Category: ახალი ამბები

აშშ-ის სახელმწიფო მდივანი მაიკ პომპეო საქართველოს პარლამენტის მიერ საკონსტიტუციო ცვლილებების მიღებას ეხმაურება და მოუწოდებს პარლამენტს და მაღალი თანამდებობის პირებს. პატივი სცეს ქართველი ხალხის ნებას.

„მივესალმებით ამ კვირაში საქართველოში საკონსტიტუციო რეფორმებს. მოვუწოდებთ პარლამენტს, რომ პატივი სცეს ქართველი ხალხის ნებას და ოფიციალური პირების დაპირებას საერთაშორისო დონეზე რეკომენდებული საარჩევნო რეფორმის გატარებით და განხორციელებით“, – წერს პომპეო.

პარლამენტმა მესამე მოსმენით საკონსტიტუციო ცვლილებები მიიღო. ცვლილებების თანახმად, არჩევნები მანდატების 120/30 გადანაწილებით ჩატარდება, ხოლო ბარიერი 1%-იანი იქნება.

ჯანდაცვის მინისტრის, ეკატერინე ტიკარაძის თქმით, ეროვნული გამოცდების საკითხი მისთვისაც ძალიან მნიშვნელოვანია, რადგან მისი შვილიც აბიტურიენტია.

მინისტრის განცხადებით, ეცდებიან კომფორტული და ამავე დროს უსაფრთხო გარემო შექმნან.

„ჩემი შვილიც აბიტურიენტია. აქედან გამომდინარე, არა მხოლოდ, როგორც მინისტრი, ამ საქმის უშუალო კურატორი, ვარ ჩართული ამ თემატიკაში. ჩვენ ვაწარმოებთ კონკრეტულ მოლაპარაკებებს განათლების სამინისტროსთან და რა თქმა უნდა, შევეცდებით, რომ შევქმნათ ბავშვებისთვის მაქსიმალურად კომფორტული, მაგრამ უსაფრთხო გარემო. ალბათ, უმოკლეს დღეებში, ეს იქნება ხვალ და ზეგ, გავაკეთებთ უკვე კონკრეტულ განაცხადს ამასთან დაკავშირებით“, – თქვა ტიკარაძემ.

ეკონომიკის მინისტრი ნათია თურნავა მოქალაქეებს მოუწოდებს, ბილეთები შეიძინონ მხოლოდ იმ რეისებზე, “რომელთა განრიგიც ოფიციალურად არის გამოქვეყნებული სამოქალაქო ავიაციის სააგენტოსა და ეკონომიკისა და მდგრადი განვითარების ვებგვერდებზე”.

თურნავას ინფორმაციით, “ვიზეარი” ბილეთებს სამინისტროსთან შეუთანხმებლად ყიდის, ამიტომ მინისტრი ავიაკომპანიას მოუწოდებს, შეწყვიტოს შეთანხმებელი ქმედებები.

“ძალიან მნიშვნელოვანია, რომ არ მოხდეს ბილეთების შეძენა ისეთ რეისებზე, რომელიც არ არის სამოქალაქო ავიაციის სააგენტოსთან შეთანხმებული. სამწუხაროდ, ვრცელდება ინფორმაცია, რომ კომპანია აირზენა ზოგიერთ მიმართულებაზე ბილეთებს ჩვენთან შუთანხმებლად ყიდის და ეს რეისები არ არის ჩვენს მიერ ოფიციალურად გაცხადებულ მიმართულებებში.

მოვუწდებთ ავიაკომპანია აირზენას, რომ შეწყვიტოს ასეთი შეუთანხმებელი ქმედებები. ასევე მოვუწოდებთ საქართველოს მოქალაქეებს, რომ იხელმძღვანელონ ფრენების მხოლოდ იმ ჩამონათვალით და განრიგით, რომელიც განთავსებულია სამოქალაქო ავიაციის სააგენტოსა და ეკონომიკის სამინისტროს ვებგვერდებზე”,– აცხადებს თურნავა.

