Category: ახალი ამბები

ჟურნალისტებმა უმრავლესობის ლიდერს, გია ვოლსკის კალაძის ფეიკნიუსთან ბრძოლის შესახებ ჰკითხეს, რა დროსაც მან ჟურნალისტებს შეურაცხყოფა მიაყენა და მიმართა: “რა აგეწვათ ამისთანა, რა გაგიჟდით?”.

მან თქვა, რომ მთავარი არხის კითხვებს არ უპასუხებდა, თუმცა აღნიშნა–, “თქვენ გინდათ, რომ ყველას ტალახი მიასხათ და პასუხი ჩათვალოთ მედიაზე ზეწოლად, ეს აღარ გაგივათ უკვე – დამთავრდა”

On.ge-ს ჟურნალისტი დეპუტატს ჩაეკითხა, ხელისუფლების ეს პასუხიც არის თუ არა ასევე “ტალახის მისხმა”, რაზეც ვოლსკიმ თქვა, რომ პასუხი ფეიქნიუსის პრაქტიკულად გამოაშკარავებაა.

“რა ნიშნის მოგებით მელაპარაკებით, ვერ გავიგე. ტყუილებს რომ გაავრცელებთ, მიიღებთ პასუხს”, — უთხრა ვოლსკიმ ჟურნალისტს.

ამის შემდეგ მას ტელეკომპანია ფორმულას ჟურნალისტმა ჰკითხა, რამდენად ნორმალურია ხელისუფლების მხრიდან მედიის მიმართ ამგვარი დამოკიდებულება. ვოლსკიმ უპასუხა:

“რა აგეწვათ ამისთანა, რა გაგიჟდით. ტყუილი თქვით, დააბრალეთ ადამიანს და პასუხს გაძლევთ. ეს ფეიქნიუსების საამქრო რო გაქვთ თუ ცეხი გახსნილი, რა არი, ვერ გავიგე. რა გეწყინათ ამისთანა, პასუხი გაგცეს რა”,– თქვა ვოლსკიმ.

პარლამენტის თავმჯდომარის პირველი მოადგილის გია ვოლსკის შეფასებით, დღეს პარლამენტში სიტყვით გამოსვლისას პრემიერმა ყველა მნიშვნელოვან და ძირითად კითხვას პასუხი გასცა. მან ოპოზიცია გააკრიტიკა და აღნიშნა, რომ მათი მხრიდან უფრო კრიტიკულ შეკითხვებს მოელოდა.

“საკმაოდ ვრცელი მოხსენება იყო, პრაქტიკულად ყველა დარგი გადაფარა, მოველოდი უფრო კრიტიკულ შეკითხვებს “ნაციონალური მოძრაობისგან”და არამარტო “ევროპული საქართველოსგან”, ეს ძველი ოპოზიცია, ცალკე “კლასტერია” შექმნილი. ადრე ჰქონდათ რესურსი და სადისტები იყვნენ და ახლა მაზოხისტები გახდნენ. არასწორ შეკითხვებს სვამენ არასწორი კუთხით, თორემ მეც მაინტერესებს, თუკი ევროპულმა ქვეყნებმა გახსნეს ფრენები,საქართველოს რა პოზიცია აქვს ამასთან დაკავშირებით,მაგრამ ამ კითხვას ისეთი ნიშნისმოგებით და ისეთი ფორმით სვამენ, რომ ვფიქრობ, პოლიტიკური სპეკულაცია მეტია, ვიდრე საქმიანი დამოკიდებულების სურვილი. ვნახოთ, საინტერესო პასუხებს ველოდები. ბევრი კრიტიკული თემაც არის და არ მგონია, რომ დამაჯერებელ პასუხებს მოყვეს ასეთივე დამაჯერებელი გამოსვლები ოპოზიციის მხრიდან. ვფიქრობ, რომ პასუხების ნაწილი გაცილებით უფრო სერიოზული და მნიშვნელობანი იქნება საზოგადოებისთვის. რაც შეეხება თავად მოხსენებას, არ დარჩა არცერთი მსხვილი თემა, რომელზეც პრემიერ-მინისტრმა პასუხი არ გასცა”-აცხადებს ვოლსკი.

