Category: ახალი ამბები

აშშ-ის საელჩო საქართველოში 1989 წლის 9 აპრილის ტრაგედიასთან დაკავშირებით განცხადებას ავრცელებს.

,,ქართველი ხალხისთვის გამძლეობა და თავგანწირვა უცხო არ არის. ეროვნული ერთიანობის დღის 31 წლისთავზე ჩვენ ვიხსენებთ 21 უდანაშაულო ადამიანს, ვინც თბილისის ქუჩებში სიცოცხლე დაკარგა და იმ ასობით დაშავებულს ვინც მათ გვერდით იდგა. პატივს მივაგებთ მათ ხსოვნას, ვინც ვერ მოესწრო იმ თავისუფლებასა და დამოუკიდებლობას, რისთვისაც ამდენი იბრძოლა”, – ნათქვამია საელჩოს განცხადებაში.

9 აპრილის ტრაგედიიდან დღეს 31 წელი გავიდა. 1989 წელს, ამ დღეს საბჭოთა არმიის ნაწილებმა სასტიკად დაარბიეს საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია, რის შედეგადაც დაიღუპა 21 ადამიანი, ასობით კი დაიჭრა.

მსოფლიოში კორონავირუსით დაინფიცირებულთა რაოდენობამ 1,5 მილიონს გადააჭარბა და ამ დროისთვის 1 519 213-ს შეადგენს.

ოფიციალური ინფორმაციით, COVID-19-ით საერთო ჯამში 88 531 ადამიანი გარდაიცვალა, ხოლო 330 ათასზე მეტი გამოჯანმრთელდა.

აღსანიშნავია, რომ დაინფიცირებულების მაჩვენებლით აშშ ლიდერობს, სადაც 429 052 შემთხვევაა დადასტურებული, დაღუპულთა რაოდენობა კი – 14 739-ია, ამ მონაცემებით ამერიკამ ესპანეთს გადაასწრო. კორონავირუსით ინფიცირების ყველაზე მეტი შემთხვევა ლეტალობით იტალიაში დამთავრდა, ვირუსს 17 669 ადამიანი ემსხვერპლა.

მსოფლიოში კრიტიკულ მდგომარეობაში 48 ათასზე მეტი ადამიანი იმყოფება.

საქართველოში კორონავირუსით ინფიცირების 3 ახალი შემთხვევა დადასტურდა. სულ დადასტურებულია COVID-19-ის 214 შემთხვევა. მათგან 50 ადამიანი გამოჯანმრთელდა, 3 კი გარდაიცვალა.

ინფორმაცია stopcov.ge-ზე რამდენიმე წუთის წინ განახლდა.

ამ დროისთვის კარანტინის რეჟიმში რჩება 4559 ადამიანი, ხოლო სტაციონარში მეთვალყურეობის ქვეშ – 353 .

საქართველოს მთავრობის მიერ კორონავირუსთან საბრძოლველად შექმნილ ფონდში ცოტა ხნის წინ 100 მილიონი ლარი ჩაირიცხა. ვებგვერდზე, სადაც ფონდში ასახული თანხებია მითითებული დღეს 24 მილიონი ლარი იყო დაფიქსირებული. გვიან საღამოს კი თანხის რაოდენობა 124 543 899 ლარამდე გაიზარდა. ჯერჯერობით ვებგვერდზე არ არის მითითებული თანხის ჩამრიცხავის ვინაობა. სავარაუდოდ ის ხვალ გახდება ცნობილი. 

“ბასილ კობახიძეს ბოდიში მოვუხადე (ეთერშიც და მიღმაც) უბრალოდ კომუნიკაციის პრობლემა იყო”- განაცხადა დიანა ტრაპაიძემ.

