Category: ახალი ამბები

თიკა მახალდიანი დედის ტრაგიკულად გარდაცვალების შემდეგ სოციალურ ქსელში პირველად წერს:

“ჩემი სილამაზე აღარ მყავს. დედა მომიკლეს საკუთარ სახლში! ჩემი მზეთუნახავი დედიკო, მაგრამ ის მაძლიერებს მარტო რომ სამოთხეში წავიდა. მადლობა ყველას სათითაოდ.”-წერს თიკა მახალდიანი.

შეგახსენებთ, გუშინ ბრმა ტყვიამ ვაჟა-ფშაველას გამზირზე ქალის სიცოცხლე იმსხვერპლა.

ის მომღერალ თიკა მახალდიანის დედა იყო.

სააკაშვილის გადამკიდე შეიძლება ის თანხებიც წაგვართვან, რასაც გვაძლევენ, ამიტომ ამ საკითხზე სერიოზულ კომენტარს ვერ გავაკეთებ, – ეს განცხადება  „იმედის“ ეთერში სატელეფონო ჩართვისას ფინანსთა მინისტმა, ივანე მაჭავარიანმა საქართველოს ყოფილი პრეზიდენტის, მიხეილ სააკაშვილის ინიციატივასთან დაკავშრებით გააკეთა.

„ოდნავ მაინც, წარმოდგენა თუ აქვს ვინმეს, რასთან არის დაკავშირებული ამ თანხების მოზიდვა, მაშინ სააკაშვილის გადამკიდე, შეიძლება ის თანხებიც წაგვართვან, რასაც გვაძლევენ, ამიტომ ამ საკითხზე სერიოზულ კომენტარს ვერ გავაკეთებ, სხვა ჟანრიდანაა.   ერთადერთი, ვიცი, რომ რამდენსაც მეტს ჩაერევა, შანსია მეტი დავკარგოთ, ამიტომ გვაცადონ.   ჩვენ ჯობია ჩვენ საქმეს მივხედოთ. მათ კი პოპულიზმი გააგრძელონ, ეს მათი საქმეა. ჩვენ კრიზისიდან გამოსვლის გეგმაც გვაქვს, თანხების მოზიდვის გეგმაც და ეკონომიკის შემდგომი სტიმულირების გეგმაც, რომლის ნაწილიც საზოგადოებამ იცის და ნაწილს უახლოეს დღებში გავაცნობთ. შესაბამისად, ესაა ჩვენთვის მთავარი მიზანი,“- აღნიშნა ფინანსთა მინისტრმა, ივანე მაჭავარიანმა.

ოკუპირებულ სამხრეთ ოსეთში, ახალგორში უკვე მესამე დღეა ძლიერი ხანძარია. ინფორმაციას ოსური მედია ავრცელებს. მათი ინფორმაციით, ცეცხლი ტყეშია გავრცელებული.

„ტყეში ცეცხლი ფოთლებს უკიდია, რომლის მასშტაბი საკმაოდ დიდია. სამჯერ მოხდა თანამშრომლების მობილიზება და ტყეში შესვლა. დღის მანძილზე ჩვენ ვახერხებთ ცეცხლთან გამკლავებას, თუმცა ღამით ვრცელდება“, – აღნიშნულია ე.წ. სახანძრო სამსახურში.

მათივე თქმით, ცეცხლი მიუვალ ადგილებშია, სადაც ტექნიკით შესვლა შეუძლებელია. „გვიწევს ცეცხლი ჩავაქროთ ნიჩბებით და ფოცხებით“,-აცხადებენ ე.წ. სამსახურში.

მთავრობის ადმინისტრაცია განმარტავს, რომ საავტომობილო გადაადგილების აკრძალვა ძალაშია 21 აპრილის ჩათვლით, ანუ 22 აპრილამდე, ოთხშაბათამდე და შესაბამისად, ხვალ მოქალაქეებისთვის მსუბუქი ავტომანქანებით მოძრაობა ნებადართული არ არის.

გახანგრძლივდება თუ არა ეს აკრძალვა, პრესსამსახურის ინფორმაციით, ამის შესახებ პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭო ხვალ იმსჯელებს, რის შემდეგაც მიღებულ გადაწყვეტილებაზე საზოგადოებას ინფორმაცია მიეწოდება. მთავრობის ადმინისტრაცია მოუწოდებს მოქალაქეებს, გაითვალისწინონ აკრძალვის მოქმედების ვადები, რათა თავიდან იყოს აცილებული კანონის დარღვევა და ამგვარი ქმედებისთვის დაწესებული ჯარიმები.

“ბევრი წარმატება, იმ მაგარ გუნდს რომელიც რჩება ამ არხზე.“ –ასეთი სტატუსი გამოაქვეყნა ფეისბუქ გვერდზე მთავარი არხის საინფორმაციო სამსახურის უფროსმა, ნოდარ მელაძემ. ამით მან ოფიციალურად დაადასტურა, რომ მთავარი არხი დატოვა. ინფორმაცია ამის შესახებ ერთ კვირაზე მეტია ვრცელდება,თუმცა მელაძეს ის ოფიციალურად აქამდე არ დაუდასტურებია. ჯერჯერობით უცნობია, სად გააგრძელებს მუშაობას ნოდარ მელაძე. წარსულში ის რუსთავი2–ის საინფორმაციო სამსახურის უფროსი იყო, მას შემდეგ, კი რაც არხი ქიბარ ხალვაშის მფლობელობაში გადავიდა რუსთავი2–ის თანამშრომელთა ნაწილთან ერთად ახალ არხზე– მთავარ არხზე გადავიდა.

გერმანიაში დღეიდან კორონავირუსის გამო დაწესებული შეზღუდვების ნაწილობრივ მოხსნა დაიწყო. კერძოდ, დღეს ქვეყანაში მცირე ზომის მაღაზიები, წიგნის მაღაზიები, ავტომომსახურების ცენტრები და ველოსიპედების მაღაზიები გაიხსნა. აღსანიშნავია, რომ აღნიშულმა დაწესებულებებმა უნდა უზრუნველყოს სოციალური დისტანცია მომხმარებლებსა და დასაქმებულებში.

რაც შეეხება სხვა შეზღუდვების მოხსნას, დაწესებულებები, სადაც 1.5 მ დისტანციის შენარჩუნება შეუძლებელია, ჯერჯერობით დახურული რჩება.

4 მაისიდან იგეგმება სილამაზის სალონების გახსნა, ხოლო რაც შეეხება ბარებს, რესტორნებს და კაფეებს, ფეხბურთის მატჩებსა და კონცერტებს, ისინი 31 აგვისტომდე იკრძალება.

ცნობისთვის, გერმანიაში კორონავირუსის 145743 შემთხვევაა დაფიქსირებული. ვირუსს ქვეყანაში 4642 ადამიანის სიცოცხლე ემსხვერპლა.