავდა. როგორც თვითონ აღიარა, მას ძირითადად ბანანის ფორმა ეცვა.
19 წლის ასაკში საცხოვრებლად ნიუ იორკში გადასული მადონა ცოტა ხნით Dunkin Donuts–ის ფუნთუშებს ყიდდა. ამ სამსახურიდან ის სიზანტის გამო გამოუშვეს.ბრიტანეთის პრინცის, ჰარის მეუღლე სანამ კინოში და სერიალებში გადაიღებდნენ პროფესიონალ კალიგრაფად მუშაობდა. მეგან მარკლი მოსაწვევებზე და მისალოც ბარათებზეც აწერდა ხელს.მეთიუ მაკკონახი ახალგაზრდობაში ფულს ტეხასის ქალაქგარე კლუბში გოლფის მოედანზე ქვიშის გაწმენდით შოულობდა. მის მოვალეობაში შედიოდა მინდორზე ბალახის დაცვაც. მსახიობი სტუდენტობისას ბევრს მოგზაურობდა, როცა იურიდიულ ფაკულტეტზე სწავლობდა. გაცვლითი პროგრამით ავსტრალიასაც ეწვია, სადაც საქათმეებს წმენდდა და თეფშებს რეცხავდა.
ორლანდო ბლუმი მოზარდობისას ტირში მუშაობდა, სადაც მონადირეები ვარჯიშობენ. ის ავტომატს თიხის თეფშებით ავსებდა, რომლებსაც ტირის სტუმრები ესროდნენ.როცა ნიკოლ ქიდმანის დედას სიმსივნის დიაგნოზი დაუსვეს, გოგონამ სკოლა მიატოვა, მასაჟის კურსებზე ჩაეწერა და მუშაობა დაიწყო. მსახიობს მასაჟისტის პროფესია შემთხვევით არ აურჩევია: ის თან დედას ეხმარებოდა სიმსივნის მკურნალობით გამოწვეული კუნთების ტკივილის დაძლევაში.სილვესტერ სტალონე სანამ საკულტო ფილმის “როკის“ სცენარს დაწერდა და გაყიდდა, კვირობით მანქანაში ცხოვრობდა, ღამეს ავტობუსის გაჩერებებზე ათევდა და 200 დოლარად პორნოშიც კი გადაიღეს. თავად მსახიობი ამ ისტორიებს მშვიდად იხსენებს: “მაშინ საჭმლის ფულიც კი არ მქონდა. ბინიდან გამასახლეს და ზედიზედ ოთხი ღამე ავტობუსის სადგურში გავათენე. სასოწარკვეთილებაში ვიყავი. როცა გშია, ბევრ ისეთ რამეს აკეთებ, რასაც ჩვეულებრივ სიტუაციაში არ გააკეთებდი. “ ერთ–ერთი ასეთი საქმიანობა ზოოპარკში ლომების გალიის წმენდა იყო. ამ საქმეში სტალონეს საათში დოლარს უხდიდნენ.
ტეილორ სვიფტი ბავშვობაში ფერმაში მუშაობდა სადაც ნაძვებს ზრდიდნენ.
უმა თურმანი მსახიობად მხოლოდ მისი სიჯიუტის და შრომისმოყვარეობის წყალობით გახდა. ვერ ვიტყოდით, რომ მას ბედი სწყალობდა. მის ოჯახში კინოსამყაროსთან არავინ იყო დაკავშირებული. ნიუ იორკში ჩასვლისას მისი კაპიტალი 300 დოლარი იყო. უმამ დიდ ქალაქში თავის გადარჩენის გზების ძებნა დაიწყო. მუშაობდა ჭურჭლის მრეცხავად, თავისუფალ დროს კი კასტინგებზე დადიოდა და ცდილობდა ფოტომოდელობა დაეწყო. მოგვიანებით ის კინოში მეორეხარისხოვან როლებში გადაიღეს. სწორედ ერთ–ერთი ეპიზოდური როლის დროს შეამჩნიეს ის და მისი წარმატებული კარიერაც ამით დაიწყო.მოდელი სინდი კროუფორდი სკოლის პერიოდში სიმინდის მოსავლის აღებაზეც მუშაობდა საათში ოთხ დოლარად. სხვათა შორის, ადგილობრივი გაზეთის ფოტოგრაფმა სწორედ ამ დროს გადაუღო ფოტო. ამ ფოტოზე დადებითმა რეაქციამ გოგონა დაარწმუნა, ბედი სამოდელო ბიზნესში ეცადა.
