Category: ახალი ამბები

რუსთავის საკრებულოს დეპუტატს კორონავირუსი დაუდასტურდა. ასევე კორონავირუსზე ჩატარებულმა ტესტმა დადებითი პასუხი აჩვენა საკრებულოს წევრის მამის შემთხვევაშიც.

ინფორმაცია  რუსთავის საზოგადოებრივი ჯანმრთელობისა და უსაფრთხო გარემოს უზრუნველყოფის ცენტრში დაადასტურეს.

ცნობისთვის, რუსთავის საკრებულოს კორონავირუსით ინფიცირებული საკრებულოს წევრის დედას კორონავირუსი დღეს დაუდგინდა. ის ეროვნული ბანკის თანამშრომელია.​

ამ დროისთვის რუსთავის საკრებულოს თანამშრომლების ნაწილი, მათ შორის დეპუტატები, თვითიზოლაციაში იმყოფებიან. რუსთავის საკრებულოს მთელს შენობაში სადეზინფექციო სამუშაოები უკვე ჩატარდა, ამ დროისთვის კი საკრებულო დაკეტილია.

ტელეწამყვანი ნათია ლაზაშვილი სოციალურ ქსელში აქვეყნებს ვიდეოს,  რომელიც “კომენდანტის საათის” დროს არის გადაღებული.

“პატრულირება” N2 – მეტირება, ისეთ პასუხისმგებლობას გრძნობს თბილისი. საოცარი სანახავია”, – წერს ნათია ლაზაშვილი.

რამდენიმე წუთის წინ კორონავირუსით დაინფიცირებულთა რიცხვი მსოფლიოში ერთ მილიონს გადაცდა. გარდაცვლილთა რაოდენობა კი 51 450–ს. გამოჯანმრთელებულია 210,184 ამ მომენტისთვის დაავადებულია 738 000 ადამიანი. მათგან 37 000 კრიტიკულ მდგომარეობაშია.

საერთაშორისო ორგანიზაცია რეპორტიორები საზღვრებს გარეშე (RSF) აზუსტებს, რომ თურქმენეთში სიტყვა “კორონავირუსი” არ აუკრძალავთ და 31 მარტს  მის მიერ გავრცელებული ინფორმაციის გამო ბოდიშს იხდის.

“სამწუხაროდ სტატია, რომელიც 31 მარტს RSF-ს ვებგვერდზე გამოქვეყნდა არასწორ ინფორმაცია ეყრდნობოდ ბოდიშს ვუხდით ჩვენს მკითხველს ამ შეცდომის გამო, რომელიც შეძლებისდაგვარად სწრაფად გავასწორეთ”, –  ამის შესახებ RSF განცხადება „ტვიტერში“ გამოაქვეყნდა.

გაერთიანებულ სამეფოს ჯანდაცვის ეროვნულმა უწყებამ მიიღო გადაწყვეტილება რომ Covid 19-ით დაავადებულ კრიტიკულ მდგომარეობაში მყოფ პაციენტებს ხელოვნურ სუნთქვის აპარატს გამოურთავენ და იმ დაავადებულებს დაეხმარებიან ვისაც გადარჩენის მეტი შანსი აქვს.  ამის შესახებ ინფორმაციას BBC ავრცელებს.

როგორც ბრიტანეთის მეკიოსთა ასოციაცია აცხადებს, ეს იქნება ურთულესი და უმძიმესი გადაწყვეტილება კორონავირუსთან მებრძოლი ექიმებისთვის, რადგან მათ მოუწევთ გადაარჩენისთვის სელექციას მიმართონ პაციენტის მდგომარეობის გათვალისწინებით.

ცნობისთვის, ეს რეკომენდაცია იტალიელმა ექიმებმა რამდენიმე კვირისწინ მიიღეს. იტალიელ ექიმებს ურჩევენ აუცილებლობის შემთხვევაში ხანდაზმულ ადამიანებზე ნაკლები რესურსი დახარჯონ და მათ გარდაცვალების საშუალება მისცენ. ეს არის მძიმე არჩევანი, რომლის გაკეთება ექიმებს მოუწევთ.

ამ დროისთვის, ბრიტანეთში კორონავირუსით დაავადებულთა რაოდენობა 33,718-ს შეადგენს, რომელთაგან გარდაცვლილთა რიცხვმა 2,921 შეადგინა. მცირეა გამოჯანმრთელებულთა მაჩვენებელიც და ამ დროისთვის მხოლოდ 135 ადამიანი განიკურნა.

პირველი საუნივერსიტეტო კლინიკის დირექტორის, ლევან რატიანის თქმით, თავისი ყველა პაციენტი ყოველ ღამ ესიზმრება.

,,როდესაც დგება პაციენტთან მომენტი, როცა , აი , აჩერებს გულს… გულში მილოცია, რომ ღმერთო ეს პაციენტი ამ წუთში გადამირჩინე. ყველა პაციენტი მესიმზრება ჩამოვლით ყოველ ღამე”,- ამბობს რატიანი.

რატიანის კლინიკაში დღეს საქართველოში კორონავირუსით ინფიცირებული ყველაზე კრიტიკული პაციენტის მდგომარეობა დასტაბილურდა.

[poll id=”5″]

,,ევროპული საქართველოს” ლიდერი, დავით ბაქრაძე ირაკლი კობახიძის განცხადებას გამოეხმაურა და თქვა, რომ მისი პარტია 350 გაჭირვებულ ოჯახს ზედმეტი პიარისა და საჯაროობის გარეშე უკვე სამი კვირაა ეხმარება.

ბაქრაძის თქმით, ამ პროექტში ჩართულები არიან მოხალისეები და თანხებს ევროპული საქართველოს დეპუტატები საკუთარი ხელფასებიდან იღებენ. ის აღნიშნავს, რომ ამ პროგრამის საფასური კვირაში 10-12 ათასი ლარია.

,,ამას ვაკეთებდით და მომავალშიც გავაკეთებთ ზედმეტი პიარის და საჯაროობის გარეშე. ამიტომ, ჩვენთვის აბსოლუტურად ნათელი და მკაფიოა, რომ სოციალური სოლიდარობა, ქველმოქმედება და გვერდით დგომა საჭიროებს კონკრეტულ პროგრამებს და კონკრეტულ ნაბიჯებს, ასეთ ნაბიჯებს ევროპული საქართველო დგამდა და მომავალშიც კრიზისის ამოწურვამდე დავეხმარებით ამ ოჯახებს ჩვენი სახსრებით. პარლამენტის წევრებიც დავდივართ მოხალისეებად ოჯახებში,” – განაცხადა ბაქრაძემ.

დღეს ,,ქართული ოცნების” წევრმა ირაკლი კობახიძემ თქვა, რომ უმრავლესობის დეპუტატები და მინისტრები სამი თვის ხელფასის 1/3-ს კორონავირუსთან საბრძოლო ფონდში ჩარიცხავენ. მთლიანობაში, 105 თანამდებობის პირი გაიღებს თანხას.

საქართველოში კორონავირუსით ინფიცირების შემთხვევათა რაოდენობა 131-მდე გაიზარდა.

ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე განახლდა.

კარანტინის რეჟიმში იმყოფება 5550 ადამიანი, ხოლო სტაციონარში მეთვალყურეობის ქვეშ – 281 პაციენტი.

131 ინფიცირებულიდან 26 გამოჯანმრთელებულია.