Category: ახალი ამბები

ახალი კვლევების თანახმად მსოფლიოში ბავშვთა სიკვილიანობა უხარისხო და ყალბი პრეპარატების გამო ყოველწლიურად იზრდება. ანგარიშში ნათქვამია, რომ ყოველწლიურად ასობით ათასი ბავშვი იღუპება მალარიის, პნევმონიის და სხვა დავადებების სამკურნალო უხარისხო ან უბრალოდ გაყალბებული წამლების გამო.

“ჩვენ ვსუბრობთ მინიმუმ 300 000 ბავშვზე, რომლებიც გარდაიცვალნენ ე.წ. წამლების გამო, რომლებსაც კრიმინალები ავრცელებენ.“ – ამბობს კვლევის ერთ–ერთი ავტორი, აშშს ჯანდაცვის ნაციონალური ინსტიტუტის ფოგარტის საერთაშორისო ცენტრის უფროსი მკვლევარი ჯოელ ბრემანი.

ჯანდაცვის მსოფლიო ორგანიზაციამ გაყალბებული და უხარისხო მედიკამენტების სამი ტიპი განსაზღვრა:

1. “ფალსიფიცრებული სამედიცინო პროდუქტები“, რომელთა გამავრცელებლები განზრახ აყალბებენ ინფორმაციას წამლის შემადგენლობის, წარმომავლობის და არსის შესახებ.
2. “არასტანდარტული პრეპარატები“, რომლებიც კანონით რეგულირდება, თუმცა სხვადასხვა მიზეზებით და გზებით არ შეესაბამება ხარისხის სტანდარტებს და სპეციფიკაციებს – მაგალითად აქტიური ფარმაცევტული ინგრედიენტების საჭიროზე ნაკლებ რაოდენობას შეიცავენ.
3. მესამე ტიპი: ეს არის არარეგისტირებული ან არალიცენზირებული სამედიცინო პროდუქტები, რომლებსაც არანაირი ტესტირება არ გაუვლიათ და არც შესაბამისი შესაბამისი სერთიფიკატი მიუღიათ.

კვლევის მიხედვით, რომელიც ჟურნალ American Journal of Tropical Medicine and Hygiene–ში გამოქვეყნდა, ფალსიფიცირებული და არასტანდარტული მედიკამენტების რაოდენობა მუდმივად იზრდება. მაგალითად, ფარმაცევტების ჯგუფმა, სახელწოდებით Pfizer Global Security, რომელიც კონტრაფაქტური წამლების წინააღმდეგ ბრძოლას აწარმოებს, 2008 წელს 75 ქვეყანაში 29 ფალსიფიცირებული პროდუქტი აღმოაჩინა. 10 წლის შემდეგ კი 113 ქვეყანაში 95 პროდუქტი იპოვნა.

“თავიდან ძველებურად ღარიბ ქვეყნებზე ვფოკუსირდებოდით, რადგან მათთან დაავადებების რაოდენობა დიდია, კონტრლი კი არ არსებობს“ – ამბობს ბრემანი, რომელიც ამავე დროს ამერიკის ტროპიკული მედიცინის და ჰიგიენის საზოგადოების პრეზიდენტია. მისი თქმით, ფალსიფიცირებული და უხარისხო წამლების გავლენა საშუალო და დაბალშემოსავლიან ქვეყნებში წამლების საერთო ბაზრის ბრუნვის 10%–ს შეადგენს და წელიწადში  200 მილიარდ დოლარს აღწევს. 

ბრემანის თქმით, ორი მთავარი პრობლემიდან ერთ–ერთი ამ ქვეყნებში მალარიის საწინაღმდეგო პრეპარატებია, რომლებიც წელიწადში 150 000 ბავშვის სიკვდილის მიზეზი ხდება. ეს პრობლემა ძირითადად აფრიკის ქვეყნებში არსებობს. აქ გაყიდული პრეპარატების მეოთხედი უხარისხო და ფალსიფიცირებულია. მეორე საკვანძო პრობლემა დაბალგანვითარებულ ქვეყნებში ბავშვთა პნევმონიისთვის უხარისხო ანტიბიოტიკებია, რომლებიც ასევე ათასობით ბავშვის სიკვდილის მიზეზი ხდება.

