„დღეს უკრაინის შეიარაღებული ძალების საჰაერო ძალებმა 10-დან 10 რუსული აერობალისტიკური რაკეტა X-47M2 „კინჟალი” ჩამოაგდეს Patriot სისტემების მეშვეობით. ეს რეკორდია. რაკეტები მიზანს რომ მოხვედროდა, შედეგები კატასტროფული იქნებოდა. მადლობა პარტნიორებს საზენიტო-სარაკეტო კომპლექსებისთვის. საფუძველი არ არსებობს იმის სავარაუდოდ, რომ მტერი ამაზე გაჩერდება. ამიტომ მეტი სისტემა და მათთვის საბრძოლო მასალა გვჭირდება,”
ამის შესახებ უკრაინის შეიარაღებული ძალების მთავარსარდალი ვალერი ზალუჟნი „ტვიტერის“ პირად გვერდზე წერს.
“ყველასთვის, ვისაც სჯერა ჭორების, რომ რუსეთი ნამდვილად დაინტერესებულია სამშვიდობო მოლაპარაკებებით, უკრაინაში ბოლო 24 საათის განმავლობაში გაშვებული დრონების რეკორდული რაოდენობა აჩვენებს მოსკოვის ნამდვილ განზრახვას. შეტევები კიდევ უფრო ცინიკურია იმის გათვალისწინებით, რომ მათი ინტენსივობის ზრდა ემთხვევა ახალ წლის არდადეგებს. უკრაინის სული არ შეიძლება დაირღვეს. ევროკავშირი დგას უკრაინასთან.”
განაცხადა ევროპული საბჭოს პრეზიდენტმა, შარლ მიშელმა სოციალურ ქსელში.
„ჩართულია ყველა საჭირო სერვისი, 500-ზე მეტი მაშველი უკრაინის სახელმწიფო საგანგებო სამსახურიდან. კიევსა და ხარკოვის ოლქში ამჟამად 92 დაშავებულის შესახებ არის ცნობილი. სამწუხაროდ, დაიღუპა 4 ადამიანი. თანავუგრძნობ მათ ოჯახებსა და მეგობრებს“
ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. მისი თქმით, ამჟამად რუსეთის მორიგი დარტყმის შედეგების ლიკვიდაცია გრძელდება.
რუსეთმა კიევსა და ხარკოვზე მასიური შეტევა განახორციელა, არის მსხვერპლი, – ამის შესახებ ინფორმაციას უკრაინული მედია ავრცელებს.
ხარკოვის მერმა, იგორ ტერეხოვმა განაცხადა, რომ ქალაქის საცხოვრებელ უბნებში რუსების მიერ განხორციელებული შეტევის შედეგად ერთი ადამიანი დაიღუპა და 20-ზე მეტი დაშავდა.
კიევის მერის, ვიტალი კლიჩკოს ინფორმაციით დედაქალაქის 5 რაიონში რაკეტების ნამსხვრევების ჩამოვარდნის შედეგად 10 ადამიანი დაშავდა.
უკრაინის საჰაერო ძალების ცნობით, რუსებმა კიევის მიმართულებით ჰიპერბგერითი რაკეტა „კინჟალი“ გაუშვეს.
რუსული ძალები უკრაინას წუხელ Shahed-ის 35 დრონით დაესხნენ თავს, უკრაინელებმა ყველა დრონის მოგერიება შეძლეს, – ინფორმაციას უკრაინული მედია ქვეყნის თავდაცვის ძალების საჰაერო ძალებზე დაყრდნობით ავრცელებს.
მანამდე ცნობილი გახდა, რომ ჩამოგდებული დრონების ნამსხვრევებმა კიევსა და მიკოლაივში ხანძრები გამოიწვია. არსებული ინფორმაციით, არავინ დაღუპულა ან დაშავებულა.
წელს მტერი საკუთარ თავზე იგრძნობს უკრაინული იარაღის რისხვას. ჩვენი აღჭურვილობა, ტექნიკა, არტილერია, ჩვენი ჭურვები, ჩვენი დრონები, ჩვენი საზღვაო “მისალმება” მტერს და უკრაინული წარმოების სულ მცირე მილიონი FPV ტიპის დრონი, რასაც ჩვენ გულუხვად გამოვიყენებთ ხმელეთზე, ცაში და, რა თქმა უნდა, ზღვაზე. ჩვენს შავ ზღვაზე. წელს მტერი ისე, როგორც არასდროს იგრძნობს, რომ მისი ადგილი იქ არ არის. ჩვენი ქმედებები შავ ზღვაში გახდება შავი ფურცელი რუსული ფლოტის ისტორიაში
განაცხადა უკრაინის პრეზიდენტმა, ვოლოდიმირ ზელენსკიმ.
