Category: სლაიდერი

“ესენი არიან ადამიანები, რომელთა მთავარი მიზანი და ამოსავალი არის ის, რომ საქართველოში ხელისუფლება როგორმე შეცვალონ, ეს იქნება ძალადობრივი გზით, რევოლუციით, გადატრიალებით, დაპირისპირებით. მე მინდა დავამშვიდო ეს ადამიანები და მივმართო რომ ქართველ ახალგაზრდებს ნამდვილად არ სჭირდება მათი ზრუნვა. საქართველოს ჰყავს ღირსეული ხელისუფლება, ჰყავს ეროვნული ხელისუფლება, რომელიც ატარებს ამ ქვეყნის ინტერესს, ამ ქვეყანაში მცხოვრები ადამიანების ინტერესებს…მიხედონ თავიანთ ქვეყანას, თავიანთ ახალგაზრდებს…”

აცხადებს, დედაქალაქის მერი, კახა კალაძე ევროპარლამენტარებზე, რომლებმაც გუშინ, 12 ივლისს ნიკა გვარამიასთან ერთობლივ ბრიფინგზე ქართველი ახალგაზრდების ევროპულ მისწრაფებებზე ისაუბრეს. 

“მობილიზებული იყო შსს-ს თითქმის ყველა დანაყოფი, 3 000-მდე პოლიციელი, მათ შორის ცენტრალური კრიმინალური პოლიციის დეპარტამენტი, მეც ვიღებდი ამ ღონისძიებაში მონაწილეობას. იქ მაქსიმალურად ვეცადეთ, რომ დაცული ყოფილიყო როგორც გამოხატვის თავისუფლება, ასევე ადამიანების სიცოცხლე და ჯანმრთელობა.

შესაბამისად, მოვიდა ძალიან დიდი რაოდენობის ადამიანი, კონტრაქციის წარმომადგენლები, გვქონდა კორდონები გაკეთებული გზის სავალ ნაწილებზე და ვინაიდან ლოკაცია არ გვაძლევდა საშუალებას, რომ მთელი პერიმეტრი ყოფილიყო მაქსიმალურად დაცული და უსაფრთხო და ეს ადამიანები ცდილობდნენ კორდონებისთვის აექციათ გვერდი და მიეღწიეთ ლოკაციამდე, სადაც ეს ღონისძიება ტარდებოდა.

ამის შემდეგ მივიღეთ გადაწყვეტილება, ვინაიდან სიცოცხლე და ჯანმრთელობა არის უპირველეს ყოვლისა და ჩვენი უშუალო მოვალეობაა ეს, მოვახდინეთ პრაიდის მონაწილეებისა და ორგანიზატორების ევაკუაცია, გავიყვანეთ ეს ადამიანები, რომ არ მომხდარიყო რაიმე დაპირისპირება. საბედნიეროდ, ჩვენი უშუალო მიზანი რაც იყო და მთავარი მიზანი, ეს იქნა დაცული და ამ ღონისძიებაზე არავინ დაზიანებულა”.

აცხადებს, შინაგან საქმეთა სამინისტროს ცენტრალური კრიმინალური დეპარტამენტის უფროსი თეიმურაზ კუპატაძე პრაიდისფესტის ჩაშლასთან დაკავშირებით.

ფაქტი ის არის, რომ ორგანიზმში აღმოჩენილი არის [ნივთიერება] და ეს ისეთი რამ არის, რომელიც ჰაერიდან არ ჩნდება. ერთადერთი, ვისზეც ეჭვი არ მაქვს, ჩემი თავია.

[კითხვა: გამორიცხავთ, რომ შიგნიდან შეიძლებოდა ყოფილიყო ვინმესგან მცდელობა?] ნამდვილად გამოვრიცხავ იმიტომ, რომ ჩვენს წიაღში ასეთი რამ არ იბადება. ვარაუდითაც ვერ ვვარაუდობ, როგორი გზით შეიძლებოდა ამისი გაკეთება… არანაირი ვერსია არ მაქვს.

აცხადებს ვანისა და ბაღდათის მიტროპოლიტი, მეუფე ანტონი პატრიარქის მოსაყდრის, მეუფე შიოს შესაძლო მოწამვლაზე.