ჩენინგ ტატუმი სამსახიობო კარიერის დაწყებამდე სტრიპტიზს ცეკვავდა. ამ პროფესიაში შეძენილი ჩვევები მოგვიანებით ფილმ “სუპერ მაიკშიც“ გამოადგა, სადაც არა მხოლოდ მთავარი როლი შეასრულა, არამედ ფილმის მთავარი კონსულტანტი და ქორეოგრაფიც იყო.ტომ კრუზი კი კინოპროდიუსერებისგან წინადადებების მოლოდინში სასტუმროში შიკრიკად მუშაობდა.ჯენიფერ ენისტონი 11 წლის ასაკიდან დრამატულ წრეზე დადიოდა, შემდეგ კი ნიუ იორკის დრამატული ხელოვნების სკოლაში ჩააბარა და ის წარმატებით დაამთავრა 1987 წელს. განათლების მიღების შემდეგ ჯენიფერმა ვარსკვლავური გზა ბროდვეის რამდენიმე დადგმიდან დაიწყო, თან რადიოში მუშაობდა. დამწყები მსახიობის ცხოვრება ამ პერიოდში ადვილი არ ყოფილა. ცდილობდა დიდი კინემატოგრაფის სამყაროში გზა გაეკვალა, პარალელურად კი ოფიციანტად და კურიერად მუშაობდა, ხან კი ცხელი ხაზის ოპერატორად.
ჯენიფერ ლოპესი სკოლის დამთავრების შემდეგ იურიდიულ კანტორაში მდივნად მუშაობდა. დღისით ამ სამსახურში დადიოდა, საღამოს კი ღამის კლუბში ცეკვით შოულობდა ფულს.მომავალი მსახიობი ჯორჯ ქლუნი ჩრდილოეთ კენტუკის უნივერსიტეტში სწავლობდა. სტუდენტური ცხოვრების დამთავრების შემდეგ კი ჰოლივუდის დასაპყრობად გაემართა. ამ გადაწვეტილებაზე შოუ–ბიზნესში მოღვაწე მისმა მრავალრიცხოვანმა ნათესავებმა იქონიეს გავლენა. გარდა ამისა, მას ტელეგადაღებების გამოცდილებაც ქონდა. ათი წლიდან მას რეკლამებში და მასიურ სცენებში იღებდნენ. პარალელურად კი ქალის ფეხსაცმლის გამყიდველობით შოულობდა ფულს.
ჯულია რობერტსის მამა წყლის მატრასებს ყიდდა, დედა კი ეკლესიაში მუშაობდა. ოჯახის ფინანსური მდგომარეობა მძიმე იყო და ჯულია 13 წლიდან პიცერიაში ოფიციანტად მუშაობდა.
ჰიუ ჯეკმანი სამსახიერო კარიერამდე საბავშვო ზეიმებზე კლოუნის როლს ირგებდა. “არანაირი ფოკუსების კეთება არ ვიცოდი და ბავშვები ვერ მიტანდნენ“ – ხუმრობს საკუთარ წარსულზე მსახიობი.
