ჯანმრთელობის  მსოფლიო ორგანიზაცია, ეპიდემიის ახალ ეპიცენტრს ასახელებს. ჯანმოს ინფორმაციით სამხრეთ ამერიკა კორონავირუსის ახალ ეპიცენტრად იქცა.

„სამხრეთ ამერიკა ახლა ახალი ეპიცენტრია. ჩვენ ვხედავთ ბევრ ქვეყანაში იზრდება შემთხვევათა რაოდენობა. ეს ყველა ქვეყანას ეხება, მაგრამ განსაკუთრებით შემაშფოთებელი ვითარება ბრაზილიაშია“, – განაცხადა ჯანმოს საგანგებო მდგომარეობების დირექტორმა, მაიკ რაიანმა.

მისივე თქმით, ბრაზილიაში განსაკუთრებით შემაშფოთებელია ამაზონელების ინფიცირება, რომლებიც კორონავირუსმა ქვეყანაში ყველაზე მეტად დააზარალა.

„დაახლოებით 100 000 მოსახლეზე, ინფიცირებულია 490 პირი, ეს ძალიან დიდი რიცხვია“, – აღნიშნა რაიანმა.

ცნობისთვის, ბრაზილიამ დღევანდელი მონაცემებით კორონავირუსის შემთხვევებით რუსეთს გადაასწრო და ინფიცირებულთა რაოდენობით მსოფლიოში აშშ-ს შემდეგ მეორე ადგილი დაიკავა.

ჩოხატაურის მუნიციპალტეტის სოფელ კოხნარში ბანკომატის გაძარცვის მიზნით საზოგადოებრივი ცენტრი ააფეთქეს.  ჩამსხვრეულია შუშები და დაზიანებულია ინვენტარი. შემთხვევა, სავარაუდოდ, გვიან ღამით მოხდა.

მომხდარზე გამოძიება უკვე დაიწყო შინაგან საქმეთა სამინისტრომ. გამოძიება სისხლის სამართლის კოდექსის 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს.

ძლიერმა ქარმა ლაგოდეხის მუნიციპალიტეტის ორ სოფელში, ჭიაურსა და გიორგეთში ალვის ხეები მოგლიჯა. დაზიანებულია ელექტროენერგიის სადენები და ინტერნეტის კაბელები.

ჭიაურის თემში მერის წარმომადგენელმა თანანა ხვედელიძემ განაცხადა, რომ დაზიანებულია სოფელში შემავალი ელექტროენერგიის მთავარი კაბელი. მისი ინფორმაციით, აღდგენითი სამუშაოები უკვე დაწყებულია.

22 მაისს, საღამოს, სეტყვა იყო ახმეტაში, თუმცა ოფიციალური სტრუქტურების ინფორმაციით, ზიანი, ფაქტობრივად, არ არის.

წყარო: რადიო თავისუფლება

შინაგან საქმეთა სამინისტროს კახეთის პოლიციის დეპარტამენტის თანამშრომლებმა ოჯახის წევრის მიმართ განხორციელებული ძალადობის ბრალდებით,1984 წელს დაბადებული გ.ა. კახეთში დააკავეს.

გამოძიებით დადგინდა,რომ ბრალდებულმა მეუღლეს,1975 წელს დაბადებულ ე.მ.-ს სიტყვიერი და ფიზიკური შეუაცხყოფა მიაყენა.

თბილისის ინფექციური საავადმყოფოს კლინიკური დირექტორის, მარინა ეზუგბაიას ინფორმაციით, ბოლო 24 საათში კორონავირუსით ინფიცირების 5 ახალი შემთხვევა გამოვლინდა, 14 კი გამოჯანმრთელდა. როგორც მან ჟურნალისტებს განუცხადა, 5 ახალი შემთხვევიდან 3 უკვე ინფიცირებულების კონტაქტებია, 2 კი საკარანტინე სივრციდანაა.

რაც შეეხება ინფექციურ საავადმყოფოში მყოფ პაციენტებს, ეზუგბაიას თქმით, 3 მძიმე პაციენტი ჰყავთ, თუმცა ჟანგბადდამოკიდებული არც ერთი არ არის და მათი მდგომაროება გაუმჯობესებულია.

