Category: სლაიდერი

უკრაინის პრემიერმინისტრი დენის შმიგალის განცხადებით, დიდმა ბრიტანეთმა, გაყინული რუსული აქტივებიდან თითქმის 1 მილიარდი დოლარის ღირებულების პირველი ტრანში უკრაინას გადაურიცხა, რომელიც უკრაინის თავდაცვის გაძლიერებას მოხმარდება.

“თანხები მოხმარდება უკრაინის თავდაცვის შესაძლებლობების გაძლიერებას. ჩვენ ველით, რომ რუსეთის ფედერაციას ყველა სუვერენული აქტივი ჩამოერთმევა და გადაიცემა ჩვენი ქვეყნის სასარგებლოდ მომავალში,” – განაცხადა დენის შმიგალმა.

ეს არის პირველი ნაწილი £2.26 მილიარდი ფუნტის ოდენობის სესხიდან, რომელიც დიდმა ბრიტანეთმა უკრაინას გამოუყო გაყინული რუსული აქტივებიდან მიღებული შემოსავლების საფუძველზე.

“ელჩების დასწრებას სასამართლოზე აქვს მხოლოდ ერთი დანიშნულება – ზეწოლა ქართულ მართლმსაჯულებაზე და მოსამართლეების დაშინება. ეს არის ჩვენება, რომ იქ სხედან, აკვირდებიან რევიზორები და თუკი ისინი არ მოიქცევიან ისე, როგორც მათ სურთ და რა სურთ საჯაროდაც ამბობენ, ამას მოჰყვება სასჯელი”

თქვა ივანიშვილის წარმომადგენელმა შალვა პაპუაშვილმა.

ვაშინგტონში მომუშავე ჟურნალისტის, ალექს რაუფოღლუს ინფორმაციით, მომავალი კვირის დასაწყისში, MEGOBARI ACT-ის სენატში დარეგისტრირებულ ვერსიას, საგარეო კომიტეტი განიხილავს.

“როგორც წყარო მეუბნება კონგრესიდან, MEGOBARI აქტის სენატში დარეგისტრირებულ ვერსიას საგარეო ურთიერთობის კომიტეტი მომდევნო კვირის დასაწყისში განიხილავს.ამასობაში, MEGBARI აქტის წარმომადგენელთა პალატაში დარეგისტრირებულ ვერსიას, რომელიც ჯო უილსონმა და კონგრესმენმა სტივ კოენმა წარადგინეს, მხარდამჭერები ყოველ დღე ემატებიან. მას ახლა 18 თანასპონსორი ჰყავს”. – წერს რაუფოღულო სოციალურ ქსელში.

“მზად ვართ ევროპული თავდაცვისთვის 800 მილიარდის მობილიზებისთვის ” – ამის შესახებ, ნათქვამია ევროპული კომისიის მიერ გავრცელებულ განცხადებაში.

“ევროპისთვის გადამწყვეტი მომენტი აქ არის და ჩვენ მზად ვართ  ევროპული თავდაცვისთვის 800 მილიარდის მობილიზებისთვის: მიეცით უფლება ევროკავშირის ქვეყნებს გაზარდონ თავდაცვის ხარჯები საბიუჯეტო წესების ფარგლებში.

ევროკავშირი გთავაზობთ 150 მილიარდ ევროს კრედიტს თავდაცვის ინვესტიციებისთვის;

თანმიმდევრული ფონდების გამოყენება თავდაცვისთვის;

კერძო ინვესტიციების გაძლიერება.

ამ წინადადებებს ევროკავშირის ლიდერებს წარვუდგენთ დღევანდელ ევროსაბჭოს სხდომაზე.

ევროპა მზად არის აიღოს თავისი პასუხისმგებლობა”, – წერია ევროკომისიის მიერ გამოქვეყნებულ განცხადებაში.

მე მინდა სიმართლე დადგინდეს, ეს ქვეყანა ერთხელ და სამუდამოდ სამართლიან ქვეყნად ვაქციოთ.

რამდენ წელს მომისჯიან, მნიშვნელობა არ აქვს. ბედნიერი ვარ, რომ ჩემი სამშობლოსთვის, ჩემი სამშობლოს სიყვარულისთვის ვისჯები. რამდენი წელიც არ უნდა მომისაჯოთ, ჩემი სიცოცხლეც რომ დასჭირდეს ჩემ ქვეყანას, მე მზად ვარ, გავიღო და ამისთვის არაერთხელ ვყოფილვარ მზად და დღესაც მზად ვარ.