ჰარისონ ფორდი კინოგადაღებებთან პირველივე შეხებისას დარწმუნდა, რომ სრულიად ხელმოცარული უნიჭო მსახიობი იყო. მას როლებს ან არ აძლევდნენ, ანდა სცენებს მისი მონაწილეობით მონტაჟისას ჭრიდნენ. ფორდმა გადაწყვიტა მსახიობობაზე ოცნებას დამშვიდობებოდა და გადასაღებ მოედნებზე და კონცერტებზე შემდუღებლად დაიწყო მუშაობა. სწორედ წარსულში შესრულებული წარუმატებელი როლებით აღმოაჩინა ის რეჟისორმა ჯორჯ ლუკასმა და დიდი კინოსკენ მიმავალი გზაც გაუხსნა.
დუეინ ჯონსონი 13 წლის ასაკში პატარა კაფეს სამზარეულოში მუშაობდა. სკოლის შემდეგ ის გვიან საღამომდე ჭურჭელს რეცხავდა. -
იშვიათი ფოტო–პრინცესა ბოტასებში ბავშვის გასეირნებისას
14 თებერვალს დიდი ბრიტანეთის პრინცის, უილიამის მეუღლე, ქეით მიდლტონი კენსინგტონის პარკში შვილის, ლუის გასეირნებისას შენიშნეს. ჩუმად გადაღებული ფოტო ბრიტანეთის სამეფოს ოჯახის თაყვანისმცემლებისთვის ნამდვილი სენსაცია აღმოჩნდა. ჰერცოგინია ცხრა თვის პრინცს ხეივნის გასწვრივ საბავშვო ეტლით ასეირნებდა, შემდეგ კი არხისკენ წავიდა. 37 წლის დედა დაცვის გარეშე იყო და როგორც ჩვეულებრივი ლონდონელი ქალი ბუნებით და შვილთან ურთიერთობით ტკბებოდა.დიდი ბრიტანეთის მომავალ დედოფალს ლურჯი ჯინსი, ქურთუკი და New Balance – ის ბოტასები ეცვა. თმა კი ყოველგვარი განსაკუთრებული ვარცხნილობის გარეშე ჰქონდა გაშლილი.სამეფო ოჯახის წევრთა მსგავს ფორმაში გადაღება უიშვიათესი შემთხვევაა და ფოტომ სწრაფადვე მოიარა ონლაინ სივრცე.
-
სკანდალები ოსკარის წინ. ვის მოჭრიან ცერემონიალის ტრანსლიაციიდან
ამერიკის კინოაკადემიამ განაცხადა, რომ ტელემაყრურებელი ოსკარის პრემიების გადაცემის ცერემონიალს სრულად ვერ იხილავს. ოთხი ნომინაციის – საუკეთესო ოპერატორული ნამუშევარი, საუკეთესო მონტაჟი, საუკეთესო მხატვრული მოკლემეტრაჟიანი ფილმი და საუკეთესო გრიმი და ვარცხნილობა – სარეკლამო პაუზის დროს გამოაცხადებენ, რათა ცერემონიალის ქრონომეტრაჟი შეამცირონამ განცხადებას პროტესტი მოჰყვა. კინოინდუსტრიის 95–მა წარმომადგენელმა, მათ შორის კვენტინ ტარანტნომ და მარტინ სკორსეზემ აკადემიის პრეზიდენტს, ჯონ ბეილის ღია წერილი მისწერეს და გადაწყვეტილების შეცვლისკენ მოუწოდეს.“აქამდე არასდროს აკადემიას მსხვერპლად არ შეუწირავს საკუთარი თავდაპირველი მისიის ფასეულობები. თუ თავად ორგანიზაცია, რომლის მიზანი კინემატოგრაფის დაცვაა არ ანიჭებს მნიშვნელობას გამოჩენილი ფილმების შემქმნელებს, მაშინ ჩვენც არ დავუჭერთ მხარს აკადემიის გადაწყვეტილებას აღნიშნოს კინოს, როგორც თანამედროვე ხელოვნების ფორმის მიღწევები. კინოხელოვნების საფუძვლების მნიშვნელობის დაკნინება სხვა არაფერია თუ არა მათი შეურაცხყოფა, ვინც მთელი ცხოვრება ამ პროფესიას მიუძღვნა.“
