ოკუპირებულ ცხინვალის რეგიონში დე ფაქტო საპრეზიდენტო არჩევნები მიმდინარეობს. დილის 8 საათზე 76 საარჩევნო უბანი გაიხსნა.
ე.წ. პრეზიდენტობისთვის 5 კანდიდატი იბრძვის. მათ შირისაა ამჟამინდელი დე ფაქტო ლიდერი ანატოლი ბიბილოვი. ასევე პარტია ნიხასის ლიდერი, დიმიტრი ტასოევი, ე.წ. პარლამენტის ვიცესპიკერი, ალექსანდრე პლიევი და ე.წ. დეპუტატი გარი მულდაროვი.
ოკუპურებულ რეგიონში 32 000 ადამიანია რეგისტრირებული. დე ფაქტო ცესკომ არჩევნებისთვის 30 ათასი ბიულეტენი დაბეჭდა.
“რუსეთი წლების განმავლობაში ქმნიდა პუტინის მომხრე პარტიებს ევროკავშირში და ფულს ასხამდა მათში. დიახ, ისინი მარგინალები არიან, მაგრამ ისინი მაინც ცდილობენ საზოგადოების დაყოფას. ევროკავშირს უნდა ესმოდეს: პუტინის მომხრე პარტიებთან ფლირტი ნიშნავს რუსეთის “ბარბაროსული მშვიდობის” სახლში დაპატიჟებას”
წერს უკრაინის პრეზიდენტის ადმინისტრაციის ხელმძღვანელის მრჩეველი, მიხაილო პოდოლიაკი ტვიტერზე.
უკრაინის შეიარაღებული ძალების გენერალური შტაბი რუსეთის არმიის სამხედრო დანაკარგებზე განახლებულ ინფორმაციას ავრცელებს.
გენშტაბის ცნობით, ომის დაწყებიდან დღემდე ოკუპანტმა დაკარგა:
გენშტაბის განცხადებით, მიმდინარეობს მონაცემების განახლება, რადგან გამოთვლა ართულებს საომარი მოქმედებების მაღალი ინტენსივობა.
სატელიტმა დააფიქსირა რუსეთის სამხედრო კოლონის გადაადგილება ხარკოვის აღმოსავლეთით. ინფორმაციას CNN ავრცელებს.
Maxar Technologies-ის მიერ შეგროვებული და გაანალიზებული სატელიტური სურათები აჩვენებს რვა მილის (12.8 კმ) სიგრძის სამხედრო კოლონას, რომელიც მოძრაობს აღმოსავლეთ უკრაინის ქალაქ ველკი ბურლუკში 8 აპრილს.
ველკი ბურლუკი ხარკოვის აღმოსავლეთით, უკრაინა-რუსეთთან საზღვართან ახლოს მდებარეობს.
სურათებში ნაჩვენებია ჯავშანტექნიკა, სატვირთო მანქანები ბუქსირებული არტილერიით და დამხმარე აღჭურვილობით.
უკრაინის პრეზიდენტის უფროსის მრჩეველმა, ალექსიერი არესტოვიჩმა განაცხადა, რომ დონბასში რუსული ჯარების შეტევის პირველი ეტაპი უკვე დაწყებულია. Unian-ის ცნობით, ამის შესახებ არესტოვიჩმა მარკ ფეიგინთან ინტერვიუში განაცხადა.
მისივე თქმით, რუსეთის ფედერაცია შეეცდება შეტევა განახორციელოს ერთდროულად ჩრდილოეთიდან და სამხრეთიდან.
“ახლა ყველა ელოდება მეორე ეშელონს. და მეორე ეშელონი არის 10 BTG (ბატალიონის ტაქტიკური ჯგუფი), რომლებიც მოდიან შორეული აღმოსავლეთიდან, ბოლო, მე-5 არმიიდან; და ისინი, ვინც ჩრდილოეთიდან გაიყვანეს ჩვენგან, კიევიდან, ჩერნიგოვიდან და სუმიდან“, – აღნიშნა არესტოვიჩმა.
მისივე განმარტებით, ჯარები, რომლებიც ოკუპანტებმა ჩრდილოეთიდან გაიყვანეს, ჯერ არ არიან მზად შეტევისთვის.
არესტოვიჩის პროგნოზით, მომდევნო ორი კვირის განმავლობაში დონბასში მძიმე ბრძოლები გაიმართება, რაც ომის შემდეგი ეტაპის ბედს განსაზღვრავს.
დიდი ბრიტანეთის დაზვერვის განცხადებით, მზარდი დანაკარგების საპასუხოდ, რუსეთის შეიარაღებული ძალები ცდილობენ გააძლიერონ ჯარების რაოდენობა 2012 წლიდან სამხედრო სამსახურიდან გათავისუფლებული პერსონალით.
გარდა ამისა, დაზვერვის ცნობით, ოკუპანტი ასევე ცდილობს მოლდოვის არაღიარებული დნესტრისპირეთის რეგიონიდან მებრძოლების წაყვანას.
Latest Defence Intelligence update on the situation in Ukraine – 10 April 2022
Find out more about the UK government's response: https://t.co/8yjYrVmzHe
🇺🇦 #StandWithUkraine 🇺🇦 pic.twitter.com/Xd1tmsCDme
— Ministry of Defence 🇬🇧 (@DefenceHQ) April 10, 2022
უკრაინის თავდაცვის სამინისტროს დაზვერვის ინფორმაციით ვლადივოსტოკში მდებარე ქარხანაში “აღმოსავლეთის გემთმშენებელი“ მთელი წარმოება გაჩერებულია, პერსონალს სამსახურიდან უშვებენ, თავად საწარმოს კი გაკოტრებისთვის ამზადებენ.