“5 ახალი შემთხვევა დაგვემატა, 14 კი – გამოჯანმრთელდა. ამ ეტაპზე კოვიდცენტრებში 207 პაციეტი მკურნალობს, გამოჯანმრთელებულების რაოდენობა 290-ით მეტია. 5 ახალი შემთხვევიდან 3 არის უკვე არსებული დაავადებულების კონტაქტი, 2 არის საკარანტინე სივრციდან. ჩემთვის როგორც ცნობილია, კრიტიკული არც ერთი არ არის და დანარჩენი გამოჩნდება. ჩვენთან 5 ახალი შემთხვევიდან არც ერთი პაციენტი არ შემოსულა. ჩვენთან 1 გამოჯანმრთელდა და ახლა 34 პაციენტი გვყავს, გუშინდელი 4 შესაძლო შემთხვევიდან არც ერთი არ დადასტურებულა. ამ ეტაპზე ერთი შესაძლო შემთხვევა გვყავს და მისი კვლევა ახლა მიმდინარეობს. ჩვენი პაციენტების მდგომარეობა უცვლელია, გვყავს კვლავ სამი მძიმე პაციენტი, კრიტიკული უკვე არც ერთი არ არის, მათი მდგომარეობა გაუმჯობესებულია, მაგრამ ჯერჯერობით, მაინც პროგნოზულად მძიმედ რჩებიან არსებული მძიმე პნევმონიისა და გარკვეული სინდრომალური მდგომაროების გათვალისწინებით, თუმცა ამ ეტაპზე ჟანგბადდამოკიდებული პაციენტი არ გვყავს”, – განაცხადა ეზუგბაიამ.

საგანგებო მდგომარეობის დროს დაწესებული,ჯარიმებისა და საურავების გადახდაზე არსებული საშეღავათო პერიოდი 23 მაისს, საგანგებო მდგომარეობის გაუქმებასთან ერთად დასრულდა.

შეგახსენებთ, რომ საგანგებო მდგომარეობის გამოცხადების შემდეგ მოსახლეობას იმ ჯარიმების გადახდა გადაუვადდა, რომლებიც მანამდე ჰქონდათ გამოწერილი.

შინაგან საქმეთა სამინისტროს ერთიანი მომსახურების თბილისისა და რუსთავის ცენტრები მოქალაქეთა მიღებას 27 მაისიდან განაახლებენ. ასევე, მუშაობა აღდგება საპატრულო პოლიციის სამართალდარღვევათა აღრიცხვისა და ანალიზის რეგიონულ განყოფილებებში.

ცენტრი მოქალაქეებს მოუწოდებს, რომ ადგილზე სერვისების მისაღებად პირბადით გამოცხადდნენ .

შსს–ს ინფორმაციით, ერთიანი მომსახურების თბილისისა და რუსთავის ცენტრები მოქალაქეებს 50-მდე საპოლიციო სერვისს ჩვეულ რეჟიმში, უსაფრთხოების ყველა ნორმის დაცვით, “ერთი ფანჯრის” პრინციპით შესთავაზებენ.

ამასთანავე, შენარჩუნდება მოქალაქეთა მომსახურების დისტანციური მომსახურება, რომლითაც მოქალაქეები სახლიდან გაუსვლელად შეძლებენ საპატრულო პოლიციაში არსებული სერვისებით სარგებლობას, ტელეფონის ნომერზე – 2414242 ან ელექტრონული ვებგვერდის – www.police.ge-ის მეშვეობით.

1 ივნისიდან ერთიანი მომსახურების ცენტრში ასევე მუშაობას განაახლებს მომსახურების სააგენტოს თანამშრომელი, რომელიც “ერთი ფანჯრის” პრინციპით მიაწვდის მოქალაქეებს ცნობებთან დაკავშირებულ სერვისებს: პირის ნასამართლობის, პირის მსჯავრდების, სატრანსპორტო საშუალების სამართლებრივი მდგომარეობის, პირის მიერ სახელმწიფო საზღვრის გადაკვეთა-გადმოკვეთის და იარაღის სამართლებრივი მდგომარეობის შესახებ.

ჩოხატაურის მუნიციპალიტეტის სოფელ კოხნარში საზოგადოებრივი ცენტრი ააფეთქეს. ამის შესახებ ინფორმაციას ტელეკომპანია რუსთავი2 ავრცელებს.

პირველადი ინფორმაციით, დაზიანებულა შენობა, ჩამსხვრეულია შუშები და ასევე დაზიანებულია ბანკომატი.

საქმე სისხლის სამართლის 187-ე მუხლით არის აღძრული, რაც ნივთის დაზიანებას გულისხმობს.

საგანგებო მდგომარეობისა და კომენდანტის საათის მოხსნიდან რამდენიმე საათში ავტოსაგზაო შემთხვევა მოხდა თამარაშვილზე. მსუბუქი ავტომობილი ველოსიპედით მოძრავ მოქალაქეს დაეჯახა. ინფორმაციას ამის შესახებ ფორმულა ავრცელებს.ადგილზე საპატრულო პოლიცია იყო მობილიზებული.