უმრავლესობის დეპუტატის, მამუკა მდინარაძის თქმით, Edison Research–ის კვლევა პარტია “ევროპულმა საქართველოს” მედიასაშუალებამ ჩაატარა, მიუხედავად ამისა, მათ კვლევაში 5%–ზე მეტი ვერ დაუწერეს.
მისივე თქმით, ამავე კვლევით, ქართული ოცნების რეიტინგი 49%–ზე მეტია.
“გუშინ გამოქვეყნდა Edison Research-ის კვლევა. გასაგებია, რომ კვლევა შეუკვეთა „ევროპულმა საქართველომ“ და მისმა მედიასაშუალებამ. ამ კვლევაშიც კი მათ 5%-ზე მეტი ვერ დაუწერეს. როდესაც ჩვენ ვამბობთ, ხოლმე, რომ მათ 3% რეიტინგი აქვთ, გვიბრაზდებიან ხოლმე და თავის ჩატარებულ კვლევაში 5%-ზე მეტი ვერ დაუწერეს. იგივე კვლევას თუ გავყვებით, როდესაც ალოკაცია არ არის გაკეთებული და 20% გადაუწყვეტელი წერია, ეს იმას ნიშნავს, რომ ვისაც 39%-იანი მხარდაჭერა დაუფიქსირდა, ამ კვლევითაც კი ყველაზე მარტივი ალოკაციით, ეს არის 49%-ზე მეტი და ნუ გაგვიბრაზდებით ხოლმე, როდესაც ვიტყვით, რომ 60%-მდეა ჩვენი რეიტინგი,“ – განაცხადა მდინარაძემ.
ცნობისთვის, ტელეკომპანია “ფორმულას” დაკვეთით, Edison Research-ის მიერ ჩატარებული კვლევის მიხედვით, პოლიტიკური რეიტინგები ასეთია: “ქართული ოცნება” — 39%; მოსახლეობის 20% ამბობს, რომ არ გადაუწყვეტია, ვის მისცემს ხმას. “ერთიანი ნაციონალური მოძრაობა” — 16%; “ევროპული საქართველო-თავისუფალი დემოკრატები” — 5%.