სანამ ჩვენი ქვეყანა ღირსეულად, სამართლიან ქვეყნად არ იქცევა, მანამდე ვიბრძოლებ კანონიერად, სამართლიანად.

თქვა დაკავებულმა ვეფხია კასრაძემ სასამართლო პროცესზე, რომელსაც საპროტესტო აქციების დროს ჯგუფური ძალადობის ორგანიზებას ედავებიან.

გუშინ, 5 მარტს, ორთაჭალაში, კალანდაძის ქუჩის კუთხეში მომხდარი ავტოსაგზაო შემთხვევის შედეგად დაშავებული ერთ-ერთი პირი დღეს საავადმყოფოში გარდაიცვალა. ინფორმაციას,  “ნიუ ჰოსპიტალში” დაუდასტურეს.

დაშავებულ ქალს გუშინ ოპერაციაც ჩაუტარდა.

ცნობისთვის, კალანდაძის ასახვევთან  ტრაქტორი დაგორდა და სამ მანქანას შეეჯახა. დაშავდა ორი ადამიანი.

“ბევრი დრო დავკარგეთ, როგორც ევროპამ, მაგრამ დღეს, ყველაფერი ნამდვილად შეიცვალა. ვსაუბრობ ევროკომისიის წინადადებაზე [თავდაცვაზე 800 მილიარდი ევროს მობილიზების შესახებ] და ყველა ჩემი თანამოსაუბრის ერთგულებაზე. მათ ეს დაადასტურეს პარიზსა და ლონდონში შეხვედრების დროს.

ყველა მზად არის ეს გამოწვევა მიიღოს. ეჭვი არ არსებობს, რომ ომი უკრაინაში, ევროპისადმი ამერიკული ადმინისტრაციის ახალი მიდგომა და, ყველაფერზე მეტად, რუსეთის მიერ დაწყებული შეიარაღების რბოლა, სრულიად ახალ გამოწვევებს წარმოადგენს ჩვენთვის. ევროპა უნდა ჩაერთოს ამ შეიარაღების რბოლაში და მოიგოს ის.

დარწმუნებული ვარ, რომ რუსეთი წააგებს არ რბოლას, როგორც საბჭოთა კავშირმა წააგო მსგავსი რბოლა 40 წლის წინ. და ეს უფრო დიდი მასშტაბის კონფლიქტის თავიდან არიდების ერთადერთი მეთოდია…

ევროპა დღეს მზად არის უსაფრთხოებაზე სტარტისთვის, მზად არის უფრო სწრაფად, ჭკვიანურად და ეფექტურად შეიარაღდეს, ვიდრე რუსეთი…

დღეს არ გვაქვს ზედმეტად ოპტიმისტურად ყოფნის საბაბები. მაგრამ დარწმუნებული ვარ, რომ ეს გარდამტეხი მომენტია, როდესაც ევროპამ გაიაზრა, თუ რა პასუხისმგებლობა აკისრია მას”

განაცხადა პოლონეთის პრემიერმა დონალდ ტუსკმა ბრიუსელში ევროპული საბჭოს სამიტამდე ჟურნალისტებთან საუბრისას. 

“ბათუმში მიმდინარეობს მზია ამაღლობელის ადმინისტრაციული პროცესი. აი სტიკერი რომ გააკრა ღობეზე და პირველად რომ დაიჭირეს, ეგ საქმე.
მოსამართლე არის მზიას ნათესავი. ” –  წერს ამის შესახებ, ინტერნეტგამოცემა „პუბლიკის“ დირექტორი, ჟურნალისტი ზურა ვარდიაშვილი.

”ბათუმში მიმდინარეობს მზია ამაღლობელის ადმინისტრაციული პროცესი. აი სტიკერი რომ გააკრა ღობეზე და პირველად რომ დაიჭირეს, ეგ საქმე.
მოსამართლე არის მზიას ნათესავი.
მზიას დეიდაშვილის სიძეა – მისი სიმამრი არის მზიას დეიდაშვილი.
შესაძლოა ერთი სისხლი და ხორცი არაა მთლად, მაგრამ საქართველოსთვის ამგვარი ნათესაობაც ნათესაობაა მოგეხსენებათ.
მოსამართლე არ იცილებს საქმეს. მაგის ძმას ვიცნობ, თვითონ მზიას არაო. შსს-ც ამბობს, ვენდობითო”- წერს ვარდიაშვილი.