Category: ახალი ამბები

თბილისის მერმა, კახა კალაძემ, პროექტის ფარგლებში, რომლის მიხედვითაც მიწისქვეშა ურნები უნდა განთავსდეს ჭავჭავაძეზე, იქ მცხოვრები ადამიანებისთვის სპეციალური ბროშურები დაამზადა.

“თქვენ იცით, რომ ამ პროექტის ფარგლებში განვახორციელეთ საპილოტე პროგრამა. ეს არის მიწისქვეშა ნარჩენების ურნები, რომელიც მიწის ქვემოთ არის განთავსებული. ჭავჭავაძეზე მცხოვრები ადამიანებისთვის, ჩვენ დავამზადეთ სპეციალური ბროშურები, რომელიც ყველა ოჯახში შევა და ექნება ინფორმაციის სახე, თუ როგორ მოხერხდება ამ მიწისქვეშა ურნების გამოყენება”, – განაცხადა კალაძემ.

საკონდიტრო დონა ფეისბუქპოსტით კორონავირუსის დღეს დადასტურებულ 38 ახალ შემთხვევას გამოეხმაურა, რომლიდანაც 22 დონას თანამშრომელი აღმოჩნდა.

„კოვიდ-ინფექციის გამოჩენის პირველი დღეებიდან ზედმიწევნით ვასრულებდით ყველა იმ რჩევას და რეკომენდაციას, რაც ეხებოდა ვირუსის გავრცელების პრევენციას. თუმცა, ამის მიუხედავად, ჩვენს ორივე ფილიალში დადასტურდა ვირუსით ინფიცირების შემთხვევები. ყველა დაინფიცირებული გადის მკურნალობას შესაბამის სამედიცინო დაწესებულებაში, ხოლო მათთან კონტაქტში მყოფი პირები გადაყვანილია კარანტინში.

ჯანდაცვის სამინისტროს მიერ გავრცელებული ინფორმაციით, მოქალაქეებს ტესტის გაკეთება შეუძლიათ როგორც ბულვარის ტერიტორიაზე განთავსებულ კარვებში, ასევე სპეციალიზირებულ სამედიცინო დაწესებულებაში.

გისურვებთ ჯანმრთელობას“, – ნათქვამია „დონას“ განცხადებაში.

” პოლიტიკური ბუნკერი უნდა გავიტანოთ” – დოსიეს მიერ პატრიოტთა ალიანსზე გამოქვეყნებულ დოკუმენტებთან დაკავშყველა ჩანაწერიირებით პარტიის ერთ-ერთი ლიდერი, ირმა ინაშვილი აცხადებს, რომ მალე აჩვენებს “ვინ ვისი ნამდვილი აგენტია და ვინ ვის დაკვეთას ასრულებს”.

“არასდროს მიგრძვნია საკუთარ თავში ისეთი ძალა, როგორსაც დღეს ვგრძნობ. პოლიტიკური ბუნკერი უნდა გავიტანოთ. ერთ რამეს ვერ ითვალისწინებენ ისინი, რომლებმაც ყველა მხრიდან “ცეცხლი” გაგვიხსნეს, მხოლოდ მაძლიერებს და თქვენ გასანადგურებლად მიმაღლებს მოტივაციას ეს სამარცხვინო შტურმი. მალე გაჩვენებთ, ვინ ვისი ნამდვილი აგენტი ხართ და ვინ ვის დაკვეთას ასრულებთ. ყველა ერთის, ანუ ჩვენ წინააღმდეგ გაერთიანდით? ოცნება და ნაცების კრიმინალური პოლიტჯგუფები ერთ ხმაში მღერით?! სხვას არც ველოდი თქვენგან. ბნელი მედალი კი არა, ამ ქვეყნის წურბელები ხართ. გამოწოვეთ ქართველ ხალხს სიცოცხლის ენერგია და ხალისი. ადამიანები ცოცხალ გვამებად აქციეთ, ისე გააღატაკეთ. სოხუმი და ცხინვალი კი არა, თქვენი სკამების გარდა, არაფერი გადარდებთ. ცრუ, ფლიდი, მზაკვარი და უწესო ხალხი ხართ. ფარატინა ფურცელი მტკიცებულება ყოფილა და პროკურატურას 56 000 მოწმემ ჩვენება რომ მისცა, ის არაფერი? ახლა გაჩვენებთ, შპიონაჟს ვინ ეწევა და სამშობლოს ვინ ღალატობს. დაგველოდეთ”, – წერს ინაშვილი თავის ფეისბუქ პოსტში.

ლისის გზაზე მომხდარ ავტოსაგზაო შემთხვევაში ბრალდებულ პატრულ ინსპექტორს, ირაკლი ცომაიას აღკვეთის ღონისძიების სახით პატიმრობა შეეფარდა. აღნიშნული გადაწყვეტილება თბილისის საქალაქო სასამართლოს მოსამართლემ არსენ კალატოზიშვილმა გამოაცხადა.

დღევანდელ სასამართლო პროცესზე ბრალდების მხარე დაკავებულისთვის აღკვეთის ღონისძიების სახით პატიმრობის შეფარდებას ითხოვდა, რასაც დაცვის მხარე დაეთანხმა. სიტყვით არ უსარგებლია თავად ბრალდებულს, მან მხოლოდ ის აღნიშნა, რომ ადვოკატს ეთანხმებოდა.