“ბასილ კობახიძეს ბოდიში მოვუხადე (ეთერშიც და მიღმაც) და მაყურებელსაც.სიბნელის ადვოკატად ვერ გამოვდგები.ამისთვის ეთერს ადრე არ დავამთავრებდი, სხვაგვარად არც ვთხოვდი ეთერში ჩართვას.უბრალოდ,კომუნიკაციის პრობლემა იყო. როგორც ერთ ეთერში ვაღიარე, არ მაქვს მთლად მწყობრი ნერვები. ჩემი პატივისცემა ბასილ კობახიძეს Basil Kobakhidze”-წერს დიანა ტრაპაიძე.

ტელეწამყვანი დიანა ტრაპაიძე სტუმართან – ბასილ კობახიძესთან ერთად განიხილავდა ეპიდემიის გამო გაჩენილ იმ საფრთხეებს, რომლებიც შესაძლოა, მრევლის ეკლესიებში სიარულმა შექმნას. სწორედ ამ თემაზე საუბრისას, ბასილ კობახიძემ გადაცემის წამყვანს და არხს, რომლის პირდაპირ ეთერშიც აკრიტიკებდა როგორც მთავრობას, ასევე ეკლესიას, შენიშვნა მისცა და განაცხადა, რომ არ ხდება თემის კრიტიკული გაშუქება. სტუმრისგან მიღებული რეპლიკის შემდეგ, გადაცემის წამყვანმა სტუმართან პირდაპირი ჩართვა მომენტალურად დაასრულა.

“ეკლესიები უნდა დაიკეტოს..” – ბასილ კობახიძეს პირდაპირი ეთერი დროზე ადრე დაატოვებინეს

დიდ ბრიტანეთში კორონავირუსით ერთ დღეში 938 ადამიანი გარდაიცვალა, რაც აქამდე აღრიცხული ყველაზე მაღალი მაჩვენებელია ქვეყანაში. მთლიანობაში, ბრიტანეთში COVID-19-ით 7097 ადამიანი გარდაიცვალა.

რაც შეეხება ინფიცირებულებს, ბოლო 24 საათში 5 491 ადამიანი დაავადა, ჯამში – 60 733 პირი , მათგან 1559-ის მდგომარეობა კრიტიკულია.

ბრიტანეთში ტესტირების ტემპი საგრძნობლად აჩქარდა, რადგან ქვეყანა კრიზისის მართვაში მას საუკეთესო გამოსავლად მიიჩნევს. ამ დროისთვის ტესტირება 232 ათასზე მეტს ადამიანს ჩაუტარდა.

ბრიტანეთის პრემიერ-მინისტრის ჯანმრთელობის მდგომარეობა უმჯობესდება, თუმცა ის კვლავ ინტენსიური თერაპიის განყოფილებაში რჩება.

როგორც ბრიტანეთის ფინანსთა მინისტრმა რიში სუნაკმა განაცხადა, ბორის ჯონსონი დღეს წამოჯდა და ისე გაესაუბრა ექიმებს.

”ის საწოლში იჯდა და ესაუბრებოდა კლინიკურ გუნდს. პრემიერ-მინისტრის ამბავი გვახსენებს, თუ რამდენად განურჩეველია ეს ვირუსი”, – განაცხადა სუნაკმა.

ცნობისთვის ბორის ჯონსონი, რომელსაც კორონავირუსი აქვს, კლინიკაში 5 აპრილს შეიყვანეს. მეორე დღეს კი მისი მდგომარეობა დამძიმდა და ინტენსიური თერაპიის განყოფილებაში მოათავსეს.

იმ მოქალაქეებისთვის, რომლებსაც არ სურთ მთავრობის კომუნალური შეღავათებით ისარგებლონ, სემეკმა შესაბამისი პლატფორმა აამოქმედა. კომპანიის განცხადებით, მოქალაქეებს გადაწყვეტილების დაფიქსირება მათივე ვებგვერდზე (www.gnerc.org/ge/covid-19) შეუძლიათ.

