Category: სლაიდერი

“არჩევნებს, რომელშიც ოპოზიციის ლიდერები დააკავეს, დამოუკიდებელ მედიასა და სამოქალაქო საზოგადოებას დევნიდნენ და ეუთო/ოდირის მიერ საერთაშორისო დაკვირვებით არ იყო უზრუნველყოფილი, არ შეიძლება ეწოდოს არც თავისუფალი და არც დემოკრატიული.

საქართველოს ხელისუფლებამ უნდა გაათავისუფლოს ყველა უკანონოდ დაკავებული.

მოვუწოდებთ სიმშვიდისა და თავშეკავებისკენ და მოვუწოდებთ ქართულ ოცნებას, განაგრძოს ინკლუზიური დიალოგი საქართველოს მოქალაქეებთან.”

ლატვიის საგარეო საქმეთა სამინისტრო 4 ოქტომბერს ჩატარებულ თვითმმართველობის არჩევნებს და ქვეყანაში მიმდინარე მოვლენებს X-ზე პოსტით ეხმაურება.

„პრობლემა არის მათში და მათ პატრონებში. საერთოდ, ოპოზიციის ქმედება არ ჯდება არანაირ საშუალო დონის პოლიტიკური ლოგიკის ჩარჩოებში. აბსოლუტური ალოგიკურობაა. უფრო მძიმე სიტყვითაც შეიძლება ამის დახასიათება. აქედან გამომდინარე, ნათელი იყო, რომ მათ ამ აქციას, ერთადერთი, რაც შეიძლება, გაგრძელება ჰქონოდა, იყო პროვოკაცია. ამ აქციას სხვა არანაირი პერსპექტივა არ ჰქონდა და წავიდნენ პროვოკაციაზე სახელმწიფო აფრთხილებდა კიდეც, ნუ წახვალთ რაიმე ისეთ ქმედებაზე, რაზეც კანონი გაგცემთ შესაბამის პასუხს და რა თქმა უნდა, იქნება კიდევ უფრო მეტი ადამიანი დაზარალებული ამ თქვენი პროვოკაციებით. მიემატებიან, რა თქმა უნდა, კიდევ ახალი პირები, ვინც პასუხისგებაში მიეცემიან.

61 მანდატი მიიღეს პარლამენტში, ალღო არ ჰქონდათ?! თავში ფილტვი ჰქონდათ თუ ტვინი რომ ვერ მიხვდნენ, პარლამენტში უნდა შემოსულიყვნენ და დემოკრატიული პროცესის ნაწილი ყოფილიყვნენ?! ახლაც ფილტვი ჰქონდათ თავში [ორგანიზატორებს]. როცა ფილტვი გაქვს თავში ტვინის მაგივრად, ყველაფერს ადვილად იჯერებ და მიყვები,“

ამის შესახებ პარლამენტის რეგიონული პოლიტიკისა და თვითმმართველობის კომიტეტის თავმჯდომარემ, ირაკლი ქადაგიშვილმა ჟურნალისტებთან განაცხადა.

“ჩვენ ყველამ ერთად ჩავაბარეთ თბილისი კორუმპირებულ კალაძე­სა და მოძალადე ‘ოცნებას’. მოხდა როგორც მშვიდობიანი პროტესტის, ისე არჩევნების, ასევე მშვიდობიანი ცვლილების დისკრედიტაცია. ‘ოცნებას’ კი გაუჩნდა ავტორიტარული რეჟიმის კიდევ მეტად დამძიმების შესაძლებლობა. უსამართლო, უთანასწორო არჩევნებში შესვლისას ჩვენ გააზრებული გვქონდა, რომ ნებისმიერი შედეგი შეიძლებოდა დამდგარიყო. ჩვენთვის მთავარია, ყველაფრის მიუხედავად პატივი ვცეთ კონსტიტუციასა და კონსტიტუციურ ინსტიტუტებს. ამაზე პასუხისმგებლობა ავიღეთ და ახლაც სრული პასუხისმგებლობით ვაცხადებთ, რომ ვაანალიზებთ ყველა გარემოებასა და მიზეზს, არ გავურბივართ დამდგარ რეალობას და ვაღიარებთ თუნდაც უსამართლო ბრძოლაში დამარცხებას. სამწუხაროდ, ჩვენ საზოგადოებრივი აზრისთვის ბრძოლა წავაგეთ. შეიძლება ერთი ბრძოლა წავაგეთ, მაგრამ ომს აუცილებლად მოვიგებთ. ‘ქართულ ოცნებას’ და ‘ნაციონალურ მოძრაობას’ ერთი ოცნება აქვთ — როგორმე გააქრონ პარტია ‘გახარია საქართველოსთვის’ პოლიტიკური ველიდან. ამ ორი რადიკალური ძალის ტყვეობიდან საქართველოს მოქალაქეების გათავისუფლება, თუ ვინმეს შეუძლია, ეს მხოლოდ ჩვენი პოლიტიკური ძალაა. ბრძოლის ამ აუცილებელი ეტაპის გავლის შემდეგ ჩვენ განახლებული გეგმით გავაგრძელებთ მოქმედებას”,

ამის შესახებ “გახარია საქართველოსთვის” წევრმა გიორგი შარაშიძემ საგანგებო ბრიფინგზე.