ჯონ ბეილიმ და აკადემიის წევრებმა კინემატოგრაფისტების წერილს უპასუხეს და განაცხადეს, რომ ინფორმაცია არასწორად იქნა გაგებული. მათ დააზუსტეს: ტრანსლიაციას ნაწილობრივ შეამცირებენ და მხოლოდ გამაჯვებულების სცენაზე ასვლა–ჩამოსვლის მომენტებს მოჭრიან. ნომინაციების გამოცხადება და გამარჯვებულის სიტყვა კი კვლავ ეთერში დარჩება.შეგახსენებთ, რომ ეს ისტორია წლევანდელ “ოსკარზე“ პირველი სკანდალი არ არის. წელს კომიკოსმა კევინ ჰარტმა ცერემონიალის წაყვანაზე უარი თქვა მას შემდეგ, რაც ის ჰომოფობიაში დაადანაშაულეს. ამიტომაც 25 თებერვლისთვის დაგეგმილ ცერემონიალს რამდენიმე წამყვანი ეყოლება. -
ცნობილები, რომლებსაც თანამშრომლებთან დავა სასამართლოში მოუწიათ
ჯონი დეპიჯონი დეპმა ნამდვილი ომი წამოიწყო თავისი ყოფილი მენეჯერების წინაამდეგ მას შემდეგ, რაც საბანკო ანგარიშებზე რამდენიმე მილიონის დანაკლისი აღმოაჩინა. მსახიობი ცდილობდა სასამართლო დაერწმუნებინა, რომ არაკეთილსინდისიერმა თანამშრომლებმა მისგან მალულად ფული წამგებიან ბიზნესებში დააბანდეს და ლამის გაკოტრებამდე მიიყვანეს.
ყოფილმა თანაშემწემ კი თავის მხრივ განაცხადა, რომ ჯონი დეპი სინამდვილეში იმაზე მეტს ხარჯავდა, ვიდრე გამოიმუშავებდა და ერთერთი კომპანიის 4.2 მილიონ დოლარიანი ვალი დააგროვა გადაუხდელი კრედიტების სახით. დღემდე უცნობია, ვინ არის მართალი, რადგან სასამართლოს გადაწყვეტილება ამ საქმეზე ჯერ არ გამოუტანია.
მერაია ქერიმერაია ქერი სასამართლოში საკუთარ ექს–თანაშემწეებთან ორჯერ დაობდა. თავიდან მომღერალი მისმა ყოფილმა ასისტენტმა, სტელა ბულოჩნიკოვმა სექსუალურ შევიწროებაში დაადანაშაულა. ქალი აცხადებდა, რომ ვარსკვლავი რეგულარულად უბიძგებდა სექსისკენ, ბოროტად იყენებდა ფსიქოტროპულ ნივთიერებებს და აგრესიას მასზე ანთხევდა. გარდა ამისა, ქერის ყოფილი თანამშრომლის მიმართ რამდენიმე მილიონი დოლარის დავალიანება დაუგროვდა. საბოლოოდ მათ კონფლიქტი მოაგვარეს, თუმცა ძველი ურთიერთობების აღდგენა აღარც უცდიათ.მეორედ მერაია ქერი სასამართლო დარბაზში მას შემდეგ აღმოჩნდა, რაც კიდევ ერთ ყოფილ ასისტენტს, ლიანა აზარიანს უჩივლა. ეს უკანასკნელი მომღერალს ინტიმური ჩანაწერების გამოქვეყნებით ემუქრებოდა, თუ ქერი მილიონ დოლარს დროულად არ გადაუხდიდა. ვარსკვლავმა გადაწყვიტა ყოფილი თანამშრომელი სასამართლოს ძალით მოერჯულებინა და კონფლიტის საკუთარი ვერსია მოყვა. მისი თქმით, ლიანა ყოფილ დამსაქმებელზე იმიტომ გაბრაზდა, რომ არაკეთილსინდისიერების გამო სამსახურიდან გაათავისუფლეს. ამჯერად მათი საქმე სასამართლოში განიხილება.