ბავშვთა პრეპარატების გარდა, სულ უფრო იზრდება ფალსიფიცრებული პრეპარატების წილი ქრონიკული დაავადებების, მაგალითად ჰიპერტონიის სამკურნალო პრეპარატებში. ფარმაცევტული უსაფრთხოების ინსტიტუტის ინფორმაციით ყალბი და უხარისხო პრეპარატების 50% სწორედ ამ ტიპის მედიკამენტებზე მოდის.

ყველაზე გავრცელებული ამ ყალბი პრეპარატებიდან არის გულის დაავადებების, ერექციული დისფუნქციის, სიმსივნის საწინააღმდეგო და ტკივილგამაყუჩებელი (რეცეპტურული ოპიოიდები) წამლები, რომლებიც ხშირად ინტერნეტით ვრცელდება და ხანდახან ორგანიზებულ დანაშაულს და ტერორისტულ დაჯგუფებებსაც უკავშირდება.

ბერმანი აცხადებს, რომ არ გაუწევს პოპულარიზაციას და არ დაასახელებს იმ უკანონო საწარმოებს, რომლებიც ყალბ ნარკოტიკებს და ოპიოიდებს აწარმოებენ. მკვლევარი ამბობს, რომ მათი საწარმოები დაბინძურებულია, მოძველებული აპარატურით მუშაობს და მათ მიერ დამზადებული აბები ხშირად ფენტანილით და სხვა მავნე ნივთიერებებით არის გაჟღენთილი.

2009 წელს სულ რამდენიმე ონლაინ აფთიაქი არსებობდა, ათი წლის შემდეგ კი კვლევის ავტორების თქმით მთელი მსოფლიოს მაშტაბით დაახლოებით 35 000 ასეთი ონლაინ აფთიაქი არსებობს. ინტერნეტთან წვდომა განვითარებად ქვეყნებშიც იზრდება და საფრთხე სულ უფრო მეტ ადამიანს ემუქრება. ფარმაცევტული კომპანიებისთვის ეს პრობლემები კარგად არის ცნობილი. ონლაინ ვითარების შესასწავლად Pfizer Global Security–მ პრეპარატ ქსანაქსის 250 შესყიდვა განახორციელა ინტერნეტ პროვაიდერებისგან და აღმოაჩინა, რომ 96% გაყალბებული იყო.

ბოლო ათწლეულის მანძილზე მეცნიერები და არაკომერციული ორგანიზაციები ცდილობენ ამ პრობლემის შესახებ ადამიანთა ინფორმირებულობა გაზარდონ. ფალსიფიცირებულ და უხარისხო მედიკამენტებთან საბრძოლველად გაეროს ნარკოტიკების და დანაშაულის სამმართველო, ინტერპოლი და მსოფლიო ჯანდაცვის ორგანიზაციაც აქტიურდებიან.

კვლევის ავტორების აზრით დროა ყველა ძალისხმევა გაერთიანდეს და არა მხოლოდ გამოვლინდეს ყალბი მედიკამენტები, არამედ ყველა ქვეყნებში გამკაცრდეს მათი კონტროლის შესახებ კანონმდებლობა, სტანდარტები და მონიტორინგის სისტემები.