“აქცია გასცდა კანონით დადგენილ ნორმებს! არ დაუშვათ სიტუაციის ხელოვნურად ესკალაცია, გამოვიყენებთ ღონისძიებებს!” – შინაგან საქმეთა სამინისტრო მიმდინარე აქციასთან დაკავშირებით განცხადებას ავრცელებს.

“მიმდინარე აქცია გასცდა შეკრებისა და მანიფესტაციის კანონით დადგენილ ნორმებს. აქციის ორგანიზატორების მხრიდან გახმოვანდა ძალადობრივი შინაარსის მოწოდებები. ორგანიზატორებმა ათონელზე მდებარე პრეზიდენტის სასახლის შენობის ჯებირები დააზიანეს და შენობაში შეჭრას ცდილობდნენ.  შინაგან საქმეთა სამინისტრო კიდევ ერთხელ მოუწოდებს აქციის ყველა მონაწილეს, დაემორჩილონ პოლიციის კანონიერ მითითებებს, არ დაუშვან სიტუაციის ხელოვნურად ესკალაცია, წინააღმდეგ შემთხვევაში სამართალდამცველები გამოიყენებენ კანონით გათვალისწინებულ შესაბამის ღონისძიებებს”- ნათქვამია განცხადებაში.

17:00 საათის მდგომარეობით, ხმა მისცა 1 175 817 ამომრჩეველმა, რაც საერთო რაოდენობის – 33.46%-ია.ჰანაცხადა  ცენტრალურმა საარჩევნო კომისიამ.

17:00 საათის მონაცემებით თბილისში 273 929 ამომრჩეველი მივიდა, რაც თბილისში რეგისტრირებული ამომრჩევლის 26.25%-ია. 2021 წლის თვითმმართველობის არჩევნებზე 17:00 საათის მონაცემებით თბილისში 391 975 ამომრჩეველი იყო მისული – 39.1%.

2021 წლის თვითმმართველობის არჩევნებზე ამომრჩეველთა აქტივობა 17:00 საათის მდგომარეობით 41.35% იყო – 1 446 218 ამომრჩეველი.

ქვეყნის მასშტაბით 3 061 საარჩევნო უბანია გახსნილი, რომელთაგან 2 284 უბანზე კენჭისყრა ელექტრონული, ხოლო 777 უბანზე ტრადიციული წესით ჩატარდება. ასევე, 10 გამონაკლის შემთხვევაში შექმნილი უბანია, რომელიც პენიტენციურ დაწესებულებებში გაიხსნა.

ამომრჩეველთა საერთო რაოდენობა 3 513 818 ამომრჩეველს შეადგენს – ელექტრონული ტექნოლოგიების გამოყენებით არჩევნებში მონაწილეობას 3 130 348 ამომრჩეველი მიიღებს.

”საქართველოს ჩვენი ყურადღება და მხარდაჭერა სჭირდება. დღეს ერთ-ერთი ყველაზე მნიშვნელოვანი საპროტესტო აქციაა ევროპული საქართველოსთვის”.

წერს ევროპარლამენტარი რასა იუკნევიჩიენე X-ზე.

“მინდა მივმართო პოლიციელებს და გდდ-ს თანამშრომლებს, ყველა თქვენი ლოკაცია ჩვენთვის ცნობილია, ვიცით, რომელი სასტუმროს სარდაფში ხართ, რომელი სახელმწიფო [უწყების] სარდაფში ჩაგიყვანათ ბიძინა ივანიშვილმა, ჩაყუჟულები, რაღაცნაირად ჩაკეტილები და ნუ გააკეთებთ იმას, რომ ვერ შეხედოთ თვალებში მეზობლებს, ოჯახის წევრებს, ნათესავებს.

დარწმუნებული ვარ, რომ დღის ბოლოს ამ ადამიანებს მოაკითხავენ მათი ოჯახის წევრები. ჩვენ ამას უზრუნველვყოფთ, რომ ეს იყოს მშვიდობიანი დერეფანი და სათითაოდ წაიყვანენ სახლში, რომ ეს ადამიანები არ გადაიქცნენ საერთო ეროვნული რისხვის ობიექტად, ეს არ უნდა მოხდეს, თქვენც ქართველები ხართ, დარწმუნებული ვარ გონს მოეგებით. თვითონ გდდ-ს თანამშრომლები გვატყობინებენ, სად არიან, რომელ… არ დავასახელებ სახელებს, იმიტომ რომ მნიშვნელოვანია ორგანიზატორებმა ვიცოდეთ. ისინი გვეუბნებიან სად ჩაიყვანეს და ძირითადად ჩაყვანილი ჰყავთ სარდაფებში, ნუ ჩამომათვლევინებთ შენობებს, ერთ-ერთი სასტუმროს სარდაფშიც არიან.

გარწმუნებთ, ეს სხვა ვითარებაა, დღეს სხვა საქართველოა, თქვენ ვერავის ვერ ცემთ დღეს, ვერავის გაუჩეხავთ თავს, ერთადერთი შეიძლება თქვენ დაგემართოთ ეგ და ეგ რომ არ დაგემართოთ, ჩვენ ვიზრუნებთ იმაზე, რომ იყოს მშვიდობიანი დერეფანი, ამ დერეფანში მოგაკითხონ ოჯახის წევრებმა და წაგიყვანონ სახლში, ისე რომ არ გახდეთ ქართველი ხალხის რისხვის ობიექტი.”

აცხადებს  მურთაზ ზოდელავა.