1 ნოემბრიდან 15 ნოემბრის ჩათვლით სეზონური გრიპის საწინააღმდეგო ვაქცინაცია უფასოა ყველა მსურველისთვის, ვინც 6 თვეზე მეტი ასაკის არის. ინფორმაციას ამის შესახებ, დაავადებათა კონტროლის და საზოგადოებრივი ჯანმრთელობის ეროვნული ცენტრი ავრცელებს.
“ვაქცინაცია, იმუნიზაციის სახელმწიფო პროგრამის ფარგლებში, ოთხ-კომპონენტიანი Abbott Biologicals B.V.-ის წარმოების ვაქცინით იქნება შესაძლებელი. ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
აცრა ვაქცინაციის სერვისის მიმწოდებელ ნებისმიერ სამედიცინო დაწესებულებაში შესაძლებელია 6 თვის ასაკიდან და ბენეფიციარებისთვის სრულად უფასოა”. – წერს დაავადებათა კონტროლის ცენტრი.
მიგაჩნიათ თუ არა, რომ ბერაია უნდა იკავებდეს თავდაცვის კომიტეტის თავმჯდომარის თანამდებობას? თუ თქვენ გსურთ, რომ დაწესდეს რეალური, ქმედითი სანქცია ამ ამორალური, სამარცხვინო განცხადების გამო ამ კონკრეტული ინდივიდის წინააღმდეგ, ჩვენ მოვითხოვთ, რომ უმრავლესობამ მიიღოს გადაწყვეტილება და გადააყენოს ირაკლი ბერაია პარლამენტის თავდაცვის კომიტეტის თავმჯდომარის პოზიციიდან. გასაგებია, რომ პარლამენტის წევრები არიან არჩეულები ხალხის მიერ და შესაბამისად, მათი გადარჩევა შეუძლებელია, თუმცა აქაც თქვენი მორალური ღერძი სწორი რომ იყოს, მას მოუწოდებდით მანდატი დაეტოვებინა. მაგრამ ყველაზე მინიმალური რაც შეგიძლიათ გააკეთოთ მისი ამ ამორალური თავდასხმის გამო, რომელიც პირდაპირ სუს-იდან არის ნაკარნახევი და რომელიც მიზნად ისახავს ყველაზე აქტიური, ყველაზე პრინციპული და უკომპრომისო ოპოზიციონერი ქალების გაჩუმებას და ეს ძალიან კარგად გვესმის, რომ ხდება განსაკუთრებით იმიტომ, რომ ჩვენ ვაქტიურობთ ჩვენი ქვეყნის ევროპული მომავლის გადარჩენისთვის, ყველაზე ადეკვატური იქნებოდა თქვენი მოწოდება, რომ მან დატოვოს მანდატი. მაგრამ მინიმალური არის ის, რომ დაატოვებინოთ კომიტეტის თავმჯდომარის პოზიცია, რადგან უკიდურესად შეუსაბამოა ის თავისი პოზიციისთვის. გთხოვთ, დააფიქსიროთ თქვენი პოზიცია, ბატონო შალვა
ამის შესახებ პარლამენტში, პლენარულ სხდომაზე, ენმ-ის დეპუტატმა, თინა ბოკუჩავამ განაცხადა და შალვა პაპუაშვილს მიმართა, დააყენონ ბერაიას თანამდებობრივი პასუხისმგებლობის საკითხი.
ინტერნეტ სივრცეში აბაშიძე–კარასინის კიდევ ერთი სატელეფონო ჩანაწერი გავრცელდა, რომელშიც ისინი რუსეთ–საქართველოს შორის ფრენების და სატრანსპორტო კავშირების აღდგენაზე საუბრობენ.
ვიდეოს წინ უძღვის ტიტრები, რომლებშიც წერია, რომ სერგეი ლავროვი არ ტყუოდა, როცა თქვა, რომ ფრენების აღდგენის საკითხი საქართველოს მთავრობასთან შეათანხმეს. სამეგიეროდ ტყუოდა ღარიბაშვილი, რომელმაც თქვა, რომ ფრენების აღდგენის შესახებ რუსეთთან არავითარი მოლაპარაკება მთავრობის სახელით არ გამართულა და საქართველო უბრალოდ დაეთანხმა ფრენების აღდგენის შესახებ რუსეთის გადაწყვეტილებას. ჩანაწერის ავტორები წერენ, რომ სატელეფონო საუბარი რუსეთ–საქართველოს შორის ფრენების აღდგენის მოლაპარაკების დაწყებაზე სამთავრობო დონეზე 2022 წლის მარტში შედგა, როცა უკრაინაში ომი ახალი დაწყებული იყო.
