პრემიერმინისტრ გიორგი გახარიას განცხადებით, 18 მაისიდან მოიხსნება 3 ადამიანზე მეტის შეკრების შეზღუდვა, თუმცა, ეს არ შეეხება ავტომობილებში მყოფი ადამიანების რაოდენობის შეზღუდვას.
პრემიერის განმარტებით, ავტომობილში შეზღუდვის დატოვებას მნიშვნელოვანი ეპიდემიოლოგიური ,,აზრი” აქვს.
18 მაისიდანვე ამუშავდება სილამაზის სალონები და ესთეტიკური ცენტრები.
ასევე, 18 მაისიდან გაიხსნება მარნეული.
18 მაისიდან სილამაზის სალონები და ესთეტიკური ცენტრები გაიხსნება.
„ეკონომიკის გახსნასთან დაკავშირებით, ეპიდემიოლოგიური მდგომარეობიდან გამომდინარე, ჩვენ შეგვძლია რამდენიმე ეტაპი დავაჩქაროთ და ამ შესაძლებლობის ფარგლებში, ჩვენ მივიღეთ გადაწყვეტილება, რომ 18 მაისიდან გაიხსნას სილამაზის სალონები და ესთეტიური ცენტრები“, – განაცხადა პრემიერმა გახარიამ.
პრემიერ-მინისტრი გახარიას ინფორმაციით, კორონავირუსით კიდევ ერთი, მე-12 პაციენტი გარდაიცვლა.
გახარაის თქმით, ის 81 წლის იყო.
ინფექციური საავადმყოფოს სამედიცინო დირექტორის, მარინა ზუგბაიას თქმით, ხუთივე ახალი პაციენტი საკარანტინე სივრცეში იყო მოთავსებული და მათი ინფიცირების წყარო ცნობილია.
მისივე თქმით, ინფექციურში მყოფი 33 პაციენტიდან 1 კრიტიკულია, დანარჩენები კი საშუალო სიმძიმის არიან.
„ამ ეტაპზე კოვიდის ცენტრებში მკურნალობს 258 პაციენტი, ეს არის დადასტურებული შემთხვევების დაახლოებით 39%. საკმაოდ დიდი რაოდენობა გამოჯანმრთელებულია”,- აცხადებს ეზუგბაია.
საქართველოში კორონავირუსის 652 შემთხვევაა დადასტურებული, მათ შორის გამოჯანმრთელებულია 383, გარდაცვლილი – 11.
ჯანდაცვის მინისტრის, ეკატერინე ტიკარაძის თქმით, ჯერჯერობით ნაადრევია იმაზე საუბარი, რომ 22 მაისს ყველა შეზღუდვა მოიხსნება.
მისი განცხადებით, კორონავირუსის გავრცელების კლების გამო გარკვეული ეკონომიკური საქმიანობა აღდგა და შეზღუდვა მოიხსნა, თუმცა ეს არ გულისხმობს იმას, რომ 22 მაისს ყველა შეზღუდვა მოიხსნება.
„ეპიდსიტუაცია იმდენად ცვალდებადია..ჯერ არ გვქონია ჩვენ ისეთი დღე და ისეთი ჯგუფი, როდესაც რამდენიმე დღის მანძილზე არ დაფიქსირებულა ინფექციის ახალი შემთხვევა. აქედან გამომდინარე სრულ მოხსნაზე ჯერჯერობით საუბარი არ მიმდინარეობს.
22 მაისამდე ჩვენ ჯერ კიდევ ვაკვირდებით. ჩვენ წინასწარ არ ვიძლევით იმის პირობას, რომ 22 მაისს სრულად მოიხსნება ყველა შეზღუდვა. თუმცა დაკვირვება მიმდინარეობს. თუ ჩვენ გვექნება 3-4 დღე სრულად თავისუფალი ახალი ინფიცირებული პაციენტებისგან, მერე გვექნება საფუძველი, რომ საკარანტინო ღონისძიებების სრულ მოხსნაზე ვიმსჯელოთ“, – ამბობს ტიკარაძე იმედის ეთერში.
საქართველოში საგანგებო მდგომარეობა 22 მაისამდე მოქმედებს. გაუმჯობესებული ეპიდსიტუაციის მიუხედავად, კვლავ მოქმედებს კომედანტის საათი – აკრძალულია 21:00 საათიდან დილის 6-მდე გადაადგილება. ასევე აკრძალულია 3 ადამიანზე მეტის შეკრება და ავტომობილში მძღოლის გვერდით ჯდომა.
საქართველოში კორონავირუსისგან კიდევ 11 ადამიანი განიკურნა, მთლიანობაში გამოჯანმრთელებულთა რაოდენობა კი 383 გახდა.
14 მაისის მონაცემებით, COVID-19-ით ინფიცირებულია 652-ია, მათგან 11 ადამიანი გარდაიცვალა.
კარანტინის რეჟიმშია 4246 ადამიანი, ხოლო სტაციონარში მეთვალყურეობის ქვეშ – 394 პირი
„საერთაშორისო გამჭვირვალობა-საქართველო” აქვეყნებს დამოუკიდებელი საერთაშორისო ექსპერტის მიერ მომზადებულ დასკვნას „თიბისი ბანკის“ საქმეზე ფულის გათეთრების სისხლისსამართლებრივ დევნასთან დაკავშირებით. დასკვნაში ნათქვამია, რომ არ არსებობს რაიმე საფუძველი იმის დასამტკიცებლად, რომ მამუკა ხაზარაძემ, ბადრი ჯაფარიძემ ან ავთანდილ წერეთელმა, ინდივიდუალურად ან ჯგუფურად, ფულის გათეთრების დანაშაული ჩაიდინეს.