დანიის დედოფალმა მარგრეტე II-მ ერისადმი საახალწლო სატელევიზიო მიმართვის დროს მოულოდნელად სამეფო ტახტიდან გადადგომის შესახებ გამოაცხადა.
ტახტიდან ოფიციალური გადადგომა 14 იანვარს შედგება. სწორედ ამ დღეს შესრულდება 52 წელი შესრულდება მას შემდეგ, რაც ის დედოფალი გახდა.
მარგრეტეს წასვლის შემდეგ, დანიის მეფე მისი უფროსი ვაჟი, პრინცი ფრედერიკი გახდება.
”მე ტახტს ჩემს შვილს, გვირგვინოსან პრინც ფრედერიკს დავუტოვებ,” – თქვა მან.
83 წლის მარგრეტე II დანიის ისტორიაში სამეფო ტახტს ყველაზე ხანგრძლივი დროით იკავებდა. ის ტახტზე ავიდა მამის, მეფე ფრედერიკ IX-ის გარდაცვალების შემდეგ 1952 წელს.
ბრიტანეთის სამეფო ტრადიციისგან განსხვავებით, 55 წლის პრინცი ფრედერიკის ოფიციალური კორონაციის ცერემონია არ გაიმართება. სამაგიეროდ, სასახლე იმავე დღეს გამოაცხადებს მის ტახტზე ასვლას.
დედოფალი მარგრეტე პოპულარული ფიგურაა დანიაში და ბევრი დანიელი ელოდა, რომ ის ტახტზე სიკვდილამდე დარჩებოდა.
ყოველწლიურად საახალწლოდ ის დანიელებს სატელევიზიო ეთერში სიტყვით მიმართავს.
წელს, გარდა ტახტზე უარის თქმის მოულოდნელი განცხადებისა, მარგრეტე II-მ ისაუბრა ახლო აღმოსავლეთსა და უკრაინაში ომებზე, ასევე კლიმატის ცვლილებაზე რეაგირების მნიშვნელობაზე.
დანიის სამეფო ოჯახმა ევროპის სხვა სამეფო ოჯახების მსგავსად, თანამედროვე საზოგადოებაში არსებული პრობლემების წინაშე აღმოჩენის გამო დანიის სამეფო ოჯახმა გადაწყვიტა შეემცირებინა სამეფო ოჯახის წევრებთა რაოდენობა.
ამან გამოიწვია საჯარო განხეთქილება სამეფო ოჯახში გასულ წელს მას შემდეგ, რაც მეფისნაცვლის ფრედერიკის უმცროსი ძმის, პრინც იოაკიმის შვილებს სამეფო ტიტულები ჩამოართვეს.
Washington Post-ის შაბათის ნომერში გამოქვეყნდა გამოცემის კორესპონდენტის კეტრინ ბელტონის სტატია, რომელიც ეძღვნება საფრანგეთის უკიდურესი მემარჯვენეების ახალ მცდელობებს შეცვალონ ქვეყნის პოლიტიკა რუსეთთან ომში უკრაინის მხარდაჭერის თვალსაზრისით.
კრემლის მხარდამჭერები უკიდურესი მემარჯვენეების ფლანგიდან, იყენებენ „მჯელობებს უკრაინაში ომისთვის გადახდილი ფასის შესახებ და სულ უფრო მეტად აზავებენ მას იმ აზრთან, რომ უკრაინის მხარდაჭერა ამერიკული იდეაა და საფრანგეთი უნდა ჩამოყალიბდეს, როგორც დიდ ზესახელმწიფო და აღადგინოს კავშირები რუსეთთან“.–ასკვნის ავტორი.
კრემლმა კი, როგორც ვაშინგტონ პოსტის წყაროებით მოპოვებული დოკუმენტები ცხადყოფს, იცის მემარჯვენეების მზარდი პოპულარობის შესახებ და სურს ამით ისარგებლოს.
დოკუმენტები, რომლებზეც ბელტონი წერს, ევროპის ერთ-ერთი ქვეყნის უსაფრთხოების სამსახურის მეშვეობით იქნა მოპოვებული.
