Category: ახალი ამბები

“დედა ვერ გადავარჩინე” – ჟურნალისტსა და ტელეწამყვანს ნანუკა ჟორჟოლიანს დედა გარდაეცვალა, ამის შესახებ მან სოციალურ ქსელში დაწერა;

“ყველას გონია რომ დედა, ყველაზე კარგი ჰყავს მთელ სამყაროში. ასე მგონია მეც. ხოდა მთელ სამყაროში, ყველაზე კარგი დედა ვერ გადავარჩინე. ვერ ვუშველე. 5 თვის წინ დაგვისვეს უმძიმესი დიაგნოგი. წავედით, წამოვედით. იტანჯა, იომა, ყველაფერი მოვასწარით ამ 5 თვეში. მე, დაობლებაც კი.

პანაშვიდი, სამშაბათი, ოთხშაბათი
მისამართი, ნინო რამიშვილის 35ბ. მარჯვენა სადარბაზო, 12 სართ.

საერთაშორისო დონეზე პოლიტიკურად მოიჭერით თავი. გამოხვედით და იძახდით, რომ პროპორციულ საარჩევნო სისტემაზე გინდოდათ გადასვლა და მხარი არ დაუჭირეთ იმას, რაც პოლიტიკური კონსენსუსის საფუძველზე იყო მიღწეული, – ასე მიმართა პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა „ევროპული საქართველოს“ წევრს, სერგი კაპანაძეს ბიუროს სხდომაზე.

„სულ მცირე მომერიდებოდა და კომენტარს არ გავაკეთებდი თქვენი პოლიტიკური ძალის და თქვენი სახელით ან საარჩევნო კოდექსზე, ან საქართველოს კონსტიტუციაში ცვლილებების შეტანაზე. გვახსოვს, როგორ გულანთებულები ითხოვდით პროპორციულ საარჩევნო სისტემაზე გადასვლას. ისიც ნახა ჩვენმა საზოგადოებამ ბოლოს როგორ დაუჭირეთ მხარი, საერთოდ არ მოხვედით. რომან გოცირიძე დადიოდა და ელოდებოდა, იქნებ რამე მოხდესო. ძალიან გთხოვთ, როდესაც კომენტარს აკეთებთ და მითუმეტეს, როცა რამეს გვიწუნებთ, თქვენი დასაწუნი ნამდვილად არ გვაქვს არც კონსტიტუციაში ცვლილებები და არც საარჩევნო კოდექსში ცვლილებები. საერთაშორისო დონეზე პოლიტიკურად მოიჭერით თავი. გამოხვედით და იძახდით, რომ პროპორციულ საარჩევნო სისტემაზე გინდოდათ გადასვლა და მხარი არ დაუჭირეთ იმას, რაც პოლიტიკური კონსენსუნსის საფუძველზე იყო მიღწეული, მათ შორის ეუთო /ოდირის რეკომენდაციები, რაც ჩვენი საერთაშორისო პარტნიორების მხრიდან იყო მხარდაჭერილი. მე მომერიდებოდა თქვენს ნაცვლად“, – განაცხადა ოხანაშვილმა.

ბათუმში, ერთ-ერთ კლუბში ურთიერთშელაპარაკების ნიადაგზე ორი პირი დაჭრეს. შემთხვევა გუშინ ღამით მოხდა. დაშავებულები კლინიკა “მედცენტრში” არიან გადაყვანილი.

ექიმების ინფორმაციით, ერთის მდგომარეობა მძიმეა, მას ბარძაყის არეში აქვს ჭრილობა მიყენებული, ხოლო მეორე მამაკაცს, რომელიც 22 წლის არის, ჭრილობა გულ-მკერდის არეში აქვს.

ფაქტზე გამოძიება “სისხლის სამართლის კოდექსის” 117-ე მუხლით მიმდინარეობს, რაც ჯანმრთელობის განზრახ მძიმე დაზიანებს გულისხმობს.

ჯანდაცვის სამინისტრომ COVID 19-თან დაკავშირებული რეკომენდაციების დარღვევის გამო, 31 კვების ობიექტი და 1 სასტუმრო დააჯარიმა.

ჯარიმის ოდენობა შპს-სთვის 10 000 ლარი, ხოლო ინდივიდუალური მეწარმეებისთვის 2 000 ლარია. ამის შესახებ “ინტერპრრსნიუსს” ჯანდაცვის სამინისტროში განუცხადეს.

უწყების ინფორმაციით, დღეის მდგომარეობით 90 რესტორანი შემოწმდა. რაც შეეხება სასტუმროებს, ინსპექტირების გავლის მიზნით 2242 სასტუმრო დარეგისტრირდა, აქედან 983-მა დააკმაყოფილა მოთხოვნები, 458-მა ვერა და 801 არ იყო მზად შემოწმების გასავლელად. ამასთან, შრომის ინსპექციამ დღეის მდგომარეობით 1 სასტუმრო დააჯარიმა.

ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსით ინფიცირების 9 ახალი შემთხვევიდან 9-ვე შემოტანილია.

