Category: სლაიდერი

„ჩვენ ერთი წელი მოვუნდით იმას, რომ ჩვენი პარტნიორების მხრიდან სიტყვა „რუსული“ აღარ თქმულიყო, არ ვლაპარაკობ ცალკეულ ევროპარლამენტარებზე. ერთი წელი მოვუნდით, რომ სიტყვა რუსული ამოვარდნილიყო და ახლა არის ევროკავშირთა შეუსაბამო თურმე ის კანონი, რომლის მსგავსი კანონმდებლობა კიდევ უფრო მკაცრი ევროკავშირშია დაინიცირებული. ასევე, გაცილებით მკაცრი კანონი ქვედა პალატამ უკვე საფრანგეთში მიიღო და მოქმედებებს აშშ-ში და სხვა ქვეყნებში, დემოკრატიულ ცივილიზებულ სამყაროში. მათ შორის, ჩვენ მადლიერებას გამოვხატავთ ამერიკის მოქმედი ელჩის მიმართ, რომ მისი განწყობა, დამოკიდებულება აბსოლუტურად სხვა არის და ამის არ აღნიშვნა არ შეიძლება. თუმცა, გუშინ მანაც გაგვაკრიტიკა და თქვა, რომ „ეს არ არის ამერიკული კანონი“ და მართალი თქვა. შარშან ორი კანონიდან ერთი იყო პირდაპირი თარგმანი, ამას რუსული დაარქვეს და ეს არის გაცილებით ლოიალური ვერსია, არამკაცრი, სადაც ვალდებულება მხოლოდ დარეგისტრირებაში და დეკლარაციის შევსებაშია. მეტი ვალდებულება არ არსებობს, განსხვავებით სხვა ნებისმიერი ქვეყნების კანონებისგან. ოღონდ შარშან მეორე პროექტი არსებობდა, რომელსაც ასევე, რუსული დაარქვეს, რომელიც პირდაპირ თარგმანი ამერიკული ვერსიისა იყო და გაცილებით მკაცრი იყო.

როგორც ვიცით, ერთ-ერთმა „ენჯეო“ სექტორის წარმომადგენელმა გაბედა, როგორც იქნა ვიღაც დისკუსიაში შემოვიდა და თქვა, რომ მეორე მუხლი არის რუსულიო. მეორე მუხლი, როგორც იქნა წამოსცდათ. მეორე მუხლი არის მთავარი განმასხვავებელი ყველა სხვა დანარჩენისგან ამიტომ არის ყველაზე არამკაცრი, რომ ფიზიკურ პირებს საქართველოში ჩვენი კანონპროექტი არ მოიცავს. მათ შორის, ფრანგულში, ამერიკულში, რუსულში ყველგან არის ფიზიკური პირი, ობიექტი ამ კანონმდებლობისა. მხოლოდ ქართულში არ არის ფიზიკური პირი. როგორც იქნა დაასახელეს ყველაზე არარუსული მუხლი ჩვენს ინიციატივაში.[…] ე.ი. ერთ ქვაბში ხარშავენ ყველასო? – ზუსტად იგივე წარმატებით ერთ ქვაბში ხარშავს ყველას ამერიკის შეერთებული შტატების მსგავსი კანონმდებლობა. იქ არ არის ჩანაწერი, რომელი ქვეყნიდან ითვლება გავლენის აგენტად (ამერიკულში), ასე ჩანაწერები არ არის. ისინი ამბობდნენ, რომ ფრანგულ კანონმდებლობაში მოხსენიებულია რუსეთი, ჩინეთი და ა.შ. ეს არის ტყუილი. ფრანგულ კანონმდებლობაში მსგავსი ჩანაწერი არ არის.

მეგობარი ქვეყნიდან წამოსული თანხით იყო დაფინანსებული ISFED, რომელმაც გააყალბა პარალელური ხმის დათვლის მონაცემები. საიდან იყო ISFED დაფინანსებული? დასავლეთიდან არ იყო? მიზნობრიობა იყო არჩევნების დაკვირვება და ობიექტური შეფასების დადება და მათ გააყალბეს. მიხვდით რაშია საქმე?! ანუ მიზნობრიობა გაყალბდა.