რუსეთის გემთმშენებელ ქარხნებში კრიტიკული სიტუაცია შეიქმნა სამხედრო გემების წარმოებასა და მომსახურებასთან დაკავშირებული კონტრაქტების შესრულების თვალსაზრისით. ეს რთულ ფინანსურ ვითარებას და უცხოური მაკომპლექტებლების არარსებობას უკავშირდება. ამის შესახებ უკრაინის თავდაცვის სამინისტროს დაზვერვის სამსახური ფეისბუქზე წერს.
მათ ხელში ჩაუვარდათ რუსეთის თავდაცვის სამინისტროს სამხედრო წარმომადგენლის წერილი, რომელშიც საუბარია იმაზე, რომ საწარმო “აღმოსავლეთის გემთმშენებელში“ მძიმე ფინანსური მდგომარეობის გამო ყველა სამუშაო შეჩერებულია. საწარმომ უნდა შეასრულოს 35 მილიარდი დოლარის კონტრაქტი, ააშენოს და მიაწოდოს ორი საზღვაო ტანკერი, ორი მცირე სარაკეტო ხომალდი, ორი მოძრავი ძრავიანი ნავმისადგომი, ასევე გაარემონტოს სხვადასხვა ტიპის ხომალდები და კატერები.
ამასობაში კი ქარხანაში პერსონალის გათავისუფლება ხდება, კონტრაქტების შესრულების ვადები კი დაირღვა. თავად საწარმოს გაკოტრების პროცედურის დაწყებისთვის ამზადებენ.
სამხედრო წარმომადგენლის შემდეგი წერილი მეტყველებს უცხოური კომპონენტების ტოტალურ უკმარისობაზე, რის გარეშეც სამხედრო ხომალდების და მათთვის საჭირო სისტემების მშენებლობა შეუძლებელია. ამიტომაც ქარხანას მოუწია საჭის საყრდენების, სანავიგაციო კომპლექსების და რადიოსადგურების, ასევე საზღვაო არტილერიისთვის საჭირო დეტალების წარმოების შეჩერება.
ასევე ვრცელდება ინფორმაცია, რომ შეუძლებელია მოიძებნოს უცხოური დეტალების შემცვლელი რუსული და აზიური მაკომპლექტებლებით.
“აშკარაა, რომ რუსეთის სამხედრო–სამრეწველო კომპლექსი იმპორტირებულ მაღალ ტექნოლოგიებზეა დამოკიდებული, რომელთა მიწოდების გარეშე რუსეთს არ შეუძლია თანამედროვე იარაღის წარმოების გაგრძელება“– ამბობს უკრაინის დაზვერვა.
ხარკოვის მერის, იგორ ტერეხოვის განცხადებით, რუსი ოკუპანტები ქალაქში ბომბებს პარაშუტებით ყრიან.
ის მოსახლეობას სთხოვს, არ მიუახლოვდნენ ასეთ ბომბებს.
“ხარკოვი ახალი ტიპის დაბომბვის წინაშეა. რუსი აგრესორები მათ პარაშუტებით ყრიან. გთხოვთ, არავითარ შემთხვევაში არ მიუახლოვდეთ ასეთ პარაშუტებს და დაუყოვნებლივ შეატყობინოთ მაშველებს”,– განცხადა ტერეხოვმა ვიდეომიმართვაში.
მანვე აღნიშნა, რომ შემოჭრის დაწყებიდან რუსმა დამპყრობლებმა გაანადგურეს 1716 საცხოვრებელი კორპუსი.
“მე მგონია, რომ უკრაინელებმა ლომის სიმამაცე გამოიჩინეს, შენ კი, ვოლოდიმირ, ამ ლომის ღრიალი გვაჩვენე.
მადლობას გიხდით იმისთვის, რისი გაკეთებაც თქვენ შეძელით, თქვენი ლიდერობა იყო არაჩვეულებრივი. ვფიქრობ, ის, რაც პუტინმა გააკეთა ისეთ ადგილებში, როგორიცაა ბუჩა და ირპინი, მისმა სამხედრო დანაშაულებმა სამუდამოდ დააბინძურა მისი და მისი მთავრობის რეპუტაცია.
გასაგებია – და ჩვენ ამაზე ვრცლად ვისაუბრეთ – ცხადია, რომ მან მარცხი განიცადა, მაგრამ მისი უკან დახევა ტაქტიკურია და ის აპირებს ზეწოლის გაძლიერებას ახლა დონბასსა და აღმოსავლეთში”
განაცხადა დიდი ბრიტანეთის პრემიერმინისტრმა ბორის ჯონსონმა კიევში ვიზიტის დროს.
“უკრაინას ლოდინის დრო არ აქვს. თავისუფლებას არ აქვს ლოდინის დრო. მაშინ როდესაც ტირანიამ დაიწყო აგრესია იმის წინააღმდეგ, რაზეც დგას მშვიდობა ევროპაში, საჭიროა დაუყოვნებლივ მოქმედება. საჭიროა პრინციპული მოქმედება. და ნავთობის ემბარგო უნდა იყოს პირველი ნაბიჯი. მით უმეტეს ყველა დემოკრატიული ქვეყნის დონეზე, მთელი ცივილიზებული სამყაროს დონეზე. მაშინ რუსეთი ამას იგრძნობს. მაშინ მათთვის ეს იქნება არგუმენტი, რომ მშვიდობის ძიება დაიწყონ და უაზრო ძალადობა დასრულდეს”
აცხადებს უკრაინის პრეზიდენტი ვოლოდიმირ ზელენსკი.