Category: სლაიდერი

„ჩვენ გავაგრძელებთ ჩვენი მეგობრების დახმარებას უსაფრთხოების უზრუნველსაყოფად, სოციალურ-ეკონომიკური სფეროსა და სხვა სფეროების განვითარებაში, სახელმწიფოს გაძლიერებაში, როგორც ეს გათვალისწინებულია ორმხრივი შეთანხმებებით. ჩვენთვის წინსვლის ერთადერთი გზა არის წინ – 2008 წლის გადაწყვეტილებები გადახედვას არ ექვემდებარება.[…] ჩვენ მჭიდროდ ვმუშაობთ ჩვენს აფხაზ მეგობრებთან ერთად ამიერკავკასიაზე კონსულტაციების ფარგლებში, რომელიც ბოლო დრომდე ტარდებოდა ჟენევაში. ახლა ჩვენ ვნახავთ, სად არის უფრო მოსახერხებელი ამ სახის შეხვედრის ორგანიზება“,“,

აცხადებს რუსეთის საგარეო საქმეთა მინისტრი სერგეი ლავროვი ე.წ. სამხრეთ ოსეთის რესპუბლიკის ე.წ. საგარეო საქმეთა მინისტრთან, ახსარ ჯიოევთან შეხვედრისას.

“საერთაშორისო გამჭვირვალობა – საქართველოსა” და მისი აღმასრულებელი დირექტორის ეკა გიგაურის წინააღმდეგ მიღებული გადაწყვეტილება  სპეციალური სტატუსის მინიჭების შესახებ  გაუქმებულია. ამის შესახებ ოფიციალური შეტყობინება არასამთავრობო ორგანიზაციამ ანტიკორუფციული ბიუროსგან უკვე მიიღო.

“ანტიკორუფციულმა ბიურომ 4 ოქტომბერს ოფიციალურად გვაცნობა, რომ მისმა უფროსმა, რაჟდენ კუპრაშვილმა გააუქმა საერთაშორისო გამჭვირვალობა – საქართველოსა და მისი აღმსარულებელი დირექტორის ეკა გიგაურის წინააღმდეგ მიღებული გადაწყვეტილება სპეციალური სტატუსის მინიჭების შესახებ. შესაბამისად, ორგანიზაციას და მის დირექტორს მოხსნილი აქვთ სტატუსი, რაც ხელს უშლიდა არჩევნების დაკვირვებას.

ამ გადაწყვეტილებით გაუქმდა ყველა ის ვალდებულება, რომელიც სპეციალური სტატუსიდან გამომდინარე უკანონოდ დაგვეკისრა”, – წერია განცხადებაში.

ანტიკორუფციულის გადაწყვეტილების შედეგად, რომელიც სტატუსის მინიჭების გაუქმებას ითვალისწინებს, საერთაშორისო გამჭვირვალობა – საქართველო საპარლამენტო არჩევნების დაკვირვებას კვლავ გააგრძელებს.

“უკანონო გადაწყვეტილების უკან წაღების შემდეგ, ვაგრძელებთ 26 ოქტომბრის საპარლამენტო არჩევნების დაკვირვებას საერთაშორისო გამჭვირვალობა-საქართველოს სახელით”, – ნათქვამია განცხადებაში.

“რაც შემიძლია გითხრათ, მიმდინარე წლის ივნისში, რამდენიმე თვის წინ, ჩვენ გვქონდა დისკუსია ჩვენს წევრ ქვეყნებთან როგორი მიდგომა გვქონდეს საქართველოს ხელისუფლებასთან, რომელსაც მიგვაჩნია, რომ ევროკავშირის მიმართ არამეგობრული დამოკიდებულება აქვს, როგორ გავუმკლავდეთ ანტიევროპულ და ანტიდასავლურ ნარატივს და პროპაგანდას, კონსპირაციების თეორიებს, და ჩვენ, გადავწყვიტეთ, რომ არ გვქონდეს არანაირი მაღალი დონის შეხვედრები საქართველოს მოქმედ ხელისუფლებასთან და ამიტომ ბოლო თვეების განმავლობაში ასეთი შეხვედრები არ ყოფილა არც საქართველოში ჩვენი წარმომადგენლობის მათთან, და არც ქართული ოცნების ლიდერების ბრიუსელში”,

აცხადებს ამის შესახებ, საქართველოში ევროკავშირის ელჩი, პაველ ჰერჩინსკი

“ძვირფასო სალომე, მოხარული ვარ, რომ პარიზში გიმასპინძლე. საფრანგეთი მიესალმება ქართველი ხალხის ევროპულ და დემოკრატიულ მისწრაფებებს და პირობას დებს, რომ 26 ოქტომბრის არჩევნებს შეუძლია, საქართველოს ევროპული გზის აღდგენის საშუალება მისცეს”,

აცხადებს, საფრანგეთის პრეზიდენტი ემანუელ მაკრონი პრეზიდენტ სალომე ზურაბიშვილთან შეხვედრის შემდეგ.

26 ოქტომბრის არჩევნებისთვის უწყება შექმნის პოლიციის ტერიტორიულ ჯგუფებს, რომლებიც “პასუხისმგებელნი იქნებიან სამართალდარღვევების გამოვლენასა და პრევენციაზე”. განცხადებას შინაგან საქმეთა სამინისტრო ავრცელებს.

