Category: ახალი ამბები

“ახალი საქართველოს” ლიდერი გიორგი გიორგი გახარიას მიმართავს, ნუ დაიბრალებენ გუშინდელ დღეს, რადგან საქართველოს მთავრობის უპასუხისმგებლობას საზღვარი არ აქვს.

,,გახარია, ნუ დაიბრალებთ გუშინდელ დღეს! თქვენს უპასუხისმგებლობას საზღვარი არ აქვს! მსოფლიო მედიაც შოკშია! ამიტომ სჯობს ცოტა ხანს გაჩუმდეთ!

გუშინდელი დღის ანტიგმირი – საქართველოს მთავრობა

გუშინდელი დღის გმირი – ქართველი ხალხი!”,- წერს Facebook-ზე გიორგი ვაშაძე.

დღეს პრემიერმა გიორგი გახარიამ მოქალაქეებს, ვინც ტაძრებში არ წავიდა, ან რეკომენდაციები დაიცვა, მადლობა გადაუხადა. მისი თქმით, ,,გუშინდელმა დღემ დაგვანახა, რომ ასე შენდება წარმატებული სახელმწიფო!”.

საგანგებო მდგომარეობისა და ინფექციონისტების რეკომენდაციების მიუხედავად, მართლმადიდებელ ტაძრებში სააღდგომო ლიტურგია მრევლთან ერთად აღევლინა. მთავრობა და საპატრიარქო შეთანხმდნენ, რომ მრევლი 21 საათზე მივიდოდა ტაძრებში და მას დილის 6 საათზე დატოვებდა.

დაავადებათა კონტროლის ცენტრის ხელმძღვანელი, ამირან გამყრელიძის განცხადებით, ეკლესიაში დაწესებულმა, განხორციელებულმა და განუხორციელებელმა შეზღუდვებმა რა როლი ითამაშა, ამას ერთი კვირის, 10 დღის შემდეგ დავინახავთ.

ინფექციური საავადმყოფოს დირექტორი თენგიზ ცერცვაძე ტაძარში მყოფ მრევლს ურჩევს, თვითიზოლაციაში დარჩნენ და ამით საფრთხე ნულამდე დაიყვანონ.

80 წლის გიული ურუშაძე, რომელმაც კორონავირუსი დაამარცხა ფეისბუქ გვერდზე სტატუსს აქვეყნებს და მადლობას უხდის ექიმებს, რომლებმაც მისი თქმით თავდაუზოგავად იმუშავეს:

“მე ვარ 80 წლის და მე დავამარცხე კორონა ვირუსი.10 დღეღამის განმავლობაში ურთულესი გზა გავიარე სიკვდილ-სიცოცხლის ზღვარზე. ჩემი გადარჩენისათვის, ჩემთვის სიცოცხლის შენარჩუნებისთვის, მინდა უდიდესი მადლობა გადავუხადო პირველი საუნივერსიტეტო კლინიკის გენერალურ დირექტორს, პროფესორ ლევან რატიანს და მის არაჩვეულებრივ კოლექტივს, რომელის მუშაობასაც თვალს ვადევნებდი რეანიმაციაში ყოფნის დროს. ვხედავდი, როგორ პროფესიონალურად, თავდაუზოგავად მუშაობდნენ ისინი. მადლობა მათ! განსაკუთრებული მადლობა უმაღლესი კლასის პროფესიონალს, პროფესორ კახა ჭელიძეს იმ სითბოსა და გულისხმიერებისთვის, რომელიც მაინ გამოიჩინა ჩემს მიმართ.
მეგობრებო, გავუფრთცილდეთ ჩვენს არაჩვეულებრივ ექიმებს, ისინი ჩვენ გვჭირდებიან და ამიტომ დავრჩეთ სახლში.“– წერს გიული ურუშაძე ფეისბუქ გვერდზე. 

საქართველოში კორონავირუსისგან კიდევ 1 ადამიანი გამოჯანმრთელდა, სულ განკურნებულია 87 ადამიანი.

ინფორმაცია stopcov.ge-ზე რამდენიმე წუთის წინ განთავსდა.

ამ დროისთვის საქართველოში კორონავირუსით ინფიცირების 394 შემთხვევაა დაფიქსირებული, მათგან 4 გარდაიცვალა.

კარანტინის რეჟიმში რჩება 5094 ადამიანი, ხოლო სტაციონარში მეთვალყურეობის ქვეშ – 547 პაციენტი.

კახეთის გზატკეცილზე ავარია მოხდა. მანქანა ხეს შეეჯახა, რის შედეგადაც გარდაიცვალა ერთი მგზავრი, მძღოლი კი უგუნო მდგომარეობაშია.

მომხდარზე გამოძიება 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

თბილისში, ვარკეთილის რაიონში პოლიციამ ადგილობრივი მცხოვრებლები დააჯარიმა, რომლებიც საგანგებო მდგომარეობის დროს ქეიფობდნენ. ამ ფაქტს მოსახლეობასა და პოლიციას შორის დაპირისპირება მოჰყვა.

ადგილზე შსს-ს რამდენიმე ეკიპაჟია მობილიზებული.

ვიდეოს სოციალურ ქსელში მოქალაქე ქეთი ბაქრაძე აქვეყნებს:

პრემიერ-მინისტრი გიორგი გახარია იმ ადამიანებს, ვინც სახლში დარჩა და ტაძარში რეკომენდაციები დაიცვა, მადლობას უხდის. მისი თქმით, გუშინ ქართველმა ხალხმა მაღალი სამოქალაქო პასუხისმგებლობა გამოავლინა.

,,გუშინდელმა დღემ დაგვანახა, რომ ასე შენდება წარმატებული სახელმწიფო!

