Category: ახალი ამბები

უმრავლესობის ლიდერმა ირაკლი კობახიძემ ოპოზიციას კიდევ ერთხეულ უწოდა ,,გოიმები” და თქვა, რომ ამის გამო ისინი საზოგადოებისგან პასუხს მიიღებენ.

მისივე თქმით , გიგა ბოკერია N1 გოიმია.

,,ძალიან მარტივად არის ყველაფერი. გოიმურად გამოიყურებიან, გოიმურად იქცევიან, შესაბამისად, მეტი არაფერი არ არის გოიმობა და ამ გოიმობის გამო ისინი მიიღებენ პასუხს საზოგადოებისგან. გოიმობა რაც არის, ყველამ კარგად იცის, მე მგონი, ამას განმარტება არ სჭირდება. საქართველოში არ არის ადამიანი, ვინც არ იცის, რა არის გოიმობა. ასევე საზოგადოებამ იცის, თუ რას ნიშნავს გოიმური ქცევა, რას ნიშნავს გოიმური საუბარი და ეს ყველაფერი ვნახეთ ჩვენ ლეიბორისტული პარტიის ოფისში რამდენიმე დღის წინ…

გიგა ბოკერია არის N1 გოიმი ამ გოიმების სპექტრში”- თქვა კობახიძემ.

პრემიერის პრესსპიკერის, ირაკლი ჩიქოვანის განცხადებით, ხვალიდან, საგანგებო მდგომარეობის გაუქმების მიუხედავად, ტრანსპორტთან დაკავშირებული შეზღუდვები შენარჩუნდება.

“ტრანსპორტი არის საკმაოდ დიდი და მნიშვნელოვანი ასპექტი. მთავრობამ ეს კონკრეტული ღონისძიება არ დაუკავშირა გახსნის არცერთ ეტაპს, რადგან ეს დაკავშირებული იქნება ეპიდმდგომარეობასთან. ეპიდემიოლოგებთან ერთად მივიღებთ ამ გადაწყვეტილებას. სხვალიდან ტრანსპორტი არ ამუშავდება”,- თქვა ჩიქოვანმა.

მან ასევე აღნიშნა, რომ ნარჩუნდება ტრანსპორტთან დაკავშირებით სხვა შეზღუდვებიც, რაც სავარაუდოდ გულისხმობს ავტომობილში 3-ზე მეტი ადამიანის შეზღუდვის დატოვებასაც.

გუშინ დაავადებათა კონტროლის ცენტრის დირექტორმა, ამირან გამყრელიძემ განაცხადა, რომ საზოგადოებრივ ტრანსპორტზე მოთხოვნა არსებობს, მთავრობა კი გადწყვეტილებას ხვალ და ზეგ არა, მაგრამ მალე მიიღებს. 

შინაგან საქმეთა სამინისტროს მომსახურების სააგენტო მოქალაქეებს ყოველდღიურ სამუშაო რეჟიმში ემსახურება და COVID-19-ის პრევენციული ღონისძიებების გამო შეზღუდული სერვისების მიწოდების შემდეგ ეტაპზე გადადის.

25 მაისიდან, აღდგება მართვის უფლების მისაღები თეორიული გამოცდის ჩაბარების სერვისი იმ პირებისთვის, ვინც განახორციელა ელექტრონული ჯავშანი და კორონავირუსთან დაკავშირებული შეზღუდვების გამო ვერ ისარგებლა აღნიშნული სერვისით.

ამასთანავე, 25 მაისიდან სრულად აღდგება ცეცხლსასროლი იარაღის რეგისტრაციასთან დაკავშირებული ყველა პროცედურა.

