Category: ახალი ამბები

ზუგდიდში პირბადეების დარიგებისას საგანგებო მდგომარეობის წესის დარღვევისთვის “ახალი ლიდერების ინიციატივა” დაჯარიმდა.

შსს-ის ინფორმაციით, ,,ახალი ლიდერების ინიციატივა” 15 000 ლარით დაჯარიმდა, რის შემდეგაც ოქმი ორგანიზაციის დირექტორს, კრისტინა მარია კოდი პუშოუს, ჩაბარდა. უწყების ცნობით, ორგანიზაციამ ზუგდიდში, 100 პირზე მეტი ადამიანი შეკრიბა.

,,ახალი ლიდერების ინიციატივამ” საპრეზიდენტო ბიბლიოთეკის წარმომადგენლებთან ერთად 26 მარტს ზუგდიდში პირბადეები, სადეზინფექციო ხსნარები და ხელთათმანები დაარიგეს. ადგილზე ათობით ადამიანი იყო შეკრებილი, წესების მიხედვით კი, 10 ადამიანზე მეტის შეკრება აკრძალულია.

ენმ-ის ლიდერის, ხატია დეკანოიძის განცხადებით, ,,ორგანიზატორებს უნდა გაეთვალათ, რომ სოციალური დისტანციის პრობლემა შეიძლებოდა დამდგარიყო, ხალხს იმდენად უჭირს”.

ნიკა მელიას თქმით, “ხანდახან ხდება, რომ აკეთებ ერთს, გამოგდის მეორე და საბოდიშოდ გიხდება საქმე”. მისივე განმარტებით, ზუგდიდში იმდენი ადამიანი მივიდა, რომ შეუძლებელი აღმოჩნდა წესების დაცვა და სხვა რეგიონებისგან განსხვავებით, აქ პოლიცია მათ დისტანციის დაცვაში არ ეხმარებოდათ.

შეგახსენებთ, რომ საგანგებო მდგომარეობა 21 მარტს 1 თვით გამოცხადდა. პრეზიდენტის დეკრეტის თანახმად, დაუშვებელია 10 ადამიანზე მეტის შეკრება.

ბიზნესომბუცმენის აპარატი ავრცელებს ინფორმაციას, რომელმა კომპანიებმა და კერძო პირებმა გადარიცხეს თანხა COVID-19 ვირუსის წინააღმდეგ ბრძოლისთვის ბიზნესომბუდსმენის აპარატისა და კერძო სექტორის კოორდინაციით შექმნილ StopCoV ფონდში.
StopCoV ფონდში აკუმულირებული თანხა, პრემიერ-მინისტრის ინიციატივით შექმნილი პლატფორმის ფარგლებში, ბიზნესომბუდსმენის აპარატისა და კერძო სექტორის კოორდინაციით, იდენტიფიცირებული საჭიროებების დასაკმაყოფილებლად მიემართება.

26 მარტის, 18:00 საათის მდგომარეობით StopCoV ფონდში აკუმულირებული თანხა 12,5 მლნ ლარი იყო.

ფონდში შენატანები განახორციელეს, როგროც კომპანიებმა, ასევე ფიზიკურმა პირებმა, მათ შორის:

