„იუვენტუსის“ ფორვარდმა, კრიშტიანუ რონალდუმ კარანტინი დაარღვია. ამის შესახებ ინფორმაქციას Daily Mail – ი წერს. პორტუგალიელი ფეხბურთელი, მაშინ შეამჩნიეს, როდესაც კუნძულ მადეირაზე, ქალაქ ფუნშალის ქუჩებში სეირნობდა.მასთან ერთად მისი მეგობარი გოგონა ჯორჯინა როდრიგესი და ორი შვილი იყო
შეგახსენებთ, რომ კორონავირუსი რონალდუს სამ თანაგუნდელს – დანიელე რუგანის, ბლეიზ მატუიდის და პაულო დიბალას დაუდასტურდა.
30 მარტიდან 31 მარტის დილამდე ქვეყნის ტერიტორიის უმეტეს ნაწილზე შენარჩუნებული იქნება ნალექიანი ამინდი. დროგამოშვებით იქროლებს დასავლეთის მიმართულების ძლიერი ქარი.
1 აპრილს დღისით ზოგან გაწვიმდება, ხოლო 2 აპრილს საქართველოში ისევ ნალექიანი და ქარიანი ამინდია მოსალოდნელი. ჰაერის ტემპერატურა დღის საათებში დაბლობსა და ბარში +12, +17 გრადუსი დაფიქსირდება.
თბილისში 30 მარტს წვიმა და ძლიერი ქარია მოსალოდნელი. 31 მარტს იქნება უნალექო, მაგრამ ქარიანი ამინდი. 1-2 აპრილს ისევ გაწვიმდება. ჰაერის ტემპერატურა +15, +17 გრადუსი დაფიქსირდება.
ქართველი ექიმი, ნინო ქავთარაძე, რომელიც ამერიკაში დაინფიცირებულ პაციენტებთან მუშაობდა, კორონავირუსი დაუდგინდა,- ამის შესახებ ექიმმა „ფეისბუქლაივით“ შეატყობინა საზოგადოებას.
„გამარჯობათ, მე ნინო ქავთარაძე ვარ, ამ წუთას გავიგე რომ ტესტი კორონავირუსზე პოზიტიურია. რაც შეეხება სიმპტომებს, ორი ან სამი დღის წინ თავი მტკიოდა, მაგრამ ემ თავის ტკივილი დავაბრალე ნერვიულობას და დიდი ყურადღება არ მივაქციე, სხვა არანაირი სიმპტომი არ მქონდა. ერთადერთი გუშინწინ იყო, რომ თავს ვერ ვწევდი“, – ამბობს ნინო ქავთარაძე.
საქართველოში კორონავირუსით ინფიცირების შემთხვევათა რაოდენობა 97 -მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 4876 ადამიანი, ხოლო სტაციონარში მეთვალყურეობის ქვეშ – 264 პირი.
ინფორმაციისთვის, 97 ადამიანიდან 18 გამოჯანმრთელებულია.
პოლიტოლოგმა პაატა ზაქარეიშვილმა ფორმულას ეთერშიკორონავირუსის გამო, ოკუპირებულ აფხაზეთში შექმნილ ვითარებაზე ისაუბრა.
ის ამბობს, რომ რეგიონში ამ დროისთვის პანიკური ვითარებაა.
„აფხაზეთში ვითარება საკმაოდ პანიკურია. არჩევნებამდე არ ახსოვდათ კორონავირუსი, დაძაბული ვითარება იყო მაგრამ 22 მარტს, არჩევნების დღეს, რომელიც უკანონოა და საქართველოს კანომდებლობას არ შეესაბამება, ყველა აფხაზი გაოგნდა იმ უდარდელობით, თუ როგორ ჩატარდა კორონავირუსის კონტექსტიდან გამომდინარე არჩევნები. დიდი ხნის უნახავი ადამიანები ერთმანეთს ეხუტებოდნენ, კოცნიდნენ, დიდხანს არ იშლებოდნენ. ახლა ყველას ჰგონია, რომ იმ დღეებში, შეიძლება ვირუსის გავრცელების რაღაც კერები განვითარდა და ელოდებიან, რომ ეს ყველაფერი ახლა იჩენს თავს, ამიტომაც ჩაიკეტნენ ყველანაირად“, – აღნიშნა ზაქარეიშვილმა.