კვლევის ავტორები საერთაშორისო ხელშეკრულების საჭიროებასაც არ გამორიცხავენ. მათი თქმით პრობლემა იმდენად მაშტაბური ხდება, რომ მაშტაბური ბრძოლაა აუცილებელი. მაგალითად, ყალბი მედიკამენტების გავრცელება იმას ნიშნავს, რომ მათი მოხმარების შედეგად ანტიმიკრობული პრეპარატების მიმართ მდგრადობა იზრდება. დაბალი ხარისხის მედიკამენტები რეზისტენტულობის ჩამოყალიბებას უწყობენ ხელს, რადგან თავად ბაქტერიების სრულად განადგურებას ვერ ახერხებენ აქტიური ინგრედიენტების ნაკლებობის გამო.

საერთაშორისო ძალისხმევას მოითხოვს ჯანდაცვის მსოფლიო ორგანიზაციაც, რომლის წარმომადგენლები აცხადებენ, რომ ფალსიფიცირებული და უხარისხო მედიკამენტების თემა მრავალი წლის მანძილზე უმწვავესი პოლიტიკური პრობლემაა, თუმცა ბევრი სხვა პრობლემის კონტექსტში განიხილებოდა. ბოლო წლებში კი ორგანიზაციამ საკითხი უფრო მკაფიოდ გამოკვეთა და შეიმუშავა მედიკამენტების აღმოჩენის, რეაგირების და აღკვეთის გეგმა.

ორგანიზაციის ინფორმაციით მათ დღეს უფრო კოორდინირებული და შეთანხმებული პოლიტიკა აქვთ ორგანიზაციის წევრებთან ერთად, თუმცა კვლავ რჩება სერიოზული პრობლემაბი. დაბალგანვითარებულ ქვეყნებში კვლავ არ არსებობს ხარისხიანი ტესტირების მექანიზმები და საზღვრებიც ნაკლებად არის დაცული. ამ პრობლემისგან არც განვითარებული ქვეყნები არიან დაზღვეული ინტერნეტის წყალობით, რადგან არარეგისტრირებული ინტერნეტ აფთიაქებით და სმარტფონების აპლიკაცებითაც კი შეიძლება წამლის შეკვეთა რეცეპტის გარეშე და მათი ფოსტით მიღება.

ორგანიზაცია საერთაშორისო პარტნიორებთან ერთად აქტიურად ებრძვის ვებგვერდებს, რომლებიც პოტენციურად საშიშ მედიკამენტებს უკანონოდ ყიდიან, თუმცა ჯერჯერობით პრობლემას ვერ ერევიან.

ბრიტანეთის პრინცმა ჰარიმ და მისმა მეუღლემ უკვე გადაწყვიტეს, ვინ გახდება მათი შვილის ნათლია, რომელიც აპრილში უნდა დაიბადოს. ბავშვის სქესი ჯერჯერობით უცნობია. სასექსის ჰერცოგის შვილის დაბადებას ბრიტანეთში მოუთმენლად ელიან. ასევე მოუთმენლად ელოდნენ, ვის აირჩევდა წყვილი ბავშვის ნათლიად. ვარაუდობდნენ, რომ შესაძლოა ნათლიები ჯორჯ და ამალი კლუნები ყოფილიყვნენ, რომლებთანაც პრინცი ჰარი და მეგანი მეგობრობენ. ასახელებდნენ სერენა უილიამსსაც, რომელსაც ბოლო დროს მეგან მარკლი ძალიან დაუახლოვდა. თუმცა მეგანმა და ჰარიმ არჩევანი ძველ მეგობრებზე შეაჩერეს, რომლებთან ურთიერთობებიც წლებმა გამოსცადა.

ბავშვის ერთ–ერთი ნათლია დიზაინერი და სტლისტი ჯესიკა მალრუნი იქნება. ჯესიკას და მეგანს დიდი ხნის მეგობრობა აკავშირებთ. მათ ერთმანეთი კანადაში გაიცნეს, სადაც მეგანი სერიალ “ფორს–მაჟორებში“ თამაშობდა. მათ ბევრი საერთო აქვთ, მაგალითად იოგით გატაცება. ერთად წლების მანძილზე ბევრ დროს ატარებდნენ.