სერგეი კირიენკო
ამ დოკუმენტების თანახმად, სერგეი კირიენკომ, პუტინის შტაბის უფროსის პირველმა მოადგილემ, დაავალა კრემლის პოლიტიკურ სტრატეგებს, განავითარონ პოლიტიკური დესტაბილიზაციის კამპანია საფრანგეთში სოციალური ქსელების, ფრანგი პოლიტიკური აქტივისტების და საზოგადოებრივი აზრის ლიდერების გამოყენებით.
მაგრამ იმ პირთა კონკრეტული სახელები, ვინც ამაში უნდა იყოს გამოყენებული, დოკუმენტებში არ არის ნახსენები.
ამ პროექტის მონახაზების პირველი პრეზენტაციები კრემლს უკვე 2022 წელს გადაეცა და აჩვენა, რომ პოლიტიკურმა დაძაბულობამ საფრანგეთში, სადაც რუსეთისადმი სიმპატიით განწყობილი ადამიანების მნიშვნელოვანი ფენა დარჩა, შესაძლებელი გახადა მსგავსი პროპაგანდისტული კამპანიის განხორციელება.
წელს კრემლის რეკომენდაციები მედია სტრატეგებისთვის უფრო კონკრეტული იყო: გაზარდეთ მესიჯების რაოდენობა, რომლებიც ხელს შეუწყობდა იმ აზრს, რომ სხვისი ომისთვის ფასის გადახდა ცუდი იდეაა.
მერკელი, პუტინი მაკრონი 2019 წლის ბოლოს
საპასუხოდ, მიღებული დოკუმენტების მიხედვით, შემუშავდა სახელმძღვანელოები „ბოტ ფერმებისთვის“. მაგალითად, ეს: შექმენით 200-სიმბოლოიანი კომენტარი შუახნის ფრანგის სახელით, რომელიც საფრანგეთის მხარდაჭერას უკრაინისადმი „იდიოტურ ავანტიურად“ მიიჩნევს.
ამ წარმოსახვითი ფრანგისთვის ერთ-ერთი არგუმენტი იქნება ის, რომ უკრაინის მხარდაჭერა იწვევს „ინფლაციას და ცხოვრების დონის დაქვეითებას“.
კრემლის სპიკერს, დიმიტრი პესკოვს ჰკითხეს ასეთი დოკუმენტების არსებობის შესახებ.
მან ამ ინორმაციას უწოდა „კიდევ ერთი ფეიკი და სრული სისულელე“ და ხაზგასმით აღნიშნა, რომ კირიენკო პრეზიდენტის ადმინისტრაციაში დაკავებულია საშინაო პოლიტიკით და რომ „მთელი ევროპა იტანჯება“ რუსეთის წინააღმდეგ დაწესებული სანქციებით და ამის კიდევ ერთხელ დამტკიცება არ არის საჭირო.
მაგრამ, როგორც ვაშინგტონ პოსტი წერს, სოციალურ ქსელებში აქტივობის ანალიზი აჩვენებს, რომ იყო მცდელობები საფრანგეთის შიდა პრობლემები პრორუსული ნარატივების პოპულარიზაციისთვის გამოყენებინათ.
Alto Intelligence არის კომპანია, რომელიც სპეციალიზირებულია ევროპაში ანომალიური ციფრული მედიის აქტივობის მონიტორინგზე. მათი დათვლით, პარიზში არაბი მოზარდის მკვლელობით გამოწვეული არეულობის შემდეგ, ამ საკითხთან დაკავშირებული ყველა კომენტარის თითქმის მესამედი მომხმარებელთა პატარა – 1,2% -იანმა ჯგუფმა უზრუნველყო.და კომენტარების ამ მასაში 24,2% პრორუსული იდეების პოპულარიზაციას ეწეოდა.
ანგარიშების უმეტესობა, რომლებმაც ეს კომენტარები დაწერეს, დაკავშირებულია ულტრამემარჯვენე პოლიტიკოსებთან – მარინ ლე პენთან, ნაციონალური გაერთიანების ხელმძღვანელთან (ყოფილი ეროვნული ფრონტი) და ერიკ ზემურთან.
შემოდგომაზე, ჰამასის თავდასხმების შემდეგ ისრაელის დასახლებებზე და ისრაელის სამხედრო ოპერაციების დაწყების შემდეგ ღაზაში, გაჩნდა მტკიცებულება, რომ ანტიისრაელური პროტესტი საფრანგეთში, ირიბად ან რუსული დეზინფორმაციული ქსელების გამოყენებით დაკავშირებული იყო მოსკოვთან.