დაცვის მხარის განცხადებით, მოზარდის გარდაცვალების ფაქტი ფარავს ყველაფერს, რომ მათ რაიმე საშეღავათო პირობა მოითხოვონ. ადვოკატის თქმითვე, ვერცერთი სასჯელი ვერ ეთანადება იმას, რაც ამ ავტოსაგზაო შემთხვევას მოჰყვა. ყავლაშვილის თქმითვე, ირაკლი ცომაია წარდგენილ ბრალდებაში თავს სრულად ცნობს დამნაშავედ და დაცვის მხარეს ალტერნატიული შემოთავაზება არ აქვს.

შემთხვევა 30 აგვისტოს, დაახლოებით 23:00 საათზე მოხდა, რა დროსაც, ლისის გზაზე მოძრავი საპატრულო პოლიციის ავტომანქანა, ქვეითად მოსიარულე 2008 წელს დაბადებულ მ.გ.-ს შეეჯახა, რომელიც ჟვანიას სახელობის საავადმყოფოში გადაყვანის შემდეგ გარდაიცვალა. პროკურატურამ ირაკლი ცომაიას ბრალი საგზაო მოძრაობის წესების უსაფრთხოების დარღვევისთვის წარუდგინა.

“შევიმუშავეთ ადგილები, სადაც პარტიებს საარჩევნო პლაკატების განთავსება შეეძლებათ -” დედაქალაქის მერის, კახა კალაძის თქმით, საარჩევნო კოდექსის შესაბამისად, ქალაქში რამდენიმე კონკრეტული ადგილი განისაზღვრა, სადაც პოლიტიკურ პარტიებს საარჩევნო პლაკატების განთავსება შეეძლებათ.

“საარჩევნო კოდექსის შესაბამისად, თბილისის მუნიციპალიტეტმა საარჩევნო პლაკატების განთავსების ადგილები შევიმუშავეთ ქალაქის მასშტაბით, რომელიც უკვე გადაეგზავნა თბილისის საკრებულოს. დამტკიცების შემდეგ, აღნიშნული ნუსხა ცენტრალურ საარჩევნო კომისიას გადაეგზავნება. დოკუმენტში მოცემულია ადგილები, სადაც არის შესაძლებელი საარჩევნო პლაკატების გაკვრა”, – განაცხადა  თბილისის მერმა.

მიუხედავად იმისა, რომ ბათუმში სიტუაცია ეპიდემიასთან დაკავშირებით, როგორც ჩანს, დანარჩენ საქართველოსთან შედარებით მძიმდება, რა თქმა უნდა, ჩვენ სპეციალურ საკარანტინო ზომებს ბათუმში არ ვაცხადებთ და ბათუმის ჩაკეტვაზე საუბარი არ არის, – ამის შესახებ პრემიერ-მინისტრმა გიორგი გახარიამ უწყებათაშორისი საბჭოს სხდომაზე განაცხადა.

მისი თქმით, ბათუმში მოქალაქეების ტესტირებაა გასაძლიერებელი.

„მოგეხსენებათ, რომ ბათუმში დაფიქსირებული შემთხვევებიდან 22 ადამიანი გვყავს კვების ობიექტიდან. დღეს ბათუმში კონცენტრირებულია საკმაოდ მაღალი რაოდენობა ჩვენი მოქალაქეების, რომლებიც ისვენებენ და აქ ყურადღებაა გასამახვილებელი, გასაძლიერებელია ტესტირება ბულვარში და სხვადასხვა წერტილში“, – განაცხადა გიორგი გახარიამ.

მიუხედავად იმისა, რომ დღეს ჩვენ გვყავს 38 ინფიცირებული, რა თქმა უნდა, არანაირი საუბარი სასკოლო პროცესის გადადებაზე არ არის, – ამის შესახებ საქართველოს პრემიერ-მინისტრმა გიორგი გახარიამ, უწყებათაშორისი საბჭოს სხდომაზე განაცხადა.

„საუბარია იმაზე, რომ საგანმანათლებლო პროცესი სკოლებში უნდა დაიწყოს 15 სექტემბერს. ამისთვის სრულად უნდა იყვნენ მობილიზებული განათლებისა და ჯანდაცვის სამინისტროები. ჩვენი პასუხისმგებლობა აქ არის მაღალი იმისთვის, რომ არანაირი რისკი სასწავლო პროცესს არ შეექმნას. ამისთვის საჭიროა საგანმანათლებლო დაწესებულებებში შესაბამისი ზომების მკაცრი დაცვა“, – განაცხადა გიორგი გახარიამ.

„ქალაქის მერიას მინდა მოვუწოდო, ნორმები, რომელიც დაწესებულია საზოგადოებრივ ტრანსპორტში, სავაჭრო ობიექტებზე, აქაც უნდა გავამკაცროთ მიდგომები, იმიტომ, რომ სექტემბერია, ქალაქში ბრუნდებიან დამსვენებლები, იწყებენ ყოველდღიურ ცხოვრებას, შრომას და აქ ყველა უნდა მივეჩვიოთ, რომ სამწუხაროდ, რაღაც პერიოდი მსგავსი შეზღუდვებით და დისკომფორტით ცხოვრება მოგვიწევს“, – განაცხადა გიორგი გახარიამ.