რაც შეეხება ფსოუს ე.წ. საზღვარზე რუსეთიდან აფხაზეთის მიმართულებით ავტომობილების გაზრდილ ნაკადს, ზაქარეიშვილმა განმარტა, რომ უმრავლესობა აფხაზეთის მცხოვრებლები იყვნენ, რომლებიც ქვეყანაში არჩევნებისთვის ბრუნდებოდნენ, თუმცა მისივე თქმით, ოკუპირებულ ტერიტორიაზე კარანტინის არ არსებობის გამო, რუსეთის მოქალაქეებიც შევიდნენ.
„აფხაზეთის მოქალაქეები, რომლებიც არჩევნებისთვის ჩამოდიოდნენ იყვნენ ბევრი მათგანი სოჭში და კრასნოდარის მხარეში. ამიტომ ხშირად დადიან ხოლმე. ბევრი მათგანი არჩევნების დღეს მოდიოდა სამშობლოში რათა მონაწილეობა მიეღოთ. ამავე დროს, დაფიქსირდა რუსების გარკვეული რაოდენობა, რომლებიც ან მოსკოვში მიდიოდნენ თურქეთიდან და კრასნოდარის მხარეში ჩარჩნენ, და არ უნდოდათ იქ დაბრუნება სადაც უკვე კარანტინი იყო, გაგონილი ჰქონდათ რომ აფხაზეთში კარანტინი არაა და ცოტა ხნით გავჩერდები აფხაზეთშიო. გარკვეული რაოდენობა რუსების შევიდა სწორედ ამ დროს აფხაზეთის ტერიტორიაზე“, – განაცხადა პაატა ზაქარეიშვილმა.
კორონავირუსის გავრცელების პრევენციის მიზნით მოსახლეობა სამედიცინო ხელთათმანს და პირბადეს აქტიურად იყენებს. თუმცა არასწორი გამოყენების შედეგად შესაძლოა ისინი ინფიცირების წყაროც კი გახდნენ. მედიცინის აკადემიური დოქტორი, ექიმი-პედიატრი თამარ ობგაიძე ლატექსის და ზოგადად ერთჯერადი ხელთათმანის გამოყენების რეკომენდაციებს აძლევს მოსახლეობას.
“როცა უხილავი მტერი გიტევს, რომელიც არ ჩანს, მაგრამ იცი, რომ წვეთებით ვრცელდება და ნებისმიერი ზედაპირი შეიძლება ინფიცირებული იყოს, ბუნებრივია, გიჩნდება სურვილი, როგორმე დაიცვა თავი ზედაპირებზე შეხებისაგან.
ამიტომ სულაც არ მიკვირს, რომ სულ უფრო ხშირად მხვდებიან ქუჩაში ადამიანები ფერად-ფერადი ლატექსის ხელთათმანებით. გვიცავს თუ არა ის?
დიახ, თუ თქვენ გაცვიათ ხელთათმანი, ზედაპირებზე შეხებისას თქვენს კანზე ნამდვილად ვერ მოხვდება ვერც კორონავირუსი და ვერც სხვა მიკროორგანიზმი და ეს დაცულობის ბედნიერ შეგრძნებას გაძლევთ.