ექვსთვიანი საპარლამენტო გამოძიება საფრანგეთის პოლიტიკაში საგარეო ჩარევის შესახებ მივიდა დასკვნამდე: “რუსეთი აწარმოებს მდგრად დეზინფორმაციულ კამპანიას ჩვენს ქვეყანაში” და ხაზი გაუსვა ლე პენის პარტიის როლს, რომელიც, ანგარიშის მიხედვით, “ბევრ განსაკუთრებულ კავშირს ინარჩუნებს კრემლთან”, და, არსებითად, მოქმედებს როგორც „საკომუნიკაციო არხი“ რუსული შეხედულებების გავრცელებაში.
ლე პენს მოსკოვთან კავშირში დიდი ხნის განმავლობაში ადანაშაულებენ, მას შემდეგ რაც მისმა პარტიამ 2014 წელს რუსეთიდან სესხი აიღო. უკრაინაში სრულმასშტაბიანი ომის დაწყების შემდეგ, ლე პენი აღარ არის ისეთი აქტიური პუტინის მხარდასაჭერი და მისი კომენტარები ომის შესახებ ძირითადად ხაზს უსვამს იმას, რომ ანტირუსული სანქციები ზიანს აყენებს საფრანგეთის ეკონომიკას.
თუმცა, მისმა “ნაციონალურმა გაერთიანებამ“ უარი თქვა უკრაინის მხარდაჭერაზე რამდენიმე საპარლამენტო კენჭისყრაში.
და ბოლო თვეებში, ამ პარტიის წევრები და სხვა ულტრამემარჯვენე პოლიტიკოსები კვლავ ალაპარაკდნენ მოსკოვთან კავშირების აღდგენის აუცილებლობაზე.
ბევრი მათგანი არ მალავს, რომ საფრანგეთის არასტაბილური პოლიტიკური ვითარება და საგარეო პოლიტიკური არასტაბილურობა რუსეთს აძლევს კარგ შანსს, შემდგომშიც სცადოს ძირგამომთხრელი საქმიანობა და რყევების გამოწვევა.
ჯანდაცვის მინისტრის ბრძანებაში „ორსულობის ხელოვნური შეწყვეტის განხორციელების წესების დამტკიცების თაობაზე“ 26 ოქტომბერს შესული ცვლილებებით აბორტის გაკეთების წესსები იცვლება. ახალი წესები 2024 წლის 1 იანვრიდან ამოქმედდება. ზურაბ აზარაშვილის მიერ ხელმოწერილი ცვლილებებით აბორტამდე 5-დღიან მოსაფიქრებელ პერიოდთან ერთად, სავალდებულო იქნება ფსიქოლოგთან და სოციალურ მუშაკთან კონსულტაციის გავლა. 5-დღიანი მოსაფიქრებელი ვადის დარღვევის შემთხვევაში დგება ექიმის პროფესიული პასუხისმგებლობის საკითხი.
„აბორტისწინა კონსულტაცია/გასაუბრება ტარდება (შემდგომში – აბორტისწინა კონსულტირება) ექიმი მეან-გინეკოლოგის, სოციალური მუშაკის და ფსიქოლოგის (სავალდებულო მოთხოვნას წარმოადგენს 2024 წლის 1 იანვრიდან) მიერ, კონფიდენციალურ პირობებში, სპეციალურად ამ მიზნისათვის გამოყოფილ ექიმის საკონსულტაციო ოთახში”, – წერია ბრძანებაში.
5-დღიანი მოცდის ვადის ამოწურვის შემდეგ, პროცედურის ჩატარების შემთხვევაში, პროცედურის წინ სავალდებულო იქნება რადიოლოგიური კვლევა (ექოსკოპია) ორსულობის ვადის მითითებით.
მედიკამენტური აბორტის შემთხვევაში, 7 კვირამდე (< 49 დღე) ვადის ორსულობისას მედიკამენტური აბორტი უნდა გაკეთდეს „I დონის ანტენატალურ დაწესებულებაში, სამეანო-გინეკოლოგიური საქმიანობის განხორციელების უფლების მქონე სამედიცინო დაწესებულებაში სერტიფიცირებული ექიმ მეან-გინეკოლოგის მიერ, საჭიროების შემთხვევაში, ადეკვატური და დროული რეფერალის უზრუნველყოფის პირობით”.
