Category: ახალი ამბები

უმრავლესობის ლიდერი, გია ვოლსკი ირაკლი კობახიძის განცხადებას ეხმიანება და ამბობს, რომ ოპოზიცია “გოიმურია თუ სვეტური”, ამას ოქტომბერში დაგეგმილი არჩევნები აჩვენებს.

ვოლსკი აღნიშნავს, რომ სხვადასხვა ტერმინოლოგიას მათი ოპონენტებიც იყენებენ.

„ყველა სხვადასხვა ტერმინოლოგიას ხმარობს, ზოგი ამბობს – „ნაცები შმაცები”, ისინიც ხანდახან იყენებენ გარკვეულ სიტყვებს და მე არ გამიგია, რომ თქვენ გეკითხათ, თუ რატომ მოიხსენიებენ ისინი თავის ოპონენტებს აუგი სიტყვით, გოიმურია თუ სვეტურია, ამას ჩვენ გვიჩვენებს ოქტომბერში დაგეგმილი არჩევნები,”- აღნიშნა გია ვოლსკიმ.

ცნობისთვის, გუშინ ,,ქართული ოცნების” წევრმა, ირაკლი კობახიძემ განაცხადა, რომ ისეთი ,,გოიმური” და ,,მარგინალური” ოპოზიციური სპექტრი, რომელიც ლეიბორისტების ოფისშია შეკრებილი, საქართველოს ისტორიაში არ ახსენდება.

პრემიერ-მინისტრი გიორგი გახარიას თქმით, იმ მოქალაქეებს, ვინც სამსახური კორონავირუსის პანდემიის დროს დაკარგა და ანტიკრიზისული გეგმის ფარგლებში დახმარებას იღებს, სესხები კიდევ 3 თვით გადაუვადდებათ.

,,გარდა ამისა, ყველა იმ მოქალაქეს, რომელსაც შეუმცირდა შემოსავალი და აქვს საბანკო კრედიტი და თავისი სურვილით მიმართავს ბანკს, ასევე მოხდება მისი საკრედიტო პროცენტის გადასახადის გადავადება 3 თვით. ყოველივე ეს მოხდება პროცენტის კაპიტალიზაციის გარეშე, რაც არის უკიდურესად მნიშვნელოვანი”,- თქვა გახარიამ.

საბანკო სექტორმა პანდემიის გამო მოქალაქეებს სესხები 3 თვით უკვე გადაუვადა, თუმცა 3 თვე უკვე გავიდა.

პრემიერ-მინისტრის, გიორგი გახარიას განცხადებით, 22 მაისიდან, საგანგებო მდგომარეობის გაუქმებასთან ერთად კომენდანტის საათიც მოიხსნება

“მივიღეთ გადაწყვეტილება აღარ გაგრძელდეს საგანგებო მდგომარეობა და შესაბამისად, აღარ გაგრძელდეს კომენდანტის საათი”, – თქვა გახარიამ.

საქართველოში კორონავირუსის გავრცელების საფრთხის გამო საგანგებო მდგომარეობა 22 მაისამდეა გამოცხადებული.

საქართველოში კორონავირუსისგან კიდევ 10 ადამიანი გამოჯანმრთელდა, სუ განკურნებულია 485 ადამიანი.

დღევანდელი მონაცემებით, ინფიცირების შემთხვევათა რაოდენობა 721-მდე გაიზარდა, მათგან 12 პაციენტი გარდაიცვალა.

კარანტინის რეჟიმში რჩება 3519 ადამიანი, ხოლო სტაციონარში მეთვალყურეობის ქვეშ – 351 პირი.

საქართველოში კორონავირუსით ინფიცირების 8 ახალი შემთხვევა დადასტურდა. სულ გამოვლენლია ინფიცირების 721 შემთხვევა. ინფორმაცია stopcov.ge-ზე რამდენიმე წუთის წინ განახლდა.