ლედი გაგა2011 წელს ლედი გაგას მდივანმა მომღერალს სასამართლოში უჩივლა. ჯენიფერ ო ნილი შრომის აუტანელი პირობების გამო მომღერლისგან კომპენსაციას ითხოვდა. ქალმა მიუღებლად ჩათვალა ის ფაქტი, რომ ვარსკვლავი მას დამატებითი მოვალეობების შესრულებას აიძულებდა: მაგალითად შხაპის შემდეგ პირსახოცის მიწოდებას, დილით გაღვიძებას და მნიშვნელოვანი შეხვედრების შეხსენებას. ჯენიფერი ამტკიცებდა, რომ მან ლედი გაგასთან 7168 ზეგანაკვეთური საათი იმუშავა და ამისათვის 380 ათასი დოლარს ითხოვდა.ჰარვი ვეინშტეინი
სექსუალურ შევიწროებასთან დაკავშირებით გასული წლის იანვარში ატეხილი ხმაურიანი სკანდალის შემდეგ ჰარვი ვეინშტეინს სასამართლოში მისმა თანაშემწემაც უჩივლა. გოგონამ განაცხადა, რომ რამდენიმე წლის განმავლობაში მას არაჯანსაღ ატმოსფეროში უწევდა მუშაობა და მუდმივად იტანდა უფროსისგან არაორაზროვან მინიშნებებს.სკანდალურად ცნობილ პროდუისერთან ის 2013–2015 წლებში მუშაობდა და სამსახურიდან მას შემდეგ წავიდა, რაც ნერვული შეტევა დაემართა. ის დღემდე ცდილობს ფსიქიკური ჯანმრთელობა აღიდგინოს და კვლავ იტანჯება მძიმე ემოციური მოშლილობით, განგაშის შეგრძნებით, შიშით, შფოთვებით, დეპრესიით და თვითშეფასების დაქვეითვებით.
კორტნი ლავიფინანსურ ნიადაგზე დაწყებულმა კონფლიქტმა აიძულა კორტნი ლავის ასისტენტი მომღერლისთვის სასამართლოში ეჩივლა. ჯესიკა ლაბრის განცხადებით , რომელიც კურტ კობეინის ქვრივთან 2011 წელს მუშაობდა, ვარსკვლავმა ის დააჯარიმა იმის გამო, რომ უკანონო თაღლითურ ქმედებაზე უარი უთხრა. ყოფილი თანაშემწე ამტკიცებდა, რომ კორტნი დოკუმენტების გაყალბებას თხოვდა და როცა ლაბრი არ დათანხმდა, ძალიან გაბრაზდა. ჯესიკას სამსაურის დატოვება მოუწია და საკუთარი ხელფასის ანაზღაურება სასამართლოს გზით სცადა.
ჯოან როულინგიგასულ წელს ჯოან როულინგმა მიიღო გადაწყვეტილება არაკეთილსინდისიერი თანაშემწე დაესაჯა, რომელიც მის ფულს პირადი საჭიროებებისთვის ხარჯავდა. მწერალმა სასამართლოში უჩივლა ამანდა დონალდსონს, რომელიც მასთან 2014–2017 წლებში მუშაობდა. როულინგის განცხადებაში დაზუსტებულია, რაზე დახარჯა თანაშემწემ მისი ფული: მან საკუთრი თავისთვის ორი ჯიშიანი კატა, ძვირფასი კოსმეტიკა, სანთლები, ყავა და ნამცხვრები იყიდა. გარდა ამისა, ჯოანის თქმით ამანდამ მისი სახლიდან ჰარი პოტერთან დაკავშირებული ძვირფასი ნივთები და სეიფიდან ფულიც მოიპარა. ამჟამად პოლიცია ამ საქმის გამოძიებას აწარმოებს.