„მომსახურების სააგენტო, მოქალაქეთა უსაფრთხოების მიზნით, კვლავ სრულად ითვალისწინებს საქართველოს მთავრობის უწყებათშორისი საკოორდინაციო საბჭოს რეკომენდაციებს. სააგენტო მოქალაქეებს მოუწოდებს, რომ ადგილზე სერვისების მისაღებად გამოცხადდნენ პირბადით. მეორე ეტაპზე, 25 მაისიდან, აღდგება მართვის უფლების მისაღები თეორიული გამოცდის ჩაბარების სერვისი იმ პირებისთვის, ვინც განახორციელა ელექტრონული ჯავშანი და კორონავირუსთან დაკავშირებული შეზღუდვების გამო ვერ ისარგებლა აღნიშნული სერვისით. ამ პირებს საშუალება ეძლევათ, გავიდნენ მართვის უფლების მისაღებ თეორიულ გამოცდაზე სააგენტოს მიერ განსაზღვრულ ერთ კონკრეტულ დღეს, იმავე სერვის ცენტრში, სადაც განახორციელეს ჯავშნის რეგისტრაცია. ამასთანავე, 25 მაისიდან სრულად აღდგება ცეცხლსასროლი იარაღის რეგისტრაციასთან დაკავშირებული ყველა პროცედურა. რაც შეეხება ცნობებს პირის ნასამართლობის, პირის მსჯავრდების, სატრანსპორტო საშუალების სამართლებრივი მდგომარეობის, პირის მიერ სახელმწიფო საზღვრის გადაკვეთა-გადმოკვეთის და იარაღის სამართლებრივი მდგომარეობის შესახებ, ამ ეტაპზე განაცხადის მიღება ხდება მხოლოდ ელექტრონული ფორმით, სააგენტოს ვებგვერდიდან. სატრანსპორტო საშუალების რეგისტრაციასთან დაკავშირებული პროცედურები ჩვეულ რეჟიმში ხორციელდება’, – ნათქვამია ინფორმაციაში.

ნაციონალური მოძრაობის ერთ-ერთი ლიდერი, სალომე სამადაშვილი აცხადებს, რომ დღეს პარლამენტში კონსტიტუციის დარღვევა იგეგმება, ამიტომ პარლამენტში მივიდა.

“არ შეიძლება, პანდემიის გამოწვევას სახელმწიფო ებრძოლოს არაკონსტიტუციური გზებით. ის კანონი რომელიც დღეს შემოდის, არის პირდაპირწინააღმდეგობაში საქართველოს კონსტიტუციასთან, ამიტომ მოვედით ჩვენ დღეს აქ, რადგან დღეს პარლამენტში საქართველოს კონსტიტუციის დარღვევა იგეგმება”.

კანონპროექტი , რომელსაც დღეს პარლამენტი კენჭს უყრის, ცვლილებებს ითვალისწინებს როგორც “საზოგადოებრივი ჯანმრთელობის შესახებ“ საქართველოს კანონში, ასევე საქართველოს სისხლის სამართლის საპროცესო კოდექსში. მისი დამტკიცების შემთხვევაში, მთავრობას ექნება უფლება, შეზღუდოს: საჯარო დაწესებულებების საქმიანობის უფლება, პირთა მიმოსვლის (გადაადგილების) უფლება, საკუთრების, შრომის, პროფესიული ან ეკონომიკური საქმიანობის უფლება, ფიზიკურ პირთა სოციალური ღონისძიებების ჩატარების მიზნით თავშეყრა.

მას პარლამენტის ჯანდაცვის და სოციალურ საკითხთა კომიტეტმა გუშინ მხარი დაუჭირა.

კანონპროექტის მიხედვით, მთავრობა ქვეყანაში შემზღუდავი ღონისძიებების გატარებას საგანგებო მდგომარეობის გარეშე შეძლებს.

ოპოზიცია და არასამთავრობო სექტორი კანონპროექტს არაკონსტიტუციურად და ავტორიტარიზმისკენ გადადგმულ ნაბიჯად აფასებენ.

ფინანსთა მინისტრი ვანო მაჭავარიანი ამბობს, რომ გამოძიებას ვერ ჩაატარებენ, მუშობდა თუ არა კონკრეტული პირი ძიძად ან მომღერლად, ამიტომ ვინ დადასტურებას მოახერხებს, მხოლოდ ის მიიღბას კომპენსაცია. მისი თქმით, ამ ფაქტის გამო, “ვიღაცები დარჩებიან დახმარების მიღმა”.

“სადაც დასტური არ გვაქვს, სამწუხაროდ, ჩვენ უბრალოდ, უძლურები ვართ. თქვენ მობრძანდით და ამბობთ, რომ ამ საქმიანობას ეწეოდით, რაღაცნაირად უნდა დავადასტუროთ. ჩვენ ხომ გამოძიებას ვერ ჩავატარებთ: იყავით მართლა ძიძა, არ იყავით მართლა ძიძა.