“ფრენების აღდგენა რუსეთში მცხოვრები ქართველებისთვის არ მომხდარა, ვისაც თითქოსდა თბილისში ვიზიტის პრობლემები ჰქონდათ, როგორც ბორენკამ და ღარიბაშვილმა გითხრეს. ის რუსეთისთვის და რუსებისთვის მოხდა. ის რუსეთის ხელისუფლებას უნდოდა, რომელმაც პირდაპირ თხოვა თბილისს ფრენების აღდგენა. იმიტომ რომ ეს ეხმარება რუსეთს უკრაინაში ომის წარმოებაში, უკრაინელების მკვლელობაში და უკრაინის დანგრევაში“. –ნათქვამია ჩანაწერის წინასიტყვაობაში.
ზარი საქართველოს პრემიერ-მინისტრის სპეციალურ წარმომადგენელთან რუსეთთან ურთიერთობების საკითხებში რუსეთის ფედერაციის ფედერაციის საბჭოს საერთოშორისო საკითხთა კომიტეტის ხელმძღვანელმა, გრიგორი კარასინმა განახორციელა.
ერთმანეთის მოკითხვის შემდეგ კარასინმა აბაშიძეს ფრენების აღდგენის შესახებ აზრი ჰკითხა:
-კარასინი: თქვენი რჩევა მინდა. სიტუაცია რთულია, როგორც ხედავთ, და მრავალშრიანი, ჰოდა, ჩვენი სატრანსპო სფეროს ხალხი ამბობს, რომ იქნებ განვიხილოთ იდეები,რომლებიც ქართული მხრიდან მოდიოდა, საჰაერო მიმოსვლის აღდგენაზე, სახმელეთო ტრანსპორტზე და ა.შ. ჩემი აზრია, რომ ახლა ცოტა არადროულია ამ საკითხის დაყენება და განხილვა, შეიძლება მე ვცდები?
-აბაშიძე: არა, სრულიად მართალი ხართ.
-კარასინი: ჯობს ცოტას მოვიცდით ამ საკითხის დაყენებას, სანამ ვითარება დამშვიდდება და სიტუაცია უფრო ნათელი გახდება
-აბაშიძე: დიახ, დიახ. რა თქმა უნდა.
-კარასინი: სხვა შემთხვევაში შეიძლება ეს კარგი წამოწყება შეიძლება ისე დაიმარხოს, რომ არც გახორციელდეს.
-აბაშიძე: არა, არა. ჩვენ ახლა დანის პირზე დავდივართ აქ.
-კარასინი: მე და შენ ამ საკითხში თანამოაზრეები ვართ.
-აბაშიძე: დიახ, უნდა მოვიცადოთ, სანამ ქარიშხალი გადაივლის.
ჰამასის ერთ–ერთმა ლიდერმა, აბუ მარზუკმა ტელეინტერვიუში განაცხადა, რომ ღაზას სექტორის მშვიდობიანი მოსახლეობა ჰამასის ბოევიკების საზრუნავი არ არის.
წამყვანმა მას კითხა, რატომ არ ააშენეს ბომბებისგან დამცავი თავშესაფრები მშვიდობიანი მოსახელობისთვის, როცა ჰამასმა თავისთვის 500 კილომეტრიანი გვირაბები აიშენა., რაზეც აბუ მარზუკმა უპასუხა:
”ჩვენ გვირაბები იმიტომ ავაშენეთ, რომ სხვა გზა არ გვქონდა თავის დასაცავად, რომ სამიზნე არ გავხდეთ და არ მოგვკლან. ეს გვირაბები ჩვენ თვითმფრინავებისგან გვიცავს, ჩვენ გვირაბების შიგნიდან ვიბრძვით. ყველამ იცის, რომ ღაზას მოსახლეობის 75% ლტოლვილია, და მათი დაცვა გაეროს პასუხისმგებლობაა. ჟენევის კონვენციის მიხედვით გაეროს პასუხისმგებლობაა მათ ყველა სერვისი მოაწოდოს, რადგან ისინი ოკუპაციის ქვეშ არიან”.