გათხოვებამდე მეგანი ხშირად მოგზაურობდა ჯესთან, მის ქმართან–ბენ მალრუნისთან, რომელიც კანადის ყოფლი პრემიერ–მინისტრის შვილია და მათ სამ შვილთან ერთად. ჯეისიკას და ბენის სახლი მეგანის და ჰარის საიდუმლო თავშესაფარიც იყო მათი რომანის დასაწყისში, როცა პრინცი შეყვარებულთან ტორონტოში ჩადიოდა. პაპარაცების გამო წყვილი საჯაროდ ვერ ჩნდებოდა და ერთმანეთს ხშირად ხვდებოდნენ მალრუნების სახლში.მეგანი ჯესიკას საუკეთესო მეგობრად თვლის. სწორედ ჯესიკა ეხმარებოდა როგორც ქორწილის ორგანიზებაში, ასევე ცოტა ხნის წინ ნიუ–იორკში baby shower –ის

ბავშვის კიდევ ერთი ნათლია ოჯახის ახლო მეგობარი ნიკოლას ვან კუცემი გახდება. ის პრინცი უილიამის დიდი ხნის მეგობარია, ბოლო წლებში კი გარისთანაც დამეგობრდა. ნიკოლასი გასულ წელს უილიამის და ქეით მიდლტონის მესამე შვილის, პრინც ლუის ნათლიაც გახდა.პრინც ჰარის ძალიან უყვარს ვან კუცემი და მისი ცოლი ალისა და მათ მეგობრებზე უფრო მეტად თვლის.

პაბლო ეკობარმა ძალები პოლიტიკაშიც მოსინჯა და კოლუმბიის პარლამენტში კონგრესმენის მოადგილეც იყო, რის შემდეგაც მისით პრესა აქტიურად დაინტერესდა. კონგრესში ადგილის დაკარგვის შემდეგ ესკობარმა კოლუმბიის იუსტიციის მინისტრის, როდრიგო ლარ ბონილიუს და გაზეთ Espectador –ის მფლობელის, გილერმო კანოს მოკვლა შეუკვეთა და ამგვარად ქვეყნის ხელისუფლებას ომი გამოუცხადა. რაც შეეხება გუსმანს, 2016 წლის იანვარში დაკავებამდე ცოტა ხნით ადრე მან ინტერვიუ მისცა მსახიობებს – შონ პენს და კეიტ დელ კასტილიოს, რის შემდეგაც მისი ადვოკატები ნიუ იორკის სასამართლოში აცხადებდნენ, რომ ის “საჯაროობით ტკბებოდა“.

ადვოკატის განცხადების კონტექსტი ის იყო, რომ საჯაროობის გამო ჰოაკინ გუსმანის, ანუ ელ ჩაპოს გარშემო უამრავი მითი შეიქმნა და ყურადღების ცენტრში მოხვდა იმ დროს, როცა ისმაელ მაიო სამბადა, რომელსაც აშშ–ს ხელისუფლება ელ ჩაპოსთან ერთად სინალოას ნარკოკარტელის მეთაურობაში სდებდა ბრალს, დაპატიმრებას გადაურჩა, რადგან ისეთივე გავლენიანი და ცნობილი არ იყო, როგორც ელ ჩაპო.

კოლუმბიური ფონდის – “იდეები მშვიდობისთვის“ ექსპერტი და აშშ–ს ვუდრო ვილსონის ფონდის თანამშრომელი, ხუან კარლოს გარსონი ამბობს, რომ კრიმინალურ სამყაროში “მოდა“ იცვლება და სახელოვანი ლიდერების დრო წარსულს ბარდება. “კრიმინალური სტრუქტურები სულ უფრო ხშირად დებენ ფსონს ნაკლებად ცნობილ ლიდერებზე, რადგან მათი მიზანია კრიმინალური საქმიანობა შეუფერხებლად განაგრძონ. ლიდერის პოპულარობა კი მათ წინააღმდეგ მუშაობს“ – ამბობს ხუან კარლოს გარსონი.