“შინაგან საქმეთა მინისტრმა, ვახტანგ გომელაურმა საქართველოს პარლამენტის 2024 წლის 26 ოქტომბრის არჩევნების თავისუფალ, უსაფრთხო და მშვიდ გარემოში ჩატარების უზრუნველსაყოფად, შესაბამისი ბრძანება გამოსცა.

ბრძანების თანახმად, პოლიციის დეპარტამენტების სამოქმედო ტერიტორიებზე, შეიქმნება ტერიტორიული ჯგუფები, რომლებიც პასუხისმგებელნი იქნებიან სამართალდარღვევების გამოვლენასა და პრევენციაზე.

არჩევნების უსაფრთხო და თავისუფალ გარემოში ჩატარების ხელშეწყობის მიზნით, შესაბამის ჯგუფებს დაევალათ სამოქმედო ტერიტორიაზე უზრუნველყონ სათანადო ზომების მიღება, საჭიროებისამებრ, “პოლიციის შესახებ“ საქართველოს კანონის შესაბამისად, პრევენციული საპოლიციო ღონისძიებების განხორციელება.

ბრძანება პოლიციელებს ავალდებულებს სამსახურებრივი მოვალეობის შესრულებისას დაიცვას პოლიტიკური ნეიტრალობის პრინციპი. დაუშვებელია, სამართალდამცველის ქმედება პირდაპირ ან არაპირდაპირ იყოს მიმართული რომელიმე პოლიტიკური პარტიის საწინააღმდეგოდ ან მხარდასაჭერად” – წერია შსს-ს განცხადებაში.

გუშინ, ტელეკომპანია  “ფორმულამ” გაავრცელა ინფორმაცია, რომ ოლიგარქ ბიძინა ივანიშვილის, საზღვარგარეთ მცხოვრები შვილებს ფინანსურ ანგარიშებზე წვდომა შეეზღუდათ. ამასთანავე, აშშ-ის საელჩომ განაცხადა, რომ ივანიშვილისა და მისი ოჯახისთვის შტატებს სანქციები არ დაუწესებია. ტელეკომპანიამ განმარტა,რომ  ეს არ არის სახაზინო დეპარტამენტის სანქციები და საუბარია წინასასანქციო რეჟიმზე, როდესაც კომერციული ბანკები თავად იღებენ გადაწყვეტილებას ამა თუ იმ პირისთვის საბანკო ანგარიშებზე წვდომის შეზღუდვასთან დაკავშირებით.  ეროვნული ბანკის ყოფილი პრეზიდენტი და დეპუტატი,  რომან გოცირიძე განმარტავს, რას გულისხმობს ე.წ. პრესანქციური – წინასასანქციო რეჟიმი.

“ამერიკის შეერთებული შტატების მთავრობამ ფაქტობრივად ის [ბიძინა ივანიშვილი] დააყენა სანქციების კანდიდატად, ეს უკვე არის სიგნალი კომერციული ბანკებისთვის. ბანკები ამას არ უყურებენ, ამ მომენტისთვის ის არის თუ არა სანქცირებულთა სიაში, ვინაიდან შეიძლება ის იყოს პირი, რომელთან ურთიერთობაც შეიძლება ძვირად დაუჯდეს ბანკებს. ამიტომ, ბანკები, ასეთ შემთხვევაში, პრევენციულ ზომებს იღებენ, რაც ნიშნავს, რომ უზღუდავენ მსხვილ ტრანზაქციებს – ვერ იყიდიან ქონებას, დიდ გადარიცხვებს ვერ გააკეთებენ.

არ უზღუდავენ პირადი საჭიროებისთვის ხარჯებს, მაგალითად, რუსი ოლიგარქებიც კი, რომლებიც ლონდონში ცხოვრობენ, მათ თვეში 50 ათასი ფუნტის დახარჯვის უფლება აქვთ საწვავზე, საჭმელზე, სასმელზე და ერთ-ერთი ჩიოდა, ეს არ მყოფნის, რომ დამლაგებელს ფული გადავუხადოო, ვლაპარაკობ მილიარდერზე, რომელსაც დაყადაღებული აქვს მთელი ქონება და აქტივები. ანუ – არსებობს ნაწილობრივი სანქციის რეჟიმი, პრესანქციური”, – ამბობს რომან გოცირიძე.

“ძნელი სათქმელია ისინი იძლევიან განკარგულებებს, თუ მმართველი პარტია საკუთარი ინიციატივით ცდილობს რუსების სიამოვნებას, მაგრამ ამას ნამდვილად არ აქვს მნიშვნელობა. ეს ისაა, რასაც გარედან ვერ გაიგებ. მთავარი ეს პარალელი, ეს მსგავსებაა, რომელიც ბევრს მეტყველებს იმაზე, თუ რა მიმართულებით მიდის მმართველი პარტია და რომელიც დარწმუნებული ვარ, არჩევნებზე დაძლეული იქნება, რადგან ეს ის არაა, რაც ქართველ ხალხს, რომელსაც ორი ოკუპირებული ტერიტორია აქვს, შეიძლება თავისი მომავლისთვის უნდოდეს.”

განაცხადა ამის შესახებ, საქართველოს პრეზიდენტმა, სალომე ზურაბიშვილმა, The Kyiv Independent-ის ჟურნალისტს, რომელმაც ჰკითხა : “შეგიძლიათ თუ არა თქვათ, რომ ახლა თბილისში მოსკოვი გასცემს განკარგულებებს”.