ლესელიძეზე, გვიან ღამით,  TV პირველის საინფორმაციო სამსახურის უფროსის, ნოდარ მელაძის ავტომობილი გაძარცვეს – .წაღებულია გარე მეხსიერების ბარათი, სადაც ჟურნალისტი პროფესიული საქმიანობისთვის საჭირო მასალებს ინახავდა. დანარჩენს ხელი არაფერს ახლეს. პირადი ნივთები, რომელიც როგორც წესი, ქურდების სამიზნეა ავტომობილში იყო.

”ეს იყო ძარცვის იმიტაციის, ჩემი, როგორც ჟურნალისტის დაშინების მცდელობა იმიტომ, რომ ეს რომ ყოფილიყო რიგითი ძარცვა, ამ შემთხვევაში მანქანიდან წაიღებდნენ იმას, რაც ნახეს, ჩემი საათი ბავშვის საათი, სათვალე, პირადი ნივთები, რასაც ნებისმიერი ადამიანი მანქანაში ინახავს, ყველაფერი არის მანქანაში, არაფერზე ხელი ნახლები არ არის, წაღებულია მხოლოდ სამსახურებრივი გარე მეხსიერების ბარათი, სადაც როგორც ჟურნალისტი მასალის გადასაწერად და გადმოსაწერად ვიყენებდი.

ინტერესი ჰქონდათ საბუთების მიმართ, რომელიც მქონდა მანქანაში შესანახ ყუთში და გადმოყრილი იყო და სულ მიმოფანტული იყო ეს ფურცლები, ეძებდნენ რაღაც კონკრეტულ საბუთს, როგორც ჩანს და წაღებულია ყურსასმენები, რომლებიც მედო გარე მეხსიერების ბარათიდან ერთად” – აცხადებს ნოდარ მელაძე.

ფრანგული მედიის ცნობით, NATO-ს სამიტამდე რამდენიმე დღით ადრე საფრანგეთის პრეზიდენტის, ემანუელ მაკრონის რეზიდენციას ადამიანის მოჭრილი თითი გაუგზავნეს. ინფორმაციას,  გამოცემა Valeurs actuelles რეზიდენციის უსაფრთხოების სამსახურის თანამშრომელზე დაყრდნობით ავრცელებს.

მედიის ცნობით, მოჭრილი თითი ერთჯერად აკეტში იყო  მოთავსებული, რომელიც  სასახლის კორესპონდენციის განყოფილებამ 9 -10 ივლისის შუალედში მიიღო.

გავრცელებული ცნობით, უკვე დადგენილია თუ ვის ეკუთვნის მოჭრილი თითი. მათივე ინფორმაციით, პრეზიდენტის ადმინისტრაცია მომხდართან დაკავშირებით განცხადებას არ ავრცელებს.

