“ამაზე არ გვისაუბრია იმიტომ, რომ მე საერთოდ წარმოდგენა არ მაქვს, რა არის ბორდი, შესაბამისად, მისი თავმჯდომარე ვერ ვიქნები და არც ვიქნები. რაც შეეხება კადრს, კარგია, რომ ფორმულა მისვამს შეკითხვას კეზერაშვილზე, ეს გამბედაობა სწორია. მე არავის კადრი არა ვარ, საკუთარი თავის გარდა”,
აცხადებს მთავარი არხის დამფუძნებელი ნიკა გვარამია ნაციონალურ მოძრაობაში ბორდის შესაძლო შექმნასთან დაკავშირებით მედიაში გავრცელებულ ინფორმაციაზე.
მიუხედავად იმისა, რომ მთელი რადიკალური ოპოზიცია ცდილობს, რომ ქვეყანამ სტატუსი ვერ მიიღოს, მინდა, გითხრათ, რომ საქართველო სტატუსს მიიღებს აუცილებლად. 100%-იანი გარანტიით ვამბობთ, რომ სტატუსს მიიღებს ჩვენი ქვეყანა, იმიტომ რომ ყველაფერი იქნა შესრულებული, გაკეთებული, უბრალოდ არანაირი არგუმენტი არ რჩება, თუ რატომ არ უნდა მოგვცენ სტატუსი. ნუ, თუ ახლა ისევ არასამართლიანი გადაწყვეტილება იქნება მიღებული, ამასაც გამოვალთ და საზოგადოებას ავუხსნით. თუმცა დღევანდელი შეფასებებით, საქართველო 100%-იანი მიიღებს სტატუსს.
განაცხადა ქართული ოცნების გენერალურმა მდივანმა და თბილისის მერმა, კახა კალაძემ ჟურნალისტებთან საუბრისას.
ნუ ინერვიულებთ, ყველაფერი იქნება იდეალურად. ქართული ოცნება 2024 წლის არჩევნებში აუცილებლად გაიმარჯვებს და იმასაც გეტყვით, კონსტიტუციური უმრავლესობით მოვა ხელისუფლებაში. დაიმახსოვრეთ დღევანდელი დღე, დაიმახსოვრეთ ჩემი სიტყვები. იმხელა მხარდაჭერა, როგორიც დღეს აქვს პარტია ქართულ ოცნებას, 2012 წლის შემდეგ არ ჰქონია. 2024 წელშიც გავიმარჯვებთ და 2028 წელშიც გავიმარჯვებთ.
განაცხადა ქართული ოცნების გენერალურმა მდივანმა და დედაქალაქის მერმა, კახა კალაძემ ჟურნალისტებთან საუბრისას.
ნაციონალურ მოძრაობას აზიანებს და აზიანებს მთელ ოპოზიციურ სპექტრს. საქართველოს მოქალაქეებს რომ ჰკითხოთ, თვლიან, რომ ამ ქვეყნის პრობლემა ეს გამოგონილი შეთქმულების თეორიები არ არის, რაზეც ამდენი ხანია ეს შიდა დომხალი მიმდინარეობს.
რუსულმა ოცნებამ თუ შეძლო, რომ 2024 წლის არჩევნები შეინარჩუნა ტერორით, უბედურებით, რომელიც ჩვენ არაერთხელ გვინახავს, მაშინ ჩვენ ძალიან კარგად უნდა გვესმოდეს, რომ ეს ქვეყანა დაკარგავს ევროპული განვითარების შესაძლებლობას.
როდესაც დგას ასეთი მნიშვნელოვანი საკითხები ქვეყნის წინაშე, ნებისმიერი სხვა საკითხი, უთანხმოება, წყენა, კინკლაობა, ვინ დარჩება, ვინ წავა, არის მეათეხარისხოვანი.
ამბობს დეპუტატი ანა წითლიძე ნაციონალური მოძრაობის ირგვლივ განვითარებულ მოვლენებთან დაკავშირებით.
ისრაელის თავდაცვის ძალების ინფორმაციით, ღაზაში ჰამასის ტერორისტებს 222 მძევალი ჰყავთ. მონაცემები ისრაელის თავდაცვამ დღეს განაახლა.
დანიელ ჰაგარის განცხადებით, დატყვევებული ადამიანების ოჯახებს უკვე მიაწოდეს ინფორმაცია
„ჩვენ გამოვიყენებთ ყველა მეთოდს ტყვეების გასათავისუფლებლად და ოჯახებში დასაბრუნებლად“, – განაცხადა ჰაგარიმ.