ეს ხომ საჯარო ფულია, გადასახადის გადამხდელის ფულია, ამიტომ რაღაც პასუხისმგებლობით უნდა მოვეკიდოთ მის დახარჯვას. როგორც მოგვეპრიანება, ეგრე არ არის, რომ თქვენ მობრძანდით, მე დაგიჯერებთ, რომ ამას შვებოდით. შეიძლება, მღეროდით ყოველ საღამოს რესტორანში, მაგრამ თუ იმ რესტორანმა არ დამიდასტურა, რა უნდა გავაკეთოთ, ისე ვარიგოთ ფული?” — განაცხადა მაჭავარიანმა.

მინისტრმა განაცხადა, რომ ჯობდა ასეთი პირებს “წლების განმავლობაში” სამინისტროს გაცემული რჩევა გაეთვალისწინებინათ და დარეგისტრირებულიყვნენ მცირე მეწარმეებად.

მთავრობის ანტიკრიზისული გეგმით, თვითდასაქმებულები, ვინც პანდემიის პირობებში სამსახური დაკარგეს და ამის დადასტურებას შეძლებენ, ერთჯერადად 300 ლარით დახმარებას მიიღებენ. ასევე, კომპენსაციას მიიღებენ დაქიირავებით დასაქმებულები 200 ლარს 6 თვის განმავლობაში.

პრემიერ-მინისტრი გიორგი გახარია აცხადებს, რომ საგანგებო მდგომარეობის გარეშე შეზღუდვების გასაგრძელებლად, მთავრობას შესაბამისი საკანონმდებლო ჩარჩო სჭირდება, ამიტომ მიმართეს პარლამენტს თხოვნით.

,,გაუაზრებელი, ერთბაშად მოხსნა ის შეზღუდვები, რომელმაც მოგვცა შესაძლებლობა, რომ ეფექტურად გვემართა ვირუსი, არის უბრალოდ უპასუხისმგებლო ნაბიჯი.

საკანონმდებლო ჩარჩო გვჭირდება ამ შეზღუდვების შესანარჩუნებლად, ამ შეზღუდვების უფრო ეფექტურად ასამუშავებლად, რა თქმა უნდა, ვგულისხმობ, საგანგებო მდგომარეობის გარეშე. ჩვენ ამ თხოვნით მივმართეთ პარლამენტს, მუშაობა მიმდინარეობს და იმედია, რომ გარკვეული შეზღუდვები, რომელიც აუცილებელია ჯანდაცვის სფეროსთვის, იქნება შენარჩუნებული”, – ამბობს გახარია.

საგანგებოს გარეშე შეზღუდვების კანონპროექტს პარლამენტი კენჭს დღეს უყრის.

მას პარლამენტის ჯანდაცვის და სოციალურ საკითხთა კომიტეტმა გუშინ მხარი დაუჭირა.

კანონპროექტის მიხედვით, მთავრობა ქვეყანაში შემზღუდავი ღონისძიებების გატარებას საგანგებო მდგომარეობის გარეშე შეძლებს.

ოპოზიცია და არასამთავრობო სექტორი კანონპროექტს არაკონსტიტუციურად და ავტორიტარიზმისკენ გადადგმულ ნაბიჯად აფასებენ.

„ევროპული საქართველოს“ წევრი გიგი წერეთელი ირაკლი კობახიძის განცხადებას, რომ ოპოზიცია ,,გოიმურია” ეხმიანება და ამბობს, რომ ამ საკითხის დაყენებაა ძალიან გოიმური.

წერეთლის თქმით, რომ მსგავს განცხადებებზე და საკითხებზე სერიოზული კომენტარის გაკეთება არ ღირს.

„არ მგონია, რომ ასეთ საკითხებზე სერიოზული განცხადებები უნდა გაკეთდეს. რას ნიშნავს საკითხის ასე დაყენება? მემგონი თვითონ საკითხის დაყენება ძალიან გოიმურია,”- განაცხადა წერეთელმა.

გუშინ ,,ქართული ოცნების” ლიდერმა, ირაკლი კობახიძემ განაცხადა, რომ ისეთი ,,გოიმური” და ,,მარგინალური” ოპოზიციური სპექტრი, რომელიც ლეიბორისტების ოფისშია შეკრებილი, საქართველოს ისტორიაში არ ახსენდება.