“მე დღეს მოვისმინე სიტყვები, რომლებიც შეურაცხყოფს მთლიანად საქართველოს პარლამენტს. მინდა სრული სოლიდარობა გამოვუცხადო იმ ქალებს, რომლებიც დღეს გამოვიდნენ და პროტესტი გამოაცხადეს.
მიმაჩნია, რომ ეს სრულიად მიუღებელია, სიტყვებიც არ არის, რომ ეს მიუღებელია, ეს ნამდვილად სირცხვილია: ქართველობისთვის, საქართველოსთვის, საქართველოს პარლამენტისთვის.
მე არ ვიცი რა კანონი ვინ უნდა მიიღოს უხამსობაზე… თუ ეს არ არის უხამსი სიტყვები, მე არ ვიცი რა არის.
მოვუწოდებ პარლამენტის თავმჯდომარეს, მიიღოს უმკაცრესი ზომები იმ ადამიანების მიმართ, რომლებმაც დღეს თავს უფლება მისცეს, ასე მოქცეულიყვნენ, რადგან თუ ეს არ გააკეთა, მაშინ თვითონ აკარგვინებს სახეს საქართველოს პარლამენტს. მე მგონი, უნდა იმოქმედოს სწრაფად და მოახდინოს რეაგირება!”,
პრეზიდენტი სალომე ზურაბიშვილი ოპოზიციონერი ქალი დეპუტატების მიმართ შეურაცმყოფელ გამოსვლებს განცხადებით ეხმაურება.
”დღეს პოლიტიკურ განცხადებებში, ჩემთვის სრულიად მიუღებელი ფორმებით მიმართეს ქალ დეპუტატს. არასდროს მომეწონება გამოხატვის მსგავსი ფორმა და მნიშვნელობა არ აქვს, რა იყო ამის წინაპირობა.”
წერს Facebook-ზე ქართული ოცნების დეპუტატი ნინო წილოსანი.
”მე რომ ქოცების ლიდერშიფში ვიყო, ირაკლი ბერაიას ენას ამოვაძრობდი იმის გამო, რაც თეონა აქუბარდიას აკადრა. ესენი გველაპარაკებიან ქართველობაზე, კაცობაზე, ქალის და მანდილის პატივისცემაზე”.
დაწერა ამის შესახებ, გირჩის ლიდერმა, იაგო ხვიჩიამ სოციალურ ქსელში და ასე გამოეხმაურა ქართული ოცნების დეპუტატის, ირაკლი ბერაიას შეურაცხმყოფელ გამოსვლას.
”რაც ოცნების კაცუნამ იკადრა ჩემს წინააღმდეგ, პატარა კაცობაც აღარ ჰქვია” – ოპოზიციონერი დეპუტატი, თეონა აქუბარდია, სოციალურ ქსელში მმართველი გუნდის დეპუტატ ირაკლი ბერაიას მხრიდან შეურაცხყოფას პასუხობს.
“ის რაც ოცნების კაცუნამ ირაკლი ბერაიამ იკადრა ჩემს წინააღმდეგ, პატარა კაცობაც აღარ ჰქვია. სუს-ის მეთოდები არ გამაჩუმებს, მაშინ როცა მათი მთავრობის წევრი პუტინთან ერთად სადილობს და დარბაზში მის გამოსვლას ესწრება, მაშინ როცა პარლამენტის თავმჯდომარე დასავლეთის წინააღმდეგ დეზინფორმაციის ფლაგმანი ხდება და მაშინ, როცა რუსული ოკუპაცია ოცნებას წინა ხელისუფლების მემკვიდრეობა ჰგონია და პასუხისმგებლობას ამით იცილებს თავიდან. ამას ალბათ გაგრძელებაც მოყვება, მაგრამ სუსს და ოცნებას ვეტყვი, რომ მათი არ მეშინია და ვერ გამაჩუმებენ!” – წერს აქუბარდია.
