პრორუსული პარტიის, პატრიოტთა ალიანსის ლიდერი, ირმა ინაშვილი კითხვას, როგორ გადაკვეთა საოკუპაციო ხაზი, რომელსაც რუსეთის უსაფრთხოების ფედერალური სამსახური (ФСБ) აკონტროლებს, პასუხობს, რომ ეს მათი დიპლომატიაა.
“ამაშია ჩვენი დიპლომატია. ამაშია ჩვენი უნარი სწორი მოქმედებების, რომ ეს ყველაფერი გავიარეთ სწორად და უსაფრთხოდ, გავიარეთ ისე, რომ ვიზა არ აგვიღია ჩვენ. აფხაზებმა გაგვატარეს ჩვენ… ФСБ რა შუაშია? ФСБ-თან კონტაქტები ჰკითხეთ სააკაშვილს და ბოკერიას”.– თქვა ირმა ინაშვილმა რუსთავი 2–ის ეთერში.
მისი თქმით, ე.წ. საზღვარი ისე გადაკვეთა, რომ კითხვები არავის დაუსვამს.
“იქ სხვათა შორის, ზედმეტ კითხვებს არ სვამენ. არავის ჩემთვის არაფერი არ უკითხავს. იქაც იგივე ვუთხარი, რომ ვართ ჩვენ თბილისიდან და იქაც არავის ჩვენთვის პრობლემა არ შეუქმნია”. – აცხადებს ირმა ინაშვილი.
პარლამენტის ვიცესპიკერი ამტკიცებს, რომ დუმის თავმჯდომარეს ФСБ–თან არანაირი კავშირი არ აქვს.
“დეპუტატები არიან კოლეგები და ФСБ არ არის რუსეთის დუმის პრეზიდენტი. მე არ დამიმალავს, შევხვდი, რუსეთის დუმის თავმჯდომარეს, მასთან მაქვს კომუნიკაცია და ვოლოდინიც არ არის არავითარი ФСБ”,– აღნიშნა ინაშვილმა.
აფხაზეთის ე.წ. პრეზიდენტი, ასლან ბჟანია ამბობს, რომ პატრიოტთა ალიანსის ლიდერებისგან მიიღო დაპირება, რომ აფხაზეთს დამოუკიდებელ სახელმწიფოდ აღიარებენ.
მანამდე “დოსიემ” გაავრცელა ინფორმაცია, რომ პატრიოტთა ალიანსმა წინასაარჩევნოდ 8 მილიონი დოლარი რუსეთიდან მიიღო. მედიის ინფორმაციით, პარტია რუსეთიდან პირდაპირ მითითებსა და დავალებებს აძლევს, რასაც მათი გამოქვეყნებული დოკუმენტები ადასტურებს.