მაგთიკომი, 3 მლნ ლარი
„არ ემ ჯი“, 1 მლნ ლარი
სამედიცინო უნივერსიტეტი,1 მლნ ლარი
სათამაშო ბიზნესის ასაცოციაცია (6კომპანია)
მეტრო ჰოლდინგი, 500 ათასი ლარი
თელავის ღვინის მარანი, 300 ათასი ლარი
რიკო ექსპრესი, 300 ათასი ლარი
პე-ეს-პე ჯგუფი, 300 ათასი ლარი
იმპორტიორი კომპანია “დაფნა”, 300 ათასი ლარი
თეგეტა მოტორსი, 200 ათასი ლარი
სოკარ ენერჯი ჯორჯია, 200 ათასი ლარი
ფრიდონ თოდუას სამედიცინო ცენტრი, 200 ათასი ლარი
ბათუმის საერთაშორისო საკონტეინერო ტერმინალი, 150 ათასი ლარი
კავკასიის ავტო იმპორტი, 150 ათასი ლარი
აკაკი ახვლედიანი,100 ათასი ლარი
რუსთავის აზოტი,100 ათასი ლარი
საქართველოს ფეხბურთის ფედერაცია,100 ათასი ლარი
ყვარლის სარდაფი,100 ათასი ლაარი
ბაზის ბანკი,100 ათასი ლარი
ფოთის საზღვაო ნავსადგური,100 ათასი ლარი
საქართველოს პარლამენტის მაჟორიტარი დეპუტატი გოჩა ენუქიძე,100 ათასი ლარი
ჰუალინგი,100 ათასი ლარი
სამშენებლო კომპანია დირსი,100 ათასი ლარი
თბილი სახლი,100 ათასი ლარი
ბილდი,100 ათასი ლარი
სამშენებლო მასალების კომპანია „დათო“,100 ათასი ლარი
მაქრო ქონსთრაქშენ,100 ათასი ლარი
ფილიპ მორისი,100 ათასი ლარი
My Home – ჩემი სახლი,100 ათასი ლარი
მთამ მენეჯმენტი,75 ათასი ლარი
ასკანელი ძმები, 60 ათასი ლარი
სარაჯიშვილი, 50 ათასი ლარი
სუპერმარკეტების ქსელი „მაგნიტი“, 50 ათასი ლარი
მაუდის ქარხანა,50 ათასი ლარი
ევრო გეიმს ტექნოლოჯი ჯორჯია,50 ათასი ლარი
ტოიოტა კავკასია,50 ათასი ლარი
ნანა პატარკაციშვილი,50 ათასი ლარი
დეილი,50 ათასი ლარი
ელიზი ჯგუფი, 50 ათასი ლარი
დუგლაძეების ღვინის კომპანია,50 ათასი ლარი
ლისი ლეიქ დეველოპმენტი, 50 ათასი ლარი
ინვეტი ჯგუფი, 30 ათასი ლარი
სუპერმარკეტების ქსლი „ზღაპარი“, 30 ათასი ლარი
ქსელი „სუფთა სახლი“, 30 ათასი ლარი
რუსთავი სთილ კორპორეიშენ კომპანი, 30 ათასი ლარი
სალომე ზურაბიშვილის ფონდი,30 ათასი ლარი
კომპანია დაგი, 30 ათასი ლარი
წისქვილი ჯგუფი, 30 ათასი ლარი
კრისტალი, 20 ათასი ლარი
ჯორჯიან გაზ იმპორტი, 20 ათასი ლარი
საკონდიტრო სანდომი, 20 ათასი ლარი
საქართველო-ისრაელის ბიზნეს საბჭო, იციკ მოშე, 18 ათასი ლარი
მომავლის მეღვინეობა, 10 ათასი ლარი
ოლ-პი ჯგუფი, 10 ათასი ლარი
ზარქუა კომფანი, 10 ათასი ლარი
ნინო კობახიძე, 10 ათასი ლარი
ბენე ჯგუფი, 10 ათასი ლარი
დინ გრუპი, 5 ათასი ლარი
ქინძმარაულის ვენახები, 2 ათას 500 ლარი
ჩაის სახლი ქიაჩელზე, 2 ათასი ლარი
საქველმოქმედო ფონდი „ზიარი“, 1 ათას 500 ლარი
სპორტული მედიცინის ასოციაცია, ათასი ლარი
ევან მოთიაშვილი (ონკოლოგიის ნაციონალური ცენტრი), ათასი ლარი
საქართველოს გეო ფიზიკური ასოციაცია,ათასი ლარი

საქართველოში კორონავირუსისგან კიდევ 1 ადამიანი გამოჯანმრთელდა და ჯამში 11 გახდა. ამის შესახებ ინფორმაცია ცოტა ხნის წინ, მთავრობის მიერ შექმნის ვებ-გვერდზე – stopcov.ge-ზე გამოქვეყნდა.

ბოლო მონაცემებით, საქართველოში COVID 19-ით ინფიცირებულთა რიცხვი 79-ია. საკარანტინო რეჟიმში 4427 ადამიანიიმყოფება, სტაციონარში მეთვალყურეობის ქვეშ კი 257.

დაავადებათა კონტროლის ეროვნული ცენტრის ხელმძღვანელის ამირან გამყრელიძის თქმით, ეპიდემიის დამთავრებამდე არ არის საჭირო სახლებში 10-კაციანი და 20-კაციანი სუფრები, თვენახევარი-ორი თვე ყველამ უნდა გავიჭირვოთ.

,,სრულად კიდევ არ არის დაცული სოციალური დისტანცირების მოწოდებები. ლისის ტბაზე, კუს ტბაზე დარბიან კიდევ. 5-5 10-10 ადამიანი იკრიბება. არ არის საჭირო ეს ერთი თვე სახლებში 10-კაციანი და 20-კაციანი სუფრები. გვიყვარს, რა ჯობს, მერე მე დაგპატიჟებთ, ერთად წავიდეთ სადმე როცა დამთავრდება ეს ეპიდებია. სიამოვნებით, ვიმხიარულოთ. მაგრამ, ახლა თვენახევარი, ორი თვე გავიჭირვოთ სულ ყველამ. ვიყოთ იზოლირებულნი, განსაკუთებით ჩემი ასაკის ადამიანები. მე ახლა არ შემიძლია, თორემ სიამოვნებით”,- აცხადებს ამირან გამყრელიძე.