გუშინ ქართველმა ხალხმა, საკუთარი რწმენისა და ეკლესიის მიმართ ერთგულებასა და პატივისცემასთან ერთად, გამოავლინა მაღალი სამოქალაქო პასუხისმგებლობა სახელმწიფოს წინაშე. გუშინდელმა დღემ კიდევ ერთხელ დაგვარწმუნა, რომ ერთმანეთის გვერდში დგომით აუცილებლად მივაღწევთ საბოლოო გამარჯვებას!

დაავადებათა კონტროლის ცენტრის ხელმძღვანელი, ამირან გამყრელიძის განცხადებით, ეკლესიაში დაწესებულმა, განხორციელებულმა და განუხორციელებელმა შეზღუდვებმა რა როლი ითამაშა, ამას ერთი კვირის, 10 დღის შემდეგ დავინახავთ.

გამყრელიძემ მადლობა გადაუხადა მათ, ვინც სოციალური პასუხისმგებლობა გამოიჩინა და ტაძარში არ მივიდა.

,,ვნახეთ გუშინ, რომ ნაკლები ადამიანი იყო თავშეყრილი აღდგომის ბრწყინვალე დღესასწაულზე და ტაძრებში დაცული იყო მაქსიმალურად დისტანცირების მექანიზმები. ძალიან ბევრი არ მივიდა და მადლობა ამ ადამიანებს, რომ სოციალური პასუხისმგებლობა გაითვალისწინა”,- თქვა მან საზოგადოებრივ მაუწყებელთან სატელეფონო ინტერვიუში.

მისივე თქმით, დამშვიდების საფუძველი არ გვაქვს, რადგან ახალი შემთხვევების ზრდა იქნება.

,,დამშვიდების საფუძველი ნამდვილად არ გვაქვს, რადგან ახალი შემთხვევების ზრდა იქნება და თუ რა როლი ითამაშა იმ შეზღუდვებმა, რაც განხორციელდა და რაც ასევე, სამწუხაროდ, ზოგიერთ შემთხვევაში არ განხორციელდა, ამას ჩვენ დავინახავთ ერთი კვირის, ათი დღის შემდეგ”,- განაცხადა გამყრელიძემ.

საგანგებო მდგომარეობისა და ინფექციონისტების რეკომენდაციების მიუხედავად, მართლმადიდებელ ტაძრებში სააღდგომო ლიტურგია მრევლთან ერთად აღევლინა. მთავრობა და საპატრიარქო შეთანხმდნენ, რომ მრევლი 21 საათზე მივიდოდა ტაძრებში და მას დილის 6 საათზე დატოვებდა.

ინფექციური საავადმყოფოს დირექტორი თენგიზ ცერცვაძე ტაძარში მყოფ მრევლს ურჩევს, თვითიზოლაციაში დარჩნენ და ამით საფრთხე ნულამდე დაიყვანონ.

საქართველოს ყოფილი პრეზიდენტი მიხეილ სააკაშვილის მის საპრეზიდენტო ბიბლიოთეკაში გაჩენილ ხანძარს ეხმიანება და ამბობს, რომ ხანძარი მაშინ გაჩნდა, როცა ქუჩაში ხალხი იყო, ხოლო ბიბლიოთეკაში დენი გათიშული იყო.

ის იმედს გამოთქვამს, რომ ეს ინციდენტი კარგად იქნება გამოძიებული.

,,დღეს დილით, როდესაც ქუჩაში პრაქტიკულად არავინ არ იყო და ხალხი დღესასწაულს აღნიშნავს, “სააკაშვილის საპრეზიდენტო ბიბლიოთეკის” პირველ სართულზე გაჩნდა ხანძარი და ეს იმ პირობებში, როდესაც დენი ბიბლიოთეკაში გათიშული იყო და სადენები პრინციპში არ უნდა აალებულიყო.

“სააკაშვილის საპრეზიდენტო ბიბლიოთეკა” ბოლო ხანებში ძალიან აქტიურია ნიღბების და სადეზინფექციო საშუალებების დარიგების კუთხით და ბევრჯერ მოხვდა ახალ ამბებში და
რა თქმა უნდა, აღიზიანებს ქვეყნის “მფლობელებს”! იმედია, ეს ინციდენტი კარგად იქნება გამოძიებული, თუ ახლა არა, ამათი შემოდგომაზე მოშორების შემდეგ აუცილებლად დავადგენთ რა მოხდა ზუსტად”,- აცხადებს მიხეილ სააკაშვილი.

შეგახსენებთ, რომ დღეს დილით მიხეილ სააკაშვილის საპრეზიდენტო ბიბლიოთეკაში ხანძარი გაჩნდა, რომელიც ამ დროისთვის ლოკალიზებულია. ცეცხლი 15 კვადრატულ მეტრზე საოფისე ინვენტარს ეკიდა, ადგილზე 4 სახანძრო-სამაშველო ჯგუფი მუშაობდა. შემთხევევის შედეგად არავინ დაშავებულა.

საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე საზოგადოებას აღდგომას ულოცავს და ამბობს, რომ 9 აპრილის ერთობისა და ძმობის განცდა გამეორდა.

მისი თქმით, რომ შეეძლოს, სათითაოდ ყველა ქართველს პირადად მიულოცავდა.

,,ქრისტე აღდგა! მინდა ყველას მოგეფეროთ! ყველას! ისეთი მოჭარბებული სიხარული მოგვცა ღმერთმა ამ ღამეს, შეგვიძლია ყველა უსიყვარულობა, განკითხვა, შური და მტრობა დავამარცხოთ. რომ შეიძლებოდეს სათითაოდ, ყველა ქართველს მოგილოცავდით პირადად! 9 აპრილს რომ შეგვიყვარდა ერთმანეთი, ეხლა განმეორდა ეს ერთობისა და ძმობის განცდა!