კამილა პარკერ ბოულზი შოტლანდიურ მამულში, ბირკჰოლში საკუთარ ქმართან დაბრუნდა. წყვილი დღეს ქორწინების 15 წლის იუბილეს აღნიშნავს.
კამილა პარკერ ბოულზს მამულის დატოვება მას შემდეგ მოუწია, რაც პრინც ჩარლზს კორონავირუსი დადუგინეს. ის ბირკჰოლის მამულში თვითიზოლაციაში იყო, კამილა კი ბალმორალში ორკვირიან კარანტინში.
იზოლაციის ვადები ზუსტად სამეფო ოჯახისთვით მნიშვნელოვან დღეს ამოიწურა. 9 აპრილს წყვილს “ბროლის ქორწილი აქვს“. ამ დღის აღსანიშნავად მათ საყვარელ ძაღლებთან–ბლუბელთან და ბეტთან ერთად სახლის ზღურბლთან ფოტო გადაიღეს.
ფოტოზე მონარქები ყოველდღიურ სამოსში არიან ჩაცმული. კამილა პარკერ ბოულზს ელეგანტური კაბის ნაცვლად ჯემპრი და ჯინსი აცვია, პრინცს კი კლასიკური პიჯაკის ნაცვლად თავისუფალი სამოსი.
თაყვანისმცემლებს სამეფო ოჯახის თბილი, ოჯახური ფოტო ძალიან მოეწონათ. სოციალურ ქსელებში მათ ქორწინების იუბილეს ულოცავენ და ბედნიერებას, ჯანმრთელობას და მარადიულ სიყვარულს უსურვებენ.
71 წლის პრინცმა ჩარლზმა გამოჯანმრთელების შემდეგ ვიდეომიმართვა ჩაწერა, რომელიც უელსის პრინცის და მისი მეუღლის ოფიციალურ ვერდზე გამოქვეყნდა.
მან კორონავირუსის პანდემიას უცნაური გამოცდილება უწოდა, მადლობა უთხრა ექიმებს, მაღაზიებისა და აფთიაქების თანამშრომლებს, რომლებიც სამუშაო ადგილებზე რჩებიან, რათა მოსახლეობა პირველადი მოხმარების პროდუქტების გარეშე არ დარჩეს.
“კორონავირუსის დაავადება საბედნიეროდ შედარებით მსუბუქი სიმპტომებით გადავიტანე. ახლა დაავადების მეორე მხარეს ვარ. თუმცა კვლავ ვიცავ სოციალურ დისტანციას და საყოველთაო იზოლაციას. როგორც ყველამ ვნახეთ, კრონავირუსი უცნაური, შამეშინებელი და საგანგაშო გამოცდილებაა, როცა შეუძლებელია ახლობლების და მეგობრების გვერდით იყო, ცხოვრების ჩვეული წესი კი ირღვევა“ – თქვა პრინცმა და თანაგრძნობა გამოუცხადა ყველას, ვინც ახლობლები დაკარგა “რთული და არანორმალური“ გარემოებების გამო. მან ყველას მოუწოდა სიძლიერისკენ, ერთმანეთის მხარდაჭერისკენ და იმედი გამოთქვა, რომ ყველა უსიამოვნება ჩაივლის.
შეგახსენებთ, რომ კორონავირუსი ბრიტანეთის პრემიერს, ბორის ჯონსონსაც დაუდგინდა. ის ორი დღის წინ საავადმყოფოში გადაიყვანეს.