მაგრამ, თუ ასე შეფუთული ხელებით, ეხებით ფულს, მობილურ ტელეფონს, რომელიც საუბრისას ახლოს გაქვთ სახესთან, ხელთათმანიანი ხელებით ეხებით ბანკომატებს, სწრაფი გადახდის აპარატებს და შემდეგ ისწორებთ თმას, მიგაქვთ ხელი სახესთან, ეხებით მას, იკეთებთ და იხსნით სათვალეს, თქვენ ქმნით დამატებით რისკს დაბინძურებული ხელთათმანებით ინფიცირებისათვის.
ასე, რომ თუ იყენებთ ლატექსის ხელთათმანს, გამოიყენეთ ის სწორად – გაიკეთეთ ინფიცირებულ ადამიანთან კონტაქტისას, მისი მოვლისას, სამედიცინო დაწესებულებაში შესვლისას, აფთიაქებში, სუპერმარკეტებში ნივთებთან და ზედაპირებთან შეხებისას. შემდეგ ხელთათმანი უნდა გადააგდოთ ან შეინახოთ გარეცხვამდე და დეზინფექტანტით დამუშავებამდე.
იმ შემთხვევაში, თუ მაინც გირჩევნიათ მთელი დღის მანძილზე გეკეთოთ ხელთათმანი, სრულყოფილად უნდა აკონტროლოთ საკუთარი თავი, რომ თქვენი ხელი არ მოხვდეს სახესთან. სხვა შემთხვევაში ლატექსის ხელთათმანი დაცვის ნაცვლად საფრთხის რისკს გაგიზრდით.
და ბოლოს, ხელების ხშირი დაბანის აუცილებლობას კიდევ ერთხელ შეგახსენებთ! ჯანმრთელობას გისურვებთ ყველას!” – განაცხადა თამარ ობგაიძემ.
აფხაზეთის სოფელ საბერიოდან ზუგდიდში, ქალაქ გალის მცხოვრები გადმოიყვანეს და ზუგდიდის ინფექციურ საავადმყოფოში მოათავსეს. ინფორმაციას „ლაივპრესი“ ავრცელებს.
ზუგდიდის ინფექციურ საავადმყოფოში აცხადებენ, რომ კორონავისუსზე საეჭვო ნიშნებით შეიყვანეს 50 წლის ქალი ოკუპირებული ქალაქ გალიდან. ის მოთავსებულია ბოქსირებულ პალატაში. ქალს ჩაუტარდება ანალიზი და საჭიროების შემთხვევაში ის ლუგარის ლაბორატორიაში გადაიგზავნება.
ჰოლანდიაში მცხოვრები ქართველი, ზაზა მესხი, რომელმაც ოჯახთან – ცოლთან და ოთხ შვილთან ერთად კორონავირუსი გადაიტანა, მთავარ არხთან ინტერვიუში ყვება დაავადების შესახებ. მან ერთი თვე იზოლაციაში ოჯახთან ერთად, საკუთარ სახლში გაატარა და ახლა საბოლოოდ განკურნებულია. ის ფიქრობს, რომ ოჯახს ვირუსი მან გადასდო.
“თებერვლის ბოლო კვირას თავს ვგრძნობდი შეუძლოდ. ენერგია საერთოდ არ მქონდა. სიცხე არ მქონდა, მაგრამ თავს ცუდად ვგრძნობდი. 1 მარტს უკვე მაღალი სიცხე, ციება სუნთქვის ცოტა გართულება, მშრალი ხველა, მერე რაღაც დაემატა, კუჭის აშლილობა თირკმლის არეში ტკივილი .შვიდი–რვა დღე მქონდა სიცხე. სამი დღე ორმოცამდე, ორმოცზე მეტიც. განცდა იყო თითქოს ტროპიკული ციება იყო. თავიდან ჩემს ცოლს დაეწყო სიცხე, მერე მე, მაგრამ მე მგონია რომ ჩემი შემოტანილი იყო ოჯახში. ორი დღის შემდეგ ორ ბავშვს, მერე 5 დღის შემდეგ კიდევ ორ ბავშვს. ასეთი დინამიკა იყო.