მოძველებული მოდელი

სპეციალისტები აღნიშნავენ, რომ დღეისათვის ნარკომოვაჭრეთა დაჯგუფებები ლათინურ ამერიკაში თანდათანობით ცდილობენ უარი თქვან ცენტრალიზებული, ვერტიკალურად ინტეგრიგებული კარტელის მოდელზე სათავეში ერთი გავლენიანი ლიდერით.

მსხვილი კრიმინალური დაჯგუფებების დანაწევრების ტენდენცია ნაწილობრივ ხელისუფლებების მხრიდან მზარდი ზეწოლით აიხსნება, რომლებსაც თანამედროვე სამყაროში სულ უფრო მეტი ინფორმაცია და ტექნიკური რესურსები აქვთ ნარკომოვაჭრეთა დევნისთვის.

მაგალითად, გუსმანის სასამართლოზე ერთ–ერთი მთავარი სამხილი გამოძიების ფედერალური ბიუროს მიერ გაშიფრული ზარები და მესიჯები იყო, რომელთა საშუალებით ის თავის დანაშაულებრივ ორგანიზაციას მართავდა. გუსმანი ყველა ბრალდებაში დამნაშავედ ცნეს.

“შესაძლოა დაჯგუფებები უფრო რეგიონულებად იქცნენ, საერთაშორისო ცნობადობის ნარკობარონების გარეშე, რომლებიც ტელესერიალების გმირები ხდებიან, თუმცა ეს არ ნიშნავს, რომ ლოკალურ დონეზე ძლიერი ლიდერები არ იკვეთებიან“– ამბობს ექსპერტი.

მართვის სტრუქტურის გარდა ტრადიციულ ნარკობაზარს პრობლემები ახალმა პროდუქტებმაც შეუქმნა.სინთეტიკური ნარკოტიკების მზარდმა პოპულარობამ კრიმინალური ბაზრის სტრუტურა შეცვალა – წერს ორგანიზებულ დანაშაულთან ბრძოლის ექსპერტი სტივენ დადლი.

“ მექსიკური კარტელები ისეთი ნარკოტიკებით ვაჭრობისთვის იქმნებოდა, როგორებიც არის კოკაინი და ჰეროინი. მათი წარმოება სერიოზულ სამუშაო ძალას მოითხოვს, რენტაბელობა კი მხოლოდ დიდი მოცულობების დროს მიიღწევა, ამიტომაც გამოიწვია ამ ტიპის ნარკოტიკებით ვაჭრობამ დიდი, ცენტრალიზებული კრიმინალური დაჯგუფებების შექმნა, რომლებსაც უზარმაზარი საერთაშორისო ქსელების კონტროლი შეეძლოთ, რაც როგორც პროდუქციის წარმოებას, ასევე მის გავრცელებას მოიცავდა.სინთეტიკური ნარკოტიკების წარმოება კი უფრო იაფი ჯდება“ – წერს ექსპერტი თავის სტატიაში სახელწოდებით “დიდი კარტელების დასასრული“, რომელიც ჟურნალ Foreign Affairs–ში გამოქვეყნდა. მას მაგალითად მოჰყავს ოპიოდური ანალგეტიკი ფენტანილი, რომელიც ჩინეთში იწარმოება და ფოსტით იგზავნება აშშ–ში, სადაც პატარა ჯგუფები მის საცალო გაყიდვას აწარმოებენ.

ეს ყველაფერი ცხადყოფს, რატომ არის რომ ელ ჩაპოს დაკავებისა და ექსტრადიციის შემდეგაც კი აშშ–ში ნარკოტიკების ზედოზირებით სიკვდილის რეკორდული მაჩვენებლები ფიქსირდება, მექსიკაში კი ასევე რეკორდულია მკვლელობების მაჩვენებელი.