„დიდი ოპოზიციური ერთიანობის ჩამოყალიბება, თითქოს საგარეო კურსთან გატარებული ფრონტის ხაზით, თეორიულად მომხიბლავად ჩანს, მაგრამ რეალურად, ეს ფრონტის ხაზი ძალიან პირობითია. სინამდვილეში, თუ გადავხედავთ ბოლო სოციოლოგიურ კვლევებს, დავინახავთ, რომ რეალურად, საზოგადოებაში ორპოლუსიან პოლიტიკურ პროცესზე მოთხოვნილება არ არსებობს, იმიტომ რომ ორპოლუსიანობა ნეგატიურ დღის წესრიგს ნიშნავს ანუ, თითქოს ტატამზე ორი მხარე ადის და ერთმანეთს თავ-პირი უნდა დაალეწოს, ეჭიდაოს. სინამდვილეში პოზიტიური დღის წესრიგის მოთხოვნაა. ამომრჩევლის უმრავლესობა პოზიტიურ დღის წესრიგს არცერთ ამ ორ პოლუსთან არ აკავშირებს – არც „ქართულ ოცნებასთან“ და არც „ნაციონალურ მოძრაობასთან“, რომელიც ალბათ, ამ დიდი კოალიციის ორბიტალური მიზიდულობის ცენტრადაა განხილული. ამომრჩევლის უმრავლესობა თვლის, რომ ეს არის არჩევანი წარსულსა და აწმყოს შორის. აქტიური ამომრჩევლის დაახლოებით ნახევარი ითხოვს მომავლის არჩევანს ანუ ალტერნატიულ პოლიტიკურ ცენტრებს. შესაბამისად, თუ გვინდა, რომ არჩევნები იყოს აქტიური და ლეგიტიმაციის მაღალი ხარისხი ჰქონდეს, ამომრჩეველს პოლიტიკურმა ბაზარმა ალტერნატიული არჩევანი უნდა შესთავაზოს, რომელიც თანაბრად იქნება დაშორებული როგორც „ქართული ოცნებიდან“, ისე „ნაციონალური მოძრაობიდან“. ეს მოგვცემს იმას, რომ სკეპტიკურად განწყობილი ამომრჩეველი არჩევნებზე წავა და საარჩევნო პროცესი ლეგიტიმაციას შეიძენს. ამომრჩეველს პოზიტიური არჩევანის გაკეთების შესაძლებლობა ექნება და არა არჩევანი ცუდსა და უარესს შორის.[…]  ალტერნატიულ პოლიტიკურ ცენტრს არ მოეთხოვება, რომ ხელისუფლებაში 50%-იანი შედეგით მოვიდეს. ალტერნატიული პოლიტიკური ცენტრის ფუნქცია ისაა, რომ ერთგვარი ოქროს გასაღები ჩაიგდოს ხელში. ვგულისხმობ იმას, რომ თუ ასეთი ალტერნატიული ცენტრი გაჩნდა 10-15%-ის ფარგლებში, ეს უზრუნველყოფს იმას, რომ ვერც „ნაციონალური მოძრაობა“ და ვერც „ქართული ოცნება“ ხელისუფლებაში ექსკლუზიურად ვერ მოდის და ამ ალტერნატიულ ცენტრზე იქნება დამოკიდებული, ვისთან შევა ალიანსში. შესაბამისად, ამ ოქროს გასაღების მქონე ცენტრს, შეუძლია მაქსიმალური პირობები წაუყენოს ერთსაც და მეორე მხარესაც ანუ 15%-ით მიიღოს ძალაუფლების 50%-იანი წილი. ჩვენ 2024 წლის არჩევნებზე მულტიპარტიული დემოკრატიის დამყარება გვჭირდება. მულტიპარტიული კოალიცია ქვეყანაში დამყარდება არა დიდი კოალიციებით, არამედ ფრონტის ხაზის მაქსიმალური გაშლით, რათა საბოლოოდ მივიღოთ სწორი და სახელმწიფოებრივად სასარგებლო კონფიგურაცია“

ამის შესახებ პოლიტოლოგმა გია ხუხაშვილმა განაცხადამ, რითაც გამოეხმაურა გავრცელებულ ინფორმაციას, რომ გიორგი ვაშაძე შესაძლოა, „ნაციონალური მოძრაობის“ პრემიერ-მინისტრობის კანდიდატი იყოს.

“მეუფე შიო მშვენივრად გრძნობს თავს […] და თუ ვინმემ მოწამლა, არ ვარგებულა ის ვიღაც მკვლელი, ვერ მოუწამლავს ესე იგი, ამიტომ არ არის მოწამლული.[…] ციანიდის საქმე ასევე არის შეთხზული ჟურნალისტების მიერ, არავითარი ციანიდის საქმე არ არსებობს სინამდვილეში. იქაც ასე იყო, აღიძრა გამოძიება, მოკლედ ეს ხელოვნური საქმეებია, ისიც და ესეც. რომელზეც ნამდვილად უწერია, რაც გავარკვიე, რომ პატრიარქის მკვლელობის მცდელობისათვის არ არის გასამართლებული, სხვა ბრალდება აქვს წარდგენილი. პირველი კომენტარი მე ჯერ კიდევ გერმანიაში გავაკეთე, იქვე და მე ვთქვი, რომ არ მეგულება დღეს საქართველოში ადამიანი, რომელსაც შეუძლია პატრიარქზე ხელი აღმართოს”

ახალქალაქის, კუმურდოსა და კარის მიტროპოლიტმა ნიკოლოზ ფაჩუაშვილმა ჟურნალისტებთან საპატრიარქოს ტახტის მოსაყდრე მეუფე შიოს შესაძლო მოწამვლის საქმესთან დაკავშირებით ისაუბრა.