სამ ფაზად დავყოფდი ამ დაავადებას: პირველი ფაზაა იყო, სანამ სიცხე ამიწია, ერთი კვირა შფოთვა და დაღლილობა. მერე შვიდი– რვა დღე იყო მაღალი სიცხე და ციება, მესამე ფაზა, რომელიც ორ კვირას გაგრძელდა იყო უსაშველო ხველება და გულმკერდზე დაწოლა, რომ ბოლომდე ვერ ამოისუნთქავ. მერე ნელ–ნელა სიმშრალე გადავიდ, ნახველი წარმოიქმნა. ყველას სხვადასხვა რამე აგვტკივდა. ჩემს მეუღლეს კუჭის ტკივილი დაეწყო, მე თირკმლის ტკივილი დამეწყო. პატარებმა ყველაზე იოლად გადაიტანეს. ჩემს მეუღლეს ძლიერი თავის ტკივილები ქონდა. კიდევ ერთი მახასიათებელი იყო, რომ გემო გაქრა საერთოდ. ყნოსვას და გემოს ვერ ვარჩევდი.“– ამბობს ზაზა მესხი.
მან და მისმა ოჯახმა დაავადება სახლში გადაიტანეს და ერთმანეთს თვითონ უვლიდნენ. მისი თქმით, ჰოლანდიაში არჩეულია სტრატეგია, რომ სამედიცინო ცენტრებს ხალხის მოზღვავება აარიდონ.
“ გამოკითხვა ხდება სტანდარტული კითხვებით და თუ ასკვნიან, რომ შენი მდგომარეობა მძიმე არ არის და რისკ ჯგუფში არ ხარ, რაც არ უნდა მაღალი სიცხე გქონდეს საავადმყოფოში არ გადაყავხარ.
ცდილობენ მაქსიმალურად განტვირთონ საავადმყოფოები და პოლიკლინიკები. ასე ხდება ჰოლანდიაში, გერმანიაში, რომ იტალია არ განმეორდეს.
მინდა ხალხს ვუთხრა რომ ნუ გეშინიათ, მძიმე გრიპია, არ არის სასიამოვნო, მაგრამ უსაშველოც არ არის. მთავარია არ იყოს პანიკა. არაფერ წამალს არ ვიღებდი, არც მე და არც ჩემი ოჯახი, ინჰალაციას ვიკეთებდი და პარაცეტამოლს ვიღებდი. ჩემ გოგონას პნევმონიის შემთხვევაში ანტიბიოტიკური მკურნალობა დაუნიშნეს.
მთავარი და ყველაზე ცუდი რაც შეიძლება მოხდეს ეს არის პანიკა. ეს ავადმყოფობა მიდის როგორც მძიმე გრიპი. დარჩით სახლში, ნუ დაატერორებთ ექიმებს, დანიშნულების გარეშე ნუ მიიღებთ ანტიბიოტიკებს და გადაივლის.და დაიცავით ხნიერი ხალხი.“– ამბობს ზაზა მესხი.
თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული ახალი, 91-ე პაციენტის ჯანმრთელობის მდგომარეობა ამ ეტაპზე მძიმე არ არის.
მისი თქმით, ამჟამად კლინიკაში კვლავ 4 პრობლემური პაციენტი რჩება, რომელთაგან ორის ჯანმრთელობის მდგომარეობა კრიტიკულია.
„დილის შემდგომ ვითარება არ შეცვლილა. ჯერჯერობით, კვლავ გვრჩება პრობლემური 4 პაციენტი, აქედან ორის მდგომარეობა კრიტიკულია, ორის კი ძალიან მძიმე პნევმონიით. შემოსული ახალი პაციენტის მდგომარეობა ამჟამად არსებული მონაცემებით მძიმე არ არის“,-აცხადებს ეზუგბაია.