“ნარკოდაჯგუფებებს შორის კონკურენცია გაიზრდება“– ამბობს მწერალი მალკოლმ ბეიტი, რომელიც ნარკობარონების და ნარკოტრაფიკის წინააღმდეგ არაერთი წიგნის ავტორია. “უახლოეს წლებში ჩვენ იმდენ ახალ დაჯგუფებას ვიხილავთ, რამდენიც არასოდეს არ ყოფილა. ნაკლები ნარკობარონები, მეტი ნარკომოვაჭრე ჯგუფები“– ასეთია მწერლის სამწუხარო პროგნოზი.

ბოლო ათწლეულების მანძილზე გრძელდება პროცესი, როცა დედამიწაზე ოკეანეები და მდინარეები პლასტმასით დღითიდღე უფრო ბინძურდება. ბოლო წლებში კი მეცნიერები იმ პრობლემებზე და საფრთხეებზე მუშაობენ, რასაც რომ პლასტმასი ადამიანის ორგანიზმს უქმნის. ის ადამიანის ორგანიზმშიც აღმოაჩინეს. რა საფრთხეს შეიცავს ეს ჩვენი ჯანმრთელობისთვის.

პლასტმასი დიდი ხანია ადამიანის ყოველდღიურობის განუყოფელი ნაწილია. არ იფიქროთ, რომ ის მხოლოდ ჭურჭელში და სათამაშოებშია და მას თავს იოლად ავარიდებთ. პლასტმასი შეიძლება იყოს ჩვენი ფეხსაცმლის ძირში, ტანსაცმლის ღილებზე, სათვალეში, კონტაქტურ ლინზებში, თუ სხვა აქსესუარებში, ტელეფონში, კომპიუტერში, ტელევიზორში, მაცივარში, სამედიცინო ხელსაწყოებში, სახლის, თუ სამსახურის შენობებში და ასე შემდეგ. პლასტმასის ბოჭკო იპოვეს გერმანიაში შემოწმებული ლუდის 24 სახეობაში, ასევე – თაფლში და შაქარშიც. საფრანგეთში ჯერ კიდევ 2 წლის წინ აღმოაჩინეს, რომ პლასტმასის ნაწილაკები ჰაერიდან თავზე ეცემოდათ და ამ ტოქსიკური ნალექის საშუალო წლიური რაოდენობა 10 ტონას უდრიდა.

პლასტმასის ბოჭკო ახლა უკვე სასმელ წყალშიცაა, რომელიც ონკანიდან მოდის. მიკროპლასტმასით სასმელი წყლის მეტ-ნაკლები დაბინძურება ყველა ქვეყანაში დაფიქსირდა, სადაც შეამოწმეს. მიკროპლასტმასს უწოდებენ პლასტმასის მცირე ზომის ნაწილაკებს, რომელიც გარემოში ინდუსტრიული პროცესების შედეგად ხვდება.

სასმელი წყალი, როგორც „გარდიანი“ იუწყება, ხუთივე კონტინენტზე დაბინძურებულია. სახელმწიფოებს შორის შედარებით დაბალი მაჩვენებელი აქვს დიდ ბრიტანეთს, გერმანიას და საფრანგეთს, თუმცა დაბინძურება იქაც საგანგაშოა და პლასტმასი აღებული წყლის ნიმუშების 72%-ში იპოვეს.

94%-იანი, ყველაზე მაღალი დაბინძურება აღმოჩნდა შეერთებულ შტატებში. ამასთან, სასმელი წყლის ნიმუშების აღება ხდებოდა სხვადასხვა სოციალური ფენის და ჯგუფის საცხოვრებელ და სამუშაო ადგილებში. მათ შორის იყო: ვაშინგტონის კონგრესის შენობები, გარემოს დაცვის სააგენტოს ოფისი, თუ ნიუ-იორკის ტრამპ-თაუერი. პლასტმასით სასმელი წყლის დაბინძურების მიხედვით, შეერთებული შტატების შემდეგ, მეორე ადგილს ლიბანი და ინდოეთი იყოფენ.

