Category: ახალი ამბები

ლეგენდარული ჯგუფის Queen გიტარისტი ბრაიან მეი საავადმყოფოში სახლში მიღებული ტრავმის შემდეგ მოხვდა. ამის შესახებ CNN-ი ავრცელებს. 

როგორც გამოცემა წერს ბრაიან მეი საკუთარ ბაღში მუშაობდა  რა დროსაც ინციდენტი მოხდა. მან საჯდომის კუნთი ძლიერად დაიზიანა, როგორც თავად ბრაიანი აცხადებს მას კუნთი “ნაფლეთებად” აქვს ქცეული.

სოციალურ ქსელში  გამოქვეყნებულ პოსტში ბრაიან მეი წერს, რომ იმდენად ძლიერი ტკივილები აქვს სიარუსა და ძილს ვერ ახერხებს.

„გთხოვთ, თანაგრძნობას ნუ გამოხატავთ, ახლა მე სამკურნალო სიჩუმე მჭირდება. დავბრუნდები, მაგრამ შესვენება მჭირდება, კარგი? მადლობა. თავს გაუფრთხილდით“, – დაწერა  ბრაიან მეიმ ინსტაგრამზე.

„ხელისუფლების წარმომადგენლებმა, პარლამენტმა, მთავრობამ, საკრებულოებმა, მერებმა, უბრალო საჯარო მოხელეებმა თავისი ხელფასების საკმაოდ დიდი ნაწილი Covid ფონდში გადარიცხეს“ , – ამის შესახებ პარლამენტის თავმჯდომარემ გადაცემაში „ქრონიკა“ განაცხადა.

„ეს იყო ზუსტად ის, რამაც პანდემიასთან გამკლავება შეგვაძლებინა და რითაც ჩვენ ვაგრძელებთ მუშაობას – მინდა, ყველას მადლობა გადავუხადო. ასევე განსაკუთრებული იყო ბიძინა ივანიშვილის და მისი ოჯახის მიერ გაწეული 100-მილიონიანი დახმარება. ეს იყო თავისი მოქალაქეებისა და ქვეყნისადმი უპრეცედენტოდ მაღალი მხარდაჭერა. ამით ბიძინა ივანიშვილი არის პანდემიის დროს, მსოფლიოში ქველმოქმედების სათავეში. ეს დასაფასებელია და ყველას, ვინც თავისი თანხა გაიღო ფონდში, მინდა, მადლობა გადავუხადო“, – განაცხადა არჩილ თალაკვაძემ.

გარემოს ეროვნული სააგენტოს ინფორმაციით, 11 და 12 მაისს საქართველოში უმეტესად უნალექო ამინდია მოსალოდნელი. ხვალ და ზეგ დასავლეთ საქართველოში +23-დან + 28 გრადუსამდე დათბება, ხოლო აღმოსავლეთ საქართველოში +19-დან +24 გრადუსამდე.

აღმოსავლეთ საქართველოში ზოგან შესაძლოა ხანმოკლედ იწვიმოს. თბილისში უნალექო ამინდი იქნება.

,,13 მაისს, დღის მეორე ნახევრიდან დასავლეთ საქართველოში ისევ მოსალოდნელია შედარებით გრილი და ნოტიო ჰაერის მასების გავრცელება. დასავლეთ საქართველოში ყველგან იწვიმებს, ხოლო აღმოსავლეთ საქართველოში ზოგან ისევ გაძლიერდება დასავლეთის მიმართულების ქარი, ჰაერის ტემპერატურა +20 +25 გრადუსის ფარგლებში იქნება. 19 მაისს ისევ გამოიდარებს“,- განაცხადა ipn-თან ჰიდრომეტეოროლოგიური პროგნოზების სამმართველოს უფროსმა.

სილამაზის სალონების წარმომადგენლებისთვის მთავრობის მიერ დაწესებული რეგულაციები გაუგებარია. გეგმის მიხედვით, სალონები 8 ივნისს უნდა გაიხნსას, თუმცა იქ მომუშავე პირებს და კლიენტებს გარკვეული წესების დაცვა მოუწევთ, კერძოდ, საუბარია ორ მეტრიან დისტანციაზე.

როგორც სტილისტები ამბობენ, ვინც ამ რეგულაციაზე იმუშავა, ის სავარაუდოდ სალონშიც არ დადის, რადგან მათი თქმით, ასე მუშაობა წარმოუდგენელია და მსოფლიოს არც ერთ ქვეყანაში მსგავსი წესები არ მოქმედებს.

სალონების წარმომადგენლები მთავრობას სთხოვენ ისინიც ჩართონ რეგულაციების შემუშავების პროცესში:

გვყავს სხვადასხვა ქვეყანაში მეგობრები, სტილისტები. დავეკონტაქტეთ და თქვეს, რომ იქ ყველგან დაშვებულია პირბადე და ხელთათმანი, არანაირი ბარიერი, დისტანცია, თერმომეტრები, არავინ არ უზომავს სიცხეს ყველას” ამბობს “მთავართან” საუბარში სილამაზის სალონის მფლობელი მირიან ტუზურიძე.