ცოტა ხნის წინ, ირაკლი ბერაია პარლამენტის დამოუკიდებელ დეპუტატს, თეონა აქუბარდიას „უსინდისო და სამარცხვინო მატყუარას“ უწოდებს.
„იმ სამარცხვინო ტყუილს უნდა გამოვეხმაურო, რისი თქმაც წესად ექცა თეონა აქუბარდიას – ამ უსინდისო და სამარცხვინო მატყუარას. ჯერ იყო და ის თქვა, თურმე ნატო-ს საპარლამენტო ასამბლეაზე მე და ჩემმა კოლეგებმა მხარი არ დავუჭირეთ საქართველოს მხარდამჭერ შესწორებას, დარბაზში არ ვიყავით და ამით პუტინის დავალება შევასრულეთ, რაც იყო ტყუილი და მიზანმიმართული დეზინფორმაცია, რაც მან კარგად იცის, იმიტომ, რომ ქართული დელეგაცია ნატო-ს საპარლამენტო ასამბლეაში ხმას არ აძლევს არცერთ გადაწყვეტილებას, რადგან ჩვენ არ ვართ ნატო-ს წევრი სახელმწიფო.
ქალბატონი აქუბარდია არაერთხელაა ნამყოფი ნატო-ს საპარლამენტო ასამბლეაზე და როდესაც ჩემი არაერთი შენიშვნა ყოფილა ინიცირებული და შესწორება ანგარიშებში და როდესაც საქართველოს საკითხი გადიოდა, არც ერთხელ დარბაზში არ მჯდარა. „შოპინგზე“ იყო გაქცეული, ან მისივე სიტყვებით თუ ვიტყვით, „პახმელიაზე“ ბალიშიდან თავის წამოწევა ეზარებოდა. მე და ჩემს კოლეგებს საკუთარი თავისთვის იმის უფლება არ მიგვიცია, რომ ბრალი დაგვედო მტრების დავალების შესრულებაში“,- განაცხადა ირაკლი ბერაიამ.
„საქართველოს პარლამენტის წევრების მიხეილ სააკაშვილთან შეხვედრის შესახებ გუშინ მე რომ ვთქვი, რაღაცნაირად იმედი მქონდა, მიხეილ სააკაშვილის გუნდის შიგნით მაინც ექნებოდა ამ პროცესს გამოხმაურება. ფაქტობრივად, ირღვევა როგორც პატიმრის, ასევე საქართველოს პარლამენტის წევრების უფლებები. პოლიტიკურ წელს, როცა არჩევნები უნდა ჩატარდეს, არ გვეძლევა მიხეილ სააკაშვილთან შეხვედრის შესაძლებლობა, გავიგოთ, რა უნდა მას და რა უნდა „ნაციონალურ მოძრაობას“. იმიტომ, რომ თუ მიხეილ სააკაშვილთან რამეს არ გაარკვევ, სხვანაირად სრულყოფილად იცოდე და ადამიანებს გადასცე, რა უნდა მიხეილ სააკაშვილს და „ნაცმოძრაობას“, შეუძლებელია. შეუძლებელია ასევე გამოვთქვათ მოსაზრება რა გაიაზრა მიხეილ სააკაშვილმა, რასთან დაკავშირებით შეიძლება მასთან თანამშრომლობა, რასთან არ შეიძლება. ჩემი აზრით, თუ რაიმე პოლიტიკური დარღვევა ხდება საარჩევნო წელს, ხდება ის, რომ ქვეყანაში გვყავს დიდი ოპოზიციური ძალის რეალური ლიდერი, რომელიც გამოკეტილია ციხეში და მას არ ეძლევა კომუნიკაციის საშუალება როგორც თანაგუნდელებთან, ასევე არ აქვთ სხვა პოლიტიკურ პარტიებს მასთან ურთიერთობის შესაძლებლობა. ამით ხდება პოლიტიკური პროცესების დაბლოკვა. ჩვენ ფიზიკურად ვერ ვიგებთ რა უნდა „ნაციონალურ მოძრაობას“ და წლის ბოლომდე შეუძლებელი ხდება ამის გაგება. მიგვაჩნია, რომ მას თქვენ, „ქართულმა ოცნებამ“ წაართვით მედიასაშუალებები, ახლა