ცოტა გაკვირვებული ვარ, რომ პოლიტიკურ პარტიები საკონსტიტუციო ცვლილებების შესაძლო ჩავარდნის შესახებ ერთმანეთზე დანაშაულის მიწერას ცდილობენ“, – ასე უპასუხა გერმანიის ელჩმა საქართველოში ჰუბერტ ქნირშმა კითხვას, მიდის თუ არა პროცესი 8 მარტის შეთანხმების სრულად შესრულებისკენ იმ ფონზე, რომ ერთი მხრივ, გიორგი რურუა საპატიმროში რჩება, მეორე მხრივ კი ოპოზიციის ნაწილი საკონსტიტუციო ცვლილებების კენჭისყრაში მონაწილეობას არ იღებს. ჟურნალისტებთან შეხვედრაზე ქნირშმა იმედი გამოთქვა, რომ 29 ივნისს, პარლამენტის რიგგარეშე სხდომაზე საკონსტიტუციო ცვლილებების მესამე მოსმენით განხილვასა და კენჭისყრაში მონაწილეობას ყველა მხარე მიიღებს.

„ორშაბათი გადამწყვეტი დღე იქნება შესრულების კუთხით და ძალიან დიდი იმედი მაქვს, რომ 8 მარტის შეთანხმხების ყველა მონაწილე ხმას მიცემს და დაუჭერს მხარს იმ კონსტიტუციურ ცვლილებებს, რაზეც შეთანხმება მოხდა. როგორც ფასილიტატორების ჯგუფმა, ჩვენ ნათელი მოვფინეთ, თუნდაც, ერთი კვირის წინ, დამატებითი განცხადებით, რომ გვსურს, ყველა ძალამ დაუჭიროს მხარი ამ საკონსტიტუციო ცვლილებებს, ჩვენი ხანგრძილივი დისკუსიის შედეგს. ბატონი რურუა შეთანხმებაში არაა მოხსენიებული, ეს ძალიან ნათელია, ყველას შეუძლია წაიკითხოს. ცოტა გაკვირვებული ვარ, რომ პოლიტიკურ პარტიებს შორის მიმდინარეობს დისკუსია, რომლითაც ისინი ცვლილებების მიღების შესაძლო ჩავარდნის შესახებ ერთმანეთზე დანაშაულის მიწერას ცდილობენ: ოპოზიცია ამბობს, რომ თუ საკონსტიტუციო ცვლილებები პარლამენტში ჩავარდება, მაშინ უმრავლესობის ბრალი იქნება და უმრავლესობა ამბობს, რომ ამ შემთხვევაში, შესაძლო ჩავარდნა ოპოზიციის ბრალი იქნება, რომელიც მონაწილეობას არ იღებს ხმის მიცემაში. მნიშვნელოვანია ვთქვათ, რომ ეს ყველაფერი არ ეხება ბრალს, არამედ დამსახურებას: თუ, როგორც ვიმედოვნებ, საკონსტიტუციო ცვლილებები მიღებული იქნება, მაშინ ქებას ექსკლუზიურად ისინი დაიმსახურებენ, ვინც ამას პარლამენტში დაუჭირა მხარი“, – განაცხადა ქნირშმა.

ჟურნალისტის კითხვის საპასუხოდ, ქნირშმა განაცხადა, რომ უგულავა, უქრუაშვილი და რურუა ოფიციალურად მოხსენიებულები არ იყვნენ შეთანხმებაში, თუმცა მოლაპარაკებების დროს მათი გვარები გაჟღერდა.

„როგორც ფასილიტატორებს და დიპლომატებს, გვსურდა, პატივისცემა გამოგვეხატა ყველა პოლიტიკური პარტიის მიმართ და არ გვსურს, შევიდეთ მათთან დავებში. უნდა შევეგუოთ, რომ ყველა პოლიტიკური ძალა თუ პარტია თავის ინტერპრეტაციას აკეთებს და რაღაცებს ამბობს ამ შეთანხმების შესახებ. ქართველ ხალხს უნდა მივანდოთ იმის გადაწყვეტა, როცა ერთი ადამიანი კის ამბობს, მეორე – არას, ეს შეთანხმებაა თუ შეუთანხმებლობა. რა თქმა უნდა, პოლიტიკური დიალოგის პროცესში 8 მარტამდე, ეს სახელები მოხსენიებული იყო, და ოპოზიციური პარტიების შეშფოთების ნაწილს წარმოადგენდა. უგულავას და ოქრუაშვილის შემთხვევაში ეს შეწყალება იყო, ის, რაც შეიძლება, ნებისმიერ ქვეყანაში სამართლებრივად მოხდეს, და ასევე, პოლიტიკურ პარტიებს შორის დაძაბულობის შემსუბუქებაში წვლილის შეტანის მცდელობა – ჩვენ ეს ასე დავინახეთ და მივესალმეთ კიდეც“, – აღნიშნა ქნირშმა.

