Category: სლაიდერი

კრემლი ადასტურებს, რომ რუსეთში 23-24 ივნისს ამობოხების დაწყებიდან რამდენიმე დღეში, კერძო სამხედრო ორგანიზაციის “ვაგნერის” დამფუძნებელი, ევგენი პრიგოჟინი, ვლადიმირ პუტინს შეხვდა.

კრემლის პრესსპიკერი, დიმიტრი პესკოვი ამბობს, რომ 29 ივნისს პუტინმა 30-ზე მეტ სამხედრო მეთაურთან, გამართა შეხვედრა, რომელსაც პრიგოჟინიც ესწრებოდა.

როგორც ცნობილია, შეხვედრა სამ საათს გაგრძელდა.

• “პრეზიდენტმა ასეთი შეხვედრა ნამდვილად გამართა. მან მოიწვია 35 ადამიანი, მათ შორის ყველა ქვედანაყოფის მეთაური და კომპანიის ხელმძღვანელობა, მათ შორის, თავად პრიგოჟინი. ეს შეხვედრა კრემლში 29 ივნისს გაიმართა და 3 საათი გაგრძელდა. დეტალები უცნობია, ერთადერთი რისი თქმაც შეგვიძლია ისაა, რომ პრეზიდენტმა შეაფასა ფრონტზე არსებული კამპანია, ასევე 24 ივნისს მომხდარი მოვლენები. პუტინმა მოისმინა მეთაურების ახსნა-განმარტებები და  შესთავაზა მათ განლაგებისა და შემდგომი საბრძოლო გამოყენების ვარიანტები”, – თქვა პესკოვმა.

შეხვედრასთან დაკავშირებით დამატებითი დეტალები ჯერ-ჯერობით უცნობია.

“ინტენსიური მოლაპარაკებების შემდეგ, NATO-ს მოკავშირეებმა უკრაინის ალიანსში წევრობის გზიდან MAP-ის ამოღებაზე კონსენსუსს მიაღწიეს. მივესალმები ამ დიდი ხნის ნანატრ გადაწყვეტილებას, რომელიც ამოკლებს ჩვენს გზას NATO-სკენ. ეს ასევე საუკეთესო მომენტია იმისთვის, რომ უკრაინის გაწევრიანების შესახებ მეტი სიცხადე იყოს”,

აცხადებს უკრაინის საგარეო საქმეთა მინისტრი, დმიტრო კულება.

„საქართველო არის ნატოს ერთ-ერთი ყველაზე სანდო პარტნიორი და არაწევრ ქვეყნებს შორის ის სახელმწიფო, რომელსაც ერთ-ერთი ყველაზე დიდი წვლილი შეაქვს ნატოს საერთაშორისო მისიებში. ჩვენი ქვეყანა არის სტრატეგიულ მზადყოფნაში გაწევრიანებისთვის და პარტნიორებთან ერთად ვმუშაობთ, რომ მიღებული იყოს ის პოლიტიკური გადაწყვეტილება, რასაც საქართველო იმსახურებს – საქართველო ნამდვილად იმსახურებს, რომ გახდეს ევროპული, ევროატლანტიკური ოჯახის წევრი.

რაც შეეხება კრიტიკას – გვესმის, რომ რადიკალურ ოპოზიციას აქვს ერთადერთი დღის წესრიგი, რომ გააკრიტიკოს საკუთარი ქვეყანა, როგორმე დააზიანოს საკუთარი სახელმწიფო მხოლოდ იმისთვის, რომ ამით პოლიტიკური ქულები მოიპოვოს, თუმცა საზოგადოება ყველაფერს ხედავს და არჩევნებზე ამას სათანადოდ აფასებს. ჩვენი გუნდის და თითოეული ლიდერის მოლოდინი არის, რომ ნატო ძალიან მკაფიო პოზიციას დააფიქსირებს საქართველოსთან მიმართებით და ის გზავნილი, რომელიც ბუქარესტის სამიტზე იყო გაკეთებული თავის დროზე, გაძლიერდება და სამომავლო განვითარების ტრაექტორიას ცხადად გამოაჩენს“,

ამის შესახებ უმრავლესობის წევრმა არჩილ თალაკვაძემ ჟურნალისტებთან განაცხადა.

“შოკირებული ვარ, რომ პრაიდის ფესტივალის გაუქმება და მისი ორგანიზატორების ევაკუაცია გახდა საჭირო ძალადობრივი პროტესტის გამო, მიუხედავად საქართველოს შინაგან საქმეთა სამინისტროსთან ინტენსიური თანამშრომლობისა. მოვუწოდებ საქართველოს ხელისუფლებას, მისცეს დამნაშავეები პასუხისგებაში და დაიცვას ადამიანის უფლებები ყველასთვის”.

წერს საქართველოში საფრანგეთის ელჩი შერაზ გასრი 8 ივლისს “პრაიდ ფესტივალის” ჩაშლაზე.

გერმანიის პრეზიდენტმა, ფრანკ-ვალტერ შტაინმაიერმა ZDF-თან ინტერვიუში განაცხადა, რომ გერმანია ამერიკის შეერთებულ შტატებს უკრაინისთვის კასეტური საბრძოლო მასალის მიწოდებას ხელს ვერ შეუშლის. შტაინმაიერმა თქვა, რომ ის იყო ადამიანი, რომელმაც გერმანიის სახელით ოსლოში კასეტური საბრძოლო მასალის აკრძალვის კონვენციას ხელი მოაწერა.

• “თუმცა, ამჟამინდელ ვითარებაში გერმანია წინ ვერ აღუდგება აშშ-ს.” – თქვა გერმანიის პრეზიდენტმა.

„პრაიდ ფესტივალის“ ტერიტორიიდან მონაწილეთა ევაკუაცია განხორციელდა, – ამის შესახებ განცხადებას „თბილისი პრაიდი“ ავრცელებს.

მათი განცხადებით, პოლიციამ ტერიტორიის დაცვა ვერ მოახერხა.

„მოგვიწია ტერიტორიის დატოვება. სამართალდამცველებმა ვერ შეძლეს ტერიტორიის დაცვა. განხორციელდა ევაკუაცია სამარშუტო ტაქსებით”, – აღნიშნულია განცხადებაში.

გარდა ამისა, “თბილისი პრაიდის” განცხადებით, “დღეს განვითარებული მოვლენები მიანიშნებს, რომ თავდასხმა წინასწარ კოორდინირებული და შეთანხმებული შინაგან საქმეთა სამინისტროსა და ძალადობრივ დაჯგუფება “ალტ-ინფოს” შორის”.