კომუნალური შეღავათი გათვლილია სამი თვის (მარტი, აპრილი, მაისი) განმავლობაში მოხმარებულ ელექტროენერგიასა და ბუნებრივ გაზზე. სემეკის ინფორმაციით, მოქალაქეებს კომუნალურ სუბსიდირებაზე უარის თქმა შეუძლიათ, როგორც სამივე თვეზე, ისე  ყოველ თვეზე ცალ-ცალკე. მარტის თვის გადასახადის შემთხვევაში, უარის თქმის ბოლო ვადა 2020 წლის 11 აპრილია. მომხმარებლებმა ვებგვერდზე რამდენიმე ველი უნდა შეავსონ და ინფორმაცია რეაგირებისთვის შესაბამის გამანაწილებელ კომპანიაში გადაიგზავნება.

,,კომუნალურ შეღავათებზე უარის თქმის პლატფორმის შექმნის საფუძველს წარმოადგენს იმ მოქალაქეთა გარკვეული ნაწილის მოთხოვნა, რომლებსაც მარტში ელექტროენერგიისა და ბუნებრივი გაზის მოხმარების მოცულობებიდან გამომდინარე სუბსიდირება შეეხოთ”, — წერია სემეკის განცხადებაში.

შეგახსენებთ, რომ ეკონომიკის სტიმულირებისთვის ბიუჯეტიდან 2 მილიარდი ლარი გამოიყოფა. მთავრობა სამი თვის კომუნალურ გადასახადებს დაუფარავს ოჯახებს, რომლებიც დადგენილ ლიმიტზე ნაკლებ ელექტროენერგიასა და ბუნებრივ აირს მოიხმარებენ. ვიცე-პრემიერის განმარტებით, ელექტროენერგიაზე შეღავათებით მილიონ 200 ათასი ოჯახი ისარგებლებს, ბუნებრივ აირზე კი 671 ათასი.

“არ ვიცოდი, რომ კორონავირუსი მჭირს, პირბადის გარეშე მოვიარე ქალაქი”- აცხადებს  16 წლის სტიქაროსნის დედა, რომლის ოჯახის COVID 19-ით დაინფიცირების შესახებ რამდენიმე დღის წინ ინფორმაცია გავრცელდა. როგორც რესპონდენტი ჰყვება,მან  არ იცოდა, რომ ეს ვირუსი მას და მისი ოჯახის 3 წევრს ჰქონდა, ქალაქში პირბადის გარეშე გადაადგილდებოდა.

“რაც შევიტყვეთ, იმის მერე სახლში ვართ გამოკეტილები. 4-ში გათენდა დილა, მამაჩემი ვერ ადგა ლოგინიდან. მოდი მეთქი, ტაქსით წავიყვან, ფილტვებზე გადავუღო, რამე არ მოუვიდეს კაცს-მეთქი. ქუჩის ხალხი დამეხმარა, გამვლელები, ტაქსშიც ხომ გადაედო. მე ამ დროს ხომ არ ვიცოდი, რომ კორონა სჭირს. ამ დროს მომადგა სასწრაფო. მეც მქონია თურმე მაგ დროს კორონავირუსი, მე წამოვედი და 2 ტაქსი გამოვიცვალე. ისინიც ხომ დაავადნენ?! პირბადის გარეშე  დავდიოდი მთელი ქალაქი. ფული გადავუხადე, ის ფულიც ხომ მიიტანა იმ კაცმა სახლში კორონავირუსიანი?! თორემ, ჩემი შვილი და მე ვისხედით სახლში,”- აცხადებს დაინფიცირებული ქალი.

საქართველოში კორონავირუსით ინფიცირების 3 ახალი შემთხვვა გამოვლინდა, საერთო ჯამში  დადასტურებული შემთხვევების რაოდენობა 211-ია.

ინფორმაცია მთავრობის ვებგვერდზე – Stopgov.ge-ზე რამდენიმე წუთის წინ განახლდა.

ქვეყანაში 211 ინფიცირებულიდან 50 გამოჯანმრთელდა, ხოლო 3 გარდაიცვალა.