წყარო: „ინტერპრესნიუსი“

ფინანსთა მინისტრის, ვანო მაჭავარიანის განცხადებით, კორონავირუსის კომპენსაციას იოლად, მხოლოდ “დედის დაფიცების” გამო ვერ გასცემენ.

მინისტრმა აღნიშნა, რომ პირობები გაადვილდა და დახმარება უფრო მარტივად გაიცემა, ვიდრე თავიდან.

“დღეს, მაგალითად, ერთ-ერთმა დეპუტატმა თქვა, რომ გაურთულეთო, ზედმეტ საბუთებს ითხოვთო, ბიუროკრატია გაართულეთ, რომ არ მიიღონო. პირიქით პროცესია. პირველადთან შედარებით დადგენილება რომ იყო, ასეთ სლენგს ვიხმარ, “გალაითდა” პირობები, გაადვილდა. ჩვეულებრივად, არანაირი საბუთით, უბრალოდ მოვიდა და დედა დაიფიცა, ამაზე ვერ გავცემთ ფულს ასე იოლად. ეს არის გადასახადის გადამხდელის ფული და ბიუჯეტს ხარჯვის თავისი პრინციპები აქვს”, – თქვა ვანო მაჭავარიანმა.

ცნობისთვის, თვითდასაქმებულებს, ვინც სამსახური კორონავირუსის პანდემიის დროს დაკარგა, სახელმწიფო ერთჯერად, 300 ლარით ეხმარება, თუ დასაქმებული შეძლებს დოკუმენტურად დაასაბუთებს, რომ ნამდვილად მუშაობდა.

გარემოს დაცვისა და სოფლის მეურნეობის მინისტრის, ლევან დავითაშვილის თქმით, რქაწითელის ჯიშის ყურძენზე წელს ბიუჯეტიდან 40 მილიონიანი ფასის სუბსიდირებაა გათვალისწინებული

“მე ვფიქრობ, რომ მხოლოდ ქართული ოცნების ხელისუფლებაა ის ხელისუფლება რომელმაც მევენახეობის და მეღვინეობის განვითარებაში შეიტანა უზარმაზარი წვლილი. წელსაც გათვალისწინებული დაახლოებით 40 მილიონ ლარიანი პირდაპირი ფასისმიერი სუბსიდია, რომელიც რქაწითელის ჯიშის ყურძენზე იქნება განკუთვნილი, რადგან პრობლემები ძირითადად ამ ჯიშის ყურძნის ჩაბარებაზეა”, – განაცხადა ლევან დავითაშვილმა.

მინისტრის თქმით, მთავრობა სავარაუდოდ მომავალ კვირას კონკრეტულ დადგენილებას მიიღებს რთველის ღონისძიებების ხელშეწყობასთან დაკავშირებით და არცერთი კილოგრამი ყურძენი ჩაუბარებელი არ დარჩება.

ცნობისთვის, 2020 წლის ბიუჯეტის პროექტის მიხედვით, მთავრობა სოფლის მეურნეობის სამინისტროს 139 მილიონი ლარით დააფინანსებს. 139 მილიონიდან 69 მილიონი რთველის ხელშეწყობის ღონისძიებებში დაიხარჯება.

გიორგი შაქარაშვილის გარდაცვალების საქმეზე დაკავებული ერთ-ერთი არასრულწლოვნის მამა აცხადებს, რომ მის შვილს გამოკითხვისას პოლიციელმა ჯერ კეფაში, შემდეგ კი, ზურგში ჩაარტყა, რათა სასურველი ჩვენება მიეღო. როგორც დაკავებულის მამა განმარტავს, მის შვილს სთხოვდნენ ეთქვა, თუ რა მიმართულებით გაიქცა გიორგი შაქარაშვილი. მას შემდეგ, რაც მან სამართალდამცავებს განუცხადა, რომ არ დაუნახავს, დაარტყეს. ამასთან, დაკავებული არასრულწლოვნის მამა ითხოვს, მის შვილს ჩვენება ხელახლა ჩამოართვან.