უმრავლესობის დეპუტატის, მამუკა მდინარაზე აცხადებს, რომ ქართული ოცნება არსებული მაჟორიტარული სისტემით ოპოზიციას დაამარცხებს და ოპოზიცია ვაბანკზე მიდის.

“ხომ იციან, რომ 77/73-ზე წესით ქართული ოცნება ოპოზიციას “დავანგრევთ”. არ ვაზედმეტებ, წარმოიდგინეთ, ქართული ოცნება რას უზამს ოპოზიციას, იციან ეს და ამ პიარული თავხედობის გამო მაინც ვაბანკზე მიდიან და აწვებიან, რომ თუ ჟორიკა რურუას არ გამოუშვებ, მე ამასაც ჩაგიგდებ და საერთაშორისო რეაქციები იქნება უმძიმესი. ჩააგდონ, უფრო მაგრად მოვუგებთ. ახლა ჩვენ ვეხვეწებით, იქნება პროპორციულ სისტემაზე გადავიდეთ რამენარად-თქო”, – თქვა მდინარაძემ.

მისივე თქმით, ოპოზიციის მხრიდან რურუას გათავისუფლების მოთხოვნა “პიარული თავხედობაა” მაშინ, როცა მეორე მხარს ქვეყნის ბედია.

“ოპოზიციამ პოლიტიკური ბრძოლის ეს ეპიზოდი [უგულავა-ოქრუავილის შეწყალება] წარმატებად ჩათვალა, შეიძლება, ჩვენმა ბევრმა მხარდამჭერმაც ასე ჩათვალა, ამას ობიექტური საფუძველიც ჰქონდა.

მაგრამ პიარული თავხედობა ჰქვია ჰქვია იმას, რომ ერთ მხარეს არის გიორგი რურუას გათავისუფლება-არგათავისუფლების საკითხი (სულ რომ ჩვენ საქმე იყოს, ჯერ ერთი, რა ჩვენი საქმეა სასამართლოში ჩარევა), მეორე მხარეს კი კონსტიტუციის ანუ ქვეყნის ბედი. კერძოდ, რა სისტემით ჩავატარებთ არჩევნებს – ამაზე დიდი პიარული თავხედობა არის წარმოუდგენელი”, – განაცხადა მდინარაძემ.

ცნობისთვის, ოპოზიციის გიორგი რურუას გათავისუფლებასაც ითხოვს. მათი განცხადებით, მხოლოდ მესამე პოლიტპატიმრის გათავისუფლების შემთხვევაში დაუჭერენ მხარს საკონსტიტუციო ცვლილებებს.

საეთაშორისო პარტნიორების კრიტიკის შემდეგ პრეზიდენტმა სალომე ზურაბიშვილმა 15 მაისს გიგი უგულავა და ირაკლი ოქრუაშვილი შეიწყალა.

ქართულ ოცნებაში განაცხადეს, რომ მათთვის ეს გადაწყვეტილება მიუღებელია და რომ პრეზიდენტს ამ საკითხზე მათთან კომუნიკაცია არ ჰქონია.

უმრავლესობის ლიდერი, ირაკლი კობახიძე ამბობს, რომ ისეთი ,,გოიმური” და ,,მარგინალური” ოპოზიციური სპექტრი, რომელიც ლეიბორისტების ოფისშია შეკრებილი, საქართველოს ისტორიაში არ ახსენდება.

“ზოგადად თუ გადაავლებთ თვალს, ელემენტარულად, ვიზუალურად თუ გადახედავთ სურათს, რომელიც არის ჩამოყალიბებული ლეიბორისტული პარტიის ოფისში ყველაფერი ნათელი ხდება. ასეთი მარგინალური, უხეში ტერმინი არ მინდა გამოვიყენო, ასეთი გოიმური, კიდევ უფრო გავამძაფრებდი, მე არ მახსენდება საქართველოს ისტორიაში”, — თქვა ირაკლი კობახიძემ POST TV-ს ეთერში.

კობახიძის შეფასებით, გაერთიანებულ ოპოზიციას წარმატების არანაირი რესურსი არ აქვს.