სფეროს წარმომადგენლების თქმით, ასეთი სახის შეზღუდვები პრობლემებს გამოიწვევს, შეამცირებს მომხმარებლებს, რაც საბოლოო ჯამში სალონების დახურვით დასრულდება:

ვერც მომხმარებელს ვერ ავუწევთ ფასს. დღეს ფასის აწევა არარეალურია, გადამხდელი არავინ იქნება და მოგვიწევს დაკეტვა – ამბობს სალონის მეპატრონე ნინა ბაბაიანი.

კანადის პარლამენტში პუტინის სამხედო დამნაშავედ ცნობის შესახებ პეტიცია დარეგისტრირდა. ხელმომწერი მოქალაქეები მოითხოვენ, რუსეთის პრეზიდენტი საქართველოში, უკრაინასა და სირიაში განხორციელებული სამხედრო ოპერაციების გამო დამნაშავედ იქნას ცნობილი.

„რუსეთის პრეზიდენტმა დაიწყო სამხედრო მოქმედებები საქართველოში, უკრაინაში, გაამძაფრა ძალადობრივი კონფლიქტი სირიაში და გამოიყენა სასტიკი სამხედრო ძალა ჩეჩნეთში. ჩვენ, კანადის მოქალაქეები, ვთხოვთ მთავრობას, ცნოს  ვლადიმერ პუტინი სამხედრო დამნაშავედ და გასამართლდეს ჰააგის საერთაშორისო ტრიბუნალის მიერ”, – ვკითხულობთ პეტიციაში.

ხვალიდან, 11 მაისიდან ქვეყანა შეზღუდვების შემსუბუქებისა და ეკონომიკის გახსნის გეგმის მეორე ეტაპზე გადადის. 7 მაისს გახარიამ მორიგი პოსტკრიზისული გეგმა წარადგინა, რომლითაც ცნობილი გახდა, რომ 11 მაისიდან იხსნება შემდეგი შეზღუდვები:

• სრულად გაიხსნება მიმოსვლა თბილისში და გაუქმდება ყველა შეზღუდვები შესვლაზე და გასვლაზე;
•  გაისხნება ყველა სახის წარმოება;
• ყველა სახის საცალო და საბითუმო მაღაზია, რომელსაც აქვს შესასვლელი ქუჩიდან. (არ ეხება მოლებს და ტანსაცმლით და ფეხსაცმლით მოვაჭრე მაღაზიებს);
• სარეკრეაციო ზონების ფუნქციონირება;
• ავტოსამრეცხაოები და ავტოსერვისები;
• საყოფაცხოვრებო საქონლის რემონტი.

ბიზნესები ვალდებულები არიან, დაიცვან ჯანდაცვის სამინისტროს მიერ დაწესებული რეკომენდაციები.

ცნობისთვის, ე.წ. კომენდანტის საათი ძალაში რჩება 22 მაისამდე.

კუმორდოსა და ახალქალაქის მიტროპოლიტის, მეუფე ნიკოლოზის განცხადებით, თუ ექიმები კორონავირუსის ვაქცინის გაკეთებას ყველა ადამიანს ,,დააძალებენ”, ეს ეშმაკისეული მოქმედება იქნება.

მისი თქმით, თუ ვაქცინაცია სავალდებულო იქნება, მასში მონაწილეობას არ მიიღებს.

,,ეს არის ნამდვილად ეშმაკისგან. თუ ყველა ადამიანს დააძალებენ ამ ვაქცინის გაკეთებას, ყველა ადამიანს იძულებულს გახდიან, ეს ეშმაკისეული მოქმედება იქნება. მე ამას იმპერატიულად არცერთი ადამიანისგან არ მივიღებ. თუ იქნება იმპერატიულად, რომ ეს აუცილებლად უნდა გაიკეთოს საყოველთაოდ ყველამ, ყოველგვარი ახსნის გარეშე, მე ამაში მონაწილეობას არ მივიღებ. ვაქცინას აუცილებლად გავიკეთებ, მაგრამ თუ დამაძალებენ – არა“, – განაცხადა მეუფე ნიკოლოზმა.

მისი თქმით, ეკლესია, ზოგადად, მკურნალობისა და ვაქცინაციისადმი პოზიტიურადაა განწყობილი.

„ზოგადად, ეკლესიის დამოკიდებულება მკურნალობისადმი არის პოზიტიური, ვაქცინებისადმიც არის პოზიტიური. ახალი ვაქცინა არ არსებობს და რა გითხრათ, რომ შეიქმნება, მერე ვნახოთ, რა არის. გაიაროს ამ ვაქცინამ გამოცდები და მერე ვისაუბროთ“,- ამბობს მეუფე ნიკოლოზი.