7 კვირაზე მეტი ხანგრძლივობის ორსულობის ხელოვნური შეწყვეტა ქირურგიული მეთოდით შესაძლებელი იქნება სერტიფიცირებული ექიმი მეან-გინეკოლოგის მიერ სტაციონარული ტიპის სამედიცინო დაწესებულებაში, რომელსაც აქვს სამეანო-გინეკოლოგიური საქმიანობის განხორციელების უფლება.
10 კვირამდე (70 დღე) ვადის ორსულობისას მედიკამენტური აბორტის განხორციელება შესაძლებელი იქნება სამეანო-გინეკოლოგიური საქმიანობის განხორციელების უფლების მქონე სტაციონარული ტიპის სამედიცინო დაწესებულებაში და სტაციონართან არსებულ ანტენატალურ დონე მინიჭებულ ამბულატორიაში სერტიფიცირებული ექიმ მეან-გინეკოლოგის მიერ, საჭიროების შემთხვევაში, ადეკვატური და დროული რეფერალის უზრუნველყოფის პირობით. მედიკამენტური აბორტის გამომწვევი მედიკამენტების გამოყენება დასაშვებია მხოლოდ ექიმ მეან-გინეკოლოგის ან/და რეპროდუქტოლოგის დანიშნულებით.
12 კვირაზე მეტი ხანგრძლივობის ორსულობის ხელოვნური შეწყვეტის მიზნით, ნებისმიერი მეთოდით სამედიცინო ჩარევა ხორციელდება მხოლოდ სამეანო-გინეკოლოგიური საქმიანობის განხორციელების უფლების მქონე სტაციონარული ტიპის სამედიცინო დაწესებულებაში (გადაწყვეტილება მიღებულ იქნეს დაწესებულების დონეზე) სერტიფიცირებული ექიმი მეან-გინეკოლოგის მიერ და შეტყობინება (სამედიცინო დოკუმენტაციის დაწესებულების ხელმძღვანელის მიერ დამოწმებული ასლი) უნდა გაეგზავნოს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებით შექმნილ „დედათა და ბავშვთა ჯანმრთელობის საკოორდინაციო საბჭოს.
ორსულობის ხელოვნური შეწყვეტის მიზნით სამედიცინო ჩარევა უნდა განხორციელდეს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებით დამტკიცებული ,,ორსულობის უსაფრთხო შეწყვეტა“ – კლინიკური მდგომარეობის მართვის სახელმწიფო სტანდარტის (პროტოკოლის) გათვალისწინებით.“.
12 კვირაზე მეტი ხანგრძლივობის ორსულობის ხელოვნურად შესაწყვეტად საჭირო არის სამედიცინო ჩვენების არსებობა, რომლის ჩამონათვალსაც ბრძანება მოიცავს.
ყველა სხვა შემთხვევაში, თუ ორსული ქალის დაავადება, რომელიც არ არის მინიშნებული ჩამონათვალში და ორსულობის გაგრძელების შემთხვევაში საფრთხეს უქმნის ქალის სიცოცხლეს, ბრძანების თანახმად, საკითხი ორსულობის შეწყვეტის შესახებ იხილება კომისიურად (პაციენტისადმი ინდივიდუალური მიდგომით), პერინატალური მოვლის სუბსპეციალიზებული (III) დონის დაწესებულებაში –კომისიური წესით.
“ისრაელი გმობს რუსეთის ძალების მიერ სოფელ კირბალთან საქართველოს მოქალაქის თამაზ გინტურის მკვლელობას და მოუწოდებს დაკავებული მოქალაქის, ლევან დოთიაშვილი გათავისუფლებისკენ.
ღრმა მწუხარებით ვუთანაგრძნობთ დაღუპულთა ოჯახებს, მეგობრებსა და სრულიად საქართველოს.
ისრაელი კიდევ ერთხელ ადასტურებს საქართველოს ტერიტორიული მთლიანობისა და სუვერენიტეტის სრულ მხარდაჭერას”
კირბალში, რუსი ოკუპანტების მიერ საქართველოს მოქალაქის მკვლელობას საქართველოში ისრაელის საელჩო გმობს და მოკლულის ოჯახს უსამძიმრებს.
დედოფალი მარგრეტე პოპულარული ფიგურაა დანიაში და ბევრი დანიელი ელოდა, რომ ის ტახტზე სიკვდილამდე დარჩებოდა.