საქართველოს კანონმდებლობისა და საერთაშორისო აქტების, ბრალდების შესახებ დადგენილების, საქმეში არსებული ფაქტებისა და ფულის გათეთრების საქმეებზე საერთაშორისოდ დადგენილი პრაქტიკის შეფასების შედეგად დამოუკიდებელი ექსპერტის, პოლინ დევიდის მიერ გაკეთებული ძირითადი მიგნებები შემდეგია:
საერთაშორისო ექსპერტის შერჩევის პროცესი და მეთოდოლოგია
2019 წლის ნოემბერში „საერთაშორისო გამჭირვალობა – საქართველომ“ გამოაცხადა საერთაშორისო ღია კონკურსი ფულის გათეთრების ექსპერტი იურისტის ასარჩევად. სამუშაოს აღწერილობა მოიცავდა მამუკა ხაზარაძის, ბადრი ჯაფარიძის და ავთანდილ წერეთლის წინააღმდეგ ფულის გათეთრებასთან დაკავშირებული სისხლისსამართლებრივი დევნის შეფასებას და იმის დადგენას, თუ რამდენად შეიცავდა მათ მიერ 2008 წელს განხორციელებული ფინანსური ტრანზაქციები ფულის გათეთრების ელემენტებს საერთაშორისო სტანდარტებისა და საქართველოს კანონმდებლობის შესაბამისად.
კონკურსის შედეგად, 2020 წლის იანვარში შერჩეული იქნა ქ-ნი პოლინ დევიდი, პრაქტიკოსი ადვოკატი (სიდნეი, ავსტრალია) 30 წლიანი გამოცდილებით, ავსტრალიის ადვოკატთა ასოციაციის წევრი, ექსპერტი ფულის გათეთრების წინააღმდეგ ბრძოლის საკითხებში.
მას გადაეცა საქმის ყველა მასალა ინგლისურ ენაზე, და ასევე იგი იმყოფებოდა საქართველოში 2020 წლის ოთხიდან შვიდი თებერვლის ჩათვლით, სადაც შეხვდა საქმის დეტალების მცოდნე სხვადასხვა პირებსა და უწყებების წარმომადგენლებს, მათ შორის ბრალდებულებს, პრაქტიკოს იურისტებს, და ბიზნეს წრეების წარმომადგენლებს. აღსანიშნავია, რომ იგი ასევე შეხვდა ეროვნული ბანკის წარმომადგენლებს, ხოლო პროკურატურის წარმომადგენლებმა მასთან შეხვედრაზე უარი განაცხადეს, თუმცა მიაწოდეს მათ მიერ დაქირავებული უცხოელი ექსპერტების მიერ მომზადებული დასკვნა.
საქართველოში კორონავირუსით ინფიცირების 5 ახალი შემთხვევა დადასტურდა. მთლიანობაში ინფიცირებულთა რაოდენობა 652-მდე გაიზარდა. მონაცემები stopcov.ge-ზე რამდენიმე წუთის წინ განახლდა.
ამ დროისთვის ქვეყანაში კორონავირუსისგან 383 ადამიანია გამოჯანმრთელებული, 11 გარდაიცვალა.
კარანტინის რეჟიმში რჩება 4246 ადამიანი, ხოლო სტაციონარში მეთვალყურეობის ქვეშ – 394 პირი.
დღეს დილის ექვსი საათიდან ქალაქ რუსთავსა და გარდაბნის მუნიციპალიტეტში შესვლასა და გასვლაზე დაწესებული შეზღუდვები მოიხსნა. გადაწყვეტილება ამის შესახებ 7 მაისს, უწყებათაშორისი საკოორდინაციო საბჭოს ფარგლებში არსებული ეკონომიკური ჯგუფის სხდომაზე მიიღეს.
რუსთავში გვიან ღამით საკონტროლო-გამშვები პუნქტების დემონტაჟი მოხდა. გაუქმდა ქალაქის შესასვლელებში არსებული 4 ბლოკპოსტი.
რუსთავი თბილისის, ბათუმისა და ქუთაისის მსგავსად 15 მაისს ჩაიკეტა.
18 მაისს იგეგმება მარნეულის მუნიციპალიტეტის გახსნაც, რომელიც მკაცრ საკარანტინო ზონად იყო გამოცხადებული.
ხელისუფლების წარმომადგენლები უკვე აცხადებენ, რომ შესაძლოა 22 მაისიდან საგანგებო მდგომარეობა გაუქმდეს, თუმცა ეს ყველა შეზღუდვის გაუქმებას არ ნიშნავს. ეპიდემიოლოგები ამიერიდან გვირჩევენ, ვისწავლოთ ცხოვრება კორონა ვირუსთან ერთად, რაც ბევრი ახალი რეგულაციის შემოღებას და გარკვეული შეზღუდვების ხანგრძლივად დაკანონებას გულისხმობს. მათ შორის ერთ–ერთი ხალხმრავალი შეკრებების აკრძალვაა.
ინფექციონისტების რეკომენდაციით, წელს სავარაუდოდ აიკრძალება ხალხმრავალი თავყრილობები. შემოდგომაზე კი ეპიდმდგომარეობის გათვალისწინებით, ხელისუფლებამ შესაძლოა საგანგებო რეჟიმი ისევ აღადგინოს.
“ალბათობა არსებობს, რომ ზამთარში კორონავირუსი ისევ მოტრიალდება. ამისთვის მზად უნდა ვიყოთ და რა თქმა უნდა, ჩვენ უნდა ვიყოთ მზად უფრო ცუდისკენ, – ამბობს პაატა იმნაძე.
შეზღუდვების ბოლომდე მოხსნა ამ დრომდე არ განიხილება. ამ დროისთვის უცნობია როდის განახლდება საზოგადოებრივი ტრანსპორტის ფუნქციონირება.