„ეს კანონი არის ანტიევროპული, ეს კანონი არის რუსული“ – ამ სიცრუესთან გვაქვს საქმე. რატომ? – პასუხი არ ისმის. ჩემი აზრით, ეს არის უდიდესი უპატივცემულობა სახელმწიფოსი, ქვეყნის ეროვნული თავმოყვარეობის. რატომ? – რომ არ შემოდიან და არა არის რუსული, რომელი პუნქტია რომ არ შემოდიან ამ დისკუსიაში, ეს არის ჩემი აზრით, უდიდესი შეურაცხყოფა. თუკი მტერს და მოყვარეს ვეძებთ, იქ მტერი და მოყვარე არსად წერია. მტრული მოქმედებაა ყველა, რომელიც ფინანსდება…

შინაარსში შემოსვლა იმიტომ არ უნდათ, რომ არგუმენტები არ აქვთ. რუსულს ვეღარ დაუძახებენ და შინაარსში ამიტომ არ შემოდიან“

ამის შესახებ უმრავლესობის ლიდერმა, მამუკა მდინარაძემ ჟურნალისტებს განუცხადა.

“საკანში 10 კაცი შემომივარდა, მცემა და დეესკალაციის ოთახში წამათრია” – აცხადებს, საქართველოს ბანკზე თავდამსხმელი, ბადრი ესებუა. პატიმრის წერილს TV პირველი ავრცელებს.

“14 მარტს პენიტენციურ დაწესებულებაში ერთ-ერთმა პატიმარმა თვითდაზიანებები მიიყენა. ამის მიზეზი ის ყოფილა, რომ სამკურნალოდ საავადმყოფოში გადაყვანას ითხოვდა, რაზეც უარი უთხრეს და პროტესტის ნიშნად ყელი გამოიჭრა. სოლიდარობის ნიშნად, რამდენიმე პატიმარმა შიმშილობა დავიწყეთ. ციხის ადმინისტრაციამ კი რეპრესიები დაიწყო და მუქარით გვთხოვდნენ შიმშილობის შეწყვეტას. დაუმორჩილებლობის შემთხვევაში, პირადად მე მითხრეს, რომ სარდაფში ობიან და ტარაკნებით სავსე კამერაში ან კარცერში გადამიყვანდნენ.

მაინც რომ არ დავემორჩილე, კამერაში 10 კაცამდე შემომივარდა, იმ დროს ლოგინზე ვიწექი, მეცნენ და გინებით გადმომაგდეს. ძირს დამაგდეს და ფეხებით შემდგნენ. ხელბორკილები დამადეს და არაადამიანური, არაპროპორციული ძალის გამოყენებით დეესკალაციის კამერაში წამათრიეს.

ამის შემდეგ, ყველა, ვინც კი შიმშილობდა, ზოგი კარცერში გაგზავნეს, ზოგი დეესკალაციის კამერაში, ზოგი კი სხვა ციხეში გადაიყვანეს. ახლაც ვერ ვხვდები, რას გვერჩოდნენ, რატომ მოგვიწყვეს პროვოკაცია და რატომ შეგვყარეს ასე ტყუილად კარცერში. ჩემ გვერდით კამერაში მყოფი მეგობარი ამბობს – თუ არ გაჩერდები, აკრძალულ ნივთს ჩაგიდებთ და სასჯელს გაგიხანგრძლივებთ, ასე დამემუქრნენო”. – წერს ესებუა.

“ეს კანონპროექტი შეუთავსებელია ევროპულ ნორმებთან და ევროპულ ღირებულებებთან და განსაკუთრებით არსებულ კონტექსტში ძალიან რთული იქნება ევროკომისიისთვის, რომ გააკეთოს პოზიტიური შეფასება ამ კანონის მიღების შემთხვევაში” [IPN]

ასე უპასუხა ევროკავშირის ელჩმა საქართველოში პაველ ჰერჩინკიმ კითხვას, შეიძლება თუ არა რომ რუსული კანონი გახდეს დაბრკოლება ევროკავშირისკენ მიმავალ გზაზე.

პარლამენტში ქართული ოცნების რუსული კანონის განხილვის პარალელურად, 15 აპრილს, 10 საათზე აქცია დაანონსდა.

“იურიდიულ კომიტეტზე განხილვის და დამტკიცების შემდგომ, ქართულ ოცნებას შეეძლება რუსული კანონი გაიტანოს პლენარულ სხდომაზე და პირველი მოსმენით მიიღოს. Ჩვენი უმთავრესი მიზანია, რუსული კანონი ვერ გასცდეს იურიდიულ კომიტეტს და არ გავიდეს პირველ მოსმენაზე, რადგან კანონის ინიციატორს კანონპროექტის გამოთხოვა შეუძლია მხოლოდ პირველ მოსმენამდე. თუ რუსული კანონი იურიდიულ კომიტეტს გასცდა, ერთადერთი შანსი კანონის პლენარულ სხდომაზე ჩაგდებაა, რაც მკვეთრად ართულებს მდგომარეობას”, – აღნიშნულია აქციის აღწერაში.