აშშ–ის ელჩის, კელი დეგნანის განცხადებით, რუსეთი ალბათ შეეცდება საქართველოს საპარლამენტო არჩევნებში ჩარევას.

დეგნანის თქმით, ძალიან მნიშვნელოვანია, რომ საზოგადოებამ დეზინფორმაცია და ნამდვილი ამბავი ერთმანეთისგან განასხვავოს.

„ჩვენ ყველამ ვნახეთ, თუ რამდენად აქტიური და კრეატიულია რუსული დეზინფორმაციის კამპანია, რომელიც აზიანებს და ერევა არჩევნებში და საქართველო აშკარა სამიზნეა. მეგობრები ვმუშაობთ საქართველოსთან და ვეხმარებით, რომ საზოგადოებამ განასხვავოს დეზინფორმაცია და ზუსტი ინფორმაცია. მე არ მაქვს კონკრეტული მტკიცებულებები, თუმცა დიდი ალბათობით, რუსეთი ალბათ შეეცდება საქართველოს არჩევნებში ჩარევას, განსაკუთრებით, როცა სრულად პროპორციული სისტემისკენ მიიწევს. საქართველოზე განხორციელდა დიდი შეტევა რუსეთის „გრუს“ მიერ. ეს გამომაფხიზლებელია როგორც საქართველოსთვის, ასევე სხვა ქვეყნებისთვის“, – თქვა კელი დეგნანმა.

პროკურატურამ 24 წლის გოგოსთვის ბენზინის შესხმისა და ცეცხლის წაკიდების ფაქტზე დაკავებულს ბრალი წარუდგინა. ამის შესახებ ინფორმაციას საქართველოს გენერალური პროკურატურა ავრცელებს.

უწყების ცნობით, საქართველოს პროკურატურამ, განზრახ მკვლელობის მცდელობის ფაქტზე, შ.გ.-ს ბრალი საქართველოს სისხლის სამართლის კოდექსის 11 პრიმა 19,109-ე მუხლის მე-2 ნაწილის ,,ვ’’ ქვეპუნქტით და მე-3 ნაწილის „ბ“ ქვეპუნქტით წარუდგინა, რაც გულისხმობს განზრახ მკვლელობის მცდელობას ოჯახის წევრის მიმართ ჩადენილი განსაკუთრებული სისასტიკით.

შინაგან საქმეთა სამინისტროს მიერ ჩატარებული გამოძიების შედეგად დადგინდა, რომ შ.გ.-ს განზრახული ჰქონდა განსაკუთრებული სისასტიკით – ცეცხლის წაკიდებით მოეკლა მასთან არარეგისტრირებულ ქორწინებაში მყოფი ს.შ. 2020 წლის 30 ივნისს, ღამის საათებში ბრალდებულმა ს.შ. გაიყვანა მისი საცხოვრებელი სახლიდან და მიაყენა სიტყვიერი და ფიზიკური შეურაცხყოფა. ამის შემდეგ, ბრალდებულმა ბენზინი მიასხა ს.შ-.ს და ცეცხლი წაუკიდა. ბრალდებული შემთხვევის ადგილიდან მიიმალა, ხოლო ს.შ.-ს ადგილზე შეკრებილი ადამიანები დაეხმარნენ. ცეცხლის წაკიდების შედეგად, ს.შ.-მ მიიღო მრავლობითი დამწვრობები და ძლიერი შოკი.

სამართალდამცველებმა შ.გ. ცხელ კვალზე, საგარეჯოს რაიონში, სოფ. პატარძეულის მიმდებარე ტერიტორიაზე იმავე დღეს დააკავეს.

სისხლის სამართლის საქმეზე გამოძიება გრძელდება. შ.გ-სთვის წარდგენილი ბრალდება 16-დან 20 წლამდე თავისუფლების აღკვეთას ითვალისწინებს.

პროკურატურამ ბრალდებულ შ.გ-ს მიმართ აღკვეთის ღონისძიების სახით პატიმრობის გამოყენების თაობაზე თბილისის საქალაქო სასამართლოს უკვე მიმართა.