თბილისის ინფექციური საავადმყოფოს დირექტორმა, თენგიზ ცერცვაძემ განაცხადა, რომ ახირება და კაპრიზია, როცა ადამიანი ამტკიცებს, რომ როგორ, რატომ არ შეიძლება მანქანაში დაჯდეს სამი ადამიანი და წინ იჯდეს მგზავრი.
მისი თქმით, პატრული ვერ გაიგებს, როდესაც მანქანა მოდის, წინ ცოლი ზის, მეზობელი თუ უცხო ადამიანი.
„რატომ არ უნდა დასვას ქმარმა ცოლი გვერდით, შვილი ან ოჯახის წევრი. ელემენტარული მისახვედრია, როდესაც მანქანა მოდის და წინ ზის ვიღაც, როგორ გაიგოს პატრულმა ის ცოლია თუ მეზობელი. მართალია თუ ცოლია და ოჯახში მაინც ერთად არიან, არ აქვს აზრი ამ შეზღუდვას, მაგრამ იქ ხომ უცხო პირებიც დასხდებიან. წინ დაჯდომა პირდაპირი კონტაქტია მძღოლთან, რომ გადაედოს“, – განაცხადა ცერცვაძემ იმედის ეთერში.
ცნობისთვის, საგანგებო მდგომარეობის გამოცხადების შემდეგ აკრძალულია მძღოლის გვერდით მგზავრის ჯდომა, ასევე ავტომობილით 3 ადამიანზე მეტის მგზავრობა. ეს შეზღუდვები ხვალიდან, საგანგებო მდგომარეობის გაუქმების შემდეგაც არ მოიხსნება.