“ჩვენი ევროპული მომავალი – ჩვენი ეროვნული არჩევანია. ევროპული ღირებულებები კი რომელზეც ვდგავართ, მტკიცებას არ საჭიროებს.
ჩვენი ევროპული ტიტულის მნიშვნელობას, ჩვენი ლეგენდების და წინაპრების მოტანილ საქართველოს სიამაყით ვიხსენებთ და ვუყურებთ.
ჩვენი მომავალი მხოლოდ ევროპულია!”

საფეხბურთო კლუბი დინამო რუსული კანონის მიღების მცდელობებს ეხმიანება.

“სენატმა უკვე გამოხატა შეშფოთება კანონის ხელახლა ინიციირებასთან დაკავშირებით. ასევე ვიცით, რომ ქართველმა ხალხმაც გამოთქვა თავისი უკმაყოფილება ამ საკითხთან დაკავშირებით. წინა ჯერზე, ამ კანონის წინააღმდეგ ქუჩებში ათობით ათასი ადამიანი გამოვიდა. სამოქალაქო საზოგადოებრივი ორგანიზაციებისგან ვიცით, თუ რა გავლენა ექნება კანონს მათზე ადამიანებისთვის სერვისების მიწოდების საქმეში. ქვეყანა ამ გზით არ უნდა წავიდეს, თუ მას ევროპული ინტეგრაციისაკენ წინსვლის გაგრძელება სურს. ამ მხრივ მათ ევროკავშირისგან უკვე მიიღეს პოზიტიური პასუხი. ვიმედოვნებ, რომ მთავრობა შეწყვეტს ამ კანონის წინ წაწევას და ამის ნაცვლად, მოუსმინოს საქართველოს მოსახლეობას, რომლის სურვილიც ევროპული ინტეგრაციაა“,

აცხადებს სენატორი ჯინ შაჰინი რუსულ კანონზე საუბრისას.

“განცხადებებისას მითითება იყო [ამერიკის] ყოფილ ელჩზე, მტკიცება, რომ ახალმა ელჩმა ისწავლა ძველი ელჩის შეცდომებზე. ეს ნამდვილად აღმაშფოთებელია. ეს არაა ის, რასაც ევროკავშირი მოელის მთავრობისგან, რომელიც ამტკიცებს, რომ ბლოკში გაწევრიანებით და კრიტერიუმების დაკმაყოფილების კუთხით პროგრესითაა დაინტერესებული”,

ამის შესახებ აშშ-ის სახელმწიფო დეპარტამენტის ყოფილი მაღალჩინოსანი და ჯორჯ ბუშის საპრეზიდენტო ცენტრის დირექტორი დევიდ კრამერი “ამერიკის ხმასთან” საუბრობს

“ჩვენ გვაბარებენ, მაგრამ ჩვენ არ ჩავბარდებით!
მივესალმები გუშინდელი თავისუფალი მარშის მონაწილეებს. მე ადრე ვთქვი, რომ საქართველოში რუსული დივერსიული ჯგუფებია შემოსული და აი, ამის დასტურიც მივიღეთ ისნის ტერაქტის სახით, რომლის სამიზნე იყო კოდორში რუსული სპეცრაზმის წინააღმდეგ მებრძოლი ქართველი ოფიცერი.
ამავე დღეებში რუსეთმა ულტიმატუმი წაუყენა საქართველოს ხელისუფლებას, დაუყოვნებლივ დაიწყოს ოკუპირებულ ტერიტორიებთან “საზღვრის დელიმიტაცია”, მოაწეროს მათთან ხელშეკრულებას ხელი და პრაქტიკულად აღიაროს მათი “დამოუკიდებლობა”.  დამატებით, ისევ გამოაგორეს“რუსული კანონი”.
ამ ყველაფრის შემაკავებელი ხალხმრავალი აქციებია. ამ ბრძოლაში არ უნდა დავიღალოთ. მოძალადეს ყოველთვის ეშინია ხალხის ძალისა და ერთიანობის. თუ საზოგადოება აპათიური და დაყოფილია, მოძალადე ყოველთვის თავხედდება.
ძირითადი მიზეზი, თუ რატომ ვერ შემოვიდა თბილისში 2008-ში რუსეთის არმია, ხალხის უზარმაზარი მასის შეკრება და ქართველი ხალხის თავისუფლების იდეის გარშემო გაერთიანება იყო.
ახლა მუდმივი აქციების მიზანი არა მხოლოდ ევროპისკენ სიარულია, არამედ ზოგადად საქართველოს ყოფნა-არყოფნა, თუმცა ორივე მიზანი მჭიდროდ არის გადახლართული.
P.S. ასევე მადლობა ყველას, ვინც გუშინ მარშზე ჩემი თავისუფლების მოთხოვნის პლაკატებითა და დროშებით მივიდა.”

წერს, საქართველოს ექსპრეზიდენტი, მიხეილ სააკაშვილი.