“რაც ჩვენ გვინდა, ის უნდა დაწეროო, ეუბნებოდნენ. იმ დონეზე ვიყავი სიმართლის გარკვევით დაინტერესებული და გარდაცვლილ ბავშვზე ვფიქრობდი, გამოძიებისთვის ხელი არ შემიშლია, ვიფიქრე, არაუშავს, ჩემ შვილს მოხვდეს ხელი, ოღონდ სიმართლე თქვას-მეთქი. ერთმა პოლიციელმა ჩაარტყა, ედავებოდნენ, შენ უნდა დაგენახაო და ჯერ კეფაში შემოარტყა პოლიციელმა და მეორედ, ზურგში მუშტი ჩაარტყა. 3-4 პოლიციელი ესწრებოდა ამას. იმ დონეზე ვიყავი აღშფოთებული იმ ბიჭის დაღუპვით, ჩემი შვილი თუ დასასჯელია, პირველი ის დასაჯეთ-მეთქი, ვუთხარი. ჩემი შვილი “ნახალოვკელების” მხრიდან იყო. დაბადების დღეზე იყო, მთვრალს მანქანაში ეძინა, რომ მიტრიალდნენ უკან, კიდევ მანანქაში ეძინა, ავტობანზე გაეღვიძა. როცა ბიჭებისკენ გაიქცნენ, ჩემი შვილიც ამ ბიჭებს გაყვა, მეტი არაფერი მომხდარა. ჩემი შვილი ამბობდა, შაქარაშვილი არ დამინახავსო და როგორ არ დაგინახავსო და ძალადობა წავიდა. იმხელა ფსიქოლოგიური სტრესი იყო… მე იქ ვიყავი, მაგრამ დაღუპული მეცოდებოდა, არაუშავს, ჩემ შვილს მოხვდეს, ოღონდ სიმართლე თქვას და გამოძიებას ხელი არ შევუშალო-მეთქი და გავჩერდი. ჩვენება არასწორადაა ჩამორთმეული და ჩვენება თავიდან ჩამოართვან, იმ გამოკითხვას ადვოკატიც არ დასწრებია”, – აცხადებს არასრულწლოვანის მამა.

უმრავლესობის დეპუტატის ლადო კახაძის თქმით, საქართველოს ორი მტერი ჰყავს, ერთი კორონავირუსი, ხოლო მეორე – რუსი, ანუ სახელმწიფო რუსი (რუსეთი). კახაძემ გიორგი გახარიას სთხოვა, მეორე ვირუსის ლოკალიზება და საკარანტინო სივრცეში მოთავსება უზრუნველყოს, რაც კორონავირუსის შემთხვევაში წარმატებით გამოუვიდა.

“ერთსაც ახასიათებს ტალღურობა, ფაზები და მეორესაც ახასიათებს ფაზები. ეს ფაზა განსაკუთრებით მეორე შემთხვევაში ძალიან მწვავდება არჩევნებიდან არჩევნების დროს, მაგრამ ჩვენ საკმაო გამოცდილება დავაგროვეთ, კორონავირუსის ეპიდემიოლოგიური განხილივისა და წარმატება მივაღწიეთ პირველ წყაროს დადგენაში და მის იზოლაციაში საკარანტინო სივრცეში, მერე განკურნების მცდელობა.

ერთ ვირუსსაც და მეორე ვირუსსაც, სამწუხაროდ, ჩვენს ქვეყანაში მომხრეები ჰყავს, საკმაოდ ძლიერად გამოხატული და კარგ დროს შერჩეული მომხრეები, როდესაც უნდა დაიწყო ლაპარაკი. მე გთხოვთ, ის გამოცდილება რაც კორონავირუსის დროს დააგროვეთ, წარმატებით გამოიყენოთ მეორე ვირუსის ლოკალიზაციისათვის და საკარანტინო სივრცეში მოთავსებისათვის”,– თქვა ლადო კახაძემ.

მან პრემიერს ასევე ჰკითხა, როგორია მისი ხედვა სასმელი წყლის განვითარებასა და მხარდაჭერაში. გარდა ამისა, კახაძე დაინტერესდა, რას ფიქრობს პრემიერი დავით აღმაშენებლის ძველ ადგილზე დაბრუნებაზე.