„ქვეყანაში დაგვემატა 9 ახალი დადასტურებული შემთხვევა, გამოჯანმრთელებული არ გვყავს, ამ ეტაპზე კოვიდცენტრებში 151 პაციენტი მკურნალობს. 9 ახალი შემთხვევიდან 9-ვე შემოტანილი, ანუ იმპორტირებულია. ყველას დიაგნოსტირება მოხდა საკარანტინო სივრცეში. ამ 9-დან 5არის სატვირთო ავტომანქანის მძღოლი.

ჩვენს ცენტრში დაგვემატა 3 ახალი შემთხვევა და ამ ეტაპზე 25 პაციენტი გვყავს. 3-ვეს მდგომარეობა არ არის მძიმე, საშუალოზე მსუბუქი გახლავთ, დანარჩენ პაციენტებთანაც არც შეინიშნება დაავადების პროგრესირება, მათი მდგომარეობა საშუალო და საშუალოზე მსუბუქია”, – განაცხადა ეზუგბაიამ.

საქართველოში კორონავირუსის ცხრა ახალი შემთხვევა დაფიქსირდა, ჯამში კი ინფიცირებულთა რაოდენობა 995-ს შეადგენს. შესაბამისი მონაცემები რამდენიმე წუთის წინ Stopcov.ge-ზე გამოქვეყნდა.

მათი ინფორმაციით, ქვეყანაში 857 ადამიანი უკვე გამოჯანმრთელდა, გარდაიცვალა – 15.

შეგახსენებთ, რომ საქართველოში კორონავირუსის პირველი დადასტურებული შემთხვევა 26 თებერვალს გამოვლინდა.

ყველა სასტიკად უნდა ვებრძოლოთ კრიმინალურ მენტალიტეტს, – ამის შესახებ დეკანოზმა თამაზ ლომიძემ ქადაგებისას განაცხადა და გიორგი შაქარაშვილის გარდაცვალების საქმეზე ისაუბრა.მისი განცხადებით, კრიმინალია, როცა საქმის ფიგურანტები გამოძიებათან არ თანამშრომლობენ, ისევე როგორც კრიმინალია, როცა მერიაში მიცემული ქრთამის შედეგად კორპუსებს დგამენ იქ, სადაც ამის ადგილი არ არის.

“ყველამ უნდა თავგამოდებით, სასტიკად ვებრძოლოთ ამ კრიმინალურ მენტალიტეტს. ოთხი დღე ეძებდნენ ახალგაზრდა ბიჭს. ამათმა იცოდნენ, რომ იქ სადღაც მდინარეში გდია მათი თანატოლი მკვდარი. წარმოგიდგენიათ? წარმოუდგენელი საშინელება ტრიალებს მათ ცნობიერებაში. აი ამ 17 კაციდან, შეიძლება მეტიც იყო 17-ზე, იციან, რომ იქ გდია და არცერთი არ მიდის და პოლიციას არ ეუბნება, რომ აი იქ არის, ჩვენ მოვკალით, ან იმან მოკლა, სხვამ მოკლა. წარმოგიდგენიათ რა ხდება მათ ცნობიერებაში? მერიაში რომ სიტყვაზე ქრთამს მისცემ ვიღაცას და სახლს იქ დაგადგმევინებენ, სადაც არ შეიძლება და მეზობელს რომ მზეს ჩაუბნელებ, კრიმინალი ხარ, აბა რა ხარ. ასეა ყველა სფეროში და მოდებული აქვს ეს კიბოსავით ჩვენს ქვეყანას, – ამბობს დეკანოზი თამაზ ლომიძე.”- განაცხადა თამაზ ლომიძემ. 

იაკობ ბრეგვაძე არის სუს-ის ძალიან სტაჟიანი აგენტი და მას აქვს ძალიან ბევრი ინფორმაცია –  ამის შესახებ “ქრონიკა +” -ის რედაქტორმა “მთავარ აქცენტებში” ისაუბრა. ელისო კილაძის თქმით, ფოტოგრაფი უწყებისთვის სანდო პირია და მას იყენებდნენ “ტუსოვკებზე” გადასაღებად.

კილაძის მტკიცებით, ბრეგვაძე არც თუ ისე უმნიშვნელო ფიგურაა და მას ხელს აფარებენ, არა მხოლოდ იმიტომ რომ ნინო გიორგობიანის ნათესავია, არამედ ფოტოგრაფს მჭიდრო კავშირები აქვს სახელმწიფო უსაფრთხოების სამსახურთან.

“ჩემი წყაროს ინფორმაციით, იაკობი არც თუ ისე უმნიშვნელო ფიგურაა. ის გახლავთ ძალიან სტაჟიანი თანამშრომელი, სანდო პირი ამ უწყებისთვის, რომელსაც გიორგობიანი წარმოადგენდა – სუსი და წარმოადგენს…  აფარებენ ხელს, არამხოლოდ იმიტომ, რომ ნინო გიორგობიანის ახლობელია, არამედ ის არის ძალიან შტაჟიანი აგენტი და მას აქვს ძალიან ბევრი ინფორმაცია“ – ამბობს ელისო კილაძე 

შეგახსენებთ, რომ გიორგი შაქარაშვილის საქმის ერთ-ერთი მთავარი მოწმე ფოტოგრაფი იაკობ ბრეგვაძე შინაგან საქმეთა სამინისტროს საზოგადოებასთან ურთიერთობის სამსახურის უფროსის ნათესავია, ამის შესახებ ნინო გიორგობიანმა სოციალურ ქსელში დაწერა.