პლასტმასი ჩვენს ორგანიზმში მარტო წყლიდან და ჰაერიდან არ ხვდება. როგორც ირკვევა, ის ზღვის მარილშიც დიდი რაოდენობითაა. გაეროს მონაცემებით, ოკეანეში ყოველწლიურად 8 მილიონამდე ტონა პლასტმასი იყრება. ეს იმდენივეა, ყოველ ერთ წუთში, წყალში ერთი დიდი ნაგვის საბარგო მანქანა რომ ჩაიცალოს. წყნარი ოკეანის ჩრდილოეთით, პლასტმასის ნარჩენების მთელი კუნძულია, რომელიც სიდიდით ტეხასის შტატს აღემატება.

კვლევებით ასევე დასტურდება, რომ პლასტმასი ნიადაგში კიდევ უფრო დიდი რაოდენობითაა. ამასთან, სხვადასხვა ადგილას მიწაში პლასტმასის შემცველობა ოკეანისას 4-ჯერ და მეტად, ზოგან 23-ჯერაც კი აღემატება.

მდგომარეობა იმდენად საგანგაშოა, რომ სახელმწიფოები კვების მრეწველობიდან პლასტმასის ნივთების ამოღებას ნებაყოფლობით იწყებენ. საფრანგეთმა ამ მიმართულებით პირველი ნაბიჯი უკვე გადადგა. 2016 წელს მიღებული კანონის თანახმად, იქ პლასტმასის ერთჯერადი ჭურჭლის გამოყენება საერთოდ აიკრძალება. კანონი ძალაში საბოლოოდ 2020 წელს შედის. ქვეყანაში ასევე იკრძალება ცელოფნის პარკები, რომლის ხმარებიდან ამოღებას ბევრ სხვა სახელმწიფოშიც დიდი ხანია ცდილობენ კერძო სუპერმარკეტები და სავაჭრო ცენტრები.

პლასტმასთან უშუალო შეხება და საკვების შესაფუთად პლასტმასის ჭურჭლის გამოყენება ბევრ საშიშ დაავადებასთან ასოცირდება, მათ შორის სხვადასხვა ტიპის კიბოსთან, თანდაყოლილ დეფექტებთან, იმუნური სისტემის ფუნქციების დაქვეითებასთან, თუ ჰორმონალურ დარღვევებთან. სხვადასხვა ტიპის პლასტმასის საშუალებით, შეხება ისეთ საშიშ ტოქსინებთან გვაქვს, როგორიცაა: ტყვია, კადმიუმი და ვერცხლისწყალი.

ზოგიერთი პლასტმასის შემადგენლობაშია ნივთიერება DEHP, რომელიც კანცეროგენია. შეერთებული შტატების დაავადებათა კონტროლის და პრევენციის ცენტრმა 2.5 ათასი ბავშვის შარდი შეამოწმა და 93 პროცენტში იპოვა BPA, ასევე პლასტმასში შემავალი ჯანმრთელობისთვის მავნე ნივთიერება, რომელიც ფართოდ გამოიყენება წყლის ბოთლებში, მზა საკვების კონტეინერებში და რეზინის ნაწარმში.

არიზონას უნივერსიტეტის პროფესორი როლფ ჰალდენი ამბობს, რომ ადამიანის ორგანიზმზე პლასტმასის ზემოქმედების უშუალო შედეგის მითითება ძალიან რთულია და თითქმის შეუძლებელი, ვინაიდან პლასტმასით დაბინძურება გლობალური მასშტაბისაა, ის ყველგანაა და მის კვალს უკვე თითქმის ყველაფერში ვხედავთ. დაზუსტებით მხოლოდ ის ვიცით, რომ პლასტმასი ჯანმრთელობას ვნებს და მას მაქსიმალურად უნდა მოვერიდოთ, განსაკუთრებით ბავშვებში.