Category: სლაიდერი

ჩემი სამძიმარი თამაზ გინტურის ოჯახს. ძალიან განვიცადე ამ ძალიან ნათელი ადამიანის მკვლელობა ოკუპანტის ხელით. აი ეს არის კოლაბორაციისა და ბოლომდე დაყვავების პოლიტიკის პირდაპირი შედეგი.

იმედია, ხვალ ბრიუსელში ყველაფერი კარგად იქნება, თუმცა არ იცვლება მთავარი რამ – საქართველოს მართავენ ოკუპანტის დამქაშები და მანამ, სანამ ეს ასეა, ცალკეული ადამიანის სიცოცხლეებიც და ქართული სახელმწიფოებრიობა იქნება დარტყმის ქვეშ.

რა უნდა გაკეთდეს, რომ ასეთი ტრაგედიები იქნას თავიდან აცილებული – ჯერ ერთი, უკან დაბრუნდეს პოლიციის სპეცრაზმი, რომელიც ჩვენ დროს იდგა და ოკუპაციის ხაზზე საზოგადოებრივ წესრიგს იცავდა, მეორე – გატარდეს იმ ჩრდილოვანი პოლიტიკის სქემების შეზღუდვა და მოკეტვა, რომელსაც მთელი ეს დრო საქართველოს გავლით რუსეთის ხელისუფლება ახორციელებს დაბოლოს, ძალიან მძლავრად უნდა ვიმუშაოთ საერთაშორისო თანამეგობრობასთან ოკუპაციის თემებზე. ცალყბად და სანახევროდ, ეს საქმე არ გამოდის.

ჩვენ დროს, 2008 წლის შემოჭრის შემდეგ, რუსები არა მხოლოდ ვერ ახორციელებდნენ, არამედ ორ შემთხვევაში, უკან გადაწიეს ოკუპაციის ხაზი.

სამწუხაროდ, ეს ყველაფერი ისევ მიიჩქმალება, სანამ ესენი არიან ხელისუფლებაში. ეს კი ნიშნავს, რომ რუსები სულ უფრო მეტად გავლენ თავს, როგორც ოკუპაციის ხაზებზე, ასევე ჩვენს ქალაქებში.

ახლა ჩვენს საზოგადოებას სჭირდება მობილიზაცია ამ ყველაფრის არდასაშვებად.

საქართველოს მესამე პრეზიდენტი, მიხეილ სააკაშვილი რუსი ოკუპანტების მიერ მოკლული თამაზ გინტურის ოჯახს უსამძიმრებს.

აშშ-ს ახლო აღმოსავლეთში ოთხი მიზანი აქვს.  ამის შესახებ პენტაგონის პრესმდივანმა პატრიკ რაიდერმა რეგიონში ვითარების კომენტირებისას ისაუბრა:

• რეგიონში ამერიკული ჯარებისა და მოქალაქეების დაცვა.
• ისრაელისთვის უსაფრთხოების კრიტიკული დახმარების ნაკადის უზრუნველყოფა, რათა დაიცვას იგი ჰამასის შემდგომი ტერორისტული თავდასხმებისგან.
• ისრაელელებთან კოორდინაცია, რათა დაეხმაროს  მათ ჰამასის მიერ დაკავებული მძევლების, მათ შორის ამერიკის მოქალაქეების გათავისუფლებაში.
• რეგიონში ძალის პოზიციის გაძლიერება, რათა შეაჩეროს ნებისმიერი სახელმწიფო თუ არასახელმწიფო აქტორი ღაზას ფარგლებს გარეთ კრიზისის ესკალაციისგან.

„ვიმედოვნებ, რომ 2023 წლის გაფართოების პაკეტი გაითვალისწინებს ამ უმნიშვნელოვანეს ფაქტს იმ ქვეყნების პოლიტიკური და ეკონომიკური პირობების შეფასებისას, რომლებიც ისწრაფვიან ჩვენს საზოგადოებაში გაწევრიანებისკენ.[…]დიდი ყურადღებით ვაკვირდები დასავლეთ ბალკანეთსა და თურქეთში არსებულ ვითარებას. ვაფასებ უკრაინისა და მოლდოვის მიერ მიღწეულ პროგრესს, მიუხედავად უჩვეულო გარემოებებისა და პირობებისა. ჩვენ არ შეგვიძლია დავუხუროთ ევროკავშირის კარი საქართველოს, ევროკავშირისკენ მიმავალ გზაზე მის მიერ გადადგმული ნაბიჯების შეფასებისას, მიუხედავად მმართველი პარტიის მიერ ბოლო დროს გადადგმული ზოგიერთი შემაშფოთებელი ნაბიჯებისა“,

ამის შესახებ ევროპარლამენტარი, ანა ფოტიგა სოციალურ ქსელში წერს.

საქართველოს პრეზიდენტი,  სალომე ზურაბიშვილი ამ წუთებში გორის მუნიციპალიტეტის, სოფელ კირბალში, თამაზ გინტურის სამძიმარზე მიემგზავრება.

შეგახსენებთ, პრეზიდენტმა ოკუპანტების მიერ მოკლულ საქართველოს მოქალაქის ოჯახს დღეს გამართულ ბრიფინგზეც გამოუცხადა სამძიმარი და მომხდარს რუსეთის “მშვიდობიანი პოლიტიკა” უწოდა.

“გერმანიის მთავრობის სახელით გულწრფელ მწუხარებას გამოვთქვამ საქართველოს მოქალაქის მკვლელობის გამო, რუსეთის ძალების მიერ, რომელიც აგრძელებს საქართველოს სუვერენიტეტისა და ტერიტორიული მთლიანობის უკანონო დარღვევას. საქართველოს შეუძლია დაეყრდნოს მის საერთაშორისო პარტნიორებს მხარდაჭერისთვის რუსეთის მტრული ქმედებების დასასრულებლად”.

საქართველოში გერმანიის ელჩი, პეტერ ფიშერი რუსი ოკუპანტების მიერ თამაზ გინტურის მკვლელობას და კიდევ ერთი მოქალაქის გატაცებას ეხმაურება.

“ამ ხელისუფლებაზე ხელის გამოშვერა ამ ტრაგედიაზე აბსოლუტურად მცდარია. ეს არის რა თქმა უნდა, სპეკულაციური დამოკიდებულება ოპოზიციის მხრიდან. არ შეიძლება ამ ტრაგედიის გამოყენება პარტიული კინკლაობისთვის. ყველა კარგად უნდა ხვდებოდეს, რომ ეს არის ტრაგედია. ეს არის უბედურება ქვეყნისთვის, რომელიც უნდა აერთიანებდეს მთელ ქვეყანას. არ შეიძლება ეს ვინმემ შიდა პარტიული ბრძოლისთვის გამოიყენოს, ეს უბრალოდ ამორალური იქნება.

წინა ხელისუფლების პირობებში, არაერთი ქართველი მოუკლავთ იგივე მოცემულობაში, როგორც ახლა ამ ტრაგედიის მომსწრენი გავხდით. ეს ოკუპაცია გრძელდება და სწორედ ამის მსხვეპლი გახდა ეს უკანასკნელი. ღმერთმა ქნას, რომ ეს ყოფილიყოს უკანასკნელი მსხვერპლი, მაგრამ სამწუხაროდ, ეს არ არის პირველი. მთელი ქვეყანა უნდა დავდგეთ მტკიცედ, შეურიგებლად ოკუპაციასთან”,

ქართული ოცნების დეპუტატი, მიხეილ სარჯველაძე რუსი ოკუპანტების მიერ საქართველოს მოქალაქის მკვლელობას ეხმაურება.