მან აღნიშნა, რომ ინფიცირებული ახალი პაციენტი საქართველოში დაბრუნების შემდეგ თვითიზოლაციაში იმყოფებოდა.
„ჩამოსვლიდან თვითიზოლაციაში იმყოფებოდა“,-განუცხადა ჟურნალისტებს მარინა ეზუგბაიამ.
მისი განმარტებით, კორონავირუსზე 7 პაციენტის ტესტია აღებული და მათი პასუხები ხვალ გახდება ცნობილი.
„დღის მეორე ნახევარში აღებულია დაახლოებით 7 პაციენტზე ტესტირება და ვნახოთ ხვალ დილით ამ 7 პაციენტიდან რამდენს დაუდასტურდება“,-აღნიშნავს ეზუგბაია.
ცნობისთვის, საქართველოში კორონავირუსით ინფიცირების შემთხვევათა რაოდენობა 91 -მდე გაიზარდა. კარანტინის რეჟიმშია 4717 ადამიანი, ხოლო სტაციონარში მეთვალყურეობის ქვეშ – 268 პირი. 91 ადამიანიდან 18 გამოჯანმრთელებულია.
თბილისის მერი, კახა კალაძე ამბობს, რომ ნაციონალური მოძრაობისა და მიხეილ სააკაშვილისგან ყველაზე დიდი დახმარება იქნება, თუ “მავნებლობას” თავს დაანებებენ.
ასე გამოეხმაურა კალაძე ექსპრეზიდენტ მიხეილ სააკაშვილისა და ნაციონალური მოძრაობის შეთავაზებას ათასამდე მოქალაქის ქვეყანაში უფასოდ ჩამოყვანის შესახებ.
მისი თქმით, უცხოეთში მყოფი მოქალაქეებს ჩამოსაყვანად რეისები არსებობს, გასულ დღეებში ჩამოიყვანეს ადამიანები და ეს მომდევნო დღეების განმავლობაშიც გაგრძელდება.
“ერთადერთი თხოვნა, გასაკეთებელი რაც არის და მთავარი არის გაითვალისწინოს ნაციონალურმა მოძრაობამ და მისმა ლიდერმა მიხეილ სააკაშვილმა, თავი დაანებოს მავნებლობას ეს იქნება ყველაზე დიდი დახმარება დღევანდელ მდგომარეობაში და დღევანდელ სიტუაციაში. თუ საჭიროება იქნა დამატებითი ღონისძიებების გატარების, დამატებითი თხოვნა ადამიანებზე, ქვეყნებზე, ბიზნეს სექტორზე დახმარების და ხელშეწყობის, ამასაც გავაკეთებთ, მაგრამ ჯერ არ არის ამის აუცილებლობა იმიტომ, რომ ქვეყანა ამას აკეთებს.
ნაციონალურ მოძრაობას უპასუსა საქართველოს პრემიერ-მინისტრმაც და თქვა, რომ ევროპის სხვადასხვა ქალაქიდან საქართველოს მოქალაქეების ჩამოყვანაში ქვეყანას დახმარება არ სჭირდება.
გახარიას თქმით, ხელისუფლებას სიტყვიერი რჩევები არ სჭირდება და “თუ ვინმეს თავი აქვს”, მივიდეს მოქალაქეებთან და არ ისაუბროს ტელევიზორიდან, “პოლიტიკური კეკლუცობისთვის”.
ერთიანი ნაციონალური მოძრაობა საქართველოს ხელისუფლებას ევროპის ქალაქებში ჩარჩენილი მოქალაქეები ჩამოყვანაში დახმარებას სთავაზობს. პარტიის ინფორმაციით, დაახლოებით 1 000 მოქალაქის უფასოდ გადმოყვანის რესურსი აქვთ, თუ მთავრობა ხელს შეუწყობს. საუბარია ფრენებზე ევროპის სხვადასხვა ქალაქიდან: ვარშავა, კიევი, ბერლინი, რომი, ბარსელონა.