შეგახსენებთ, რომ ამ დროისთვის საქართველოში საგანგებო მდგომარეობაა გამოცხადებული. მოქალაქეებს ეძლევათ რეკომენდაცია, რომ დარჩნენ სახლში და მხოლოდ გადაუდებელი საჭიროების შემთხვევაში გამოვიდნენ გარეთ.

ბოლო მონაცემებით, ქვეყანაში კორონავირუსის 79 შემთხვევა ფიქსირდება. მათგან 10 გამოჯანმრთელდა, რამდენიმეს მდგომარეობა კი მძიმეა. კარანტინის რეჟიმში 4346 ადამიანი იმყოფება, ხოლო სტაციონარში მეთვალყურეობის ქვეშ 247.

ჯანდაცვის მინისტრის მოადგილის, თამარ გაბუნიას განცხადებით, ეპიდემიისას კორონავირუსის ტესტების კომერციალიზაცია არეთიკურია და ამ დროს ყველა ხარჯი სახელმწიფომ უნდა დაფაროს.

მისი თქმით, მოქალაქეებისთვის იმის თქმა, რომ მივიდნენ, ტესტში თანხა გადაიხადონ და პასუხი მიიღონ, არასწორი მიდგომაა.

“ჩვენ რომ თავისუფლად, გარკვეული კომერციული ინტერესებისთვის მოქალაქეებს ვუთხრათ, რომ არის ტესტის ჩატარების შესაძლებლობა, მიდით, გადაიხადეთ გარკვეული თანხა და თქვენ მიიღებთ ტესტის პასუხს, ეს არ არის სწორი მიდგომა. ამ შემთხვევაში მნიშვნელოვანია ერთიანი ცენტრალიზებული ჩარჩო, როგორც ხარისხის კონტროლისთვის, ასევე, პასუხების ინტერპრეტაციისთვის, ასევე შემდეგი ქმედებისთვის, რომელიც უნდა ჯდებოდეს ერთიანი კლინიკური მართვის პროტოკოლის ფარგლებში ისევე, როგორც დიაგნოსტიკური ალგორითმის ფარგლებში”, — განაცხადა გაბუნიამ

მისივე თქმით, მასობრივი ტესტირების ჩატარებისთვის არც რესურსი და არც გონივრული საფუძველი არ არსებობს. როგორც ჯანდაცვის მინისტრის მოადგილე აღნიშნავს, სწრაფი ტესტების გამოყენების ალგორითმი მუშავდება და მოგვიანებით გახდება ცნობილი.

ინფექციური საავადმყოფოს სამედიცინო დირექტორი მარინა ეზუგბაია ამბობს, რომ უახლოეს დღეებში კიდევ ელოდებიან პაციენტების გამოჯანმრთელებას.

,,უახლოეს დღეებში გამოჯანმრთელებულებს ველოდებით, ტესტირებები ტარდება პერიოდულად 2-4 დღეში უნდა ჩატარდეს განმეორებითი ტესტირება და მიღებული პასუხების მიხედვით ხდება კვლევის გაგრძელება. ძირითადად, პირველად შემოსული პაციენტების რე-ტესტირებით შეიძლება ვთქვათ, რომ კონცენტრაციის მნიშვნელოვანი კლება აღინიშნება, რაც იმის საწინდარია, რომ შემდგომში უკვე მოსალოდნელია უარყოფითი პასუხები“, – განაცხადა ეზუგბაიამ.

მისივე ინფორმაციით, დღეს დილით ჩატარებული 10 ტესტიდან ათივეს პასუხი უარყოფითია. კორონავირუსი არ დაუდასტურდა არც ერთ მათგანს. ეზუგბაიას ცნობით, ინფექციურ საავადმყოფოში კვლავ 34 პაციენტი რჩება.

ინფექციური საავადმყოფოს სამედიცინო დირექტორი აღნიშნავს, რომ პაციენტებიდან 2 პირის მდგომარეობა განსაკუთრებით მძიმეა, ერთ-ერთის, ასაკოვანი ქალის მდგომარეობა, როგორც ინფექციური კლინიკის დირექტორი განმარტავს, შეიძლება კრიტიკულად ჩაითვალოს.

ამ დროისთვის საქართველოში კორონავირუსით ინფიცირების 79 შემთხვევა ფიქსირდება.