“თვეები გავიდა შოვის უბედურებიდან და ტრაგედიიდან და რუსული ხელისუფლების მიერ არანაირი პასუხი გამოძიებასთან დაკავშირებით, თუ როგორ მიმდინარეობს რუსული გამოძიება, ჩვენ არ გვაქვს. მოგეხსენებათ, “ლელომ” დაუყოვნებლივ მიმართა საგამოძიებო ორგანოებს და პროკურატურას, რომ დაწყებულიყო გამოძიება შესაბამისი, რელევანტური, უფლებამოსილი საგამოძიებო ორგანოს მხრიდან, პროკურატურის მხრიდან, მაგრამ ჩვენ ვხედავთ, რომ ე.წ. გამოძიება მიმდინარეობს შსს-ში და რუსული ხელისუფლება ყველაფერს აკეთებს, რომ გამოძიება ჩაიფარცხოს, მიჩუმათდეს და საზოგადოების ყურადღება იქნას გადატანილი. ლელო მოითხოვს და მოუწოდებს შესაბამის ორგანოებს, გამოძიების მწარმოებელ ორგანოს, ე.წ. გამოძიება სადაც მიმდინარეობს და რუსული გამოძიების ხელმძღვანელობას, რუსულ ხელისუფლებას მოუწოდებს, რომ დაუყოვნებლივ გასაჯაროვდეს გამოძიების მიმდინარეობს შედეგები, და ეცნობოს საზოგადოებას თუ რა ეტაპზე და როგორ მიმდინარეობს გამოძიება, ასევე, მოითხოვს თერმული დრონის, ღამის დრონებზეა საუბარი […] დაუყოვნებლივ გასაჯაროვდეს თერმული დრონის ჩანაწერები, გასაჯაროვდეს ტრაგედიის პირველივე ღამის პირველივე წამებიდან, საზოგადოებას მოახსენონ ამ შემთხვევაში ე.წ. გამოძიების შედეგად რა დადგინდა, დადგინდა თუ არა ის, რომ ვინ იყო პასუხისმგებელი, რომ არ განთავსდა ადრეული გაფრთხილების სისტემები, “ლელო” მოუწოდებს ე.წ. რუსულ გამოძიებას დაუყოვნებლივ იქნას გამოქვეყნებული გამოძიების შედეგები”,
აცხადებს “ლელოს” წევრი, ლევან სამუშია.
ჟურნალისტები პარტიაში ბორდის შექმნასა და მოლაპარაკებების არსებობა არარსებობაზე მეკითხებიან, რაზეც, მინდა, ჩემი პასუხი საჯაროდ ვთქვა. არ და ვერ ვიქნები იქ, სადაც იქნება არაფორმალური მმართველობა, სადაც იქნება ვანო მერაბიშვილისა და დავით კეზერაშვილის მავნე გავლენა. სადაც არსებობენ ეს ადამიანები, საზოგადოებაში მათი უმძიმესი რეპუტაციული პრობლემები არსებობს. სადაც პროცესზე მათი გავლენა, დრომოჭმული და საზოგადოებისგან აბსოლუტურად დაშორებული ხედვები არსებობს, გამარჯვება ვერასდროს მოვა. ვერ შეიქმნება დამოუკიდებელი, ხალხის ინტერესზე მორგებული ვერანაირი ბორდი, თუ არსებულ ვითარებაში, მენეჯმენტი სრული შემადგენლობით, სიმაღლის მიხედვით მწკრივში ეწყობა და ჯანსაღ რჩევებზე პარტიის დირექტორს, დავით კეზერაშვილს აკითხავს.
ერთიანობა ძალაა, თუ ერთობა სწორ და უღალატო ხალხთან გაქვს. მსგავსი ერთობის მომხრე ყოველთვის ვიყავი, ვარ და ვიქნები. ხოლო თუ ერთობა ფულის გამომუშავებისთვის, სიისა და საპარლამენტო მანდატისთვის დგება, იქ არაფერი მესაქმება. არაფერი მესაქმება არსად, სადაც მთავარი ხალხის ინტერესი და მისი განხორციელება არაა. იმ ხალხთან ერთად ვიქნები, ვისთან ერთადაც ბრძოლა და გამარჯვება შესაძლებელია. სწორ ადამიანებთან, სწორი მიზნის გარშემო ერთობისა და გამარჯვებისათვის ბრძოლის ყველა შანსს გამოვიყენებ. ერთადერთი პირობა კი რაც მე ნაციონალურ მოძრაობასთან მაქვს, არის პარტიაში არაფორმალური მმართველობის დასრულება იმისთვის, რომ არაფორმალური მმართველობა ქვეყანაში დავასრულოთ. ყველა სხვა შემთხვევაში, პლატფორმას რა სახელიც არ უნდა ერქვას, რომელიც გახლეჩვაზე, ხალხის განსხვავებული აზრის გამო დევნაზე არის ორიენტირებული, ვერასოდეს დაამარცხებს ივანიშვილს, თეორიულადაც კი. ივანიშვილს დაამარცხებს მართალი, პრინციპული, შედეგზე და არა სკამზე, ფულსა და თანამდებობაზე ორიენტირებული ხალხი.