თქვენ აკონტროლებთ მას და სწორედ ამიტომაა, რომ მიხეილ სააკაშვილის საკითხი მეათასე საკითხზეა და არავინ აპროტესტებს იმას, რომ ასე ადამიანისგან მიუწვდომლადაა გამოკეტილი. ჩემი აზრით, მას წაართვით პოლიტიკური პარტიის უდიდესი ნაწილი. დარწმუნებული ვარ, მისი პარტიის ზოგი წევრი გულწრფელია მასთან დამოკიდებულებაში. ის, რომ მისი პარტია ეგუება იმას, რომ მიხეილ სააკაშვილთან შეხვედრის საშუალება არ აქვთ, შეუძლებელი მგონია თქვენ მათთან არ შეთანხმებულიყავით. მიხეილ სააკაშვილი არის სიტუაციაში, როცა თქვენ მას წაართვით მედიასაშუალება და პოლიტიკური პარტია. ახლა კი თქვენვე აცხადებთ, რომ ის არის ოპოზიციის რეალური ლიდერი, თქვენვე აცხადებთ იმას, რომ იქიდან მართავს სიტუაციას, თქვენვე აცხადებთ, რომ ჯანმრთელია, თქვენვე აცხადებთ, რომ მონაწილეობს და არსად წასულა პოლიტიკური პროცესიდან და ის არის თქვენი მთავარი მოწინააღმდეგე. მინდა მივმართო „ნაციონალურ მოძრაობას“, მიხეილ სააკაშვილის პარტიას, საერთაშორისო თანამეგობრობას, პარტნიორებს, რომ წინასაარჩევნო წელს პოლიტიკური პროცესები თქვენ მიერ ხელოვნურად ფერხდება იმის გამო, რომ აქტიურ პოლიტიკურ მოთამაშედ აცხადებთ ადამიანს და მას არავის აკარებთ, მისი აზრი ფაქტობრივად მიუწვდომელია საზოგადოებისთვის. ჩვენც არ გვაძლევთ საშუალებას შევხვდეთ მიხეილ სააკაშვილს და საზოგადოებას ვუთხრათ, შევხვდით, ველაპარაკეთ, ამაში დავუჯერეთ, ამაში არ დავუჯერეთ. მინდა აქედან დაველაპარაკო მიხეილ სააკაშვილს, სხვა გზა რომ არ მაქვს და ვუთხრა, რომ მისი პარტიის უდიდესი ნაწილი გადაბირებულია თქვენ მიერ, მისი მედიებისა და ჟურნალისტების უდიდესი ნაწილი გადაბირებულია თქვენ მიერ და ჩემი აზრით, გონთ უნდა მოეგოთ, სცადოთ კომუნიკაცია სხვა პოლიტიკურ ძალებთან იმისთვის, რომ თქვენი მდგომარეობა არჩევნების შემდეგ იგივე არ დარჩეს“,
ასე მიმართა პარლამენტის პლენარულ სხდომაზე სიტყვით გამოსვლისას „გირჩის“ დეპუტატმა იაგო ხვიჩიამ საქართველოს მესამე პრეზიდენტს მიხეილ სააკაშვილს.
დენიელ ფრიდის პოზიცია ზუსტად იგივეა, რაზეც ევროპული საქართველო თავიდანვე საუბრობდა, რომ ამ ხელისუფლების პირობებში სტატუსზე აქცენტის გაკეთება არასწორია და სტატუსის მოცემის პირობებშიც კი ქართული ოცნების, პრორუსული ხელისუფლების ცვლილების გარეშე საქართველო ერთი ნაბიჯითაც ვერ წაიწევს წინ დასავლური ინტეგრაციის გზაზე. რაც შეეხება უნგრეთის მაგალითის მოყვანას, ვფიქრობ, არასწორია, რადგან უნგრეთი უკვე არის NATO-სა და ევროკავშირის წევრი, განსხვავებით საქართველოსგან, რომელიც მსგავსი პოლიტიკის გატარებით არათუ დაუახლოვდება, არამედ დაშორდება დასავლურ ცივილიზაციას.
ამბობს ევროპული საქართველოს გენერალური მდივანი, აკაკი ბობოხიძე.