“ეს ღაზაში უკანასკნელი [სახმელეთო] მანევრი უნდა იყოს, მარტივი მიზნით, რომ, როდესაც ის დასრულდება, ჰამასი აღარ იარსებებს. ამას შეიძლება დასჭირდეს ერთი, ორი ან სამი თვე, მაგრამ საბოლოოდ ჰამასი აღარ იქნება.[…] სანამ მტერი ჯავშნოსან და სახმელეთო ძალებს შეხვდება, მათ საჰაერო ძალების ბომბებთან შეხვედრა მოუწევთ”.
აცხადებს ისრაელის თავდაცვის მინისტრი იოავ გალანტი.
ჰამასის წარმომადგენლის თქმით, დაჯგუფება მზად არის გაათავისუფლოს ისრაელში დატყვევებული მძევლების ნაწილი იმ პირობით, რომ ისრაელი შეაჩერებს სამხედრო ოპერაციას ისლამისტების წინააღმდეგ.
“ჩვენ მზად ვართ გავათავისუფლოთ მშვიდობიანი მოქალაქეები, მაგრამ გვსურს ისრაელის ჯარებმა შეაჩერონ აგრესია”, – განაცხადა ჰამასის პოლიტბიუროს წევრმა მოჰამედ ნაზალმა კატარის ტელეარხ Al Jazeera-სთვის მიცემულ ინტერვიუში.
მან ტყვეები სამ კატეგორიად დაყო: მშვიდობიანი მოქალაქეები, სამხედროები და ჩასახლებულები და თქვა, რომ ჰამასი მხოლოდ მშვიდობიანი მოსახლეობის განთავისუფლების განხილვისთვის არის მზად.
გუშინ საღამოს ჰამასმა პირველი ორი მძევალი გაათავისუფლა. ესენი არიან აშშ-ს მოქალაქეები ჯუდიტ ტაი რაანანი და მისი 17 წლის ქალიშვილი ნატალი რაანანი.-
ქალები ნათესავებს სტუმრობდნენ კიბუც ნაჰალ ოზში, სამხრეთ ისრაელში, როცა მას ჰამასი დაესხა თავს. ისრაელის თავდაცვის ძალების სპიკერმა დანიელ ჰაგარიმ განაცხადა, რომ ისინი ამჟამად ისრაელის თავდაცვის ძალების მეურვეობის ქვეშ იმყოფებიან. მოლაპარაკებები მძევლებთან დაკავშირებით კატარის შუამავლობით მიმდინარეობდა.
შაბათს ისრაელის სამხედროებმა განაახლეს მძევლების რაოდენობის შესახებ ინფორმაცია. ისრაელის თავდაცვის ძალების შეფასებით, ისლამისტებს მძევლად ჰყავთ 210 ადამიანი და არა 201, როგორც წინა დღეებში იყო ცნობილი.
ბაიდენმა მადლობა გადაუხადა ისრაელისა და კატარის ხელისუფლებებს ქალების გათავისუფლებაში დახმარებისთვის:
”აშშ მუშაობს 24 საათის განმავლობაში ამერიკელი მძევლების გასათავისუფლებლად და აგრძელებს ძალისხმევას ჰამასის მიერ ჯერ კიდევ პატიმრობაში მყოფთა გასათავისუფლებლად. როგორც მათ ოჯახებს ოჯახებს ვუთხარი, როდესაც მათ გასულ კვირას ვესაუბრე, ჩვენ არ გავჩერდებით, სანამ მათ ახლობლებს სახლში არ დავაბრუნებთ. როგორც პრეზიდენტს, მე არ მაქვს იმაზე მაღალი პრიორიტეტი, ვიდრე ამერიკელების უსაფრთხოება, რომლებიც მძევლად არიან აყვანილი მსოფლიოს ნებისმიერ კუთხეში.”
ისტორიამ გვასწავლა, რომ როდესაც ტერორისტები არ იხდიან ფასს თავიანთი ტერორისთვის, ან როდესაც დიქტატორები არ იხდიან ფასს მათი აგრესიისთვის, ეს იწვევს მეტ ქაოსს, სიკვდილს და ნგრევას. და ამერიკასა და მსოფლიოსთვის ხარჯები და საფრთხეები სულ უფრო იზრდება. ამას გვერდი არ უნდა ავუაროთ.
წერს ამის შესახებ, Twitter-ზე შეერთებული შტატების პრეზიდენტი, ჯო ბაიდენი.